Author: ممتاز حیدر

من وامان کی فضاء برقرار رکھنے کیلئے لاہو رپولیس کی جرائم پیشہ افراد کے خلاف بھرپورکارروائیاں جاری ہیں۔

تفصیلات کے مطابق نواب ٹاؤن چوکی ایل بلاک پولیس نے سوشل میڈیا پر اسلحہ کی نمائش وہوائی فائرنگمیں ملوث ملزم کوگرفتار کر لیا۔گرفتار ملزم محمد مزمل کی میر داد چوک کے قریب شناخت کی گئی۔ملزم کے قبضہ سے 223 بور رائفل و گولیاں برآمدکی گئیں۔ اسی طرح لوہاری گیٹ پولیس نے واردات کی منصوبہ بندی ناکام بنا دی۔گندے نالے کے قریب چھپے دو رکنی ریکارڈ یافتہ موٹر سائیکل چور گروہ کو گرفتارکر لیا۔ گرفتار ملزمان میں ثاقب اور ساتھی ذیشان شامل ہیں۔ ملزمان کے قبضہ سے دو موٹر سائیکلیں،غیر قانونی اسلحہ اور ماسٹر چابیاں برآمدکی گئیں۔ ملزمان سٹریٹ کرائم کی وارداتوں میں پولیس کو مطلوب تھے۔

مصطفی آباد پولیس نے دوران پٹرولنگ 02 منشیات فروش گرفتار کر لیئے۔ منشیات فروش خالد اور احتشام کو سپلائی دیتے ہوئے رنگے ہاتھوں کو گرفتار کیا گیا۔ ملزمان کے قبضہ سے 300 گرام آئس، پستول اور گولیاں برآمدہوئیں۔ ملزمان نے تعلیمی اداروں،ہوسٹلز، کالجز کے اطراف میں منشیات بیچنے کا اعتراف کیا۔ چوکی نیاز بیگ پولیس نے کارروائی کرتے ہوئے سنوکر پر جواء کھیلتے ہوئے 7 قمار باز گرفتار کر لئے۔ ملزمان میں عدنان، محبوب، سمران، عمران، الماس، حسیب اور عمران شامل ہیں۔ ملزمان کے قبضہ سے ہزاروں روپے ٹکڑی رقم برآمد کی گئی۔ ملزمان نعیم سنوکر کلب سرشاد ٹاؤن گلی نمبر 3 میں سنوکر پر چیک جواء کھیل رہے تھے۔

پاکستان مرکزی مسلم لیگ کے صدر خالد مسعود سندھو نے پوپ فرانسس کے انتقال پر افسوس کا اظہار کرتے ہوئے کہا ہے کہ پوپ فرانسس صرف مسیحی دنیا کے پیشوا نہیں بلکہ وہ عالمی سطح پر امن، رواداری اور بین المذاہب ہم آہنگی کے نمائندہ رہنما تھے۔

خالد مسعود سندھو کا کہنا تھا کہ مرکزی مسلم لیگ دنیا بھر کی مسیحی برادری کے اس دکھ میں برابر کی شریک ہے اور ہم ان کے ساتھ دلی ہمدردی کا اظہار کرتے ہیں۔ پوپ فرانسس دنیا بھر کے مظلوموں اور بالخصوص غزہ کے لیے ہمدردی کے جذبات رکھتے تھے، ان کی انسانیت کے لیے خدمات یاد رکھی جائیں گی

پاکستان کے سابق نگران وزیر اعظم انوار الحق کاکڑ نے لاہور پریس کلب کے پروگرام ” میٹ دی پریس”میں شرکت کی اور صحافیوں سے تبادلہ خیال کیا۔

اس موقع پر صدر لاہور پریس کلب ارشدا نصاری ، سینئر نائب صدر افضال طالب، سیکرٹری زاہد عابد، فنانس سیکرٹری سالک نواز، ممبران گورننگ باڈی سید بدر سعید، رانا شہزاد احمد، شاہدہ بٹ، محبوب احمد چوہدری سمیت سینئر صحافیوں کی بڑی تعداد شریک ہوئی۔صدر ارشد انصاری اور سیکرٹری زاہد عابد نے لاہور پریس کلب آمد پر معزز مہمان کا شکریہ ادا کیا۔

