کوئٹہ۔07 اکتو بر (اے پی پی)صوبائی وزیر ریونیو بلوچستان میر سلیم خان کھوسہ نے کہا ہے کہ موجودہ صوبائی حکومت صوبے سے پسماندگی کے خاتمے اور عوام کی معیار زندگی کو بلند کرنے کے لیئے ہر ممکن وسائل کو بروئے لا رہی ہے تمام علاقوں کو یکساں طور پر تر قی یافتہ بنانے کے لیئے مختلف ترقیاتی اسکیمات کی منظوری دے دی گئی ہے جن میں رو ڈ سیکٹر،ایجو کیشن،ہیلتھ،آب نوشی،ز راعت اور ایریگیشن سمیت دیگر عوامی مفاد عامہ کی ترقیاتی اسکیمات شامل ہیں حکومت کی بھر پو ر کوشش ہے کہ تر قیا تی عمل سے عوا م کے بنیادی مسائل احسن طریقے سے حل ہو سکیں، ان خیالات کا اظہار انہوں نے میڈیا سے بات چیت کر تے ہوئے کیا،میر سلیم خان کھوسہ نے کہا کہ محکمہ ریو نیو بورڈ میں پائی جانے والی خامیوں کو دور کیا جا رہا ہے اور ریونیو ریکارڈ کو جدید طرز کے مطابق بنانے کے لیئے کوششیں کی جا رہی ہیں زرعی ریو نیو ٹیکس کی وصولی کے لیئے سختی سے احکامات جا ری کر دیئے گئے ہیں ماضی کے مقابلے میں اب کی بار زرعی ٹیکس کی وصولی میں بہتری آئی ہے، انہوں نے کہاکہ وزیر اعلیٰ بلوچستان جام کمال خان کی قیادت میں مو جودہ حکومت عوام کی فلاح و بہبود اور ان سے کئے گئے وعدوں کی تکمیل کے لیئے ہر ممکن وسائل کو خرچ کر رہی ہے ضلع صحبت پور میں بھی تر قیا تی کاموں کا آغازکر دیا گیا ہے شہری اور دیہی علاقوں میں عوام کو سہولیات کی فراہمی کے لیئے مختلف اسکیمات پر کام شروع کر دیا گیا ہے تاکہ ان تر قیا تی کاموں کی تکمیل سے علاقے کی تعمیر و ترقی میں بہتری آنے کے ساتھ عوام زیادہ سے زیادہ مستفید ہو سکیں، انہوں نے کہا کہ موجودہ حکومت صحیح سمت میں جا رہی ہے مگر تنقید کرنے والے عوام کو کچھ نہیں دے سکتے عوام بخوبی آگاہ ہیں کہ وہ حکومت کے ساتھ ہیں اور کسی کے سازش کا شکا ر نہیں ہوں گے بلکہ حکو متی پالیسیوں کے ساتھ مل کر اپنا مثبت کردار ادا کریں گے۔
Author: Regional News
سینٹرل جیل ملتان میں کتنی خواتین بچوں کے ساتھ موجود ہیں اہم خبر آگئی
ملتان۔(اے پی پی) وومن سنٹرل جیل ملتان کی سپرٹنڈنٹ سیدہ عنبر نقوی نے کہاکہ وومن سنٹرل جیل ملتان میں اس وقت 88خواتین 13بچوں سمیت جیل میں سزا کاٹ رہی ہیں جن میں سے 13خواتین کی سزائے موت کی اپیلیں ہائی کورٹ میں زیرالتواء ہیں۔انہوں نے کہا کہ یہاں پر 166خواتین کے لیے گنجائش ہے۔یہاں پر زیادہ تر منشیات وقتل کے جرم میں خواتین سزا ئیں کاٹ رہی ہیں۔ ایک سوال کے جو اب میں انہوں نے بتایا کہ ہم خواتین کومذہبی تعلیم بھی دیتے ہیں اور ووکیشنل تربیت بھی۔ٹیوٹا کے زیراہتمام تین مختلف نوعیت کے سلائی، کڑھائی سمیت دیگرکورسز بھی کرائے جارہے ہیں جس۔ یہاں پر دوشفٹوں میں دولیڈی ڈاکٹرز فرائض انجام دیتی ہیں۔ اس کے علاوہ جیل میں ہسپتال بھی بنایاہوا ہے جہاں پر بنیادی ضروری طبی امداد دی جاتی ہے۔ وومن جیل ملتان میں ماہرنفسیات بھی موجودہے جو ان خواتین کی کونسلنگ کرتی ہیں۔ اس کے علاوہ ڈینٹل کلینک بھی ہے جس میں تمام آلات موجودہیں جبکہ الٹراساؤنڈ مشین بھی موجودہے، وومن جیل میں میڈیسن سنٹرکا بھی اہتمام کیاگیا ہے۔ ایمرجنسی کی صورت میں قیدی خواتین کوسخت سکیورٹی میں نشترہسپتال لے جایاجاتا ہے۔ قید بامشقت کاٹنے والی خواتین سے کچن صفائی اوردیگر کام لیے جاتے ہیں جبکہ انہیں انڈور گیمز کی اجاز ت ہے۔ صبح نوبجے سے دوپہر تین بجے تک خواتین سے مختلف کام کرائے جاتے ہیں۔ انہوں نے مزید کہاکہ سخت سکیورٹی کے پیش نظر خواتین کو باہر نہیں لے جایاجاسکتا۔ اس لیے وومن جیل کے اندر ہی تمام سہولیات موجودہیں۔ ان خواتین کو صرف خواتین رشتے دار ہی ملنے آسکتے ہیں۔
نوجوان قتل کیس میں ملزم کو عمر قید اور پانچ لاکھ روپے جرمانہ کی سزا
مانسہرہ۔ (اے پی پی) مانسہرہ کی ماڈل کورٹ نے نوجوان قتل کیس میں جرم ثابت ہونے پر ملزم کو عمر قید اور پانچ لاکھ روپے جرمانہ کی سزا سنا دی ہے۔ 2015ء میں سپلائی کے رہائشی زین العابدین کو مانسہرہ لاری اڈہ میں واقع دوکان میں آہنی راڈ کے وار سے ملزم سید تنویر حسین نے قتل کیا جس پر مقتول کے والد سید فدا حسین شاہ نے ملزم کے خلاف تھانہ سٹی میں مقدمہ درج کروایا۔ دوران مقدمہ ملزم نے خود کو پاگل مریض ظاہر کیا۔ ماڈل کورٹ مانسہرہ نے جرم ثابت ہونے پر ملزم سید تنویر حسین کو عمر قید اور پانچ لاکھ روپے جرمانہ کی سزا سنائی۔ مقتول کے مقدمہ کی پیروی نوجوان وکلاء محمد اسجد پرویز عباسی اور سردار محمد اکمل ایڈوکیٹس نے کی جبکہ ملزم کے وکیل شاد محمد خان ایڈوکیٹ تھے۔
موٹر سائیکل اور موٹر سائیکل رکشہ کے درمیان تصادم، ایک شخص جاں بحق
سیالکوٹ۔ (اے پی پی) سرور چونڈہ روڈ سٹاپ پرموٹر سائیکل رکشہ اورموٹرسائیکل کے درمیان تصادم کے نتیجے میں موٹرسائیکل رکشہ ڈرائیور موقع پر ہی دم توڑ گیا جس کی عمر 28 برس بتائی جا رہی ہے جبکہ دوسرا شخص زخمی ہوا ہے جسے سول ہسپتال پسرور منتقل کیا گیا ہے۔ جاں بحق ہونے والے محمد شہبازولد مستری محمد نواز کاتعلق محلہ جناح گیٹ پسرورسے ہے۔
سابق حکمرانوں نے سیالکوٹ کو اس کا حق نہیں دیا، سیالکوٹ کو ماڈل سٹی ڈکلیئر کریں گے، ایسا کس نے کہہ دیا سیالکوٹ والے جان کر خوش ہوجائیں
سیالکوٹ۔ (اے پی پی) صوبائی وزیر پنجاب ہاؤسنگ، اربن ڈویلپمنٹ اینڈ پبلک ہیلتھ انجینئرنگ ڈیپارٹمنٹ میاں محمود الرشید نے کہا ہے کہ سیالکوٹ کو پاکستان کا ماڈل سٹی ڈکلیئر کریں گے، سیالکوٹ کی بزنس کمیونٹی نے اپنی مدد آپ کے تحت انٹرنیشنل لیول کا ائیر پورٹ اور ڈرائی پورٹ جیسے منصوبوں کو کامیابی سے مکمل کیا ہے۔ ان خیالات کا اظہار انہوں نے پارکس اینڈ ہارٹی کلچرل سیالکوٹ کے زیر اہتمام منعقدہ عشائیہ سے خطاب کرتے ہوئے کیا۔ صوبائی وزیر اسپیشل ایجوکیشن پنجاب چودھری محمد اخلاق، ڈپٹی کمشنر سیالکوٹ چودھری محمد ارشد بھدر، مرکزی رہنما پاکستان تحریک انصاف سیالکوٹ عمرڈار، چیئرمین پی ایچ اے سیالکوٹ ذوالفقار احسن بھٹی، ڈی سی کریم بخش، صدر ایوان صنعت وتجارت سیالکوٹ ملک محمد اشرف، صدر مرکزی انجمن تاجراں مہر غلام مجتبےٰ، جنرل سیکرٹری جاوید حیدر، سابق تحصیل و ضلع ناظم سیالکوٹ چودھری محمد اکمل چیمہ، سابق ضلع ناظم میاں نعیم جاوید، مہر عاشق، جمشید غیاث، خاور انور خواجہ، فاؤنڈر سیال میاں محمد ریاض، عظیم نوری گھمن، سہیل خاورمیر، شاہنواز چیمہ، صاحبزادہ حامد رضا، رہنما آزاد کشمیر غلام حیدراور خواجہ عارف محمود کے علاوہ کثیر تعداد میں مختلف شعبہ زندگی سے تعلق رکھنے والے افراد نے شرکت کی۔