Author: ممتاز حیدر

حکومت نے مختلف اہم محکموں میں وفاقی وزرا، وزرائے مملکت اور مشیروں کی تقرریاں کی ہیں، جن کا مقصد انتظامیہ کے امور کو مزید مستحکم اور موثر بنانا ہے۔ ان تقرریوں کا اعلان آج کیا گیا ہے جس میں وفاقی وزرا اور مشیروں کی ذمہ داریوں میں نئی تقسیم کی گئی ہے۔

وفاقی وزرا کی تقرریاں:
ڈاکٹر طارق فضل چودھری کو وفاقی وزیر برائے پارلیمانی امور مقرر کردیا گیا۔
علی پرویز ملک کو وفاقی وزیر برائے پٹرولیم مقرر کیا گیا۔
اورنگزیب خان کھچی کو وفاقی وزیر برائے قومی ورثہ مقرر کیا گیا۔
خالد حسین مگسی کو وفاقی وزیر برائے سائنس اینڈ ٹیکنالوجی مقرر کیا گیا۔
حنیف عباسی کو وفاقی وزیر برائے ریلوے مقرر کیا گیا۔
محمد جنید انور کو وفاقی وزیر برائے میری ٹائم افئیرز مقرر کیا گیا۔
محمد معین وٹو کو وفاقی وزیر برائے واٹر ریسورس تعینات کیا گیا۔
رضا حیات ہراج کو وفاقی وزیر برائے دفاعی پیداوار مقرر کیا گیا۔
سردار محمد یوسف کو وفاقی وزیر برائے مذہبی امور مقرر کیا گیا۔
شزہ فاطمہ خواجہ کو وفاقی وزیر برائے انفارمیشن ٹیکنالوجی اینڈ ٹیلی کمیونیکیشن مقرر کیا گیا۔
رانا مبشر اقبال کو وفاقی وزیر برائے پبلک افئیرز یونٹ مقرر کیا گیا۔
سید مصطفی کمال کو وفاقی وزیر برائے قومی ہیلتھ سروس مقرر کیا گیا۔

وزرائے مملکت کی تقرریاں:
ملک رشید احمد خان کو وزیر مملکت برائے نیشنل فوڈ سیکورٹی مقرر کیا گیا۔
عبدالرحمن کانجو کو وزیر مملکت برائے پاور مقرر کیا گیا اور وزیر مملکت برائے پبلک افئیرز یونٹ کا اضافی قلمدان سونپ دیا گیا۔
عقیل ملک کو وزیر مملکت برائے قانون مقرر کیا گیا۔
بلال اظہر کیانی کو وزیر مملکت برائے ریلوے مقرر کیا گیا۔
کھیل داس کو وزیر مملکت برائے مذہبی امور مقرر کیا گیا۔
محمد عون ثقلین کو وزیر مملکت برائے اوورسیز پاکستانیز اینڈ ہیومن ریسورس مقرر کیا گیا۔
مختار احمد ملک کو وزیر مملکت برائے نیشنل ہیلتھ سروسز مقرر کیا گیا۔
طلال چودھری کو وزیر مملکت برائے داخلہ مقرر کیا گیا۔
وجیہہ قمر کو وزیر مملکت برائے وفاقی ایجوکیشن مقرر کیا گیا۔

وفاقی مشیروں کی تقرریاں:
پرویز خٹک کو مشیر برائے داخلہ امور مقرر کیا گیا۔
ڈاکٹر سید توقیر حسین شاہ کو مشیر برائے وزیراعظم آفس مقرر کیا گیا۔
محمد علی کو مشیر برائے پرائیویٹیشن مقرر کیا گیا۔
مبارک زیب خان کو وزیراعظم کے معاون خصوصی برائے قبائلی امور مقرر کیا گیا۔
ہارون اختر کو وزیراعظم کا معاون خصوصی برائے انڈسٹریز اینڈ پروڈکشن مقرر کیا گیا۔
حذیفہ رحمان کو وزیراعظم کا معاون خصوصی برائے قومی ورثہ اینڈ کلچر مقرر کیا گیا۔
طلحہ برکی کو وزیراعظم کا معاون خصوصی برائے سیاسی امور مقرر کیا گیا۔

