وزیراعلیٰ پنجاب مریم نواز سے جمہویہ کوریا کے سفیر پارک کیجن نے ملاقات کی جس میں دو طرفہ تعاون کے فروغ پر تبادلہ خیال کیا گیا۔ اس ملاقات میں باہمی اشتراک کارک پر اتفاق اور دونوں ممالک کے درمیان تعاون کے فروغ کی ضرورت پر بھی زور دیا گیا۔ اس موقع پر گفتگو کرتے ہوئے وزیراعلیٰ پنجاب مریم نواز کا کہنا تھا کہ صنعتی ترقی کیلئے کوریا کی ٹیکنالوجی سے مستفید ہونا چاہتے ہیں، الیکٹرانکس، آٹوموبائل اور انفارمیشن ٹیکنالوجی میں کوریا کے اشتراک کار کا خیر مقدم کریں گے۔ پنجاب میں زراعت اور مائننگ انڈسٹری میں سرمایہ کاری کا وسیع پوٹینشل موجود ہے، کوریا کے ساتھ دو طرفہ تجارتی حجم میں مزید اضافہ ہونا چاہیے، جنوبی کوریا کو پنجاب میں آٹوموبائل سیکٹر میں سرمایہ کاری کیلئے معاونت کریں گے۔ مزید پڑھیں:اسرائیلیوں کا ایک بار پھر احتجاج، غزہ میں فوری جنگ بندی کا مطالبہ کردیا اُن کا مزید کہنا تھا کہ ویون کاٹن اور کاٹن یارن ٹیکسٹائل سیکٹر میں کوریا کو برآمدات کے مواقع موجود ہیں، جدید زراعت اور پیداواری صلاحیت بڑھانے میں کوریا سے تعاون کے فروغ کی ضرورت ہے۔ کورین سفیر پارک کیجن نے مریم نواز کو پہلی بار خاتون وزیراعلیٰ پنجاب کا عہدہ سنبھالنے پر مبارک باد پیش کی۔
Author: صدف ابرار
-
پاکستانی کوہ پیما نائلہ کیانی نےدنیا کی پانچویں بلند ترین چوٹی سر کر لی۔
پاکستانی خاتون کوہ پیما نائلہ کیانی نے ایک اوراعزاز اپنے نام کرلیا،دنیا کی پانچویں بلند ترین چوٹی سر کر لی۔ انہوں نے دنیا کی پانچویں بلند ترین چوٹی مکالو سر کر لی۔ نائلہ کیانی پاکستان کی تاریخ میں آٹھ ہزار میٹر کی گیارہ چوٹیاں سر کرنے والی پہلی خاتون کوہ پیما بن گئیں۔الپائن کلب آف پاکستان کے سیکرٹری کرار حیدری کے مطابق نائلہ کیانی نے اتوار کی صبح نیپال میں چوٹی سر کرکے تاریخی سنگ میل حاصل کیا۔ پاکستانی کوہ پیما نے آٹھ ہزار میٹر کی گیارہ چوٹیوں کو 3 سال سے کم عرصے میں سر کیا۔
واضح رہے کہ آٹھ ہزارمیٹر کی تمام دس چوٹیاں سب سے تیز رفتاری سے سر کرنے کا پاکستانی ریکارڈ نائلہ کیانی کا ہے۔ -
گیمبیا: اسحاق ڈار کی ترک و آذربائیجان کے وزرائے خارجہ سے ملاقات
نائب وزیرِ اعظم اور وزیرِ خارجہ سینیٹر اسحاق ڈار نے او آئی سی سربراہی کانفرنس کے سلسلے میں دورہ گیمبیا میں آذربائیجان کے وزیرِ خارجہ جیہون بیراموف سے ملاقات کی ہے۔ترجمان دفتر خارجہ کے مطابق ملاقات میں فریقین نے دوطرفہ تعلقات پر تبادلہ خیال کیا اور تجارت، رابطے، توانائی اور عوام سے عوام کے رابطوں سمیت مختلف شعبوں میں تعاون بڑھانے کا عزم ظاہر کیا۔ملاقات میں سیاسی سطح پر بات چیت اور دوطرفہ تعلقات کو مزید گہرا کرنے کی اہمیت پر زور دیا گیا۔ باکو کو کوپ 29 کی میزبانی کے لیے نامزد ہونے پر وزیرِ خارجہ اسحاق ڈار نے مبارکباد دی۔
