Author: صدف ابرار

فیڈرل بورڈ آف ریونیو نے پاکستان میں تیار ہونے والی گاڑیوں پر سیلز ٹیکس کی شرح 25 فیصد تک کر دی ہے، دوسری جانب سیلز ٹیکس کی شرح میں اضافے سے گاڑیاں مزید مہنگی ہونے کا امکان ہے۔ایف بی آر کی جانب سے سیلز ٹیکس کی شرح 18 فیصد مختص کی گئی تھی، جسے اب بڑھا کر 25 فیصد کیا گیا ہے، یہ اقدام رواں مالی سال کے ٹیکس اہداف کو پورا کرنے کے لیے کیا گیا ہے۔جبکہ اس حوالے سے فیڈرل بورڈ آف ریونیو نے باقاعدہ نوٹیفکیشن بھی جاری کر دیا ہے، جس کے مطابق ملک میں تیار ہونے والی گاڑیوں جن میں1400 سی سی یا اس سے زائد انجن والی شامل ہیں، ان پر 25 فیصد سیلز ٹیکس نافذ ہوگا۔
دوسری جانب اضافی سیلز ٹیکس 40 لاکھ یا اس سے زائد قیمت والی گاڑیوں پر بھی عائد ہوگا۔25 فیصد سیلز ٹیکس ملک میں تیار ہونے والی ڈبل کیبن، فورویل پک اپ پر بھی عائد ہوگا۔فنانس ڈویژن نے سیلزٹیکس میں اضافےکا نوٹیفکیشن جاری کر دیا ہے، اقتصادی رابطہ کمیٹی نے 14 فروری کو سیلز ٹیکس اضافے کی منظوری دی تھی، سیلز ٹیکس شرح میں اضافے سے 4 ارب روپے کا اضافی ریونیو حاصل ہوگا۔

قومی اسمبلی اجلاس میں عمرایوب خان کاپوائنٹ آف آرڈرپراظہارخیال کرتےہوئےکہناتھاکہ جن ممبران نے آج حلف لے لیا وہ غیر آئینی ہیں، مجھے ایوان میں قائد ایوان اور قائد حزب اختلاف نامزد کیا، اڈیالہ جیل کے سپرنٹنڈنٹ نے عدالتی احکامات ماننے سے انکار کیا۔ مرکزی رہنما پاکستان تحریک انصاف عمر ایوب کا کہنا ہے کہ فارم 47والوں کوجتوانےکی شدید مذمت کرتےہیں۔تحریک انصاف کےرہنماعمرایوب خان نےکہاہےکہ جس ملک میں قانون کی حکمرانی نہیں وہ کیسےچلےگقومی اسمبلی اجلاس کے دوران اظہار خیال کرتے ہوئے رہنما تحریک انصاف عمرایوب کا کہنا تھا کہ ہم اپنےقائد کوملنےگئے، اڈیالہ جیل کےسپرنٹنڈنٹ نےملنےنہیں دیا، جیل سپرنٹنڈنٹ کسی حکومت یا کورٹ کےتابع ہےیا نہیں ہے؟،جیل سپرنٹنڈنٹ نےعدالتی احکامات کی خلاف ورزی کی۔
انہوں نے کہا کہ آج کی حلف برداری کی کوئی حیثیت نہیں ہے، 47والوں کوجتوانےکی شدید مذمت کرتےہیں، جب تک ہمارے180ممبران اسمبلی نہیں آتےاحتجاج کرتےرہیں گے۔رہنما تحریک انصاف نے کہا کہ آج خواتین کا عالمی دن ہے، آج کےدن خواتین کی مخصوص نشستوں پرڈاکہ ڈالا جارہا ہے، جس ملک میں قانون کی حکمرانی نہیں وہ کیسےچلےگا۔ عمر ایوب کا مزید کہنا تھا کہ مجھےبطوراپوزیشن لیڈرنامزد کیا گیا ہے، دوسری جماعتوں کا مخصوص نشستوں پرحلف لینا توہین عدالت ہے۔
پی ٹی آئی رہنماعمرایوب خان کاکہناتھاکہ جب تک ہمارے180 ارکان اسمبلی میں نہیں آتے ایوان نامکمل ہے،ہماری خواتین کی مخصوص نشستیں بھی ہمیں دی جائیں، جس ملک میں قانون کی حکمرانی نہیں وہ کیسے چلے گا؟گزارش ہو گی کہ خواتین کے عالمی دن پر خواتین کے حقوق پر ڈاکہ ڈالا جارہا ہے۔واضح رہےکہ قومی اسمبلی میں عمرایوب کی تقریرکےدوران سنی اتحادکونسل کے اراکین نے ہلڑبازی بھی کی۔

سابق نگراں وزیراعظم انوار الحق کاکڑ نے اپنے ذمے واجبات ادا کردیے تھے۔محمکہ ہاؤسنگ نے سابق نگراں وزیراعظم کی واجبات ادائیگی کا سرٹیفکیٹ بھی جاری کیا۔سابق نگراں وزیراعظم کی واجبات کی عدم ادائیگی کی خبر غلط فہمی کی بنا پر نشر ہوئی۔سابق نگراں وزیراعظم کی واجبات کی عدم ادائیگی سے متعلق خبر نشر ہونے پر ادارہ معذرت خواہ ہے۔
واضح رہے کہ محکمہ ہاؤسنگ نے سابق نگران وزیر اعظم کے حوالے سے خبر دی تھی کہ انوارالحق کاکڑ بطور سینیٹر منسٹر انکلیو میں گزشتہ ساڑھے پانچ سال سے رہائش پذیر ہیں،انوارالحق کاکڑ کے ذمے منسٹر انکلیو میں ساڑھے پانچ سال رہائشگا ہ 60لاکھ کرایہ واجب ادا ہے،انوارالحق کاکڑ نے منسٹر انکلیو میں رہائش گاہ کا ماہانہ کرایہ ادا نہ کیا ،وزرات ہاؤسنگ اینڈورکس نے رقم کی ادائیگی کیلئے انوارالحق کاکڑ کو نوٹس جاری کردیا ۔

