Baaghi TV

Author: News Editor

  • یوکرین میں امریکہ کا اسپیشل نیوی سیل روسی بمباری سے ہلاک، امریکی بحریہ کی تصدیق

    یوکرین میں امریکہ کا اسپیشل نیوی سیل روسی بمباری سے ہلاک، امریکی بحریہ کی تصدیق

    واشنگٹن:امریکی بحریہ نے یوکرین میں اپنے ایک سابق اسپیشل نیوی سیل کی ہلاکت کی خبروں کی تائید کر دی ہے جس کا نام ڈانیل ڈبلیو سوئیفٹ بتایا جا رہا ہے۔

    رواں برس ہی روسی افواج کو یوکرینی علاقوں سے نکالنا بہت مشکل ہے،امریکا

    رپورٹ کے مطابق امریکی بحریہ نے اعلان کیا ہے کہ ڈانیل ڈبلیو سوئیفٹ نامی اس کا سابق اسپیشل کمانڈو بدھ کے دن یوکرین میں مارا گیا ہے۔ سی این این کی رپورٹ کے مطابق امریکی بحریہ نے کہا ہے کہ اس فوجی نے 11 مارچ 2019ء کو فوج کو خیرباد کہہ دیا تھا اور ہم اس نیوی سیل کے یوکرین میں موجودگی کے بارے میں کچھ کہہ نہیں سکتے۔

    امریکہ کایوکرین کےلیے2.5 بلین ڈالرمالیت کےہتھیاروں کےنئےپیکج کا اعلان

    امریکی وزارت خارجہ نے بھی یوکرین میں جاری جنگ کے دوران اپنے ایک شہری کی ہلاکت کی تصدیق کی ہے لیکن اس حوالے سے کسی بھی قسم کی تفصیلات بتانے سے گریز کیا ہے۔ امریکی وزارت خارجہ کے ایک ترجمان نے کہا کہ ہم ہلاک ہونے والے امریکی شہری کے خاندان سے رابطے میں ہیں اور انہیں ہر ممکنہ سفارتی امداد مہیا کریں گے اور اس خاندان کے احترام اور پرائیویسی کا لحاظ کرتے ہوئے اس سے زیادہ کچھ نہیں کہہ سکتے۔

    یوکرین،طیارہ عمارت سے ٹکرا گیا، وزیرداخلہ،وزارت کے دیگرحکام سمیت 16 افراد ہلاک

    رپورٹ کے مطابق یوکرین میں ہلاک شدہ سوئیفٹ نے2005میں ملک کی بحریہ میں شمولیت اخیتار کی اور اسپیشل نیوی سیلز کی اپنی تربیت 2006 میں مکمل کرنے کے بعد اس نے عراق اور افغانستان کی جنگ میں بھی شرکت کی۔

    چیچن صدر نے یوکرین تنازع کو تیسری عالمی جنگ قرار دیا

    یاد رہے کہ روس یوکرین جنگ کے آغازسے ہی مغربی ممالک اور امریکہ نے روس پر پابندیاں لگا کر اس پر دباؤ بڑھانے کی پالیسی جاری رکھی ہوئی ہے اور وہ روس کے مقابلے میں یوکرین کو ہر قسم کے ہتھیار فراہم کرکے اس جنگ کا حصہ بنے ہوئے ہیں۔ مختلف بین الاقوامی رپورٹس کے مطابق روس یوکرین جنگ کےآغاز سے اب تک امریکہ یوکرین کو 26 اعشاریہ 7 بلین ڈالر کی فوجی امداد فراہم کر چکا ہے۔

  • یااللہ رحم:-پاکستان بڑے منجھدار میں پھنس گیا:معاملہ گھمبیر،حالات خراب،سعودی عرب کا جواب

    یااللہ رحم:-پاکستان بڑے منجھدار میں پھنس گیا:معاملہ گھمبیر،حالات خراب،سعودی عرب کا جواب

    لاہور:پاکستان کےمعاشی حالات ابترسے ابترہورہےہیں اورپیارے دوست سعودی عرب کے تیوربھی کچھ اچھے نہیں،پاکستان کے حوالے سے جہاں پاکستان میں رہنے والے پریشان ہیں وہاں پاکستان سے باہررہنے والے پاکستانی اور پاکستان سے محبت کرنے والے بھی فکرمند ہیں،اس حوالےسے حسب روایت پاکستان کے مسائل کو قوم کے سامنے رکھنے اوران کے حل کےلیے سینئرصحافی مبشرلقمان اپنا تجزیہ ، رائے اورفکری مندی کا اظہارکرتے رہتے ہیں،

