Author: صدف ابرار

الیکشن کمیشن نے خیبرپختونخوا اسمبلی میں خواتین کی 20 مخصوص نشستیں الاٹ کردیں۔دستاویزات کے مطابق مسلم لیگ ن، جمعیت علمائے اسلام، عوامی نیشنل پارٹی، پیپلزپارٹی اور پی ٹی آئی پارلیمنٹیرین کو نشستیں مل گئیں، جمعیت علمائے اسلام کو 8، مسلم لیگ ن اور پیپلزپارٹی کو 5،5 نشتیں ملیں، عوامی نیشنل پارٹی اور پی ٹی آئی پارلیمنٹیرین کو ایک ایک نشست دیدی گئی۔جمعیت علمائے اسلام کی نعیمہ کشور، ستارہ آفرین، ایمن جلیل، مدینہ گل آفریدی رکن اسمبلی بن گئیں، اسی طرح رابعہ شاہین، نیلوفر بیگم، ناہیدہ نور اور عارفہ بی بی بھی جمعیت علمائے اسلام کی رکن اسمبلی ہوں گی، مسلم لیگ ن کی آمنہ سردار، فائزہ ملک، افشاں حسین، شازیہ جدون اورجمیلہ پراچہ رکن اسمبلی بن گئی۔الیکشن کمیشن کی جاری کردہ دستاویز میں بتایا گیا کہ پیپلز پارٹی کی شازیہ طہماس، نائمہ کنول، مہر سلطانہ، اشبر جدون اور فرزانہ شیرین، پی ٹی آئی پارلیمنٹیرین کی نادیہ شیر اور عوامی نیشنل پارٹی کی خدیجہ بی بی رکن اسمبلی بن گئیں۔

سوئی سدرن گیس کمپنی (ایس ایس جی سی) کا کہنا ہے کہ پاکستان کے اندرون ملک گیس ذخائر مالی سال 2026-27 تک موجودہ پیداوار کے نصف تک گر جانے کا امکان ہے۔ گیس سپلائی کرنے والی کمپنی نے کہا کہ قدرتی گیس کی کم ہوتی ہوئی پیداوار درآمدی چینلز پر منحصر ہے جس کی وجہ ایل این جی کی قیمت میں زبردست اضافہ ہے۔ ’اس منظر نامے میں گیس کی دستیاب مقداروں کے محتاط استعمال کی ضرورت ہے‘۔ایس ایس جی سی نے اپنی رپورٹ میں کہا کہ ’مقامی گیس کے بدلے آر ایل این جی درآمد کی جاتی ہے، جو کہ دن بدن مہنگی ہوتی جا رہی ہے جبکہ موجودہ حالات میں آر ایل این جی کی دستیابی بھی ایک چیلنج ہے۔‘
کمپنی نے کہا کہ قدرتی گیس کا ایک سستا متبادل تھر کول کے گیسیفیکیشن سے تیار کی جانے والی مصنوعی گیس ہے۔ایس ایس جی سی نے کہا کہ تھر میں 175 بلین ٹن کوئلے کے دنیا کے ساتویں بڑے ذخائر ہیں جو 200 سال سے زائد عرصے تک 100,000 میگاواٹ بجلی پیدا کرنے کے لیے کافی ہیں۔ ایس ایس جی سی نے نوٹ کیا کہ پاکستان میں بائیو گیس کی پیداوار کی کافی صلاحیت موجود ہے اور اس کے ساتھ ملک قابل تجدید توانائی کے ذرائع جیسے جانوروں کے گوبر، میونسپل ٹھوس فضلہ، توانائی کی فصلیں، سلاٹر ہاؤس کا فضلہ وغیرہ استعمال کر کے آر ایل این جی کی درآمدات کو کم کر سکتا ہے۔

