ایمسٹرڈیم کی ایک اعلیٰ سکیورٹی عدالت میں پیر کے روز تحریک لبیک پاکستان (ٹی ایل پی) کے سربراہ حافظ سعد حسین رضوی اور تحریک لبیک یا رسول اللہ کے سربراہ ڈاکٹر محمد اشرف جلالی کے خلاف مقدمہ چلایا گیا۔
دونوں رہنماؤں پر ڈچ اسلام مخالف سیاستدان گیرٹ وائلڈرز کے قتل پر اکسانے کے الزامات ہیں۔فرانسیسی خبر رساں ایجنسی "اے ایف پی” کے مطابق، ڈچ پراسیکیوٹرز نے محمد اشرف جلالی پر اپنے پیروکاروں کو وائلڈرز کو قتل کرنے کی ترغیب دینے کا الزام عائد کیا ہے، جبکہ سعد رضوی پر بھی اسی الزام کے تحت شبہ ہے۔ ڈچ پراسیکیوٹرز نے ایک 56 سالہ پاکستانی مذہبی رہنما محمد اشرف جلالی پر الزام لگایا کہ انہوں نے اپنے پیروکاروں سے کہا ہے کہ وہ وائلڈرز کو قتل کر دیں، اس کے بدلے میں آخرت میں انہیں جنت ملے گی،تحریک لبیک کے سربراہ حافظ سعد حسین رضوی پر شبہ ہے کہ انہوں نے ایک پاکستانی کرکٹر خالد لطیف کو قتل پر اکسانے کے جرم میں سزا سنائے جانے کے بعد اپنے پیروکاروں کو وائلڈرز کو قتل کرنے کی ترغیب دی ،
سماعت کے دوران وائلڈرز عدالت میں موجود تھے، انہوں نے عدالت پیشی کے دوران عدالت میں کہا کہ اس مقدمے نے مجھ پر اور میرے خاندان پر بہت گہرا اثر ڈالا ،میرا اس عدالت سے یہ کہنا ہے کہ وہ یہ ٹھوس پیغام بھیجے کہ اس ملک کے لیے فتوے دینا قابل قبول نہیں ہے،ڈچ حکام نے اسلام آباد سے کہا ہے کہ وہ مشتبہ افراد سے پوچھ گچھ اور انہیں عدالت میں پیش کرنے کے سلسلے میں قانونی معاونت کرے،تاہم پاکستان اور نیدرلینڈز کے درمیان باہمی قانونی معاونت کا کوئی معاہدہ موجود نہیں ہے، چنانچہ ان دونوں افراد میں سے کوئی بھی عدالت کے کٹہرے میں حاضر نہیں ہوا اور نہ ہی ان کی جانب سے کسی نے عدالت میں ان کی قانونی نمائندگی کی۔
مقدمے کی سماعت انتہائی محفوظ کورٹ ہاؤس میں ہوئی، جہاں دونوں ملزمان غیر حاضر تھے اور نہ ہی ان کی کوئی قانونی نمائندگی موجود تھی۔ پچھلے سال ستمبر میں ججوں نے ایک پاکستانی کرکٹر خالد لطیف کو 12 سال قید کی سزا سنائی، لطیف پر الزام تھا کہ انہوں نے تند مزاج قانون ساز وائلڈرز کی جانب سے پیغمبر اسلام کے کارٹونوں کے مقابلے کے اعلان کرنے کے بعد لوگوں کو ان کے قتل پر اکسایا تھا۔
پبلک پراسیکیوٹر نے اشرف جلالی کے لیے 14 سال قید کی سزا کا مطالبہ کیا ہے جبکہ سعد رضوی کے مقدمے کا فیصلہ 9 ستمبر کو متوقع ہے ، تحریک لبیک پاکستان کے سربراہ حافظ سعد رضوی کے خلاف انفرادی الزامات کی سماعت آئندہ دنوں میں ہو گی، جس کے بعد عدالتی فیصلہ نو ستمبر کو متوقع ہے،سکیورٹی وجوہات کے بنا پر پراسیکیوٹر کا نام ظاہر نہیں کیا گیا
واضح رہے کہ ستمبر 2023 میں پ اکستان کے سابق انٹرنیشنل کرکٹر خالد لطیف کو اسلام مخالف رکن پارلیمنٹ گیئرٹ ولڈرز کے قتل پر زور دینے پر 12 سال قید کی سزا سنائی گئی تھی۔ 37 سالہ لطیف نے ایک آن لائن ویڈیو میں ولڈرز کے سر کے لیے 21,000 یورو (22,500 ڈالر) کی پیشکش کی تھی جب فائربرانڈ قانون ساز نے پیغمبر محمد صلی اللہ علیہ وسلم کے کارٹون کے مقابلے کا اہتمام کرنے کی کوشش کی تھی۔صدارتی جج جی وربیک نے عدالت کو بتایا کہ "یہ سوچنا کوئی ہچکچاہٹ نہیں تھا کہ دنیا بھر میں کسی نے مسٹر ولڈرز کو قتل کرنے کی کال پر توجہ دی ہو گی۔ملزم کو یہ معلوم تھا اور اس کی کال نے وائلڈرز کو مارنے کے لیے آگ کو ہوا دی۔
وائلڈرز نے پاکستان میں مظاہرے شروع ہونے کے بعد کارٹون مقابلہ منسوخ کر دیا اور انہیں جان سے مارنے کی دھمکیاں دی گئیں۔ وہ 2004 سے 24 گھنٹے ریاستی تحفظ میں ہے۔ ولڈرز کو قتل کرنے کی کال حقیقی دنیا میں گونجتی دکھائی دی،جج وربیک نے کہا کہ خالد لطیف کی ویڈیو صرف وائلڈرز پر ذاتی طور پر حملہ نہیں ہے بلکہ نیدرلینڈز میں اظہار رائے کی آزادی کے تصور پر بھی حملہ ہے۔