    آج اسی حوالے سے انکی گفتگو سینئرصحافی کاشف عباسی سے گفتگو کرتے ہوئے ان کا کہنا تھا کہ وہ اس وقت پاکستان سے باہرعوام الناس بہت زیادہ فکر مند ہیں برطانیہ بھی مہنگائی کا شکار ہے اور 40 فیصد تک مہنگائی میں اضافہ ہوگیا ہے ، لوگوں کے حالات بہت خراب ہیں ، کھانے کے لیے کچھ نہیں مل رہا ،پاکستان میں‌ گندم وغیرہ لوگ جمع کرلیتے ہیں ، اکثرکسان ہیں اس لیے پاکستان میں کچھ ایسا محسوس نہیں ہوتا

     

    https://www.youtube.com/watch?v=t3pZvp5UpT4

    کاشف عباسی نے مبشرلقمان کے ساتھ اتفاق کرتے ہوئے کہا کہ اس بات میں‌کوئی شک نہیں کہ پاکستان اس وقت معاشی دلدل میں پھنس چکا ہے اوراب تو آئی ایم ایف جیسے ادارے نے بھی بہت زیادہ کڑی شرائط سنادی ہیں، ان کا کہنا تھا کہ پاکستان میں بڑے عرصے سے معاشی صورت حال خراب ہوتی آرہی ہے ،بہت سخت فیصلے ہوئے اوراب مزید سخت فیصلے کرنے ہوں گے تب جاکرکچھ بہتری کی امید کی جاسکتی ہے ،

    اسی حوالےسے جاری گفتگو میں یہ بات بھی سامنے آئی کہ سعودی عرب بھی اب پاکستان سے دست شفقت ہٹا رہا ہے ، توایسی صورت میں حالات تو مزید مشکل ہوجائیں گے، کاشف عباسی کا کہنا تھا کہ مفتاح اسمٰعیل نے ٹیکس عائد کیا تو وہ مریم نواز نے ٹویٹ کی کہ واپس لے لیا جائے گا، نئے لوگ ٹیکس میں شامل نہیں کیے اورپرانے لوگوں پر ٹیکس بڑھا دیا ،ہمارے پاس ایل سیز کھولنے کےلیے پیسے نہیں ہیں،ملک انتہائی مشکل صورت حال سے دوچار ہے،

    ماہر معیشت ڈاکٹرخاقان نجیب مبشرلقمان کے سوال کو کوئی خاطرخواہ جواب دینے سے احتراز کرتے رہے ،جس میں پاکستان کے پچھلے پانچ سال سے بہتر اور بدتروزیرخزانہ کا نام پوچھا جاتا رہا ، خاقان نجیب کا کہنا تھا اس ملک کا معاشی مسئلہ کوئی ایک بندہ ٹھیک نہیں کرسکتا ہے ،اس کےلیے ٹیم کی ضرورت ہوتی ہے ، ان کا یہ بھی کہنا تھاکہ پاکستان کواپنے معاشی حالات بہتر کرنے کے لیے بہترفیصلے کرنے ہوںگے

    کاشف عباسی نے ایک سوال کا جواب دیتے ہوئے کہا کہ وہ جو الیکشن چاہتے تھے اب الیکشن سے فرار چاہتے ہیں اور جو الیکشن سے فرار چاہتے تھے اب وہ الیکشن چاہتے ہیں، جمہوریت ایک شخص کا نام نہیں اس کےلیے سب کو کردار ادا کرنا ہوگا، ملک کی معاشی صورت حال کے پیش نظرتمام سیاسی جماعتوں اور پارٹیوں کو مل بیٹھ کر ملکی مفاد کےلیے کام کرنے ہوں گے ، اس موقع پر مبشرلقمان کا کہنا تھا کہ ہمارے وزرائے اعظم کے پاس پاور آف ڈیسین ہی نہیں ہاں شاہد خاقان عباسی ان کےخیال میں بہتر وزیراعظم رہے جوکافی حد تک بڑے دلیرانہ فیصلے کرتے رہے لیکن اب ایسا نہیں ہورہا ، جس کی وجہ سے ملک وقوم کو نقصان کاسامنا کرنا پڑرہا ہے

  • جوکچھ امریکن انٹرنیشنل اسکول میں طالبہ کے ساتھ سلوک ہوا اس کی مذمت کرتےہیں:سٹی سکول

    جوکچھ امریکن انٹرنیشنل اسکول میں طالبہ کے ساتھ سلوک ہوا اس کی مذمت کرتےہیں:سٹی سکول

