Baaghi TV

Author: سعد فاروق

  • 35 افراد کو کچلنے والے شخص کو سزائے موت

    35 افراد کو کچلنے والے شخص کو سزائے موت

    چین کی ایک عدالت نے جنوبی شہر ژوہائی میں تیز رفتار گاڑی لوگوں پر چڑھا کر 35 افراد کو ہلاک کرنے جرم میں ایک شخص کو سزائے موت دے دی۔

    غیر ملکی خبر رساں ادارے ے مطابق 12 نومبر کو 62 سالہ فین نامی کار ڈرائیور نے جان بوجھ کر ایک ایس یو وی اسپورٹس سینٹر کے باہر ورزش کرنے والے لوگوں پر چڑھا دی تھی۔چین کے سرکاری نشریاتی ادارے ’سی سی ٹی وی‘ کے مطابق آج (جمعہ) کے روز عدالت میں ان پر درج کیس کی سماعت ہوئی اور آج ہی انہیں سزا سنائی گئی۔عدالتی فیصلے میں کہا گیا کہ مجرم کے عزائم بہت زیادہ خوفناک اور جرم کی نوعیت انتہائی سنگین تھی، واقعے کے سنگین نتائج ہیں جس سے معاشرے کو شدید خطرہ لاحق ہوا ۔واقعے کے بعد پولیس نے مجرم کو اپنی کار سے زخمی حالت میں حراست میں لیا تھا۔رپورٹ میں مزید کہا گیا کہ دوران سماعت حادثے میں چل بسنے ہونے والے افراد کے اہل خانہ، عہدیداروں اور شہریوں کے سامنے فین نے جرم قبول کیا۔سماعت کے دوران عدالت کے سامنے یہ بات بھی آئی کہ فین نے یہ اقدام طلاق، اس کے بعد جائیداد کی تقسیم سے مطمئن نہ ہونے کے بعد اٹھایا۔واضح رہے کہ 12 نومبر کو چین کے جنوبی شہر ژوہائی میں ایک تیز رفتار گاڑی اسپورٹس سینٹر کے باہر لوگوں پر چڑھ دوڑی تھی، جس کے نتیجے میں 35 افراد ہلاک اور 43 زخمی ہوگئے تھے۔پولیس نے ایک جاری بیان میں کہا تھا کہ 62 سالہ فین نامی مشتبہ کار ڈرائیور اپنی کار میں چاقو سے خود کو زخمی کرنے کے بعد ہسپتال میں زیر علاج ہے۔

    سنچورین ٹیسٹ: دوسرا دن ختم، جنوبی افریقا کو برتری

    ایس ایس پی انویسٹی گیشن لاہور کا اردل روم، افسران و اہلکار پیش

    وزیراعظم نے اہم فصلوں سے متعلق 8 رکنی کابینہ کمیٹی بنا دی

    سندھ میں تیل و گیس کے نئے ذخائر دریافت

  • سنچورین ٹیسٹ: دوسرا دن ختم، جنوبی افریقا کو برتری

    سنچورین ٹیسٹ: دوسرا دن ختم، جنوبی افریقا کو برتری

    پاکستان نے پہلے ٹیسٹ میچ کے دوسرے دن اپنی دوسری اننگز میں 3 وکٹ پر 88 رنز بنالیے جبکہ اسے 2 رنز کے خسارے کا سامنا ہے۔