صحافیوں سے گفتگو کرتے ہوئے سابق نگران وزیر اعظم انوار الحق کاکڑ نے کہا کہ بلوچستان کا معاملہ سیاسی ، معاشی۔ترقی یا پسماندگی کا نہیں ہے بلکہ چند علیحدگی پسند نا سمجھ قوتوں کا مسئلہ ہے، کوئی اس بھول میں نہ رہے کہ پاکستان یا بلوچستان کا جغرافیہ تبدیل کر لے گا، نام نہاد انسانی حقوق کے علمبردار دہشت گردوں کے ہاتھوں مرنے والے پاکستانیوں کیلئے بھی دھرنے دیں، ورنہ ہم سمجھیں گے کہ یہ لوگ صرف دہشت گردوں اور علیحدگی پسندوں کے ترجمان ہیں، انہوں نے کہا کہ دنیا کے بڑے بڑے ممالک مختلف اوقات میں ایسے حالات سے گزرتے رہے ہیں لیکن آخر کار ان حالات پر قابو پاکر ترقی کی ہے، پاکستان بھی ان حالات سے نکل جائے گا، انہوں نے کہا کہ دہشت گردی اور علیحدگی پسندوں کے پیچھے صرف اور صرف بھارت ہے اور اس میں کوئی شک نہیں کہ راءمیں باقاعدہ ڈیسک ایسے امور کیلئے کام کرتے ہیں ، انوار الحق کاکڑ نے کہا کہ ہم تمام لوگوں کو پاکستان کے بیانئے کو آگے بڑھانا ہے کیونکہ دہشت گردی میں پاکستانی مرتے ہیں، ہم دانستہ یا غیر دانستہ طور پر دہشت گردوں کے غلط بیانئے کو آگے نہ بڑھائیں،

سابق نگران وزیر اعظم انوار الحق کاکڑ نے کہا کہ بلوچستان میں بھی دیگر علاقوں کی طرح ترقی ہوئی ہے اور پسماندگی کا نعرہ صرف دہشت گرداپنے بیانئے کو مضبوط کرنے کیلئے استعمال کرتے ہیں، انہوں نے کہا کہ سیاستدانوں سمیت ہر طبقہ کو بلوچستان کے مسئلے پر اپنا کردار ادا کرنا چاہیئے، انہوں نے کہا کہ جو لوگ بات چیت یا مذاکرات کیلئے تیار ہیں ان سے بالکل بات چیت اور مذاکرات ہونے چاہئیں لیکن جو طاقت یا گولی کی زبان استعمال کر رہے ہیں ان سے ہم کیا بات کریں، دہشت گردوں اور علحیدگی پسند ٹولے کے پاس کوئی سیاسی ایجنڈا نہیں ہے وہ صرف انتشار پھیلانا چاہتے ہیں جس پر ان کو جلد ہی ناکامی ہوگی۔

صدر لاہور پریس کلب ارشد انصاری نے کہا کہ بلوچستان پاکستان ہے اور میڈیا سمیت ہر طبقہ کو ایسے لوگوں کی حوصلہ شکنی کرنی چاہیئے جو بلوچستان اور پاکستان کو نقصان پہنچا رہے ہیں، صدر ارشد انصاری نے سابق نگران وزیر اعظم انوار الحق کاکڑ کو پریس کلب کی اعزازی ممبرشپ دینے کا بھی اعلان کیا۔ تقریب کے اختتام پر صدر ارشد انصاری نے معزز مہمان کو کلب کی جانب سے یادگاری شیلڈ اور پھول پیش کئے۔

پاکستان مرکزی مسلم لیگ کے نائب صدر حافظ طلحہ سعید نے کہا ہے کہ مفاد پرست سیاستدان جب تک حکمران رہیں گے ملک میں سیاسی و معاشی استحکام نہیں آ سکے گا،آئی ایم ایف کے قرضے،بیرونی دباؤ یہ غلامانہ رویہ ترک کر کے خود مختارپاکستان کےلئے ملکی مفاد میں واضح پالیسیاں بنائی جائیں، صلاحیت بڑھاؤ، اپنا کماؤ پروگرام سے نوجوانوں‌کی صلاحیتوں میں اضافہ،مایوسیوں کاخاتمہ ہو گا.