    لاہور:جوکچھ امریکن انٹرنیشنل اسکول میں طالبہ کے ساتھ سلوک ہوا اس کی مذمت کرتےہیں:سٹی سکول کی طرف سے ہونے والے واقعہ کی شدید مذمت کی گئی ہے، اطلاعات ہیں کہ لاہور ڈیفنس کے نجی اسکول میں نشے سے روکنے پر طالبہ کو ساتھی لڑکیوں نے تشدد کا نشانہ بنا ڈالا۔

    اس سلسلے میں لاہور کے ایک بڑے تعلیمی گروپ لاہور سٹی اسکول کی انتظامیہ کی طرف سے امریکن سکول میں ساتھی طالبات کی طرف سے اپنی ساتھی طالبہ پر تشدد کے واقعہ کی شدید مذمت کی گئی ہےاورکہا ہے کہ تعلیمی اداروں میں یہ کلچراچھا نہیں اسے سے تعلیم اور معاشرہ دونوں تباہ ہوکررہ جاتےہیں

    گولیاں چل گئیں،سندھ یونیورسٹی جامشورو کی بس کے ڈرائیور کی ہوئی موت

    ایف آئی آر کے مطابق لاہور میں واقع ایک امریکن اسکول میں پیش آیا جہاں علیحہ عمران نامی لڑکی نے اپنے ساتھی گرلز سٹوڈنٹ ساتھی کو نشہ کرنے سے منع کیا کیا کہ وہ جان کی دشمن بن گئی

    بھائیوں سے پیسے کیوں نہیں منگوائے شوہر نے بیوی کے ساتھ کیا گھناؤنا کام

    واقعے کا مقدمہ طالبہ کے والد عمران کی مدعیت میں درج کر لیا گیا ہے۔ مقدمہ متن کے مطابق بیٹی کی کلاس فیلو جنت آوارہ اور نشے کا شوق رکھتی ہے ملزمہ جنت میری بیٹی کو نشے کا عادی بنانا چاہتی تھی۔

    فرسٹ ائیر کی طالبہ 25 روز بعد پولیس نے کروائی بازیاب

    متن میں کہا گیا ہے کہ جنت نے اپنی بہن کائنات، عمائمہ اور نور رحمان کو ساتھ ملاکرحملہ کیا ملزمان نےبیٹی کی سونےکی چین بھی چرا لی اورتشددبھی کیا۔اس ایف آئی آر میں یہ بھی بھی درج ہےکہ جب علیحہ عمران پرتشدد کیا جارہا تھا تو اس وقت وہاں کچھ لڑکے بھی پہنچ گئے اورانہوں نے تشدد زدہ علیحہ کی ویڈیوز بنائیں اور پھر وائرل کردیں‌

     

    پولیس رپورٹ کے مطابق تشدد کا نشانہ بننے والی طالبہ کے والد گرامی کا کہنا ہے کہ میری بیٹی پر بہت زیادہ تشدد کیا گیا ، اس کے کپڑے پھاڑےگئے ، اس کے ساتھ ہونے والی زیادتی کا منظروہاں ہر کسی نے دیکھا تو بعض نے ویڈیوز اور تصاویر بنا کریہ ہیبتناک منظرمحفوظ بھی کرلیا جو کہ ایک واضح ثبوت ہے ، اس لیے اس واقعہ میں ملوث تمام کرداروں کے خلاف کارروائی کی جائے اوران کو قانون کی گرفت میں لایا جائے

    پولیس نے مقدمہ درج ہونے کے باوجود واقعے میں ملوث کسی لڑکی کو گرفتار نہیں کیا۔

  • نیا پاکستان اورنیا پاکستان اسلامک سرٹیفکیٹ پرمنافع کی شرح میں اضافہ

    نیا پاکستان اورنیا پاکستان اسلامک سرٹیفکیٹ پرمنافع کی شرح میں اضافہ

    اسلام آباد: وفاقی حکومت نے نیا پاکستان سرٹیفکیٹس اور نیا پاکستان اسلامک سرٹیفکیٹس میں 3 ماہ سے 5 سال تک کیلئے سرمایہ کاری پر منافع کی شرح میں ڈیڑھ فیصد تک اضافہ کردیا ہے

    اس حوالے سے باضابطہ طور پر گزٹ نوٹیفکیشن جاری کردیا گیا ہے۔ وزارت خزانہ کے ایکسٹرنل فنانس ونگ کی جانب سے جاری کردہ نوٹیفکیشن میں بتایا گیا ہے کہ نیا پاکستان اور اسلامک سرٹیفکیٹس میں تین ماہ کیلئے ایک ہزار ڈالر کی سرمایہ کاری پرمنافع کی شرح بڑھا کر7 فیصد کردی گئی ہے۔