    سنچورین میں کھیلے جارہے میچ کے دوسرے دن کے اختتام پر بابراعظم 12 اور سعود شکیل 8 رنز کے ساتھ کریز پر موجود ہیں۔گرین کیپس کے آؤٹ ہونے والے کھلاڑیوں میں کپتان شان مسعود اور صائم ایوب 28،28 جبکہ کامران غلام 4 رنز بناکر پویلین لوٹ گئے۔جنوبی افریقا کے ماریویانسن نے 2 اور کگیسوربادا نے 1 وکٹ اپنے نام کی۔اس سے قبل پہلے ٹیسٹ کے دوسرے روز جنوبی افریقا کی ٹیم اپنی پہلی اننگز میں 301 رنز بناکر آؤٹ ہوگئی، میزبان ٹیم نے پاکستان کے خلاف 90 رنز کی برتری حاصل کی۔جنوبی افریقا کی طرف سے اوپنر ایدن مارکرم 89، کپتان ٹمبابا ووما 31، ڈیوڈ بیڈنگھم 30،ڈین پیٹرسن 12، کگیسو ربادا 13، ٹرسٹن اسٹبس 9 ریان ریکلٹن 8 بناکر پویلین لوٹ گئے۔کوربن بوشن نے 81 رنز کی ناقابل شکست اننگز کھیلی جبکہ ٹونی ڈی زورزی، کائیل وررینے اور مارکو یانسن2، 2 رنز بناکر آؤٹ ہوئے۔پاکستان کے نسیم شاہ اور خرم شہزاد نے 3، 3، عامر جمال نے 2 جبکہ محمد عباس اور صائم ایوب نے 1،1 وکٹ اپنے نام کی۔سنچورین ٹیسٹ کے پہلے روز کھیل کے اختتام پر جنوبی افریقا نے پہلی اننگز میں 3 وکٹ پر 82 رنز بنائے تھے۔پاکستان کی ٹیم اپنی پہلی اننگز میں 211 رنز بنا کر آل آؤٹ ہوگئی تھی۔

    ایس ایس پی انویسٹی گیشن لاہور کا اردل روم، افسران و اہلکار پیش

    وزیراعظم نے اہم فصلوں سے متعلق 8 رکنی کابینہ کمیٹی بنا دی

    سی ڈی اے کی میٹرو بس کے نئے روٹس کی منظوری

    سندھ میں تیل و گیس کے نئے ذخائر دریافت

  • ایس ایس پی انویسٹی گیشن لاہور کا اردل روم، افسران و اہلکار پیش

    ایس ایس پی انویسٹی گیشن لاہور کا اردل روم، افسران و اہلکار پیش

    ایس ایس پی انویسٹی گیشن محمد نوید نے اپنے دفتر میں اردل روم کا انعقاد کیا، جس میں مختلف رینکس کے افسران اور اہلکار پیش ہوئے۔

    باغی ٹی وی کے مطابق اردل روم کے دوران متعدد افسران اور اہلکاروں نے اپنی مختلف درخواستیں پیش کیں، جن میں رخصت کی درخواستیں، اہل خانہ کے لیے ویلفیئر کی درخواستیں، اور بعض افسران نے اپنے کام کے حوالے سے پیش آنے والے مسائل کو بیان کیا۔ ایس ایس پی محمد نوید نے ان مسائل کی فوری طور پر جانچ کی اور متعلقہ افسران کو جلد از جلد ان کے حل کے لیے ضروری اقدامات کرنے کی ہدایت کی۔ انہوں نے اس بات پر زور دیا کہ ہر اہلکار کو انصاف ملنا چاہیے اور ان کے مسائل کو ترجیحی بنیادوں پر حل کیا جائے گا۔ایس ایس پی انویسٹی گیشن نے اردل روم کے دوران کہا کہ یہ عمل سفارشی کلچر کے خاتمے اور پولیس اہلکاروں کو حقیقی معنوں میں ریلیف دینے کے لیے شروع کیا گیا ہے۔ ان کا کہنا تھا کہ یہ اقدام ایک ایسا پلیٹ فارم فراہم کرتا ہے جہاں اہلکار بلا جھجھک اپنے مسائل سامنے لا سکتے ہیں اور ان کے حل کے لیے فوری کارروائی کی جاتی ہے۔محمد نوید نے کہا کہ پولیس کے اہلکاروں اور افسران کو ہمیشہ محنت اور ایمانداری کے ساتھ اپنے فرائض سرانجام دینے کی ترغیب دی جائے گی۔ انہوں نے یہ بھی واضح کیا کہ جو افسران اور اہلکار اپنے کام میں ایمانداری سے کوتاہی نہیں کریں گے، انہیں ہر سطح پر حوصلہ افزائی کی جائے گی۔ایس ایس پی نے اس بات پر زور دیا کہ محکمہ میں کرپشن اور شہریوں کے ساتھ ناروا سلوک کو کسی صورت برداشت نہیں کیا جائے گا۔ ان کا کہنا تھا کہ پولیس فورس کا مقصد عوام کی خدمت کرنا ہے، اور عوامی خدمت میں غفلت یا بدعنوانی کسی بھی صورت میں قابل قبول نہیں ہوگی۔ اس حوالے سے انہوں نے تمام افسران اور اہلکاروں کو اپنے فرائض منصبی ایمانداری اور محنت سے ادا کرنے کی تاکید کی تاکہ پولیس فورس کی کارکردگی میں بہتری آئے اور عوام کے اعتماد کو مزید مستحکم کیا جا سکے۔ایس ایس پی انویسٹی گیشن نے کہا کہ پولیس کی کامیابی اس بات پر منحصر ہے کہ اس کا ہر فرد اپنے کام کو درست طریقے سے انجام دے اور ادارے کی ساکھ کو مزید بہتر بنائے۔ انہوں نے یہ بھی کہا کہ تمام افسران و اہلکاروں کو یہ سمجھنا چاہیے کہ ان کا ہر عمل عوام کی نظر میں ہوتا ہے اور ان کی ایمانداری اور محنت کا براہ راست اثر پولیس فورس کی کارکردگی اور شہرت پر پڑتا ہے۔ایس ایس پی محمد نوید نے یہ عہد کیا کہ وہ پولیس اہلکاروں کی فلاح و بہبود کے لیے اپنے تمام تر وسائل اور صلاحیتیں بروئے کار لائیں گے، تاکہ وہ بہترین طریقے سے اپنی خدمات سرانجام دے سکیں۔