صوبائی وزیر میاں محمود الرشید نے کہا کہ گزشتہ 40 سال سے اقتدار میں رہنے والے حکمرانوں نے سیالکوٹ کو اس کا حق نہیں دیا، شہر کا انفرا سٹریکچرتباہی کے دہانے پر ہے، سیالکوٹ شہر کو اس کا حق دلوانے کیلئے وزیر اعظم عمران خان اور وزیر اعلیٰ پنجاب سردار عثمان بزدارسے کیس لڑوں گا اور جلد ہی سیالکوٹ میں نیا پاکستان ہاؤسنگ اسکیم کا سنگ بنیاد رکھا جائے گا اور اس تقریب میں ہی سیالکوٹ کو ماڈل سٹی کا درجہ دینے کا اعلان کیا جائے گا۔ انہوں نے کہاکہ سیالکوٹ میں لوئر مڈل کلاس کیلئے 3 سے5 مرلے کے 10ہزارگھر اوراپارٹمنٹس تعمیر کئے جائیں۔ انہوں نے کہا کہ نیا پاکستان سکیم کے تحت غریبوں کی بستی نہیں بنائے گی بلکہ یہ ایک کمیونٹی ہوگی جس میں عام شہریوں کیلئے پلاٹس رکھے جائیں گے، ان سوسائٹیوں میں سکولز، ہسپتال اور پارکس ہونگے اور تمام شہری سہولیات کی دستیابی کو یقینی بنائیں گے۔ انہوں نے آزادی مارچ کے حوالے سے مولانا فضل الرحمن کو آڑے ہاتھوں لیا اور کہا کہ 10سال تک کشمیر کمیٹی کے سربراہ کے طور پر جس کا سالانہ بجٹ 2ارب روپے تھا کارکردگی کیا رہی۔ انہوں نے کہا کہ مولانا کا تعلق ایسے گروہ سے تھا جو کہتے تھے کہ ہم پاکستان بنانے کے گناہ میں شامل نہیں تھے۔ انہوں نے کہاکہ مولانا فضل الرحمان کے 27 اکتوبر کو لانگ مارچ کے اعلان سے یہ اندازہ لگانا مشکل نہیں کہ ان کے تانے بانے دشمن سے ملتے ہیں۔ انہوں نے کہا کہ عمران خان نے اقوام متحدہ میں امت مسلمہ اور کشمیر کا مقدمہ جرات اور بہادری سے لڑا، اللہ عمران خان سے کام لینا چاہتا ہے۔ صوبائی وزیر میاں محمود الرشید نے نیا پاکستان ہاؤسنگ اسکیم کیلئے مجوزہ اراضی کا دورہ کیا اور پارکس اینڈ ہارٹی کلچرل اتھارٹی کے بورڈ آف ڈائریکٹرز کے اجلاس سے خطاب کرتے ہوئے کہا کہ پی ایچ اے سیالکو ٹ کو جدید خطوط پر استوار کیا جائے گا۔ انہوں نے کہاکہ پی ایچ اے سیالکوٹ کے بائی لاز باہمی مشاورت سے مرتب کئے جائیں گے اور حکومت ہر وسائل مہیا کرے گی۔
"اگر ہل چلایا تو تمہیں جان سے ماردیں گے” متاثرین نے پولیس کو رپورٹ کردی
چکوال۔ (اے پی پی)قصبہ پنوال تھانہ صدر چکوال کے علاقے میں زمین پر قبضہ کرنے کی کوشش کرنے والے دو افراد کیخلاف مقدمہ درج کرلیا گیا۔ محمد نذیر ولد شیر خان سکنہ پنوال نے درخواست دی کہ واقع اراضی جبیرپور ان کے نام درج کاغذات محکمہ مال بخانہ مالیکت قبضہ موجود ہے جب بھی وہ ہل چلانے یا فصل کاشت کرنے جاتے ہیں تو ملزمان محمد بلال، خاور پسران محمد بنارس مسلح اسلحہ آجاتے اور کہتے ہیں کہ یہ اراضی ہماری ہے اگر ہل چلایا تو تمہیں جان سے ماردیں گے جو کہ ناجائز قبضہ کرنا چاہتے ہیں۔اے ایس آئی عدیل شہزاد نے مقدمہ درج کر کے ملزمان کی تلاش شروع کردی ہے۔