وزیرِ خارجہ نے مقبوضہ کشمیر کے لوگوں کے منصفانہ کاز پر آذربائیجان کے مضبوط اصولی مؤقف کی تعریف کی۔ترجمان کا کہنا ہے کہ موسمیاتی تبدیلی سے نمٹنے میں تعاون اور تجربے کے تبادلے میں پاکستان نے دلچسپی کا اظہار کیا۔نائب وزیرِ اعظم و وزیرِ خارجہ سینیٹر اسحاق ڈار سے ترکیہ کے وزیرِ خارجہ نے بھی ملاقات کی۔ترجمان کے مطابق ملاقات میں دونوں رہنماؤں نے دوطرفہ تعلقات کی صورتحال کا جائزہ لیا اور پاک ترک دوطرفہ تعلقات اور دوستی کے مضبوط بندھن پر زور دیا۔دونوں رہنماؤں نے دوطرفہ تعلقات میں مثبت رفتار پر اطمینان کا اظہار کیا اور فریقین نے اقتصادی، تجارتی اور دفاعی شعبوں میں تعاون مزید گہرا کرنے کے عزم کا اعادہ کیا۔ -
وزیرا عظم کاصادق خان کو تیسری بار لندن کا مئیر منتخب ہونے پر مبارک باد
وزیرِ اعظم شہباز شریف نے صادق خان کو تیسری بار لندن کا مئیر منتخب ہونے پر مبارک باد دی ہے۔جاری کیے گئے بیان میں وزیرِ اعظم شہباز شریف نے مسلسل تیسری بار لندن کا میئر بننے پر صادق خان کو مبارک پیش کرتے ہوئے کہا ہے کہ ایک محنتی برطانوی پاکستانی کے قابلِ فخر فرزند نے ہر پاکستانی کا سر فخر سے بلند کیا۔اُنہوں نے مزید کہا کہ تیسری بار لندن کا میئر منتخب ہونا صادق خان کی قابلیت اور عوامی خدمت کا ثبوت ہے۔وزیرِ اعظم شہباز شریف نے یہ بھی کہا کہ مستقبل میں صادق خان کی مزید کامیابیوں کے لیے نیک تمناﺅں کا اظہار کرتا ہوں۔
-
پاکستان ویمنز کرکٹ ٹیم دبئی پہنچ گئی
پاکستان ویمنز کرکٹ ٹیم دبئی پہنچ گئی۔پاکستان ویمنز کرکٹ ٹیم دبئی سے ہیتھرو، انگلینڈ کے لیے مقامی وقت کے مطابق صبح ساڑھے سات بجے روانہ ہوگی۔پاکستان ویمنز کرکٹ ٹیم دورہ انگلینڈ میں تین ٹی ٹوئنٹی انٹرنیشنل میچز اور تین ون ڈے انٹرنیشنل میچوں کی سیریز کھیلے گی۔تین ٹی ٹوئنٹی انٹرنیشنل میچز 11، 17 اور 19 مئی کو کھیلے جائیں گے۔تین ون ڈے انٹرنیشنل میچز 23، 26 اور 29 مئی کو کھیلے جائیں گے۔ ون ڈے انٹرنیشنل میچوں کی سیریز آئی سی سی ویمنز چیمپئن شپ کا حصہ ہے۔
-
ہر دیپ سنگھ کے قتل کیس میں 3 مزید واقعات کی بھی تحقیقات
کینیڈا میں ہردیپ سنگھ نجر کے قتل کیس میں بڑی پیش رفت ہوئی ہے، قتل کے الزام میں گرفتاریاں کی گئی ہیں۔ کینیڈین پولیس کے مطابق ہٹ اسکواڈ کو قتل کی ہدایت بھارتی حکومت نے دی تھی۔ میڈیا رپورٹ میں بتایا گیا ہے کہ پولیس کینیڈا میں قتل کے 3 مزید واقعات کی بھی تحقیقات کر رہی ہے۔ میڈیا رپورٹ کے مطابق ایڈمنٹن میں 11 سال کے لڑکے کے قتل کی تحقیقات بھی شامل ہیں۔ میڈیا رپورٹ کے مطابق ہٹ اسکواڈ کے ارکان نے واردات میں مختلف کام سرانجام دیے تھے۔ ہٹ اسکواڈ کے ارکان میں سے ڈرائیور، شوٹر اور نگرانی کرنے والے شامل تھے۔ میڈیا رپورٹ کے مطابق ہردیپ سنگھ نجر کو گزشتہ سال جون میں گرونانک گوردوارے کے دروازے پر قتل کر دیا گیا تھا۔ میڈیا رپورٹ کے مطابق گرفتاریاں جمعہ کو 2 مختلف صوبوں میں عمل میں آئیں، کافی عرصہ سے نگرانی کی جا رہی تھی۔ میڈیا رپورٹ کے مطابق کمل پریت سنگھ، کرن پریت سنگھ اور کرن برار پر فرسٹ ڈگری قتل اور سازش کے الزامات عائد کیے گئے ہیں۔