    جنگوں سے غربت ،افلاس اور بے روزگاری کے سوا کچھ نہیں ملا،بلاول

    نوٹی فکیشن کے مطابق نیا پاکستان اور اسلامک سرٹیفکیٹس میں 6 ماہ کیلئے ایک ہزار ڈالر کی سرمایہ کاری پرمنافع کی شرح بڑھا کر7.20 فیصد ، 12 ماہ کیلئے ایک ہزار ڈالر کی سرمایہ کاری پرمنافع کی شرح بڑھا کر7.50 فیصد ،تین سالکیلئے ایک ہزار ڈالر کی سرمایہ کاری پرمنافع کی شرح بڑھا کر 8فیصد اور5 سال ماہ کیلئے ایک ہزار ڈالر کی سرمایہ کاری پرمنافع کی شرح بڑھا کر 8فیصد کردی گئی ہے۔
    نوٹیفکیشن کے مطابق نیا پاکستان اور اسلامک سرٹیفکیٹس میں پاکستانی کرنسی میں تین ماہ کیلئے دس ہزار روپے کی سرمایہ کاری پرمنافع کی شرح بڑھا کر15فیصد کردی گئی ہے جبکہ نیا پاکستان اور اسلامک سرٹیفکیٹس میں پاکستانی کرنسی میں چھ ماہ کیلئے دس ہزار روپے کی سرمایہ کاری پرمنافع کی شرح بڑھا کر 15.25فیصد ، ایک سالکیلئے دس ہزار روپے کی سرمایہ کاری پرمنافع کی شرح بڑھا کر15.50فیصد، تین سالکیلئے دس ہزار روپے کی سرمایہ کاری پرمنافع کی شرح بڑھا کر14فیصد اورنیا پاکستان اور اسلامک سرٹیفکیٹس میں5 سال کیلئے دس ہزار روپے سرمایہ کاری پرمنافع کی شرح بڑھا کر13.50فیصد کردی گئی ہے۔

    نگراں وزیراعلیٰ کا معاملہ؛ محمود خان اوراپوزیشن لیڈر درانی میں مشاورت کا آج آخری…

    علاوہ ازیں نیا پاکستان اور اسلامک سرٹیفکیٹس میں تین ماہ کیلئے ایک ہزار برطانوی پونڈ کی سرمایہ کاری پرمنافع کی شرح بڑھا کر 5.50فیصد، چھ ماہ کیلئے ایک ہزار برطانوی پونڈ کی سرمایہ کاری پرمنافع کی شرح بڑھا کر6 فیصد ، ایک سال کیلئے ایک ہزار برطانوی کی سرمایہ کاری پرمنافع کی شرح بڑھا کر7 فیصد ،تین سال کیلئے ایک ہزار برطانوی کی سرمایہ کاری پرمنافع کی شرح بڑھا کر7.50 فیصد اور5 سال ماہ کیلئے ایک ہزاربرطانوی پونڈ کی سرمایہ کاری پرمنافع کی شرح بڑھا کر 7.50فیصد کردی گئی ہے۔

    ہم نے آنے کا فیصلہ کیا انہوں نے اجلاس موخر کردیا، شاہ محمود قریشی

    نوٹیفکیشن میں بتایا گیا ہے کہ نیا پاکستان اور اسلامک سرٹیفکیٹس میں تین ماہ کیلئے ایک ہزار یورو کی سرمایہ کاری پرمنافع کی شرح بڑھا کر4 فیصد کردی گئی ہے چھ ماہ کیلئے ایک ہزاریورونڈ کی سرمایہ کاری پرمنافع کی شرح بڑھا کر4.50 فیصد،ایک ہزاریورو کی سرمایہ کاری پرمنافع کی شرح بڑھا کر5 فیصد،تین سال اور پانچ سال کیلئے ایک ہزار یورو کی سرمایہ کاری پرمنافع کی شرح بڑھا کر6.50 فیصد کردی گئی ہے۔

  • کوئی ہنسے یا روئے: کراچی میں ہمارا مینڈیٹ قبول کرنا ہوگا:سراج الحق

    کوئی ہنسے یا روئے: کراچی میں ہمارا مینڈیٹ قبول کرنا ہوگا:سراج الحق

    لاہور:کراچی میں میئر ہمارا ہوگا ، یہ فیصلہ ہم نے کرنا ہے کہ کس کومیئر بنائیں ، کراچی میئر کے حوالےسے بات کرتے ہوئے امیر جماعت اسلامی سراج الحق نے کہا ہے کہ زرداری صاحب روئیں یا ہنسیں، کراچی میں ہمارا مینڈیٹ قبول کرنا ہوگا، مسائل کا حل صرف اور صرف جماعت اسلامی ہے، عوام سیاسی و معاشی دہشت گردوں کے خلاف جماعت اسلامی کا ساتھ دیں۔

