Author: ممتاز حیدر

پہلگام فالس فلیگ،کشمیری عوام خود کو بھارت سے علیحدہ مانتے ہیں

مقبوضہ کشمیر کے مسلمان بھارتی ظلم و ستم سے تنگ ہیں، بھارتی ہندو مرد اور دو کشمیری خواتین کی گفتگو منظر عام پر آ گئی،بھارتی مرد نے بزرگ خواتین سے پوچھا کہ: "جو دہشت گردی کا حملہ ہوا ہے کشمیر میں اس کا آپ کو کچھ پتہ ہے؟ کشمیری خواتین نے جواب دیا،ہمیں کچھ پتہ نہیں ہے، ہندو مرد کا کہنا تھا کہ ہم بھارت دیش واسی ہیں، ہم ایک ہیں،کشمیر ایک ہے،کشمیری خاتون کا کہنا تھا کہ کشمیر کے لوگ کشمیر کے ہیں اور بھارت کے لوگ بھارت کے، ہندومرد نے کہا کہ کشمیر بھارت میں ہے، اور کشمیر بھارت کا ہے،کشمیری خاتون نے جواب دیا کہ نہیں، کشمیر کشمیر کا ہے، بھارت الگ ہے، بھارتی ہندو مرد نے کہا کہ کشمیر بھارت کا ہے اور بھارت ماتا کی جے بولیے، کشمیری خاتون نے کہا کہ ہم بھارت ماتا کی جے نہیں بولتے، ہندو مرد نے پوچھا،کیوں نہیں بولتے؟خواتین نے جواب دیا کہ ہم مسلمان ہیں، ہم یہ نہیں بول سکتے، ہندو مرد نے کہا کہ بھارت میں سکھ ہیں، ہندو ہیں، مسلمان ہیں، سب قومیں ہیں، "کشمیر بھارت کا ہے، ہم کشمیریوں کے ساتھ ہیں، بھارت بھی آپ کا ہے،بھارت ماتا کی جے کہیے۔”خواتین نے پھر بھی بھارت ماتا کی جے بولنے سے انکار کر دیا،

ہندو مرد بار بار اکساتا رہا اور کہتا رہا "کشمیر بھارت کا ہے، اور کشمیر بھارت کا ہی رہے گا،تاہم کشمیری خواتین کا کہنا تھا کہ کشمیر الگ ہے ہندوستان الگ ہے،

دفاعی ماہرین کے مطابق بھارتی ہندو اور کشمیری خواتین کی گفتگو سےثابت ہوگیا کہ بھارت نے غاصبانہ قبضے کے ذریعے مقبوضہ جموں وکشمیر پر قبضہ کر رکھا ہے.

اسرائیلی فضائیہ نے دمشق میں صدارتی محل کے قریب فضائی حملہ کیا ہے

اسرائیلی حکام نے تصدیق کی ہے کہ اسرائیلی فضائیہ نے شام کے دارالحکومت دمشق میں صدارتی محل کے قریب ایک ہدف کو نشانہ بنایا۔ یہ فضائی حملہ صدارتی محل سے صرف چند میٹر دور ہوا، جس کے نتیجے میں ایک زوردار دھماکہ ہوا۔یہ حملہ ایک ایسے وقت میں کیا گیا جب گزشتہ 24 گھنٹوں کے دوران شام میں جنگ بندی برقرار تھی۔ اس کے علاوہ، جنوبی شام کے شہر سُوَیْدَا میں سیاسی تبدیلیاں بھی دیکھنے کو ملی ہیں، جہاں دروز رہنماؤں نے حالیہ دنوں میں شامی حکومت کی حمایت کی ہے اور علیحدگی پسند گروپوں کے خلاف جنگ میں حکومت کا ساتھ دینے کا اعلان کیا تھا۔

اس حملے کی جگہ دمشق کے صدارتی محل سے تقریباً 400 میٹر دور واقع ہے۔ اسرائیل کی جانب سے اس کارروائی کی تفصیلات ابھی تک مکمل طور پر سامنے نہیں آئی ہیں، لیکن یہ حملہ شامی حکومت اور اس کے اتحادیوں کے لیے ایک واضح پیغام کے طور پر دیکھا جا رہا ہے۔اس حملے کے بعد شام میں سیاسی اور فوجی حلقوں میں شدید تشویش پائی جا رہی ہے، کیونکہ اس کے اثرات شام کی اندرونی جنگ میں مزید پیچیدگیوں کا سبب بن سکتے ہیں۔