یہ تقرریاں حکومت کی انتظامی صلاحیت کو مزید بہتر بنانے اور مختلف شعبوں میں ترقی کے لیے اہم اقدامات کے طور پر دیکھی جا رہی ہیں۔ نئے وزرا اور مشیروں کی تعیناتی سے قومی سطح پر مختلف محکموں میں تیز رفتار کام کے آغاز کی توقع کی جا رہی ہے۔

استحکام پاکستان پارٹی (آئی پی پی) کے رہنما عبدالعلیم خان نے تین وفاقی وزارتوں میں سے دو وزارتوں سے دستبرداری کا فیصلہ کیا ہے۔ ذرائع کے مطابق علیم خان نے نجکاری، سرمایہ کاری اور مواصلات میں سے ایک وزارت اپنے پاس رکھنے کا فیصلہ کیا ہے۔عبدالعلیم خان وزارت نجکاری اور سرمایہ کاری بورڈ سے دستبردار ہو جائیں گے جبکہ وزارت مواصلات ان کے پاس برقرار رہے گی۔ یہ فیصلہ انہوں نے اپنے کام کو بہتر طور پر انجام دینے اور ایک ہی وزارت پر مکمل توجہ مرکوز کرنے کے لیے کیا ہے۔

ذرائع کا کہنا ہے کہ عبدالعلیم خان نے وزیر اعظم کو اس فیصلے کے بارے میں اعتماد میں لے لیا ہے، اور اس سلسلے میں وزیر اعظم سے مشاورت بھی کی ہے۔ علیم خان کا ماننا ہے کہ ایک ہی وزارت پر زیادہ توجہ دینے سے وہ بہتر نتائج حاصل کر سکیں گے اور ملک کی ترقی میں مزید اہم کردار ادا کر سکیں گے۔

یہ فیصلہ ایک ایسے وقت میں کیا گیا ہے جب وفاقی حکومت کے متعدد وزیروں کے پاس مختلف وزارتیں ہیں اور ان میں سے کئی وزیروں کو ایک ہی وزارت پر کام کرنے کی تجویز دی جا رہی ہے تاکہ وہ اپنے کام میں زیادہ موثر ثابت ہوں۔عبدالعلیم خان کا یہ اقدام اس بات کی غمازی کرتا ہے کہ وہ حکومتی معاملات میں اہمیت دیتے ہوئے اپنے کام کو ترجیح دے رہے ہیں۔

سپریم کورٹ نے 9 مئی کے ملزمان کی ضمانت منسوخی کے لیے دائر حکومتی اپیلیں سماعت کے لیے مقرر کر دیں۔

چیف جسٹس پاکستان جسٹس یحییٰ آفریدی کی سربراہی میں 3 رکنی بینچ 10مارچ سے اپیلوں پر سماعت کرے گا۔جسٹس مسرت ہلالی اور جسٹس میاں گل حسن بینچ کا حصہ ہوں گے۔9 مئی کے ملزمان کی ضمانت منسوخی کی 16 اپیلوں پر سماعت 11 مارچ کو ہو گی۔سپریم کورٹ کا 3 رکنی بینچ 12 مارچ کو 9 مئی کے ملزمان کی ضمانت منسوخی کی 8 اپیلوں پر سماعت کرے گا۔پنجاب حکومت نے 9 مئی کے ملزمان کی ضمانتیں منسوخ کرنے کے لیے رجوع کر رکھا ہے۔

نومئی کے ملزمان کی عدالتوں نے ضمانتیں دی ہیں جس پر پنجاب حکومت نے ان کی ضمانتیں منسوخ کرنے کے لئے سپریم کورٹ میں اپیل کر رکھی ہے.

امریکی جیل میں قید ڈاکٹر عافیہ صدیقی کی صحتیابی اور وطن واپسی کی درخواست پر سماعت کے دوران اسلام آباد ہائیکورٹ میں داعش کمانڈر کی امریکا کو حوالگی کا تذکرہ بھی سامنے آیا ہے.