    نگراں وزیراعلیٰ کا معاملہ؛ محمود خان اوراپوزیشن لیڈر درانی میں مشاورت کا آج آخری…

    اپنے ایک بیان میں امیر جماعت اسلامی سراج الحق نے کہا کہ آپ ہمارے مینڈیٹ کو تسلیم کریں، اگر پیپلزپارٹی کام کرنا چاہتی ہے تو لاڑکانہ، سکھر، شکارپور، خیرپور اور حیدرآباد کو آباد کریں، چودہ سال سے پیپلزپارٹی کی سندھ میں حکومت ہے، سندھ میں آج بھی غربت ناچ رہی ہے، پیپلزپارٹی کراچی کی ترقی میں رکاوٹ نہ بنے۔

    پاکستان اورروس کے درمیان کسٹم سے متعلق ڈیٹا شیئرنگ سمیت 3 معاہدوں پر دستخط

    انہوں نے کہا کہ زرداری صاحب، ہمارے مینڈیٹ کو خوشی یا رونے سے قبول کرنا ہی پڑے گا، ساری دنیا بھی ساتھ مل جائے آپ کراچی کے مینڈیٹ کو ہضم نہیں کرسکیں گے، ہمارے صبر کا امتحان نہ لیں، اگرآپ نے ہماری بات نہ سنی تو پھر لوگوں کے صبر کا پیمانہ لبریزہو جائے گا، پھروہ ہوگا جس کا آپ تصورنہیں کرسکتے، زرداری اپنے حصے اور ہم اپنے حصے کا کام کریں گے۔

    سراج الحق نے کہا کہ اسحاق ڈارنے ڈالر کو 200 روپے تک لانے کا وعدہ کیا تھا، آج ڈالر 277 تک چلا گیا ہے، ان کو صرف ایک ہی کام بھیک مانگنا آتی ہے، مسائل کا حل صرف اورصرف جماعت اسلامی ہے، اللہ نے موقع دیا تو سودی نظام کو دفنا کر دم لیں گے اور عدل و انصاف کا نظام لائیں گے۔

    ہم نے آنے کا فیصلہ کیا انہوں نے اجلاس موخر کردیا، شاہ محمود قریشی

    امیر جماعت کا مزید کہنا تھا کہ پی ڈی ایم نے قوم کو مہنگائی اور کرپشن کا تحفہ دیا ہے، ملک سیاسی، معاشی اور اخلاقی طور پر ڈیفالٹ ہوگیا ہے، آج ملک میں عوام کا کوئی والی وارث نہیں، آج ایل سیز نہیں کھل رہیں، 6 ہزار کے قریب کینٹینرز کھڑے ہیں، دس کلو آٹے کے لئے لوگ ذلیل ہو رہے ہیں، پاکستان میں اس وقت احتساب کے دروازے بند ہیں، اسرایئل کا وزیراعظم کرپشن کرے تو جیل، پاکستان میں نیب کے پر کاٹ دیے گئے ہیں۔

  • ‏حکومت اور اپوزیشن کے درمیان نگران وزیراعلیٰ خیبرپختونخوا کےنام پراتفاق

    ‏حکومت اور اپوزیشن کے درمیان نگران وزیراعلیٰ خیبرپختونخوا کےنام پراتفاق

    پشاور:نگراں وزیراعلیٰ خیبرپختونخوا کے تقرر کے لئے محمودخان اور اپوزیشن لیڈر کے پی اسمبلی اکرم درانی کے درمیان مذاکرات جاری ہیں۔

    نگراں وزیراعلیٰ کے پی کے نام پر حکومت اور اپوزیشن کے درمیان مشاورت اسپیکر ہاؤس میں جاری ہے جہاں پی ٹی آئی رہنما پرویز خٹک بھی شریک ہیں۔اپوزیشن لیڈر کو اب تک صرف عوامی نیشنل پارٹی (اے این پی) نے سابق آئی جی ظفراللہ خان کا نام تجویز کیا ہے۔

    خیال رہے کہ گزشتہ روز اکرم درانی نے حکومت کی جانب سے رابطہ نہ کرنے پر نگراں وزیراعلیٰ خیبرپختونخوا کے لئے مشاورت ناممکن قرار دی تھی۔

    دوسری جانب ذرائع کے مطابق پی ڈی ایم اتحادی جماعتوں کے ساتھ اپوزیشن لیڈر کے لئے مشاورت کر رہی ہے۔

    ادھر دوسری طرف پنجاب میں نگران وزیراعلیٰ کے تقرر کا معاملہ الیکشن کمیشن میں جانے پر پی ٹی آئی رہنماؤں نے کہا ہے کہ چاروں امیدواروں کے کردار کو سامنے رکھ کر بہتر شخص کا نام سامنے لایا جائے، اگر کسی ایسے شخص کا نام سامنے لایا گیا جو متنازعہ ہو تو عدلیہ سمیت ہر جگہ جائیں گے۔