-
بانی پی ٹی آئی اپنے بیانیے کےہاتھوں یرغمال ہوگئے ہیں، مصطفیٰ نواز کھو کھر
مصطفیٰ نواز کھوکھر نے کہا کہ عمران خان کی یہ ایک خامی ہے کہ وہ ہر چیز کے لئے اسٹیبلشمنٹ کی جانب دیکھتے ہیں ، ان کا کندھا اور بے ساکھی استعمال کر کے حکومت میں آتے ہیں اور پھر وہ اتنے سمجھوتے کر لیتے ہیں کہ درست انداز میں کام نہیں کر سکتے،عمران خان سیاسی رہنماؤں نہیں بلکہ اسٹیبلشمنٹ کی جانب دیکھتے ہیں اور ہماری اسٹیبلشمنٹ کی یہ تاریخ رہی ہے کہ وہ سیاست میں شامل رہی ہے ۔ ہماری اسٹیبلشمنٹ کے موڈ سوئنگس ہوتے ہیں اس کی مثال 2018 کا الیکشن ہے جس میں نیشنل انٹرسٹ میں تھا کہ عمران خان کو سیاست میں آ نا چاہیے لیکن اب نیشنل انٹرسٹ میں یہ ہے کہ عمران خان کو سیاست میں نہیں آنے دینا۔ سابق لیگی رہنما کا مزید کہناتھا کہ 2006میں میثاق جمہوریت تلخ تجربوں کے بعد ہوا، کسی کو پسند، ناپسند کی بنیاد پر لانے کا سلسلہ بند ہونا چاہئے، بانی پی ٹی آئی اپنے بیانیے کےہاتھوں یرغمال ہوگئے ہیں، انھوں نے تمام سیاست دانوں کو چور اور ڈاکو ٹھرایا ہے اب وہ اگر تمام سیاسی جماعتوں کے ساتھ بیٹھ گئے تو ان پر اگلی اٹھے گی کہ آپ کیسے چور ڈاکو کے ساتھ بیٹھ گئے۔ سیاسی میں مخالفت کو دشمنی نہیں بنانا چاہیئے۔ تمام سیاستدانوں کو ایک ساتھ بیٹھنا پڑے گا طے کریں کہ ملک چلانا کس کا کام ہے۔سینیٹر مصطفیٰ نواز کھوکھر کا اہنی سیاسی جماعت بنانے کے حوالے سے کہنا تھا کہ ہماری سیاسی جماعت ایک ڈیڑھ ماہ میں سامنے آجائے گی ، پارٹی کی تنظیم نو پر کام جاری ہے تمام رہنما ؤں سے بار چیت جاری ہے۔جلد پارٹی کا نام بھی بتائیں گے ۔
-
پانچواں ویمنز ٹی ٹوئنٹی : ویسٹ انڈیز ویمنز کی 8 وکٹوں سے کامیابی
ویسٹ انڈیز ویمنز نے پاکستان ویمنز کو پانچویں اور آخری ٹی ٹوئنٹی انٹرنیشنل میں 8 وکٹوں سے شکست دیدی۔ اس جیت میں ایک بار پھر کپتان ہیلی میتھیوز کی شاندار بیٹنگ کا کردار نمایاں رہا جنہوں نے 78 رنز کی اننگز کھیلی۔یہ اس سیریز میں ان کی تیسری نصف سنچری ہے۔ویسٹ انڈیز ویمنز نے پانچ میچوں کی سیریز کا اختتام چار ایک پر کیا ۔ اس سے قبل اس نے ون ڈے سیریز بھی تین صفر سے جیتی تھی۔جمعہ کی شب نیشنل بینک اسٹیڈیم میں کھیلے گئے پانچویں میچ میں ویسٹ انڈیز ویمنز نے ٹاس جیت کر پاکستان ویمنز کو بیٹنگ دی جو 20 اوورز میں 8 وکٹوں پر 134 رنز بنانے میں کامیاب ہوسکی۔ جواب میں ویسٹ انڈیز ویمنز نے 18.2 اوورز میں دو وکٹوں کے نقصان پر مطلوبہ اسکور پورا کرلیاپاکستان ویمنز کی اننگز میں سدرہ امین نے 52 گیندوں پر پانچ چوکوں کی مدد سے 48 رنز بنائے ۔منیبہ علی نے 25 رنز اسکور کیے انہوں نے ٹی ٹوئنٹی انٹرنیشنل میں اپنے ایک ہزار رنز بھی مکمل کرلیے ان سے قبل بسمہ معروف۔ جویریہ خان اور ندا ڈار یہ سنگ میل عبور کرچکی ہیں۔عائشہ ظفر نے 22 رنز کی اننگز کھیلی ۔ ایک موقع پر پاکستان ویمنز کی 84 رنز پر صرف ایک وکٹ گری تھی لیکن اس کے بعد صرف رنز کے اضافے پر 7 وکٹیں گرگئیں۔ایفی فلیچر نے 17 رنز دے کر3 وکٹیں حاصل کیں۔ویسٹ انڈیز ویمنز کی اننگز میں ہیلی میتھیوز نے11 چوکوں کی مدد سے78 رنز بنائے۔ انہوں نے شیمین کیمبل کے ساتھ دوسری وکٹ کی شراکت میں 103 رنز کا اضافہ کیا۔ کیمبل نے33 رنز اسکور کیے اور وہ ناٹ آؤٹ رہیں۔
