Author: صدف ابرار

ترجمان دفتر خارجہ ممتاز زہرہ بلوچ نے صحافیوں کو ہفتہ وار بریفنگ دیتے ہوئے کہا کہ ایرانی صدر ابراہیم رئیسی نے گزشتہ ہفتے پاکستان کا سرکاری دورہ کیا۔ ترجمان دفتر خارجہ کے مطابق دونوں فریقوں نے تجارتی اور اقتصادی تعاون کو مزید وسعت دینے پر اتفاق کیا۔دونوں ممالک کے درمیان توانائی کے شعبے میں تعاون کی اہمیت کا بھی اعادہ کیا گیا۔بجلی کی تجارت، پاور ٹرانسمیشن لائنز اور آئی پی گیس پائپ لائن پروجیکٹ پر بھی اتفاق کیا گیا ۔ترجمان دفتر خارجہ نے مزید کہا کہ چینی وفد نے پانچ روزہ پاکستان کا دورہ کیا۔چینی وفد نے متعدد پروجیکٹس پر بھی دستخط کئے۔دورے میں ایران اور پاکستان نے اپنے اپنے ممالک میں جیل میں قیدیوں کو رہا کرنے پر اتفاق کیا۔ایران اور پاکستان کے رہنماؤں نے غزہ کی صورتحال پر بھی گفتگو کی۔دونوں ممالک کے رہنماؤں نے غزہ میں فوری سیز فائر پر اتفاق کیا۔

وفاقی دارالحکومت اسلام آباد کی "مثالی پولیس” نے جمعرات کی شام طالبات سے بھری وین کو پرانی ہائی کورٹ کے چوراہے پر روک لیا، وین ڈرائیور کے گاڑی کے کاغذات نہ دکھانے پر ایک پولیس اہلکار نے ڈرائیور کے ساتھ والی سیٹ سنبھال لی اور حکم دیا کہ تھانے چلو۔ ڈرائیور اور کنڈکٹر نے کہا کہ بچیوں کو ان کے گھروں میں ڈراپ کرنا ہے، ان کے والدین گھروں میں انتظار کر رہے ہوں گے۔ بچیاں وقت پر نہ پہنچیں تو ان کے والدین پریشان ہوں گی۔ اس پر پولیس اہلکار نے کہا کہ تم گاڑی تھانے لے کر چلو۔ بچیاں ہماری نہیں تمہاری ذمہ داری ہیں۔ پولیس اہلکار زبردستی گاڑی کو تھانہ رمنا لے گیا۔ اسلام آباد میڈیکل اینڈ ڈینٹل کالج بارہ کہو کی نو طالبات کو تھانے کے سامنے والی سڑک پر بے یار و مددگار چھوڑ دیا گیا جن بچیوں کے پاس فون تھے انہوں نے گھروں سے رابطہ کیا۔ دو تین بچیوں کی گاڑیاں آگئیں جنہوں نے باقی کو بھی اپنے اپنے گھروں تک چھوڑا۔ کچھ والدین نے سینیٹر عرفان صدیقی سے رابطہ کر کے اس واقعے کی تحقیقات کرانے کا مطالبہ کیا اور کہا کہ معاملہ حکام بالا کے علم میں لایا جائے۔ سینیٹر عرفان صدیقی نے کہا کہ یہ معاملہ سینٹ میں بھی اٹھایا جائے گا۔ پولیس کا یہ رویہ انتہائی افسوسناک ہے۔ وزیر داخلہ کو اس کا فوری نوٹس لینا چاہیے۔سینیٹر عرفان صدیقی نے کہامیڈیکل کالج کی طالبات سے بھری وین کو پولیس تھانے لے گئی، وزیر داخلہ تحقیقات کرائیں،