    پاکستان گرل گائیڈزایسوسی ایشن، نیشنل کلینرپروڈکشن سینٹرکے درمیان مفاہمت کی یادداشت…

    لاہور میں سپیکر پنجاب اسمبلی سبطین خان کے زیر صدارت اجلاس میں حکومت اور اپوزیشن میں نگران وزیراعلیٰ پنجاب کیلئے ایک نام پر اتفاق نہ ہوسکا جس کے بعد نگران وزیراعلیٰ پنجاب کی تقرری کا فیصلہ اب الیکشن کمیشن کرے گا۔

    اجلاس کے بعد پی ٹی آئی پارلیمانی پارٹی کے رکن راجہ بشارت نے میڈیا سے گفتگو میں کہا کہ نگران وزیر اعلیٰ کے لئے پارلیمانی کمیٹی بنائی گئی تھی اس کے اجلاس میں دو دو نام پر بات ہوئی، جو نام ہم نے دیے ان کو اگر کسی بھی پیمانے پر دیکھیں تو اپوزیشن سے بہتر ہیں، دو دنوں سے نامزد لوگوں کی درگت بن رہی ہے، وہ فیصلے کریں جو عوام کو قابل قبول ہوں، آج بھی جو نام ہم نے دیے وہ اپوزیشن کے ناموں سے ہر لحاظ سے بہتر ہیں۔

    جنگوں سے غربت ،افلاس اور بے روزگاری کے سوا کچھ نہیں ملا،بلاول

    راجہ بشارت نے کہا کہ اپوزیشن دو ناموں پر اڑی رہی، ہم نے نصیر احمد کا نام بھی دیا، دو بیوروکریٹس کے نام دیے، فیصلہ یہ ہوا ہے کہ دونوں اطراف کے نام الیکشن کمیشن کے پاس جائیں گے، چاروں امیدواروں کے کردار کو سامنے رکھ کر بہتر شخص کا نام سامنے لایا جائے، ہمارے پاس سارے فورم موجود ہیں، اگر کسی ایسے شخص کو سامنے لایا گیا جو متنازعہ ہو تو عدلیہ سمیت ہر جگہ جائیں گے۔

    امریکی سفیر کی اسلام آباد میں چیئرمین سینیٹ کی رہائش گاہ آمد

    میاں اسلم اقبال نے کہا کہ ہم نے نگران وزیر اعلیٰ پر فیصلہ کرنا تھا نوید چیمہ، احمد نواز سکھیرا اور نصیر احمد خان کے نام سامنے رکھے، جس کا کردار اچھا ہو ایڈمنسٹریشن کا تجربہ ہو اسے آگے لایا جائے، احمد نواز سکھیرا ہمارے اور ان کے دور میں بھی کام کرتے رہے، تجربہ کار لوگوں کو سامنے لایا جائے۔

    نگراں وزیراعلیٰ کا معاملہ؛ محمود خان اوراپوزیشن لیڈر درانی میں مشاورت کا آج آخری…

    ہاشم جواں بخت کا کہنا تھا کہ 3 ماہ کے لئے غیر جانبدار الیکشن کروانے ضروری ہیں، ایسا نگران وزیر اعلیٰ ہو جس کا تجربہ ہو، ہمارے سارے نام غیر جانبدار ہیں، کاش اپوزیشن ہمارے ساتھ بات کرتی، اب الیکشن کمیشن میں فیصلہ چلا گیا ہے۔

  • گوگل کامزید 12,000 ملازمین کو فارغ کرنے کا اعلان

    گوگل کامزید 12,000 ملازمین کو فارغ کرنے کا اعلان

    نیویارک:گوگل کی پیرنٹ کمپنی الفابیٹ نے بھی 12,000 ملازمین کو فارغ کرنےکا اعلان کردیا۔گوگل اورالفابیٹ کے سی ای او سندرپچائی نےجمعہ کو ایک ای میل میں ملازمین کو کمپنی میں ڈاؤن سائزنگ کےفیصلےسےآگاہ کرتےہوئےبتایا کہ کٹوتیوں سےدنیا بھرمیں الفابیٹ کی 6 فیصد افرادی قوت متاثر ہوگی۔