خالد لطیف نے پاکستان کے لیے پانچ ایک روزہ بین الاقوامی اور 13 ٹی ٹوئنٹی انٹرنیشنل کھیلے لیکن دبئی میں پاکستان سپر لیگ کے ایک میچ میں سپاٹ فکسنگ کی وجہ سے 2017 میں ان پر کرکٹ سے پانچ سال کی پابندی عائد کر دی گئی۔ ان کی آخری پاکستانی ٹیم ستمبر 2016 میں ابوظہبی میں ویسٹ انڈیز کے خلاف کھیلی تھی۔تاہم، وربیک نے کہا کہ خالد لطیف نے ایک بین الاقوامی کرکٹر کے طور پر اپنی شہرت کا فائدہ ایسے وقت میں "آگ میں تیل ڈالنے” کے لیے اٹھایا جب ہالینڈ پہلے ہی کئی خطرات کا نشانہ بنا ہوا تھا۔
ایک نمبر کا بدمعاش اور تلنگا ڈاکٹر ریاض،دہشتگردوں سے تعلق،ایجنسیوں پر الزام
پی آئی اے کا جنازہ ہے،ذرا دھوم سے نکلے،مرحوم کیلیے بہت دعائیں
ثابت ہو گیا حسنہ واجد بھارت کی "کٹھ پتلی” تھی.مبشر لقمان
190 ملین پاؤنڈ کیس،عمران کے گلے کا پھندہ،واضح ثبوت،بچنا ناممکن
فیض حمید جیو نیوز کو بند کرنا چاہتے تھے،پی ٹی آئی ٹوٹ پھوٹ کا شکار،اگلا چیئرمین کون
ماہ رنگ بلوچ کون،دو نمبر انقلاب اور بھیانک چہرہ
پاکستان کی بدترین شکست،ڈریسنگ روم میں لڑائی،محسن نقوی ناکام ترین چیئرمین
جنرل عاصم منیرنے ڈنڈا اٹھا لیا، فیض حمید گواہ،اب باری خان کی
شکریہ جنرل باجوہ،اہم معلومات ہاتھ لگ گئی،فیض ،عمران ،بشریٰ کا گٹھ جوڑ
فیض حمید کو میرے خلاف وعدہ معاف گواہ بنائیں گے،عمران خان
فیض حمید عبرت کا نشان،عمران کا نشہ بند، بشریٰ پر فیض کا فیض
فیض حمید کے بارے مبشر لقمان کے پروگرام کھرا سچ میں محسن بیگ کے چشم کشا انکشافات
فیض حمید کی گرفتاری پر نہ ڈرا ہوں نہ گھبرایا ہوں،عمران خان
جنرل فیض حمید کا 30 سال تک قبضے کا منصوبہ،بغاوت ثابت؟
فیض نیازی گٹھ جوڑ جنرل (ر) قمر جاوید باجوہ نے کیسے توڑا تھا؟ اہم انکشافات
ہالینڈ کی عدالت سب سے پہلے گیرٹ ویلڈر کو اس گھناؤنی حرکت کی سزا دے۔ ترجمان ٹی ایل پی
پاکستان کی عدالت میں گیرٹ ویلڈر کے خلاف قانونی کاروائی کا آغاز کررہے ہیں،ضرورت پڑی تو عالمی عدالت بھی ضرور جائیں گے،ترجمان ٹی ایل پی
ہالینڈ کی عدالت میں گیرٹ ویلڈر کے وکیل کی طرف سے پیش کیے گئے جھوٹ پر مبنی بیان اور غیر قانونی مطالبہ پر ترجمان تحریکِ لبیک پاکستان نے مرکز سے جاری اپنے پیان میں کہا کہ تحریکِ لبیک پاکستان ہالینڈ کی عدالت سے یہ سوال کرتی ہے کہ سزا تو گیرٹ ویلڈر کو ملنی چاہئے، گیرٹ ویلڈر نے تمام جہانوں کے سردار رحمت العالمین ﷺ کی شان میں گستاخی کی ہے، دنیا کا کون سا ایسا قانون ہے جس میں لکھا ہے کہ کسی کی حق تلفی کرنا جائز ہے، اسے پتا تھا کہ اس بدترین کام سے مسلمانوں کو شدید دکھ و رنج ہوگا، کیا یورپ کا قانون کسی کی عزت پامال کرنے کی اجازت دیتا ہے؟؟، اس کو آزادی اظہارِ رائے نہیں اس کو اسلام دشمنی کہتے ہیں، جو پورے پلان کے ساتھ کی جارہی ہے، ہالینڈ کی عدالت سب سے پہلے گیرٹ ویلڈر کو اس گھناؤنی حرکت کی سزا دے، یورپ میں تو جانوروں کے حقوق بھی ہیں انسانوں کے حقوق تو بہت آگے کی بات ہے، کیا یورپی لوگ یہ بھول گئے کے مسلمانوں کے بھی حقوق ہیں، ہمارا دین تو ہمیں اس کی اجازت نہیں دیتا، لیکن ہمارا دین ہمیں اس کی ضرور اجازت دیتا ہے کہ کوئی بھی پیارے نبی ﷺ کے بارے میں غلط بات کرے تو اسے اسی وقت سزا دو، ہم پاکستان کی عدالت میں گیرٹ ویلڈر کے خلاف قانونی کاروائی کا آغاز کررہے ہیں، ضرورت پڑی تو عالمی عدالت بھی ضرور جائیں گے۔