ان خیالات کا اظہار انہوں نے سابق صوبائی وزیر سردار آصف نکئی سے مرکزی مسلم لیگ کے مرکزی سیکرٹریٹ میں ملاقات کے دوران بات چیت کرتے ہوئے کیا،سردار آصف نکئی اور حافظ طلحہ سعید کی ملاقات کے دوران باہمی دلچسپی کے امور پر تبادلہ خیال کیا گیا،اس موقع پر حافظ طلحہ سعید کا کہنا تھا کہ پاکستان مرکزی مسلم لیگ اپنے منشور خدمت کی سیاست کے تحت کام کر رہی ہے، قومی مسائل پر سب کو متحد کریں گے، دہشت گردی کا خاتمہ ہو گا تو معیشت میں بھی استحکام آئے گا، صلاحیت بڑھاؤ اپنا کماؤ پروگرام پاکستانی نوجوانوں کو ہنر مند بنائے گا،یکم مئی سے ہم چاہتے ہیں پاکستان کے نوجوان بیرون ملک جانے کی بجائے پاکستان میں رہتے ہوئے ملکی معیشت کی بہتری میں کردار ادا کریں

اس موقع سردار آصف نکئی نے پاکستان مرکزی مسلم لیگ کےصلاحیت بڑھاؤ، اپنا کماؤ پروگرام کو سراہتے ہوئے کہا کہ پاکستان مرکزی مسلم لیگ نے ایک مثبت قدم اٹھایا ہے جو معاشرتی و معاشی ترقی کی جانب ایک مضبوط پیش رفت ہے۔پاکستان میں بےروزگاری کے خاتمے ،نوجوانوں کو بااختیار بنانے کے لیے ایسے اقدامات ناگزیر ہو چکے ،مرکزی مسلم لیگ کی اتحاد و یکجہتی کی کوششوں کو بھی سراہتے ہیں.

لاہور میں صوبائی اسمبلی کے سابق امیدوار کی گاڑی پر فائرنگ سے 6 افراد زخمی ہوگئے۔

پولیس کے پولیس لاہور میں سندس کے علاقے میں حاجی نوازکی گاڑی پر نامعلوم افراد نے فائرنگ کی جس کے نتیجے میں سابق امیدوارصوبائی اسمبلی حاجی نوازسمیت 6 افراد زخمی ہوئے،پولیس کاکہنا ہےکہ زخمیوں میں حاجی نواز، ان کی اہلیہ، بیٹا، بھائی اور 2 گن مین شامل ہیں،

سندر میں کار سواروں پر فائرنگ، 6 افراد کے زخمی ہونے کا معاملہ،ڈی آئی جی آپریشنز کا نوٹس، واقعہ کا مقدمہ درج، ملزمان گرفتار کر لئے گئے،ترجمان ڈی آئی جی آپریشنز کے مطابق گزشتہ شب فائرنگ کی زد میں آکر 1 خاتون سمیت 6 افراد زخمی ہوئےآپریشنز پولیس نے فوری ردعمل دیتے ہوئے ملزمان کو گرفتار کر لیا، واقعہ کا مقدمہ 1383/25 درج، ملوث 4 ملزمان کو گرفتار کر لیا گیا، گرفتار ملزمان میں مرتضی، طاہر عباس ،علی مرتضی اور محمد رستم حیات شامل ہیںزخمیوں میں حاجی نواز، ندیم نواز کلثوم بی بی ملک ناصر، ادریس اور شاہد شامل ہیں،تمام زخمیوں کو فوری طبی امداد کیلئے جناح ہسپتال منتقل کیا گیاڈی آئی جی آپریشنز کی ہدایت پر ایس پی صدر ڈاکٹر غیور احمد خاں نےہسپتال کا بھی دورہ کیا،زخمیوں کی عیادت کی، واقعہ کے حوالے سے معلومات حاصل کیں.