    گورنمنٹ گریجویٹ کالج میں پرنسپل نے غیر قانونی اکیڈمی کھول لی

    سندرپچائی نےکہا کہ گزشتہ 2 برسوں کے دوران ہم نے کمپنی کو آگے بڑھتے بھی دیکھا اور متعدد افراد کو بھرتی بھی کیا مگر اب حالات مختلف ہیں، وہ ان فیصلوں کی مکمل ذمہ داری لیتے ہیں جو موجودہ خراب حالات کا باعث بنے۔

    جائیداد کی ملکیت سے محروم خواتین شکایت درج کرا سکتی ہیں، نبیلہ حاکم

    گوگل کا یہ اقدام مائیکرو سافٹ اور ایمازون کی جانب سے مجموعی طور پر 28 ہزار ملازمین کو نکالنے کے اعلان کے بعد سامنے آیا ہے، گزشتہ دنوں ہی مائیکروسافٹ نے 10,000 اور ایمازون نے 18,000 ملازمین کو نکالنے کا اعلان کیا تھا۔

    پاکستان گرل گائیڈزایسوسی ایشن، نیشنل کلینرپروڈکشن سینٹرکے درمیان مفاہمت کی یادداشت…

    ٹیک سائٹ Layoffs.fyi کے مطابق 2022 کے آغاز سے ابتک ٹیکنالوجی انڈسٹری سے وابستہ ایک لاکھ 94 ہزار ملازمین صرف امریکا میں اپنی ملازمتوں سے ہاتھ دھو چکے ہیں۔

  • سرکاری اخراجات میں کمی کا مشن، 15 رکنی کفایت شعاری کمیٹی قائم

    سرکاری اخراجات میں کمی کا مشن، 15 رکنی کفایت شعاری کمیٹی قائم

    وزیراعظم شہباز شریف نے غیر ضروری سرکاری اخراجات میں کمی لانے کیلئے 15 رکنی کمیٹی قائم کردی، جس کا نوٹیفکیشن بھی جاری کردیا گیا۔

    نوٹیفکیشن کے مطابق ناصر محمود کھوسہ کمیٹی کے سربراہ ہوں گے جبکہ دیگر اراکین میں وزیر مملکت خزانہ، معاونین خصوصی اور مشیران، کابینہ، خزانہ، پاور اور ہاؤسنگ کے سیکریٹریز، چیئرمین سی ڈی اے اور صوبائی چیف سیکریٹریز کے ساتھ ماہرین معاشیات قیصر بنگالی، فرخ سلیم، زبیر خان اور نوید افتخار کو بھی کمیٹی کا رکن مقرر کیا گیا ہے۔

    پنجاب میں الیکشن کی تاریخ کا اعلان کیا جائے،بزدار کا گورنر کو خط

    نوٹیفکیشن میں مزید کہا گیا ہے کہ کمیٹی سربراہ کو سرکاری یا نجی شعبے سے مزید ارکان نامزد کرنے کا اختیار ہوگا، کمیٹی سرکاری اخراجات میں کمی اور مالی ڈسپلن کیلئے تجاویز دے گی۔

    جنگوں سے غربت ،افلاس اور بے روزگاری کے سوا کچھ نہیں ملا،بلاول

    رپورٹ کے مطابق غیر ضروری سرکاری اخراجات میں کمی کیلئے وزارتوں اور ڈویژنز سے بھی تجاویز لی جائیں گی، حکومتی حجم میں بھی کمی لانے کی تجاویز تیار کی جائیں گی۔

    گورنمنٹ گریجویٹ کالج میں پرنسپل نے غیر قانونی اکیڈمی کھول لی

    واضح رہے کہ عمران خان کی اپریل میں حکومت کے خاتمے کے بعد بننے والی اتحادی حکومت کو شدید مالی مشکلات کا سامنا ہے، ملکی زرمبادلہ ذخائر میں غیر معمولی کمی واقع ہوچکی ہے جبکہ مہنگائی نے بھی عوام کو پریشان کر رکھا ہے۔

  • نگران وزیراعلیٰ خیبرپختونخوا کی تقرری،مختلف نام زیر غور

    نگران وزیراعلیٰ خیبرپختونخوا کی تقرری،مختلف نام زیر غور

    پشاور:نگران وزیراعلیٰ خیبرپختونخوا کی تقرری پر مشاورت کے لئے وزیر اعلیٰ محمود خان اور اپوزیشن لیڈر اکرم درانی سپیکر ہاؤس پہنچ گئے ہیں، ملاقات میں دونوں رہنما اپنے اپنے نام پیش کریں گے۔

    پارٹی ذرائع کے مطابق حکومت کی جانب سے دو ریٹائرڈ بیوروکریٹس صاحبزادہ سعید اورجاوید اقبال کے ناموں پرغور کیا جا رہا ہے، پی ٹی ائی نے دو شخصیات پر اتفاق کر لیا ہے، حتمی منظوری سابق وزیراعظم عمران خان دیں گے۔