  • وزیراعظم نے اہم فصلوں سے متعلق 8 رکنی کابینہ کمیٹی بنا دی

    وزیراعظم نے اہم فصلوں سے متعلق 8 رکنی کابینہ کمیٹی بنا دی

    وزیر اعظم شہباز شریف نےاہم فصلوں سے متعلق 8 رکنی کابینہ کمیٹی تشکیل دے دی۔

    باغی ٹی وی کے مطابق وزیر اعظم کی جانب سے اہم فصلوں کے حوالے سے قائم کی گئی کمیٹی میں نائب وزیر اعظم اسحٰق ڈار، وزیر خزانہ محمد اورنگزیب، وزیر منصوبہ بندی احسن اقبال کو شامل کیا گیا ہے۔چاروں صوبوں کے وزرائے اعلیٰ یا ان کی جانب سے نامزد کیے گئے نمائندے بوقت ضرورت کمیٹی کے اجلاسوں میں شرکت کیا کریں گے۔ذرائع کے مطابق فوڈ سیکیورٹی، صنعت و پیداوار، اور تجارت کے وفاقی وزرا بھی کمیٹی کے رکن ہوں گے۔وزیر اعظم شہباز شریف نے کابینہ کمیٹی کے لیے قواعد و ضوابط (ٹی او آرز) طے کر لیے ہیں۔کابینہ کی یہ کمیٹی گندم، چاول، کپاس سمیت اہم فصلوں کی پیداوار کا تخمینہ لگائے گی، بڑی فصلوں کا مناسب زیر کاشت رقبہ یقینی بنانےکے لیے کو آرڈینیشن کی جائے گی۔واضح رہے کہ جون 2024 میں پاکستان اکنامک سروے میں بتایا گیا تھا کہ پاکستان نے زرعی فصلوں کی پیداوار میں دو دہائیوں کی سب سے سے بہتر کارکردگی انجام دی ہے۔گندم، کپاس اور چاول کی فصلوں کی پیداوار میں 16.8 فیصد کی نمایاں مثبت نمو کے بعد اس شعبے کا مجموعی قومی پیداوار میں حصہ مالی سال 2023 میں 23.2 فیصد سے بڑھ کر مالی سال 2024 میں 24 فیصد ہو گیا تھا۔

    سی ڈی اے کی میٹرو بس کے نئے روٹس کی منظوری

    سندھ میں تیل و گیس کے نئے ذخائر دریافت

    ملک میں آج سونے کی قیمتیں کم

    کراچی: پاراچنار واقعے پر احتجاج، شہر میں ٹریفک کی روانی شدیدمتاثر

    ٹیکس جمع نہ کروانے پر شادی ہالز کے خلاف کارروائی کا فیصلہ

  • سی ڈی اے کی میٹرو بس کے نئے روٹس کی منظوری

    سی ڈی اے کی میٹرو بس کے نئے روٹس کی منظوری

    جڑواں شہروں کے شہریوں کے لئے سی ڈی اے نے میٹرو بس کے پانچ نئے روٹس کی منظوری دے دی ہے۔