سابق وفاقی وزیر خزانہ مفتاح اسماعیل نے کہا ہے کہ جو گندم پچھلے سال حکومت 120 سے 130 روپے میں بیچی جا رہی تھی وہ گندم جب برآمد ہوئی تو 85 روپے میں پڑی۔ جس کے باعث گندم کی قیمتوں میں کمی ہوئی۔ اسی طرح جو آٹا مہنگا بیچا جا رہا تھا، پرائیویٹ سیکٹر کے گندم درآمد کرنے کی وجہ سے آٹے کی قیمت میں بھی کمی ہوئی۔ مارچ میں مہنگائی 20 فیصد رہی لیکن عوام کی قوت خرید ویسی نہیں تھی۔ مقا می ٹی وی سے گفتگو کے دوران انہوں نے کہا کہ پی ڈی ایم کی حکومت میں گندم مہنگی بک رہی تھی نگران حکومت نے آکر پرائیویٹ سیکٹر کو بھی گندم خریدنے کی اجازت دی تھی۔سابق وفاقی وزیر خزانہ کا کہنا تھا کہ اصل مسئلہ توانائی کی ترسیل کرنے والی کمپنیز کی نجکاری کا ہے ، اگر اس حکومت کو ملک کیلئے کچھ کرنا ہے تو نجکاری کرنی ہو گی ، اور اگر ایسا ہوتا ہے تو توانائی کی ترسیل کرنے والی کمپنیز کی نجکاری بڑا فیصلہ ہو گا ۔

مفتاح اسماعیل نے کہا کہ گندم کے حوالے سے کوئی اسکینڈل نہیں سامنے نہیں آیا، وفاق اور صوبے ہر سال گندم خریدتے ہیں لیکن ابھی تک گندم نہیں خریدی گئی، ملک کیلئے پچھلے چار ماہ میں بہتر رہے جس کی وجہ سے مہنگائی میں کمی ہوئی ہے۔آئی ایم ایف کیساتھ پروگرام کے بعد کچھ مشکلات آئیں گی ، مجھے نہیں لگتا کہ اس حکومت میں اتنا ویژن ہے کہ اشرافیہ پر دبائو ڈال سکیں ۔ اگر آئی ایم ایف کی دی ہوئی مشکلات غریب پر ڈالیں گے تو یہ عوام کیساتھ زیادتی ہو گی ۔مفتا ح اسماعیل نے کہا کہ کیا یہ حکومت رئیل اسٹیٹ ، پراپرٹیز اور ٹریڈرز کو ٹیکس نیٹ پر لائے گی بظاہر یہ مشکل کام ضرور ہے مگر پاکستان کیلئے بہتر ہے ۔پاکستان کے جو معاہدے ایران کیساتھ ہوئے ہیں مجھے نہیں لگتا کہ ان کے ساتھ ہم اتنی تجارت کر سکیں گے ، اس خطے کے دیگر ممالک بھی نہیں چاہتے کہ گیس پائپ لائن منصوبہ پورا ہو۔انکا مزید کہنا تھا کہ اگر بجٹ کا خسارہ کم نہیں کیا جا ئے گا تو کسی عمل کا کوئی فائدہ نہیں ہو گا ، اگلے مالی سال میں ایک کروڑ پاکستانی مزید سطح غربت سے نیچے چلے جائیں گ

مہنگائی کے ستائے عوام پر ایک اور بم گرانے کی تیاری ہو رہی ہے بجلی صارفین پر اربوں کا اضافی بوجھ ڈالے جانے کا امکان ہے، بجلی فی یونٹ 2 روپے 94 پیسے تک مہنگی ہونے کا خدشہ ہے۔بجلی صارفین پراربوں کا اضافی بوجھ ڈالے جانے کا امکان ہے، بجلی فی یونٹ 2 روپے 94 پیسے تک مہنگی ہونے کا خدشہ ہے۔
سی پی پی اے کی ایک ماہ کے لیے ایف سی اے کی مد میں اضافے کی درخواست کی ہے، اضافہ ماہ مارچ کے فیول پرائس ایڈجسٹمنٹ کی مد میں مانگا گیا۔
نیپرا اتھارٹی اضافے سے متعلق درخواست پر کل سماعت کرے گی، درخواست میں مؤقف اٹھایا گیا کہ مارچ میں ہائیڈل سے 27.63 فیصد بجلی پیدا کی گئی، کوئلے سے 10.74 فیصد، ایل این جی سے 20.67 فیصد پیداوار ہوئی۔مارچ میں نیوکلیئر سے 25.79 فیصد بجلی پیدا کی گئی، ونڈ سے 2.55 فیصد، سولر سے 1.37 فیصد بجلی پیدا کی گئی جبکہ مارچ میں بجلی پیداوار پر تقریبا 73 ارب روپے لاگت آئی۔

