Author: صدف ابرار

وزیراعظم شہبازشریف کا سعودی عرب کے دورہ کے اختتام پر بیان دیتے ہو ئے کہا کہ تین روزہ دورہ سعودی عرب کو تاریخی اہمیت کا حامل ہے کہ پرتپاک میزبانی اور پاکستان سے محبت پر ولی عہد شہزادہ محمد بن سلمان کا تہہ دل سے شکریہ ادا کرتے ہیں۔وزیراعظم کا کہنا ہے کہ عالمی اقتصادی فورم پر واشگاف انداز میں بیان کیا کہ دنیا کو پرامن بنانا ہے تو غزہ میں مستقل امن قائم کرنا ہوگا۔دورہ سعودی عرب کے اختتام پر اپنے بیان میں وزیراعظم پاکستان کا کہنا تھا کہ پاک سعودی تعلقات اور معاشی شراکت داری مزید مضبوط ہو رہی ہیں۔وزیراعظم کا کہنا تھا کہ قیادت کی سطح پر ہونے والی مفاہمت کو عملی شکل دینے کےلیے پوری محنت سے کام کریں گے۔ پاکستان اور سعودی عرب کی معاشی شراکت داری سے دونوں ممالک کے تعلقات میں ایک نئے دور کا آغاز ہوا۔
انہوں نے کہا کہ آئندہ چند دنوں میں سعودی عرب کی کاروباری شخصیات کا وفد پاکستان آرہا ہے، سعودی عرب کے کاروباری وفد کی آمد سے معاشی شراکت داری کی رفتار مزید تیز ہوگی۔انکا کہنا تھا کہ دو ماہ کے دوران پاکستان اور سعودی عرب کے درمیان اعلیٰ ترین سطح پر ریکارڈ وفود کا تبادلہ ہوا۔وزیراعظم نے کہا کہ عالمی اقتصادی فورم میں عالمی رہنماؤں سے ملاقاتیں ہوئیں، کثیرالجہتی شعبوں میں باہمی تعاون، تجارت و سرمایہ کاری کے فروغ میں مثبت پیشرفت ہوئی۔شہباز شریف کا کہنا تھا کہ ورلڈ اکنامک فورم پر واشگاف انداز میں کہا کہ دنیا کو پُرامن بنانا ہے تو غزہ میں مستقل امن قائم کرنا ہوگا۔ انہوں نے کہا کہ پُرتپاک میزبانی اور پاکستان سے پُرخلوص محبت پر ولی عہد محمد بن سلمان کا تہہ دل سے شکریہ ادا کرتا ہوں۔ شہزادہ محمد بن سلمان نے سعودی وزراء کو پاکستان کے حوالے سے خصوصی ہدایات جاری کیں۔وزیراعظم نے کہا کہ سعودی وزراء نے قیادت کے درمیان مفاہمت پر عملدرآمد کےلیے بھرپور تیاری کی۔ سعودی عرب کے وزراء کو بھی خراج تحسین پیش کرتا ہوں۔

چیئرمین پی ٹی آئی بیرسٹر گوہر کاکہنا ہے ،کہ ہماری کسی سے مذاکرات سے متعلق کوئی بات چیت نہیں ہو رہی۔ انہوں نے کہا کہ مولانا فضل الرحمان کے ساتھ احتجاج سے متعلق ہماری بات چیت چل رہی ہیں۔ چیئرمین پی ٹی آئی نے واضح کیا کہ ایم کیو ایم پاکستان، مسلم لیگ ن اور پیپلز پارٹی کے علاوہ سب سے بات چیت کریں گے۔ ہم الائنس کے ساتھ احتجاج کرنے جارہے ہیں اور وہ جاری رہے گا۔ گوہر خان نے اڈیالہ جیل کے باہر میڈیا سے گفتگو کرتےہوئے کہاک ہم الائنس کے ساتھ احتجاج کرنے جارہے ہیں اور وہ جاری رہے گا۔