    میڈیا رپورٹ کے مطابق نئے روٹس پر آپریشنز دو ہفتوں میں شروع ہو گا، روٹس کی توسیع کا مقصد سفر کو تیز تر، زیادہ سستی اور ماحول دوست سواری فراہم کرنا ہے۔نئے روٹس میں آبپارہ سے ترامڑی براستہ پارک روڈ روٹ بھی منظورکیا گیا ہے، گلبرگ سٹاپ سے جی ٹی روڈ تک بلیو لائن کی توسیع کی بھی منظوری دی گئی ہے۔پولیس لائنز سے آئی نائن، آئی ٹین، آئی الیون فیض آباد تک نیا روٹ منظور کیا گیا ہے، پولیس لائن سے ڈی بارہ شاہ اللہ دتہ براستہ جی ٹین، جی الیون، ایف ٹین، ایف الیون بھی میٹرو بس چلے گی،26نمبر سے بی 17کا روٹ بھی شامل کیا گیا ہے۔

    سندھ میں تیل و گیس کے نئے ذخائر دریافت

    سندھ میں تیل و گیس کے نئے ذخائر دریافت

    ملک میں آج سونے کی قیمتیں کم

    کراچی: پاراچنار واقعے پر احتجاج، شہر میں ٹریفک کی روانی شدیدمتاثر

    ٹیکس جمع نہ کروانے پر شادی ہالز کے خلاف کارروائی کا فیصلہ

  • سندھ میں تیل و گیس کے نئے ذخائر دریافت

    سندھ میں تیل و گیس کے نئے ذخائر دریافت

    پاکستان پیڑولیم لمیٹڈ نے تیل و گیس کے نئے ذخائر دریافت کرلیے۔

    باغی ٹی وی کے مطابق سندھ کے علاقے سجاول میں شاہ بندر بلاک سے قدرتی گیس اور ہلکے تیل کے ذخائر دریافت ہوئے ہیں، پاکستان پیڑولیم لمیٹڈ کی انتظامیہ نے قدرتی ذخائر کی دریافت سے متعلق معلومات پاکستان اسٹاک ایکس چینج کو ارسال کردی ہیں۔خط کے مطابق شاہ بندر بلاک میں جھم ایسٹ ایکس ون سے یومیہ 10 ایم ایم ایس سی ایف ڈی گیس ذخائر مل رہے ہیں، جھم ایسٹ ایکس ون کنوئیں سے یومیہ 150بیرل سے زائد ہلکے تیل کے ذخائر بھی حاصل کیے جارہے ہیں۔خط میں بتایا گیا ہے کہ مذکورہ کنوئیں سے حاصل ہونے والے قدرتی ذخائر کا پریشر 2800 پاؤنڈ فی مربع انچ ہے، شاہ بندر فیلڈ سے گیس سجاول پراسیسنگ پلانٹ کے ذریعے سوئی سدرن سسٹم میں شامل ہورہی ہے۔ خط کے مطابق شاہ بندر فیلڈ میں پی پی ایل کا حصہ 63فیصد اور ماری پیڑولیم کا حصہ 32 فیصد ہے۔

    ملک میں آج سونے کی قیمتیں کم

    کراچی: پاراچنار واقعے پر احتجاج، شہر میں ٹریفک کی روانی شدیدمتاثر

    پاکستان کاآذربائیجان سےگیس سپلائی کا معاہدہ

    ٹیکس جمع نہ کروانے پر شادی ہالز کے خلاف کارروائی کا فیصلہ

  • ملک میں آج سونے کی قیمتیں کم

    ملک میں آج سونے کی قیمتیں کم

    ملک میں فی تولہ سونا 800 روپے سستا ہو کر 2 لاکھ 73 ہزار 200 روپے کا ہو گیا۔

    سرکاری خبر رساں ادارے ’اے پی پی‘ کے مطابق آل سندھ صرافہ جیولرز ایسوسی ایشن نے بتایا کہ 24 قیراط فی تولہ سونے کی قیمت 800 روپے تنزلی سے 2 لاکھ 73 ہزار 200 روپے ریکارڈ کی گئی ہے جبکہ 10 گرام سونے کے دام 686 روپے گر کر 2 لاکھ 34 ہزار 225 روپے رہے۔اسی طرح 22 قیراط 10 گرام سونا 2 لاکھ 14 ہزار 706 روپے میں فروخت ہوا۔ایسوسی ایشن کے مطابق چاندی کی فی تولہ اور 10 گرام قیمتیں آج بھی بالترتیب 3 ہزار 350 روپے اور 2 ہزار 872 روپے پر برقرار رہیں۔عالمی منڈی میں بھی فی اونس سونے کے نرخ 8 ڈالر تنزلی سے 2 ہزار 620 ڈالر ریکارڈ کیے گئے۔