    پرویز الہی نگران وزیر اعلی کو کیسے نہیں چلنے دیں گے؟ ملک احمد خان

    جاوید اقبال خیبرپختونخوا کے چیف سیکرٹری، صاحبزادہ سعید اہم عہدوں پر کام کر چکے ہی، صاحبزادہ سعید خیبرپختونخوا کی پی ٹی ائی حکومت میں وزیراعلیٰ کے مشیر بھی رہ چکے ہیں، وزیر اعلیٰ محمود خان آج 2 نام اپوزیشن لیڈر اکرم درانی کے ساتھ ملاقات میں پیش کریں گے۔

    پاکستان گرل گائیڈزایسوسی ایشن، نیشنل کلینرپروڈکشن سینٹرکے درمیان مفاہمت کی یادداشت…

    دوسری جانب اپوزیشن نے سابق آئی جی ظفر اللہ خان اور سابق چیف جسٹس دوست محمد کا نام تجویز کیا ہے، ظفراللہ خان کا نام اے این پی جبکہ سابق چیف جسٹس دوست محمد کا نام جے یو آئی نے دیا ہے، وزیراعلی محمود خان اور اکرم درانی نے نگراں وزیراعلیٰ کے لئے دیگر نام بھی اپنے پاس رکھے ہوئے ہیں۔

    پنجاب میں الیکشن کی تاریخ کا اعلان کیا جائے،بزدار کا گورنر کو خط

    ادھر پنجاب میں نگران وزیراعلیٰ کے تقررکا معاملہ الیکشن کمیشن میں جانے پر پی ٹی آئی رہنماؤں نے کہا ہے کہ چاروں امیدواروں کے کردار کو سامنے رکھ کر بہتر شخص کا نام سامنے لایا جائے، اگر کسی ایسے شخص کا نام سامنے لایا گیا جو متنازعہ ہو تو عدلیہ سمیت ہر جگہ جائیں گے۔

    لاہور میں سپیکر پنجاب اسمبلی سبطین خان کے زیر صدارت اجلاس میں حکومت اور اپوزیشن میں نگران وزیراعلیٰ پنجاب کیلئے ایک نام پر اتفاق نہ ہوسکا جس کے بعد نگران وزیراعلیٰ پنجاب کی تقرری کا فیصلہ اب الیکشن کمیشن کرے گا۔

  • پی آئی اے کے سی ای او کیلئے تیسری بار اشتہار شائع کرنیکا فیصلہ

    پی آئی اے کے سی ای او کیلئے تیسری بار اشتہار شائع کرنیکا فیصلہ

    اسلام آباد:پاکستان انٹرنیشنل ایئر لائنز (پی آئی اے) میں 3 سالہ کنٹریکٹ پر چیف ایگزیکٹو افسر کی ایک بار پھر تلاش کا آغاز کردیا گیا۔ قومی ایئرلائن کے بورڈ آف ڈائریکٹرز نےتیسری بار اشتہار جاری کرنے کی منظوری دیدی۔

     

    پاکستان انٹرنیشن ایئر لائنز کے بورڈ آف ڈائریکٹر نے قومی ایئر لائن میں 3 سالہ کنٹریکٹ پر چیف ایگزیکٹو افسر (س ای او) کی تعیناتی کیلئے اشتہار جاری کرنے کی منظور دیدی۔

     

    قومی ایئر لائن ایک سال سے کل وقت سی ای او سے محروم تھی، ممکنہ انتخاب سے قومی ایئرلائن کو ایک سال بعد کل وقتی سی ای او دستیاب ہوگا، موجودہ قائم مقام سی ای او عامر حیات 22 اپریل 2022ء سے اس عہدے پر فائز ہیں، عامر حیات کو سابق سی ای او ایئر مارشل ارشد ملک کی ریٹائرمنٹ پر یہ ذمہ داری دی گئی تھی۔

    واضح رہے کہ عامر حیات سابق سی ای او پاکستان انٹرنیشنل ایئر لائنز ارشد ملک کے ساتھ پاک فضائیہ سے آئے ڈیپوٹیشن افسران ٹیم کا حصہ تھے، وہ ان کی ایئرلائن میں تعیناتی کی مدت میں دوسری بار جون 2023ء تک اضافہ بھی کیا گیا ہے۔

    اس عہدے کیلئے درکار اہلیت اور تجربے کے حامل امیدوار کیلئے اشتہار اتوار کے قومی اخبارات میں شائع ہوگا، سابق سی ای او ارشد ملک کی تعیناتی سے اب تک نئے سی ای او کی تلاش کیلئے تیسری بار اشتہار جاری کیا جارہا ہے۔