Author: صدف ابرار

پاکستان مسلم لیگ ن کے رہنما اور سابق وفاقی وزیر خواجہ آصف نے کہا ہے کہ مجھے امید ہے پیپلزپارٹی بھی کابینہ میں شامل ہو جائے گی ، اتحادی جماعت اگر وفاق میں کابینہ میں شامل ہوئی تو پنجاب میں بھی ہو گی۔ کہ اسحاق ڈار کووزارت خزانہ نہ دینے کا فیصلہ پارٹی لیڈر شپ نے کیا ہے۔ا س وقت ملک نازک دور سے گزر رہا ہے ، اگر محکمہ کی ایکسپرٹیز سے فائدہ لیا جائے تو شائد فائدہ ہو گا ۔لیڈر شپ کومشورے کیلئے اُسی محکمہ کی ایکسپرٹیز لی جائیں تو فائدہ ہو گا ، اس معیشت کو ٹھیک کرنے کیلئے کولڈ بلڈڈ ایکشن کی ضرورت ہے۔نجی ٹی وی کے پروگرام میں گفتگو کرتے ہوئے خواجہ آصف نے کہا کہ کابینہ کے حوالے سے اطلاعات نہیں ہیں صدر مملکت کے حلف کے بعد کابینہ نے حلف اٹھانا تھا ، امید ہے کہ کل یا پرسوں تک وفاقی کابینہ حلف اٹھا لے گی۔ خواجہ آصف نے کہا کہ رمضان المبار ک کا مہینہ آنے سے پہلے ذخیرہ اندوز پوری طرح متحرک ہو گئے ہیں۔ پہلے ذخیرہ اندوزوں نے مہنگائی بڑھا دی ہے ، اب رمضان میں بھی بجلی چوری ہو رہی ہے ۔ بازاروں میں ڈاکو بیٹھے ہوئے ہیں ۔

محکمہ موسمیات کے مطابق وفاقی دارلحکومت اسلام آباد اور گر دو نواح میں موسم سرد اور مطلع ابر آلود رہنے کے علاوہ تیز ہواؤں اور گرج چمک کے ساتھ ہلکی بارش کا امکان ہے، پنجاب کے بیشتر اضلاع میں بھی موسم سرد /مطلع جزوی ابر آلود رہے گا۔ تا ہم میانوالی، خوشاب،سرگودھا، بھکر، ڈی جی خان، لیہ ، جھنگ، فیصل آباد،ناروال، اوکاڑہ، لاہور، گجرات ، گجرانوالہ،اٹک ، راولپنڈی ،مری، گلیات اور گردو نواح میں تیز ہواؤں اور گرج چمک کے ساتھ ہلکی بارش کا امکان ہے۔ جبکہ خیبرپختونخواکے بیشتر اضلاع میں بھی موسم سرد اور مطلع ابر آلود رہنے کے علاوہ وزیرستان، ڈیرہ اسماعیل خان، لکی مروت، بنوں ، کرک، کوہاٹ، کرم، خیبر، باجوڑ، دیر، چترال، کوہستان، سوات، شانگلہ، ایبٹ آباد، مانسہرہ، بونیراور پشاور میں تیز ہواؤں اور گرج چمک کے ساتھ بارش اور پہاڑوں پر برفباری متوقع ہے۔ اسی طرح بلوچستان کے اضلاع خاران، قلات،چاغی، نوشکی، واشک، مستونگ، سبی، نصیر آباد، ژوب، شیرانی، بارکھان، موسیٰ خیل، کوہلو، جھل مگسی، لورالائی، زیارت، کوئٹہ، چمن، پشین، قلعہ عبداللہ اور قلعہ سیف اللہ میں تیز ہواؤں اور گرج چمک کے ساتھ بارش اور پہاڑوں پر برفباری کا امکان۔اس دوران چند مقامات پر موسلادھار بارش کی توقع ہے۔ ادھر سندھ کے بیشتر اضلاع میں موسم خشک رہے گا۔تاہم کشمیر اور گلگت بلتستان میں موسم سرد اور مطلع ابر آلود رہنے کے علاوہ شام/رات کے اوقات میں تیز ہواؤں اور گرج چمک کے ساتھ ہلکی بارش اور پہاڑوں پر ہلکی برفباری کا امکان ہے۔

کابینہ ڈویژن نے آصف علی زرداری کی بطور صدر تعیناتی کا نوٹیفکیشن جاری کردیا۔ نوٹیفکیشن کے مطابق آصف علی زرداری نے باضابطہ طور پر بطور صدر مملکت ذمہ داریاں سنبھال لیں،10 مارچ کو آصف علی زرداری نے صدر مملکت کا حلف اٹھا لیا ،گزٹ نوٹیفکیشن کیلئے پرنٹنگ کارپوریشن کو لکھ دیا گیا ۔ نوٹیفکیشن کے مطابق آصف علی زرداری کا نوٹیفکیشن مسلح افواج، پارلیمنٹ، چیف سیکرٹریز، چاروں گورنرز کو بھجوا دیا گیا۔