Author: صدف ابرار

سپریم کورٹ، ہائیکورٹس میں ججز کی تعیناتی حکومت نے ججز تعیناتی کے طریقہ کار تبدیل کرنے کا فیصلہ کرلیا۔ حکومت نے ججز تعیناتی طریقہ کار میں تبدیلی کیلئے آئینی ترمیم پر کام شروع کردیا۔وفاقی حکومت نے ممکنہ آئینی ترمیم سے متعلق ججز تقرری جوڈیشل کمیشن ارکان کو آگاہ کردیا۔ذرائع کےمطابق وزیرقانون اعظم نذیرتارڑ نےججزجوڈیشل کمیشن میں جواب جمع کرایاکے حکومت ججز تعیناتی طریقہ میں ترمیم کرنے کا ارادہ رکھتی ہے۔اس کےلئے آئینی ترمیم پر کام شروع کر دیا ہے۔
جسٹس منیب اختر نےاستفسار کیاکہ کیا آئینی ترمیم سے کمیشن کی ساخت تبدیل ہو سکتی ہے۔وزیرقانون اعظم نذیرتارڑ نےجواب دیاآئینی ترمیم سے جوڈیشل کمیشن کی ہیت بھی تبدیل ہونے کا امکان ہے۔ذرائع کےمطابق وزیر قانون اعظم تارڑ کے جواب پر جوڈیشل کمیشن رولز میں تبدیلی پر بحث موخر کردی گئی۔ جسٹس یحی آفریدی کا رولز پر رائے دینے سے گریز۔چیف جسٹس پشاور ہائیکورٹ کی موجودہ رولز کے مطابق ہائیکورٹ میں تعینانیاں کرنے کی رائے دی۔

سابق وزیر خزانہ مفتاح اسماعیل نے ٹیکس کے نظام کو بہتر بنانے کے لئے حکومت کو مشورہ دیا ہے کہ اگر کوئی ٹیکس نہ دے تو اسے جیل بھیج دینا چاہئے ،ریاست کو اپنی رٹ قائم کرنی چاہئے۔۔ان کاکہنا تھا کہ کچھ لوگوں کو جیل بھی بھیجناپڑے تو بھیجیں مگر ریاست کی رٹ قائم ہونی چاہئے۔انہوں نے ایک سوال کے جواب میں کہاکہ جہاں آمدنی ہے وہاں ٹیکس لگانا چاہئے۔ ان کاکہنا تھا کہ ڈالر کے حوالے سے سٹیٹ بینک کی موجودہ حکمت عملی درست ہے۔ مفتاح اسماعیل نے کہا کہ ابتداء میں ساڑھے 4 ہزار روپے فی دکان سے ٹیکس لینا شروع کرنا چاہیے۔ دکانداروں کی ہڑتال 2 دن بھی نہیں چلے گی، جب ایم کیو ایم پاکستان عروج پر تھی اور ہڑتال کرواتی تھی تب بھی شام کو دکانیں کھل جاتی تھیں۔مفتاح اسماعیل نے کہا کہ ن لیگ کی اندرونی سیاست کی وجہ سے دکانداروں پر ٹیکس کا فیصلہ واپس لیا گیا۔ یہ کیسی حب الوطنی کہ ٹیکس نہیں دوں گا، آپ کو مٹھائی دے دوں گا؟
انکا کہنا تھا کہ بظاہر نان فائلرز کی سمز بند کرنے کا فیصلہ درست ہے، اگر آپ دکانوں پر ٹیکس نہیں لگاتے تو سب بےکار ہے، دکاندار ایک دن دکان بند کرنا افورڈ نہیں کر سکتا۔سابق وزیر خزانہ نے مزید کہا کہ پی آئی اے، اسٹیل مل کو بیچ دینا چاہیے، حکومت تھوڑے شیئرز اپنے پاس رکھ لے، میں نہیں سمجھتا کہ پبلک پرائیویٹ پارٹنر شپ نجکاری سے بہتر ہے،انکا کہنا تھا کہ اسٹیل مل کے پاس 19 ہزار ایکڑ زمین تھی 2 ہزار ایکڑ پر غیر قانونی قبضہ ہوگیا ہے۔ اسٹیل مل نے 2 سے 4 ہزار ایکڑ پر اپنے ملازمین کی ہاؤسنگ کالونی بنائی ہے۔