دنیا بھر میں میٹا کی فیس بک سمیت دیگر سروسز کے اکاؤنٹس اچانک بند ہوگئے، جو ایک گھنٹے سے زائد معطل رہنے کے بعد بحال ہوئے۔ اس دوران صارفین کو مشکلات کا سامنا کرنا پڑا۔دنیا کی سب سے بڑی سوشل میڈیا ویب سائٹ فیس بک اکاؤنٹس کے سیشنز خود بخود ایکسپائر ہوگئے تھے۔ جس کے باعث صارفین کو مشکلات کا سامنا ہوا ۔دنیا کی سب سے بڑی سوشل میڈیا ویب سائٹ فیس بک اکاؤنٹس کے سیشنز خود بخود ایکسپائر ہوگئے۔ صارفین کا کہنا ہے کہ دوبارہ لاگ ان کرنے کی کوشش کی تو فیس بک نے ان کے پاس ورڈ کو ہی غلط قرار دے دیا۔
فیس بک کے علاوہ میٹا کی ایک اور سروس انسٹاگرام پر بھی صارفین کو رسائی میں مشکلات کا سامنا ہے۔ دوسری جانب میٹا کی ایک اور سروس واٹس ایپ پر ابھی تک صارفین کو رسائی حاصل ہے۔ برطانوی میڈیا کے مطابق فیس بک، انسٹاگرام اور میسینجر وسیع پیمانے پر ڈاؤن ہوگئے ہیں۔ اب تک میٹا کی جانب سے اس بارے میں کوئی تفصیلات جاری نہیں کی گئیں۔
صارفین کا کہنا ہے کہ دوبارہ لاگ ان کرنے کی کوشش کی تو فیس بک نے ان کے پاس ورڈ کو ہی غلط قرار دے دیا۔ فیس بک کے علاوہ میٹا کی ایک اور سروس انسٹاگرام پر بھی صارفین کو رسائی میں مشکلات کا سامنا ہے۔ دوسری جانب میٹا کی ایک اور سروس واٹس ایپ پر ابھی تک صارفین کو رسائی حاصل ہے۔ برطانوی میڈیا کے مطابق فیس بک، انسٹاگرام اور میسینجر وسیع پیمانے پر ڈاؤن ہوگئے ہیں۔ اب تک میٹا کی جانب سے اس بارے میں کوئی تفصیلات جاری نہیں کی گئیں۔
اس سے قبل 17 فروری سے بند ایکس سروسز بھی تاحال بحال نہ ہو سکیں سوشل میڈیا پلیٹ فارم ایکس کی سروسز صارفین وی پی این سے استعمال کر رہے،پی ٹی اے کا ایکس سروسز کی بندش پر 15 روز سے ڈاؤن سروسز پر تاحال کوئی مؤقف نہیں آیا.

