Author: ممتاز حیدر

پاکستان مرکزی مسلم لیگ کے زیر اہتمام آج جمعہ کو فلسطینی مسلمانوں کے ساتھ یکجہتی اورغزہ میں اسرائیلی مظالم کے خلاف ملک گیر یوم احتجاج منایا جائے گا،خطبات جمعہ میں علماء کرام غزہ کےمظلوموں کے ساتھ یکجہتی کے عنوان پر پڑھائیں گے،بعد نمازجمعہ کئی شہروں میں احتجاجی مظاہرے کئے جائیں گے، سحر و افطار پروگراموں میں بھی فلسطینی مسلمانوں کے ساتھ اظہار یکجہتی کی جائے گی

پاکستان مرکزی مسلم لیگ کے صدر خالد مسعود سندھو نے ملک بھر کے علماءکرام سے اپیل کی ہے کہ وہ آج جمعہ کو خطبات جمعہ کے دوران اسرائیلی مظالم کو بیان کرتے ہوئے فلسطینی عوام کے ساتھ اظہار یکجہتی کریں،اسرائیل نے امریکی شہہ پر جنگ بندی توڑی، ماہ رمضان میں بھی فلسطینی جان کی قربانیاں دے رہے ہیں، مرکزی مسلم لیگ فلسطینیوں کی مدد و حمایت جاری رکھے گی.

لاہور ہائیکورٹ میں ٹوئٹر کی بندش کے خلاف درخواستوں کی سماعت ہوئی

پی ٹی اے کی جانب سے تحریری جواب لاہو رہائیکورٹ میں جمع کرا دیا گیا، چیف جسٹس لاہور ہائیکورٹ نے کہا کہ ٹوئٹر کی بندش کس طریقہ کار سے کی گئی؟جواب جمع کرانے کےلیے وفاقی حکومت کو آخری موقع دے رہے ہیں.جواب جمع نہ کرایا گیا تو کابینہ کے سربراہ کو طلب کریں گے، وکیل وفاقی حکومت نے کہا کہ وزارت داخلہ کے پاس کوئی سسٹم نہیں کہ کون کیا استعمال کر رہا ہے، وزارتِ داخلہ کے پاس ٹوئٹر بند کرنے کانظام ہے ،عدالت نے کہا کہ ٹوئٹرکون استعمال کر رہا ہے کیا وزارت داخلہ کے پاس یہ سسٹم نہیں ہے؟ وکیل وفاقی حکومت نے کہا کہ پی ٹی اے نے کمیٹی بنا دی ہے،

چیف جسٹس لاہور ہائیکورٹ عالیہ نیلم نے کہا کہ یہ کمیٹی عدالت کو بتی کے پیچھے لگانے کے لیے ہے،وکیل وفاقی حکومت نے کہا کہ ٹوئٹر کے حوالے سے انتظامیہ کو لکھا گیا ہے،عدالت نے کہا کہ کیا ٹوئٹرکا حکومت کے ساتھ کوئی معاہدہ ہے؟ وکیل وفاقی حکومت نے کہا کہ حکومت کا ٹوئٹر انتظامیہ کے ساتھ کوئی معاہدہ نہیں ہے ، عدالت نے کہا کہ اگر معاہدہ نہیں ہے تو ٹوئٹرانتظامیہ آپکو کیوں جواب دے گی؟یہ بینچ اس لیے نہیں بیٹھا کہ جواب جمع کرا کے آئی واش کرا دیا،