جسٹس سردار اعجاز اسحاق خان نے ایڈیشنل اٹارنی جنرل سے مکالمہ کیا کہ آپ کہتے ہیں امریکا کے ساتھ قیدیوں کے تبادلے سے متعلق کوئی معاہدہ نہیں، آپ نے بغیر کسی معاہدے کے بندہ پکڑ کر امریکا کے حوالے کردیا۔ ڈاکٹر شکیل آفریدی کو امریکا حوالگی سے متعلق آپ کو ان کیمرا آگاہ کرنے کا موقع بھی دیا گیا، 2 ڈیکلریشن آئے، حکومت کو جواب کا کہا مگر حکومت کی جانب سے غیر تسلی بخش جواب دیا گیا۔ اب حکومت عافیہ صدیقی کی درخواست کو نمٹانے کا کہہ رہی ہے، ایڈیشنل اٹارنی جنرل، آپ یہ کہہ رہے ہیں کہ ہم اس کیس سے چھٹکارا حاصل کرنا چاہتے ہیں، وزیراعظم نےخط لکھنا تھا لکھ دیا، ان کو ویزا چاہیے تھا دے دیا،آپ نے جو کرنا تھا کردیا، ایسا رویہ اپنانے سے پوری دنیا کو پتا لگ جائے گا حکومت پاکستان نے کیا کیا،آپ نے کیا تیر مارے، اٹارنی جنرل آفس کو کہا تھا کہ حکومت کو تجاویز دیں اور عدالت کو بھی آگاہ کریں، آپ کہہ رہے ہیں کیس ختم کریں۔

آج ڈاکٹر فوزیہ صدیقی اور امریکی وکیل ویڈیو لنک کے ذریعے عدالت میں پیش ہوئے تھے،عدالت نے متفرق درخواست پر نوٹس جاری کرتے ہوئے سماعت آئندہ جمعہ تک ملتوی کردی۔

وزیراعظم پاکستان، شہباز شریف نے سول سرونٹس کی پروموشن کے حوالے سے اہم تبدیلیاں کی ہیں جس کے بعد اسٹیبلشمنٹ ڈویژن نے نیا ایس آر او (سٹیٹ آرڈر) جاری کر دیا ہے۔

تفصیلات کے مطابق اس نئے ایس آر او میں خاص طور پر گریڈ 22 میں افسران کی پروموشن کے لیے نئے اصول متعارف کرائے گئے ہیں۔ اب کسی بھی افسر کا کیس صرف دو مرتبہ ہی پروموشن کے لیے زیر غور آسکتا ہے۔ اس کے بعد اگر افسر کی پروموشن نہ ہو سکے تو اس کا کیس دوبارہ پروموشن کے لیے زیر غور نہیں لایا جائے گا۔نوٹیفکیشن کے مطابق، اگر کسی افسر کو دو مرتبہ پروموشن نہ مل سکے تو وہ اپنے پچھلے گریڈ میں ہی ریٹائر تصور کیا جائے گا۔ یہ تبدیلیاں اسٹیبلشمنٹ ڈویژن کے نوٹیفکیشن میں واضح کی گئی ہیں اور ان کا اطلاق فوراً ہو گا۔یہ نوٹیفکیشن گزٹ آف پاکستان میں بھی جاری کیا گیا ہے جس کے تحت سول سرونٹس کی پروموشن کے عمل میں اہم تبدیلیاں کی گئی ہیں۔

اس تبدیلی سے سول سروس کے افسران کی کارکردگی اور پروموشن کے عمل کو مزید شفاف اور موثر بنانے کی کوشش کی جا رہی ہے۔ یہ اقدام ان افسران کے لیے ایک نیا موقع فراہم کرے گا جو اپنے کام میں بہترین کارکردگی دکھا کر ترقی کی راہ پر گامزن ہو سکیں گے۔

وزیراعظم شہباز شریف کے اس فیصلے سے سول سروس کے نظام میں بہتری اور افسران کی ترقی کے حوالے سے مزید واضحیت آئے گی۔