پہلگام فالس فلیگ،بھارتی انتہا پسند ہندوؤں نے مسلمانوں کو 2 دن میں دکانیں خالی کرنے کا الٹی میٹم دے دیا

مودی کے بھارت میں مسلمانوں کے خلاف نفرت اپنی آخری حدوں کو چھونے لگی،پہلگام فالس فلیگ کی ہزیمت کو چھپانے کیلئے ہندوؤں نے مسلمانوں کو نشانے پر رکھ لیا، مسلمانوں کے گھروں پر حملوں کے بعد ان کی معیشت پر بھی حملے شروع کردیئے، بھارتی پولیس کی نگرانی میں انتہا پسند ہندوؤں نے ریلی نکالی،انتہا پسند ہندوؤں کی جانب سے ریلی میں جے شری رام کے نعرے لگائے گئے،ہندووں نے مسلمانوں کو دو دن میں دکانیں بند کرنے کا الٹی میٹم دیا اور اعلان کیا کہ اگر کسی کی دکان پر مسلمان ورکر ہے تو اسے بھی دو دن میں نکال دیا جائے، آئندہ کسی مسلمان کو دکان پر کام نہ دیا جائے،

ہندووں کی بات نہ ماننے پر تضحیک آمیزنتائج کی دھمکیاں دی گئیں، ریلی میں انتہا پسند ہندوؤں نے اعلان کیا کہ مسلمان کو کام دینے والے دکاندار کی دکان بند کردی جائے،ہریانہ ہم سے 100 کلومیٹر دور ہے، اس کے 22 اضلاع ہیں اور صرف ایک ضلع مسلمانوں کا ہے،مسلمانوں کے ضلع میں ہندوؤں پر حملے ہوتے ہیں،اگر ہمارے لوگوں نے ہتھیار اٹھا لئے تو پھر کوئی نہیں بچے گا،ہم ان ملاؤں کو ٹکڑوں میں تقسیم کردیں گے،

سیای تجزیہ کاروں کا کہنا ہے کہ مودی سرکار کی سرپرستی میں ہندوتوا کا اب کھلے عام پرچار ہو رہا ہے، ہندوتوا کے پرچار سے بھارت کے نام نہاد سیکولر ازم کا پردہ مکمل طور پر چاک ہو چکا ہے، اب اس میں کوئی شک نہیں رہا کہ انتہا پسند مودی اور اس کی جماعت بی جے پی کا اصل نشانہ مسلمان ہیں،

سفیر پاکستان رضوان سعید شیخ نے امریکی ٹی وی چینل اے بی سی نیوز کی معروف اینکر پرسن کئیرا فلپس کو انٹرویودیا جس میں پہلگام واقعے کے بعد پیدا ہونے والی کشیدہ صورتحال پر سفیر پاکستان نے دوٹوک موقف دنیا کے سامنے رکھا

سفیر پاکستان رضوان سعید شیخ کا کہنا تھا کہ پاکستان نے ہمیشہ ذمہ داری اور صبر و تحمل کا مظاہرہ کیا ہے۔ہم امن کے خواہاں ہیں تاہم اس کو ہماری کمزوری نہ سمجھا جائے،اگر پاکستان کے خلاف کسی قسم کی مہم جوئی ہوئی تو ہم بھرپور قوت سے اس کا جواب دیں گے ،ہم خطے میں کشیدگی نہیں چاہتے لیکن اگر دو جوہری طاقتوں آمنے سامنے آئیں تو حالات کیا شکل اختیار کرتے ہیں اس کے بارے میں کچھ نہیں کہا جا سکتا،ہماری معاشی ترقی امن کی متقاضی ہے لیکن ہم باوقار امن پر یقین رکھتے ہیں ،پہلگام واقعے کے حوالے سے بھارت کی جانب سے تا حال کسی قسم کا کوئی بھی ثبوت پاکستان یا دنیا کے سامنے نہیں رکھا گیا،بھارت اپنی جابرانہ پالیسیوں، انتخابی مجبوریوں یا انتظامی کوتاہیوں کا بوجھ پاکستان پر نہیں ڈال سکتا ،اگر سات لاکھ فوج کی موجودگی بھی مقبوضہ کشمیر میں امن کو یقیی نہیں بنا سکتی تو یہ بھارت کے لیے لمحہ فکریہ ہے ،پاکستان دہشت گردی سے سب سے زیادہ متاثرہ ملک ہے ،گذشتہ سال پاکستان میں دہشت گردی کے تقریبا ایک ہزار واقعات پیش آئے، پاکستان نے دہشت گردی کی عالمی جنگ میں صف اول کا کردار ادا کیا ہے ،پاکستان نے دہشت گردی کے خلاف جنگ میں ہزاروں جانوں اور اربوں ڈالر کا مالی نقصان اٹھایا