جسٹس علی ضیا باجوہ نےچیئرمین پی ٹی اے سے سوال کیا کہ کیا پی ٹی اے کا ٹوئٹر اکاؤنٹ چل رہا ہے؟ جس پر چیئرمین پی ٹی اے نے عدالت میں کہا کہ جی ہمارا ٹوئٹر اکاؤنٹ چل رہا ہے، جسٹس علی ضیا باجوہ نے کہا کہ آپ خود ہی پابندی لگا کر خود استعمال بھی کر رہے ہیں،چیئرمین پی ٹی اے نے کہا کہ پاکستان میں یوزرز وی پی این استعمال کر رہے ہیں، چیف جسٹس لاہور ہائیکورٹ نے استفسار کیا کہ کیا آپ خود وی پی این استعمال کر رہے ہیں؟چیئرمین پی ٹی اے نے کہا کہ میں ذاتی طور پر وی پی این استعمال نہیں کر رہا،پی ٹی اے بھی وی پی این استعمال کر رہا ہے،چیف جسٹس لاہور ہائیکورٹ عالیہ نیلم نے کہا کہ وی پی این کا استعمال تو غیر قانونی ہے، چیئرمین پی ٹی اے نے کہا کہ معافی چاہتا ہوں ابھی بتایا گیا کہ ہم وی پی این استعمال نہیں کر رہے، چیف جسٹس لاہور ہائیکورٹ عالیہ نیلم نے کہا کہ آپ یہاں کیا لینے آئے ہیں؟ آپکو خود پتہ نہیں اور اتنا بڑا بیان دے دیا ،

جسٹس فاروق حیدر نےچیئرمین پی ٹی اے سےسوال کیا کہ کیا وی پی این کو بلاک کیا جا سکتا ہے؟چیئرمین پی ٹی اے نے کہا کہ وی پی این کو فوری بند نہیں کیا جا سکتالیکن کچھ عرصے میں بند کر سکتے ہیں، چیف جسٹس لاہورہائیکورٹ عالیہ نیلم نے کہا کہ ایک سال ہو گیا آپ نے کچھ نہیں کیا ،آپ ابھی بھی ایک ماہ کا کہہ رہے ہیں ،جسٹس فاروق حیدر نے کہا کہ اگر ٹوئٹر کو بند کرنا تھا تو وی پی این کیسے چل رہا ہے؟چیئرمین پی ٹی اے نے کہا کہ وی پی این سافٹ وئیر، بینک سمیت فری لانسنگ میں استعمال ہوتا ہے،جسٹس علی ضیا باجوہ نے کہا کہ پی ٹی اے نے ٹوئٹربلاک کیا اور وہ ہی خود چلارہاہے، وکیل وفاقی حکومت نے کہا کہ وی پی این کا استعمال کسی حد تک قانونی بھی ہے،چیف جسٹس نے کہا کہ آپ اتنی بڑی سیٹ پر بیٹھے ہے اورآپ کے پاس ڈیٹا ہی نہیں ، جسٹس علی ضیا باجوہ نے کہا کہ خود کہا کہ اگر عدالت حکم کرےتو فوراً ٹوئٹر کھول دیں گے،چیئرمین پی ٹی اے نے کہا کہ عدالت حکم کرے تو ہم فوری ٹوئٹر کھول دیں گے،جسٹس علی ضیا باجوہ نے کہا کہ پی ٹی اے سے غلط کام ہو گیا ہے اب سہارا ڈھونڈ رہے ہیں،رولز کے تحت کسی حد تک کنٹینٹ بلاک کیا جا سکتا ہے،کسی بھی پلیٹ فارم کو بند نہیں کیا جا سکتا، چیف جسٹس عالیہ نیلم نے کہا کہ حکومت نے اپنی ذمہ داری پوری کیوں نہیں کی؟چیئرمین پی ٹی اے کو طلب کرنے پر مایوسی ہوئی انکو نہیں پتہ،ہمارے پاس ضائع کرنے کے لیے وقت نہیں ہے،بینچ کا وقت ضائع کرنے پر کیوں نہ توہین عدالت کی کارروائی کی جائے،لاہور ہائیکورٹ نے کیس کی سماعت 8 اپریل تک ملتوی کر دی.

مرکزی مسلم لیگ کے رہنماؤں نے کہا ہے کہ دہشتگردوں کو شکست دینے کے لئے قومی اتحاد ناگزیر ہے. بلوچستان و خیبر پختونخوا میں قیام امن کے لئے تمام قوتوں کا اتفاق ضروری ہے. خدمت کا رمضان مہم کے تحت ملک گیر سحر و افطار پروگرام آخری عشرے میں بھی جاری رہیں گے.