بیرسٹر گوہر نے کہا کہ ہمیں پارلیمنٹ میں بولنے کا موقع نہیں دیا جاتا۔ ہم پُرامن احتجاج کرتے ہیں پھر بھی ہم پر مقدمات درج کیے جاتے ہیں۔ ہم اپنے حقوق کےلیے نکلتے ہیں، پھر بھی ہمیں روکا جارہا ہے۔انکا کہنا تھا کہ ہم واحد سیاسی جماعت ہیں جس میں سب کو بات کرنے کا موقع دیا جاتا ہے۔بانی پی ٹی آئی کی رہائی سے متعلق بیرسٹر گوہر کا کہنا تھا کہ ان کی رہائی بہت ضروری ہے، ہماری کوشش تھی عید سے قبل رہا ہوں۔انہوں نے کہا کہ اڈیالہ جیل میں 14 گھنٹوں کی طویل سماعتیں ہوئی۔ بانی پی ٹی آئی مئی میں اڈیالہ جیل سے رہا ہوں گے اور عوام کے درمیان ہوں گے۔
چیئرمین پی ٹی آئی کا کہنا تھا کہ جیل انتظامیہ نے انتظار پنجوتھا کو آج بھی اندر جانے کی اجازت نہیں دی، انتظار پنجوتھا ہمارا فوکل پرسن ہے، جانے کی اجازت نہ ملنے پر بانی پی ٹی آئی نے احتجاج کیا۔انہوں نے کہا کہ نواز شریف، شہباز شریف، مریم نواز اور آصف زرداری کو چھوٹ ہے، نیب کیسز ختم کر کے نواز شریف کو کلین چٹ دی گئی۔بیرسٹر گوہر کا کہنا تھا کہ نواز شریف اور شہباز شریف فارم 45 پر اپنی سیٹ ہار چکے ہیں۔ عون چودھری اور علیم خان بھی اپنی سیٹ پر ہار چکے ہیں۔ انکا کہنا تھا کہ ہم الائنس کے ساتھ احتجاج کرنے جارہے ہیں اور وہ جاری رہے گا، پیپلز پارٹی اور انکے سیاسی ونگ کے علاوہ سب کے ساتھ ہو سکتا ہے۔ ہمارا احتجاج عدلیہ کی بحالی اور قانون اور آئین کی بالادستی کے لیے ہے۔ لاہور کے احتجاج میں سلمان اکرم راجہ کا اہم کردار ہوگا۔

دفترخارجہ میں پاک امریکا مذاکرات کا پہلا دور مکمل ہوگیا، مذاکرات میں دوطرفہ تعلقات، خطے کی صورت حال اور سیکیورٹی ایشوز پر بات چیت ہوئی۔ذرائع کے مطابق دفترخارجہ میں پاک امریکہ مذاکرات کا پہلا دور مکمل ہوگیا ہے، امریکی وفد کی قیادت قائم مقام انڈر سیکریٹری برائے سیاسی امور جان باس نے کی، امریکی سفیر ڈونلڈ بلوم بھی مذاکرات میں شریک ہوئے۔امریکی وفد انڈر سیکریٹری جان باس کی قیادت میں اسلام آباد پہنچا، پاک امریکا معاشی اور تجارتی تعلقات پر بھی تبادلہ خیال کیا گیا۔ذرائع کا کہنا ہے کہ مذاکرات میں پاک امریکا تعلقات پر مفصل جائزہ لیا گیا۔