جاسوسی کے الزام میں جیسلمیر کا رہائشی گرفتار، پاکستان کی آئی ایس آئی سے روابط کا انکشاف
پہلگام ڈرامے کے بعد بھارت میں مسلمانوں کے خلاف مودی سرکار کاروائیاں کر رہی ہے ابھی تازہ کاروائی میں پٹھان خان کو بھارت نے پاکستان کے لئے جاسوسی کے الزام میں گرفتار کر لیا ہے

راجستھان انٹیلیجنس نے ایک اہم کارروائی کرتے ہوئے جیسلمیر کے رہائشی پٹھان خان کو گرفتار کر لیا ہے۔ حکام کے مطابق پٹھان خان پر پاکستان کی انٹر سروسز انٹیلیجنس (آئی ایس آئی) کے لیے جاسوسی کرنے کا الزام ہے۔ اس سلسلے میں اس کے خلاف آفیشل سیکریٹس ایکٹ 1923 کے تحت مقدمہ درج کر لیا گیا ہے۔سرکاری اعلامیے کے مطابق، پٹھان خان سال 2013 میں پاکستان گیا تھا جہاں اس کے روابط آئی ایس آئی کے افسران سے قائم ہوئے۔ بتایا گیا ہے کہ وہاں اسے پیسوں کا لالچ دے کر جاسوسی کے لیے تیار کیا گیا اور باقاعدہ تربیت بھی فراہم کی گئی۔ اس کے بعد بھی وہ پاکستان آتا جاتا رہا اور جیسلمیر انٹرنیشنل بارڈر سے متعلق حساس معلومات پاکستانی ایجنسی کو فراہم کرتا رہا۔

دوسری جانب پہلگام حملے کے بعد بھارت اور پاکستان کے درمیان کشیدگی میں اضافہ ہو گیا ہے۔ راجستھان کے ان سرحدی دیہاتوں میں جو بین الاقوامی سرحد کے قریب واقع ہیں، عوام ممکنہ حالات کے لیے تیار ہیں ،مقامی لوگوں کے مطابق، دیہاتوں میں شہریوں اور سیکیورٹی فورسز دونوں کے لیے بنکرز تعمیر کیے جا چکے ہیں تاکہ کسی بھی فوجی تصادم کی صورت میں فوری پناہ حاصل کی جا سکے۔ بھارتی فوج کی موجودگی علاقے میں مستقل چوکسی کی علامت بنی ہوئی ہے۔

پہہلگام میں 22 اپریل کو ہونے والے حملے میں 26 افراد جاں بحق ہوئے، پاکستان نے بھی سرحدوں پر اپنی عسکری سرگرمیوں میں اضافہ کر دیا ہے۔ بھارتی میڈیا نے دعویٰ کیا ہے کہ اطلاعات کے مطابق پاکستانی فوج نے اگلے مورچوں پر فضائی دفاعی نظام اور توپخانے تعینات کر دیے ہیں۔پاکستان ایئرفورس اس وقت تین بڑے مشقیں بیک وقت جاری رکھے ہوئے ہے: فضائے بدر، للکارِ مومن اور ضربِ حیدری۔ ان مشقوں میں ایف-16، جے-10 اور جے ایف-17 سمیت تمام اہم لڑاکا طیارے شامل ہیں۔