خواتین کے عالمی دن کے حوالے سے خاتون پاکستان ایوارڈز کی تقریب سے خطاب کرتے ہوئے وزیراعظم شہباز شریف نے کہا کہ خواتین کا آج عالمی دن منایا جا رہا ہے، پاکستان میں خواتین کو بااختیار بنانے کے لیے اقدامات اٹھائے جا رہے ہیں۔ وزیر اعظم شہباز شریف نے کہا ہے کہ پاکستانی خواتین نے اپنی ذہانت اور قابلیت سے ہر شعبے میں اپنا لوہا منوایا، قوم کی عظیم بیٹیوں نے دنیا میں پاکستان کا نام روشن کیا۔شہباز شریف نے کہا کہ پنجاب ایجوکیشن انڈومنٹ فنڈ کی طرز پر پاکستان ایجوکیشن انڈومنٹ فنڈ قائم کیا گیا ہے، انڈومنٹ فنڈ کے ذریعے ہونہار طلبا کو وظائف دیئے جائیں گے۔وزیر اعظم کا کہنا تھا کہ وفاقی حکومت صوبائی حکومتوں سے مل کر نوجوانوں کی ترقی کے لیے اقدامات کرے گی۔انہوں نے کہا کہ پنجاب سکل ڈویلپمنٹ کے ذریعے ہزاروں طلبا کو فنی تربیت فراہم کی گئی، ہمیں اپنے بچوں کو ووکیشنل ٹریننگ، آئی ٹی اور مصنوعی ذہانت جیسے شعبوں میں تربیت دینی ہے۔

رواں ہفتے کے دوران 14 اشیاء ضروریہ کے دام بڑھ گئے۔ ادارہ شماریات نے ملک میں مہنگائی سے متعلق ہفتہ وار رپورٹ جاری کر دی۔ رمضان المبارک کی آمد سے قبل ملک میں مہنگائی میں اضافی ریکارڈ کیا گیا،رپورٹ کے مطابق رواں ہفتے پیاز، آلو، ٹماٹر اور انڈے سمیت کئی اشیاء مہنگی ہو گئیں، ایک ہفتے کے دوران پیاز کی فی کلو قیمت 178 روپے سے بڑھ کر 238 روپے ہوگئی۔رواں ہفتے کے دوران آلو فی کلو 13 روپے 36 پیسے بڑھی، ایک ہفتے کے دوران ٹماٹر فی کلو 19 روپے 26 پیسے مہنگے ہوئے۔
رواں ہفتے ایل پی جی کا گھریلو سیلنڈر 140 روپے 59 پیسے مہنگا ہوا۔ پیٹرول، جلانے کی لکڑی، بیف اور مٹن بھی مہنگی ہونے والی اشیاء میں شامل ہیں۔ ایک ہفتے کے دوران انڈوں کی فی درجن قیمت میں 6 روپے 71 پیسے کا اضافہ دیکھا گیا۔رواں ہفتے ایل پی جی کا گھریلو سیلنڈر 140 روپے 59 پیسے مہنگا ہوا۔ پیٹرول، جلانے کی لکڑی، بیف اور مٹن بھی مہنگی ہونے والی اشیاء میں شامل ہیں۔رواں ہفتے چکن، چائے، بریڈ اور گڑ سمیت 14 اشیاء سستی بھی ہوئیں۔جبکہ ایک ہفتے کے دوران تازہ دودھ، دہی سمیت 23 اشیاء کے دام مستحکم رہے۔مارچ کے پہلے ہفتے میں مہنگائی کی شرح میں 1 اعشاریہ 11 فیصد کا اضافہ ریکارڈ کیا گیا، مہنگائی کا مجموعی پارہ 32 اعشاریہ 39 فیصد کی سطح پر پہنچ گیا۔

ملکی تاریخ میں پہلی بار پاکستانی رکن پارلیمنٹیرین آئی ایم ایف اور ورلڈ بینک بورڈ کے ممبر منتخب ہو گئے۔سینیٹر فیصل سلیم آئی ایم ایف اور ورلڈ بینک کے پارلیمنٹری بورڈ کے ممبر منتخب ہو گئے. پارلیمنٹری نیٹ ورک غربت کے خاتمے اور معاشی استحکام سے متعلق ریفارمز کی سفارشات مرتب کرتا ہے۔
دنیا بھر کے 140 ممالک پارلیمنٹری نیٹ ورک آن آئی ایم ایف اور ورلڈ بینک کے رکن ہیں۔پارلیمنٹری نیٹ ورک غربت کے خاتمے اور معاشی استحکام سے متعلق ریفارمز کی سفارشات مرتب کرتا ہے۔واضح رہے کہ خیبر پختونخوا سے تعلق رکھنے والے سینیٹر فیصل سلیم مارچ 2021 میں ایوان بالا کے رکن بنے تھے اور ان کی مدت مارچ 2027 کو ختم ہو رہی ہے۔