    کراچی: پاراچنار واقعے پر احتجاج، شہر میں ٹریفک کی روانی شدیدمتاثر

    پاکستان کاآذربائیجان سےگیس سپلائی کا معاہدہ

    ٹیکس جمع نہ کروانے پر شادی ہالز کے خلاف کارروائی کا فیصلہ

    سعودی ائیرلائن "فلائی اے ڈیل” کا پاکستان کیلئے پروازوں کے آغاز کا فیصلہ

  • کراچی: پاراچنار واقعے پر احتجاج، شہر میں ٹریفک کی روانی شدیدمتاثر

    کراچی: پاراچنار واقعے پر احتجاج، شہر میں ٹریفک کی روانی شدیدمتاثر

    کراچی کے مختلف مقامات پر پاراچنار واقعے پر احتجاج کے باعث ٹریفک کی روانی متاثر ہوگئی، کئی چورنگیاں بند ہوئیں تو ٹریفک پولیس نے متبادل راستے فراہم کردیے۔

    ٹریفک پولیس کے مطابق مین ایم اے جنا ح روڈ نمائش چورنگی ٹریفک کیلیے بند ہے، ٹریفک کو پی پی چورنگی، گرومندر سے سولجر بازار متبادل راستہ فراہم کیا گیا ہے۔حکام کے مطابق ٹریفک کیلیے سوسائٹی سگنل سے کوریڈور تھری، بریٹو روڈ سے سولجر بازار اور گرومندر کی طرف متبادل راستہ فراہم کیا گیا ہے۔ٹریفک پولیس کے مطابق ابوالحسن اصفہانی روڈ سے بجانب سپرہائی وے عباس ٹاو?ن کے سامنے دونوں اطراف کی سڑکیں بند ہیں۔حکام کے مطابق ٹریفک کو پیراڈائز بیکری سے فاریہ چوک و اندرون گلیوں کی طرف متبادل راستہ دیا گیا ہے۔ٹریفک حکام کے مطابق فائیو اسٹار چورنگی مکمل بند ہے، سروس روڈ سے ٹریفک کی روانی جاری ہے جبکہ یونیورسٹی روڈ میٹرو شاپنگ سینٹر سمامہ بجانب نیپا بند ہے۔پولیس حکام کے مطابق ٹریفک کو اندرون علاقوں میں متبادل راستہ دیا گیا ہے جبکہ مین شاہراہ فیصل اسٹار گیٹ سے ملیر جانے والا راستہ بند ہے۔ٹریفک پولیس کے مطابق شہرسے آنے والے ٹریفک کو ڈرگ روڈ سے راشد منہاس روڈ کی طرف متبادل راستہ دیا ہے جبکہ ملینئم سے آنے والے ٹریفک کو ڈرگ روڈ سے شہر کی طرف موڑا گیا ہے۔حکام کے مطابق مین نیشنل ہائی وے ملیر 15 برج چڑھائی قائدآباد کی سڑک بند ہے، ٹریفک کو ملیر ہالٹ سے ماڈل کالونی کی طرف متبادل راستہ دیا گیا ہے۔ٹریفک پولیس کے مطابق منزل پمپ سے یونس چورنگی،دائود چورنگی سے انڈسٹریل ایریا کی طرف بھی متبادل راستہ دیا ہے۔