مختصر اسکور۔
پاکستان ویمنز 134 رنز8 کھلاڑی آؤٹ ( 20 اوورز ) ۔ سدرہ امین 48۔ایفی فلیچر 17 / 3 وکٹ ۔
ویسٹ انڈیز ویمنز 136 رنز2 کھلاڑی آؤٹ ۔ ( 18.2 اوورز ) ہیلی میتھیوز 78۔ شیمین کیمبل 33 ناٹ آؤٹ ۔
نتیجہ ۔ ویسٹ انڈیز ویمنز نے 8 وکٹوں سے جیتا۔ -
گندم بحران کا زمہ دار کون ، قائد ن لیگ نے پیر کو وزیر اعظم کو بلا لیا
گندم کے معاملے پر مسلم لیگ ن کے قائد اور سابق وزیر اعظم نواز شریف کی زیرصدارت جاتی امرا میں اجلاس ہوا۔ اجلاس میں مریم نواز ، صوبائی وزیر خوراک اور دیگر وزرا شریک تھے،پنجاب میں گندم کے کاشتکاروں کو فی من 500 روپے سبسڈی دینے کی سفارشات دی گئیں،محکمہ خوراک پنجاب نے 30 ارب روپے کی سبسڈی کا پلان حکومت کو پیش کیا۔ ذرائع کاکہنا ہے کہ باردانہ لینے والے کاشتکاروں کو سبسڈی دینے پر اتفاق کیا گیا،جو کاشتکار سبسڈی کیلئے درخواست دے چکے ہیں ان کی فی من 500 روپے سبسڈی دی جائے گی۔ذرائع کا مزید کہنا ہے کہ فی من گندم پر سبسڈی صرف 12 ایکٹر کے کاشتکاروں کو ہی دینے کی سفارشات دی گئیں،پنجاب حکومت نے گندم کے کاشتکاروں کی مالی معاونت پر اصولی منظوری دے دی،پنجاب کابینہ کے اجلاس میں باقاعدہ سبسڈی پلان پر منظوری دی جائے گئی۔ قائد ن لیگ نواز شریف نے وزیراعظم شہباز شریف کو پیرکوبلا لیا۔ ذرائع کا کہنا ہے کہ پیر کو وزیراعظم شہباز شریف کی جانب سے نواز شریف کورپورٹ پیش کیے جانے کاامکان ہے۔ میاں نواز شریف نے گندم بحران کے ذمہ داروں کےخلاف ایکشن لینے کی ہدایت کردی۔ مسلم لیگ ن کے قائد اور سابق وزیر اعظم نواز شریف کا کہنا ہے کہ گندم بحران کے ذمہ داروں کو نہیں چھوڑا جائے گا ۔ ان کے خلاف کارروائی کی جائےگی ۔
-
فارم 47 پر بات کی تو آپ اور ن لیگ کو منہ چھپانے کی جگہ نہیں ملےگی، انوارالحق کاکڑ
مسلم لیگ ن کے رہنما حنیف عباسی اور سابق وزیراعظم انوارالحق کاکڑ ک ایک دورسرےپر الزامات کی بھر مار ،دونوں کے درمیان گندم اسکینڈل پر تلخ کلامی ہوئی۔
ذرائع کے مطابق دونوں رہنماؤں کے درمیان تلخ کلامی گزشتہ رات ایک نجی ہوٹل میں ہوئی اور ایک دوسرے پر الزامات لگائے گئے۔انوارالحق نے حنیف عباسی سے کہا کہ گندم معاملے پر آپ نے ہم پر انگلی اٹھائی ہے کیا گرفتار کرنے آئے ہیں؟ جس پر حنیف عباسی نے کہا کہ میں قسم کھاتا ہوں آپ چور ہو اور گندم اسکینڈل میں پیسےکھائےہیں۔حنیف عباسی نے کہا کہ میں نے پروگرام میں جو بھی گفتگو کی وہ بالکل درست تھی۔ جواب میں انوارالحق کاکڑ نے کہا کہ فارم 47 پر بات کی تو آپ اور ن لیگ کو منہ چھپانے کی جگہ نہیں ملےگی۔