ان خیالات کا اظہار مرکزی مسلم لیگ کے سیکرٹری جنرل سیف اللہ قصوری ،نائب صدر حافظ طلحہ سعید، ڈپٹی سیکرٹری جنرل حافظ خالد نیک نے سحرو افطار پروگراموں اور کارکنان سے ملاقات کے دوران بات چیت کرتے ہوئے کیا،سیف اللہ قصوری کا کہنا تھا کہ حکمران ، اپوزیشن سمیت تمام محب وطن جماعتوں سے گزارش کرتے ہیں کہ آئیں متحد ہوکر پاکستان کے استحکام کے لیے سیاست کریں،پاکستان دشمنوں کی سازشوں کو مل کر ناکام بنائیں ،کلمے کے نام پرقائم ہونے والے پاکستان کو دہشت گردوں سے پاک کرنا ہو گا.

حافظ طلحہ سعید کا کہنا تھا کہ رمضان المبارک خود احتسابی اور خدا خوفی پیدا کرنے کا بہترین موقع ہے۔ رمضان میں قرآن سے مضبوط تعلق جوڑنا ضروری ہے،ہمیں اللہ سے اپنے گناہوں کی معافی مانگنی چاہیے، کیونکہ یہ مہینہ مغفرت اور رحمت کا مہینہ ہے۔خدمت کا رمضان مہم کے تحت ملک گیر سحر و افطار پروگرام آخری عشرے میں بھی جاری رہیں گے، اس مہم کے تحت ہزاروں سحر دسترخوان اور افطار پروگرام ہو رہے ہیں تاکہ زیادہ سے زیادہ افراد مستفید ہو سکیں۔

حافظ خالد نیک کا کہنا تھا کہ ایٹمی صلاحیت کا حامل پاکستان اللہ تعالیٰ کی بہت بڑی نعمت ہے،دشمن بم دھماکوں ،دہشت گردی سے وطن عزیز کو عدم استحکام سے دوچار کرنا چاہتے ہیں،عید کے بعد تمام محب وطن جماعتوں کو جمع کریں گے اور پاکستان کو عدم استحکام سے دو چار کرنے کی سازشوں کو ملکر ناکام بنائیں گے.

سابق وزیراعظم اور مسلم لیگ ن کے صدر نوازشریف دل کے عارضے میں مبتلا ہوگئے ہیں، جس کے باعث ان کا متوقع دورہ سعودی عرب ملتوی کردیا گیا ہے۔ خاندانی ذرائع کے مطابق، نوازشریف کی صحت میں خرابی کی وجہ سے وہ سعودی عرب کا سفر نہیں کرپائے، جس کا اہتمام وہ ہر سال رمضان کے آخری عشرہ میں کرتے تھے۔

نوازشریف کے ذاتی معالج ڈاکٹر عدنان نے ان کا علاج روزانہ کی بنیاد پر جاری رکھا ہوا ہے اور ان کی صحت کا مسلسل جائزہ لیا جارہا ہے۔ ذرائع کا کہنا ہے کہ نوازشریف کو ڈاکٹرز کی جانب سے پیس میکر لگانے کی تجویز دی گئی ہے تاکہ ان کے دل کی حالت کو بہتر بنایا جا سکے۔نوازشریف کے ذاتی معالجین نے انہیں ہوائی سفر سے بھی گریز کرنے کی ہدایت دی ہے تاکہ ان کی حالت مزید بگڑ نہ سکے۔ ڈاکٹر عدنان اور دیگر ماہرین مسلسل نوازشریف کی صحت کی نگرانی کر رہے ہیں اور ان کی صحت میں بہتری کی کوششیں جاری ہیں۔

واضح رہے کہ نوازشریف ہر سال رمضان کے آخری عشرہ میں سعودی عرب کا سفر کرتے تھے، جہاں وہ عمرہ ادا کرتے تھے۔ اس بار ان کی صحت کی وجہ سے یہ سفر ملتوی کردیا گیا ہے، اور ان کے چاہنے والے ان کی جلد صحت یابی کے لیے دعاگو ہیں۔اس بار وزیراعظم شہباز شریف اور وزیراعلیٰ پنجاب مریم نواز عمرہ کے لئے سعودی عرب پہنچ چکے ہیں،تاہم نواز شریف نہیں گئے.