    پاکستان کاآذربائیجان سےگیس سپلائی کا معاہدہ

    ٹیکس جمع نہ کروانے پر شادی ہالز کے خلاف کارروائی کا فیصلہ

    سعودی ائیرلائن "فلائی اے ڈیل” کا پاکستان کیلئے پروازوں کے آغاز کا فیصلہ

    تنگوانی: ڈیڑھ ماہ کی بچی میں پولیو وائرس کی تصدیق، محکمہ صحت کی غفلت بے نقاب

  • پاکستان کاآذربائیجان سےگیس سپلائی کا معاہدہ

    پاکستان کاآذربائیجان سےگیس سپلائی کا معاہدہ

    پاکستان کاآذربائیجان سےگیس سپلائی کااہم معاہدہ ہوگیا ہے۔

    باغی ٹی وی کے مطابق پاکستان اسٹیٹ آئل اور آذربائیجان کی سوکار کمپنی کا گورنمنٹ ٹو گورنمنٹ معاہدہ ہوا،پاکستان اسٹیٹ آئل نے معاہدے کی تفصیلات پاکستان اسٹاک ایکسچینج کو ارسال کردیں۔اقتصادی رابطہ کمیٹی کی منظوری کے بعد دونوں ممالک کے درمیان گیس سپلائی کا معاہدہ ہوا،خط کے مطابق پی ایس او اور سوکار معاہدے کی رسمی منظوری 24دسمبر کو موصول ہوئی۔پی ایس او کو معاہدے پر دستخط کی اجازت وزارت توانائی نے 3 دسمبر کو دی،گیس سپلائی معاہدے پر عملدرآمد مقررہ وقت میں مکمل کیا جائے گا۔پاکستان اور آذربائیجان کے درمیان معاہدہ توانائی کے شعبے میں بڑا قدم ہے۔واضح رہے پاکسستان کو اس وقت گیس کی کمی کا سامنا ہے جس کے باعث گھریلو صارفین کو محدود اوقات کے لیے گیس دی جا رہی ہے جبکہ سردیوں میں صنعتوں کو مکمل گیس کی سپلائی بند ہے.

    ٹیکس جمع نہ کروانے پر شادی ہالز کے خلاف کارروائی کا فیصلہ

  • ٹیکس جمع نہ کروانے پر شادی ہالز کے خلاف کارروائی کا فیصلہ

    ٹیکس جمع نہ کروانے پر شادی ہالز کے خلاف کارروائی کا فیصلہ

    ایف بی آر نے کراچی کے 4 شادی ہالز کی جانب سے ٹیکس جمع نہ کرنے پر قانونی کارروائی کرنے کا فیصلہ کرلیا۔

    باغی ٹی وی کے مطابق ایف بی آر کی جانب سے شادی ہالز مالکان کو صارفین سے ٹیکس وصول کرکے قومی خزانے میں جمع کرانے کی ہدایات جاری کی گئی تھیں، کراچی کے 4 شادی ہالز مالکان نے تاحال ٹیکس جمع نہیں کروایا۔ایف بی آر نے شہر قائد کے ایسے 4 شادی ہالز کی نشاندہی کی ہے جنہوں نے تقریبات کے لیے ہالز کی بکنگ کروانے والے صارفین سے ٹیکس وصول کر کے اب تک قومی خزانے میں جمع نہیں کروایا۔کراچی کے 4 شادی ہالز مالکان نے ایف بی آر کے احکام پر تاحال عمل درآمد نہیں کیا، اسی وجہ سے شادی ہالز کے خلاف کارروائی کی جائے گی۔ریجنل ٹیکس آفس (آر ٹی او) نے یہ اقدامات ٹیکس نیٹ کو وسیع کرنے اور ٹیکس قوانین پر عملدرآمد کو یقینی بنانے کے لیے کیے ہیں۔واضح رہے کہ حکومت پاکستان کی جانب سے عالمی مالیاتی ادارے (آئی ایم ایف) سے قرض پروگرام لینے کے بعد ملک میں بڑے پیمانے پر ٹیکس اصلاحات کا عمل جاری ہے، ایف بی آر ایسے شعبوں کو بھی ٹیکس نیٹ میں لانے کے لیے کوشاں ہیں، جو طویل عرصے سے ٹیکس نیٹ سے باہر ہیں۔

    سعودی ائیرلائن "فلائی اے ڈیل” کا پاکستان کیلئے پروازوں کے آغاز کا فیصلہ

    ننکانہ : ڈاکٹر حافظ عبدالرحمن مکی کی وفات، امت مسلمہ کے لیے ناقابلِ تلافی نقصان ہے،ثاقب مجید

    پاکستانی شہریت کیلئے کم از کم 5 سال کا قیام لازمی قرار

    انسانی اسمگلنگ کا منصوبہ ناکام، بھارتی ایجنٹ ملوث نکلا