دفتر خارجہ کے ترجمان ممتاز زہرابلوچ نے حالیہ امریکی رپورٹ کی شدید مذمت کرتے ہوئے اس کے مندرجات کو جانبدارانہ، غلط معلومات اور زمینی حقائق سے مکمل طور پر مختلف قرار دیا ہے۔ انہوں نے نشاندہی کی کہ غیر تصدیق شدہ رپورٹس کی تیاری میں سالانہ مشقوں کی نمائش کا فقدان فطری طور پر ان کے طریقہ کار میں خامیوں کا باعث بنتا ہے۔زہرابلوچ نے اس بات پر زور دیا کہ اس طرح کی رپورٹیں، جو دوسرے ممالک میں سیاسی طور پر متعصبانہ عینک کے ساتھ تیار کی گئی ہیں، انسانی حقوق کے بارے میں فیصلے کرنے کے لیے اکثر گھریلو سماجی مسائل کو رنگین چشموں کے ذریعے غلط استعمال کرتی ہیں۔ اس سال کی رپورٹ واضح طور پر سیاسی چالبازیوں کی وجہ سے انسانی حقوق کے بین الاقوامی ایجنڈے کی وکالت میں کمی کو نمایاں کرتی ہے، اس طرح واضح طور پر دوہرے معیار کی عکاسی ہوتی ہے۔یہ بین الاقوامی انسانی حقوق کی بات چیت کو مؤثر طریقے سے کمزور کرتا ہے اور اس طرح کے سیاسی محرکات سے ہونے والے نقصان کی نشاندہی کرتا ہے،ترجمان کے مطابق یہ بات انتہائی تشویشناک ہے کہ دنیا بھر میں انسانی حقوق کی صورتحال کو اجاگر کرنے کے لیے ایک رپورٹ میں غزہ اور بھارتی مقبوضہ جموں و کشمیر میں انسانی حقوق کی سنگین خلاف ورزیوں کے انتہائی اہم مقامات کو نظر انداز یا کم کیا گیا ہے۔ صرف سیاسی طور پر محرک رپورٹ غزہ کی تشویشناک صورتحال، انسانی امداد کے ہتھیاروں اور 33000 سے زیادہ شہریوں کے قتل عام کو نظر انداز کر سکتی ہے غزہ میں جاری نسل کشی پر امریکہ کی خاموشی انسانی حقوق سے متعلق نام نہاد ملک کی رپورٹوں کے پیچھے بیان کردہ مقاصد کے خلاف ہے۔دفترخارجہ کے مطابق اپنے آئینی فریم ورک اور جمہوری اخلاقیات کے مطابق، پاکستان اپنے انسانی حقوق کے فریم ورک کو مضبوط بنانے کیلئے عزم رکھتا ہے۔ پاکستان بین الاقوامی انسانی حقوق کے ایجنڈے کو فروغ دینے کو پرعزم ہے۔ پاکستان بین الاقوامی انسانی حقوق کی بات چیت میں منصفانہ اور معروضیت کو برقرار رکھنے کے لیے اپنے عزم پر ثابت قدم ہے۔ اگر امریکہ کو اس مشق میں شامل ہونا ضروری ہے۔