سفارتی ذرائع کے مطابق موجودہ حکومت کے اقتدار سنبھالنے کے بعد پاکستان آنے والا یہ پہلا اعلیٰ سطح کا امریکی وفد ہے۔ذرائع کے مطابق امریکا کا اعلیٰ سطح کا وفد پاکستان میں موجود ہے، جس کی قیادت امریکا کے انڈر سیکریٹری جان باس کررہے ہیں۔سفارتی ذرائع کے مطابق دورے میں پاکستان اور امریکا کے تعلقات اور اس میں بہتری کےلیے مفصل جائزہ لیا جارہا ہے جبکہ دونوں ممالک کی بات چیت میں خطے کی صورتحال اور سیکیورٹی معاملات بھی زیر غور ہیں۔سفارتی ذرائع کے مطابق امریکی وفد اتوار کی شب دوحا سے پاکستان پہنچا، پاکستانی حکام سے ملاقاتیں کرنے والا یہ وفد 3 ارکان پر مشتمل ہے، جو آج رات واپس روانہ ہوجائے گا۔

وزیر اعظم شہباز شریف نے کہا ہے کہ موسمیاتی تبدیلی نے پاکستان کو بہت زیادہ متاثر کیا ہے، ا نہوں نے بتایا کہ پاکستان موسمیاتی تبدیلیوں سے متاثر ہونیوالے ملکوں میں سرفہرست ہے ، 2022 کے سیلاب نے پاکستان کو تباہ کردیا اور ہمیں لوگوں کی بحالی کے لیے اربوں روپے خرچ کرنے پڑے عالمی اقتصادی فورم سے خطاب کرتے ہوئے ان کا کہنا تھا کہ 2003 میں سعودی عرب میں جب میں تھا تب مجھے کینسر ہوگیا تھا، مجھے نیو یارک لے جایا گیا اور میرا آپریشن کیا گیا، تب مجھے ہزاروں ڈالر دے کر علاج کروانا پڑا تھا۔
انہوں نے کہا کہ اس وقت میں نے سوچا کہ میرے ملک کے کتنے لوگ اس طرح کا علاج کروانے کے قابل ہیں؟ پھر میں پاکستان آیا اور وزیر اعلٰی پنجاب منتخب ہوگیا، تب ہم نے پنجاب میں گردے، جگر اور کینسر کے لیے ہسپتال بنائے، ہمارے ملک کے بہت سارے افراد مہنگا علاج برداشت نہیں کرسکتے۔ ۔پنجاب گردے ، جگر اور کینسر کے لیے ہسپتال بنائے۔ انہوں نے کہا کہ آج کا سب سے بڑا مسئلہ عالمی عدم مساوات ہے، کووڈ نے اس کو مزید اجاگر کردیا، انہوں نے بتایا کہ موسمیاتی تبدیلی نے پاکستان کو بہت زیادہ متاثر کیا، 2022 کے سیلاب نے پاکستان کو تباہ کردیا اور ہمیں اربوں روپے خرچ کرنے پڑے لوگوں کی بحالی کے لیے۔
شہباز شریف نے بتایا کہ 2011 میں ڈینگی نے پاکستان کو شدید متاثر کیا، مجھے تب ڈینگی کے بارے میں نہیں پتا تھا، صبح سے رات تک ہم ماہرین کے ساتھ اجلاس کرتے تھے، وہ ایک چیلنج تھا، میں نے ایئر کرافٹس کےذریعے مشینیں ہسپتال پہنچوائیں اور اس طرح ہم نے ڈینگی پر قابو پایا۔ انہوں نے کہا کہ میں نے اپنے صوبے میں وزیر اعلٰی پنجاب کے طور پر ہیپاٹائٹس کی شاندار سہولیات مہیا کیں۔ میں نے گردے اور جگر کا بہترین ہسپتال بنایا جو جنوبی ایشیا میں سب سے بہترین ہے۔وزیر اعظم نے کہا کہ سری لنکا والوں نے مجھے خبر دار کیا تھا کہ وزیر اعلی صاحب اس سال آپ کے ملک میں کئی امواتیں ہوں گی تو مجھے اس رات نیند نہیں آئی، لیکن اس سال پنجاب میں 250 لوگ ہی لقمہ اجل بنے۔ ملک میں پولیوکے مکمل خاتمے کے لیے کوششیں جاری ہیں۔