وزیراعظم شہباز شریف کے مشیر برائے سیاسی امور رانا ثناءاللّٰہ نے کہا ہے کہ فیصل واوڈا اور محسن نقوی کا تعلق ایک ہی قبیلے سے ہے جو ہمارے ہاتھ مضبوط کرتا ہے۔
جیو نیوز کے پروگرام میں گفتگو کرتے ہوئے رانا ثناءاللّٰہ نے کہا کہ سابق وزیراعظم میاں محمد نواز شریف کو مسلم لیگ (ن) کا صدر بنایا جارہا ہے۔انہوں نے کہا کہ نواز شریف کو غلط طریقے سے پارٹی قیادت سے الگ کیا گیا تھا، پارٹی میں یہ سوچ موجود ہے کہ وہ فیصلے ختم ہوگئے نواز شریف دوبارہ پارٹی صدر بنیں۔رانا ثناءاللّٰہ نے مزید کہا کہ حکومت فارمیشن کے مرحلے میں ہے کابینہ اب تک مکمل نہیں، آنے والے دنوں میں وفاقی کابینہ میں مزید اضافہ ہوسکتا ہے۔ان کا کہنا تھا کہ نائب وزیراعظم کے پاس کوئی ایکسٹرا پاور نہیں ہوتی، یہ بات ٹھیک ہے کہ نائب وزیراعظم کے پاورز الگ سے آئین میں درج نہیں۔وزیراعظم کے مشیر برائے سیاسی امور نے یہ بھی کہا کہ عہدہ سے صرف یہ واضح کرنا ہوتا ہے کہ یہ دیگر میں سینیئر ہیں، اسحاق ڈار وزیر خزانہ نہیں بنے تو یہ بات ختم نہیں ہو رہی تھی۔
انہوں نے کہا کہ جو فیصلے 2017ء اور 2018ء میں ہوئے کیا عدلیہ کے اندر سے پریشر نہیں تھا؟ عدلیہ کو پہلے خود مضبوط ہونا پڑے گا پھر دباؤ کا سامنا کیا جاسکتا ہے۔رانا ثناءاللّٰہ نے کہا کہ ایم کیو ایم پاکستان اور پیپلز پارٹی دونوں ہمارے اتحادی ہیں، ان کی ملاقات سے ہمیں کوئی مسئلہ نہیں۔اُن کا کہنا تھا کہ فیصل واوڈا نے اپنے قبیلے کا نام آزاد قبیلہ رکھا ہے، تو ہمیں کیا اعتراض ہوسکتا ہے، میری معلومات کے مطابق واوڈا کو ایم کیو ایم اور پیپلز پارٹی نے ووٹ دیا تھا۔وزیراعظم کے مشیر برائے سیاسی امور نے کہا کہ آزاد قبیلے نے پہلے بھی ہمارے دونوں اتحادیوں کو اکٹھا کیا تھا، بہتر ہے کہ اگر وہ کراچی پر دونوں جماعتوں کے اختلاف میں کمی لانے میں کامیاب ہوجائیں تو وفاق کےلیے آسانی ہو۔انہوں نے کہا کہ مزدور کی کم سے کم اجرت اس کا حق ہے ملنا چاہیے، فیکٹری کی حد تک کم سے کم اجرت پر کافی حد تک عمل ہوجاتا ہے۔رانا ثناءاللّٰہ نے کہا کہ مزدور یونین کا متحرک کردار کم سے کم اجرت میں ملنے میں بہتری لاسکتا ہے۔

اٹک میں ڈھاک کے قریب تیز رفتار ٹریکٹر ٹرالی کی موٹرسائیکل کوٹکرسے 4 افراد جاں بحق ہوگئے۔حادثے میں جاں بحق ہونے والوں کا تعلق ایک ہی گھرانے سے ہے، جاں بحق افراد کی شناخت 15 سالہ صائم، 17 سالہ اسد، 3 سالہ سیاب اور 8 سالہ افشاں کے نام سے ہوئی ہے۔اندوہناک حادثے میں ایک خاتون شدید زخمی بھی ہوئیں جبکہ ریسکیو اہلکاروں نے زخمی خاتون اور لاشوں کو اسپتل کردیا۔اسپتال ذرائع کے مطابق خاتون نورین بی بی کی حالت تشویشناک ہے جبکہ تمام افراد چورہ شریف جارہے تھے۔

عالمی منڈی میں تیل کی قیمتوں میں کمی ریکارڈ کی گئی ہے۔رپورٹ کے مطابق خام تیل کے سب سے بڑے صارف امریکا میں پیدوار بڑھنے سے بدھ کو تیل کی قیمت میں ایک فیصد سے زائد کی کمی ریکارڈ کی گئی ہے۔عالمی منڈی میں برینٹ کروڈ کے جولائی کے لئے سودے 95 فیصد کمی کے بعد 85.38 ڈالر فی بیرل پر طے پائے جبکہ ویسٹ ٹیکساس انٹرمیڈیٹ کروڈ کے جون کے لئے سودے 1.16 ڈالر کی کمی کے بعد 80.77 ڈالر پر طے ہوئے۔انرجی انفارمیشن ایڈ منسٹریشن کے مطابق فروری میں امریکی خام تیل کی پیداوار بڑھ کر 13.15 ملین بیرل یومیہ ہو گئی ہے جو جنوری میں 12.58 ملین تھی اور یہ گزشتہ تین سالوں کے دوران بڑا اضافہ ہے۔

پی ٹی آئی نے بیرسٹر علی ظفر کو سینیٹ میں اپنا پارلیمانی لیڈر نامزد کردیاہے۔ چیئرمین تحریک انصاف بیرسٹر گوہر علی خان نے چیئرمین سینیٹ یوسف رضا گیلانی کو اس حوالے سے آگاہ کر دیا ہے۔بیرسٹر گوہر نے چیئرمین سینیٹ سے بیرسٹر علی ظفر کی بطور پارلیمانی رہنما تقرری کے نوٹیفکیشن کے اجرا کی سفارش کی ہے۔