تین افراد کیخلاف دھوکہ دہی کا مقدمہ درج، کیا چیز ہتھیائی جان کر ہوں حیران
چکوال۔ (اے پی پی) تھنیل پھاٹک تھانہ سٹی چکوال کے علاقے میں تین افراد کیخلاف دھوکہ دہی سے کار ہتھیانے پر مقدمہ درج کرلیا گیا۔ نسفا عجائب ولد عجائب خان سکنہ میاں مائرنے درخواست دی کہ اس نے اپنی گاڑی ٹیوٹا کرولا GLI نمبری AKC 065 ملزمان سردار امیر خان ولد سردار مشتاق حسین سکنہ کوٹ چوہدریاں، کامران الحق ولد مظہر الحق سکنہ ستوال اور ضیاء ستوال کو بطور امانتاً عرصہ تین ماہ کیلئے دے رکھی تھی اور عرصہ پورا ہونے پر واپسی کا مطالبہ کرنے پر ملزمان ٹال مٹول کرتے رہے جو بعد میں معلوم ہوا کہ ملزمان نے گاڑی فروخت کردی ہے۔سب ا نسپکٹر سید محمد حسنین نے مقدمہ درج کر کے ملزمان کی تلاش شروع کر دی ہے۔
سمگلروں کی فائرنگ سے پولیس اہلکار ہوا زخمی
جمرود۔ (اے پی پی)ضلع خیبر کی تحصیل جمرود میں مشتبہ سمگلروں کی فائرنگ سے پولیس اہلکار زخمی ہوگیا۔سرکاری ذرائع کے مطابق گزشتہ روز ناکے پر موجود پولیس اہلکاروں نے ایک مشتبہ گاڑی کو روکنے کی کوشش کی تاہم گاڑی میں موجود افراد نے پولیس اہلکار پر فائرنگ کردی،جس سے پولیس اہلکارمسعود زخمی ہوگیا، جسے فوری طور پر ہسپتال پہنچایا گیا،جہاں ان کی حالت خطرے سے باہر ہے۔مقامی انتظامیہ نے مزید بتایا ہے کہ ملزمان فرار ہو گئے ہیں اور ان کے خلاف رپورٹ درج کرکے تفتیش شروع کردی گئی ہے۔
عالمی یوم اساتذہ کے موقع پر ایس ایس پی سینٹرل عارف اسلم راؤ کا قابل تحسین اقدام
کراچی۔ (اے پی پی) ایس ایس پی سینٹرل عارف اسلم راؤ نے عالمی یوم اساتذہ کے موقع پر ضلع کے تمام پولیس جوان اور افسران کو اساتذہ کو سلوٹ کرنے کے احکامات جاری کئے ہیں۔ ہفتہ کو جاری کردہ اعلامیہ کے مطابق جب بھی کوئی ٹیچر کسی تھانے یا پولیس آفس میں اپنے مسئلے کے لئے آئے تو انہیں انتظار کرائے بغیر فوری باعزت انداز میں ان کی قانونی مدد کی جائے، اساتذہ سے سڑک پر اگر کوئی معمولی غلطی ہو جائے تو ان کو باعزت انداز میں تنبیہ کرتے ہوئے روانہ کردیا جائے۔ اعلامیہ میں مزید بتایا گیا ہے کہ ایس ایس پی سینٹرل نے ہدایت کی ہے کہ تمام سپروائزری افسران احکامات پر عمل درآمد کو یقینی بنائیں، اساتذہ قوم کے معمار ہیں اور ان کا ادب اور احترام ہم سب پر لازم ہے۔
سرحدی علاقوں میں بارش کے بعد موسم خوشگوار ہوگیا
چاغی۔ (اے پی پی)چاغی کے پاک ایران اور پاک افغان سرحدی علاقوں میں گرج چمک کے ساتھ بارش کے بعد موسم خوشگوار ہوگیا۔تفصیل کے مطابق پاک ایران سرحدی علاقے تفتان و گرد و نواح سمیت سیندک اور پاک افغان سرحدی علاقے برآب چاہ و گرد و نواح سمیت چارسر میں بھی بارش ہوئی جبکہ ضلعی صدر مقام دالبندین میں گہرے بادل چھاگئے رہنے کے بعد شدید طوفانی ہوائیں چلتی رہیں جبکہ اس دوران ہلکی بارش بھی ہوئی۔طوفانی ہواؤں کے باعث آر سی ڈی شاہراہ پر حد نگاہ محدود ہونے کی وجہ سے ٹریفک کی روانی متاثر ہوئی جبکہ لوگ گھروں تک محصور ہوگئے۔