وزیر اعظم شہباز شریف کابینہ کے حوالے سے نواز شریف سے ملاقات کریں گے جس کے بعد وزیر خزانہ کے لیے محمد اورنگزیب کے نام کا اعلان کیا جائےگا۔ نوازشریف دور میں وزیرخزانہ رہنے والے اسحاق ڈارکو ئی اور اہم ذمہ داری دی جائیگی ۔محمد اورنگزیب حبیب بینک کے صدر اور چیف ایگزیکٹو کے طور پر فرائض سرانجام دے رہے ہیں ،انہیں برطانیہ سے پاکستان لایا گیا ہے۔ گزشتہ روز وزیراعظم شہباز شریف نے وزارت عظمیٰ کا حلف اٹھانےکے بعد جو میٹنگ کی اس میں محمد اورنگزیب بھی موجود تھے۔محمد اورنگزیب 30اپریل 2018 سے حبیب بنک کے صدر اور چیف ایگزیکٹو آفیسر کے طور پر فرائض سرانجام دے رہے ہیں جبکہ اس سے قبل وہ گلوبل کارپوریٹ بینک کی ایشیائی شاخ کے سربراہ تھے۔انہوں نے بی ایس اور ایم بی اے کی ڈگریاں وارٹن اسکول (پنسلوانیا یونیورسٹی) سے حاصل کیں۔ان کے پاس 30 سال سے زیادہ کا بین الاقوامی بینکنگ کا تجربہ ہے۔انہیں معاشی مہارت، شاندار کیریئر اور بہترین انٹرنیشنل ریپوٹیشن کے باعث وزارت خزانہ جیسی اہم ترین ذمہ داری سونپنے کا فیصلہ کیا گیا ہے۔
محمد اورنگزیب پانچ دہائیوں پر محیط اپنی شاندار پروفیشنل لائف کے دوران اے بی این ایمرو اور رائل بینک آف اسکاٹ لینڈ میں بھی سنیئر پوزیشنز پر تعینات رہے۔وہ وال اسٹریٹ جنرل یعنی ڈاؤ جونز گروپ کی قائم کردہ گلوبل سی ای او کونسل کے واحد پاکستانی ممبر ہیں جبکہ پاکستان بینکس ایسوسی ایشن کے چیئرمین اور انسٹی ٹیوٹ آف بینکرز کے کونسل ممبر بھی ہیں۔اس حوالے سے جب مسلم لیگ ن کے رہنما عطاتارڑ سے سوال کیا گیا کہ کیا محمد اورنگزیب کو مشیر خزانہ بنانے کا فیصلہ کیا گیا ہے؟تو ان کا کہناتھا کہ کابینہ کے تمام وزرا کے ناموں کا اکٹھے اعلان کیا جائیگا ، سب وزراء کے نام اور انکے محکموں کا اعلان کابینہ ڈویژن کی طرف سے کیا جائیگا۔

قومی اسمبلی کے 334 نشستوں پر نمائندے ایوان میں موجود ہیں، مخصوص نشستوں کی الاٹمنٹ کے بعد قومی اسمبلی میں پارٹی پوزیشن تبدیل ہوگئی۔ مسلم لیگ ن 123 نشستوں کے ساتھ قومی اسمبلی میں سب سے بڑی جماعت بن گئی، ن لیگ نے 75 سیٹیں جیتیں، 9 آزاد شامل ہوئے، 34 خواتین، 5 اقلیتوں کی نشستیں ملیں۔قومی اسمبلی میں سنی اتحاد کونسل کے ارکان کی تعداد 82 ہے، پیپلزپارٹی کے ارکان کی مجموعی تعداد 73 ہو گئی، پیپلزپارٹی نے 54 جنرل نشستیں جیتیں، خواتین کی 16، اقلیتوں کی 3 نشستیں ملیں۔ایم کیو ایم پاکستان کے ارکان کی مجموعی تعداد 22 ہے، ایم کیو ایم کو 17 جنرل، چار خواتین، 1 اقلیتوں کی نشست ملی،
جمیعت علمائے اسلام کے ارکان کی مجموعی تعداد 11 ہو گئی، جے یو آئی نے 6 جنرل، 4 خواتین، 1 اقلیت کی نشست حاصل کی۔مسلم لیگ ق کے ارکان کل تعداد 5 جن میں 4 جنرل سیٹیں، ایک نشست خواتین کی ملی، آئی پی پی کے 4 ارکان میں سے تین جنرل، ایک خواتین کی نشست ملی، ایم ڈبلیو ایم، مسلم لیگ ضیاء، باپ، بی این پی، نیشنل پارٹی اور پی کے میپ کی ایک ایک نشست ہے۔ قومی اسمبلی میں 8 ارکان کی آزاد حیثیت برقرار ہے، قومی اسمبلی کے ایک حلقے پر الیکشن نہیں ہوا، ایک کا نوٹیفکیشن روک رکھا ہے۔

رہنما اے این پی ایمل ولی خان نے الزام عائد کیا ہے کہ ایک امیدوار کے 2 ہزار ووٹ کو چند کروڑ میں 28 ہزار بنا دیا جاتا ہے، حیات آباد سے افغان شہری ممبرقومی اسمبلی منتخب ہوا، جس کا نادرا کا کارڈ بلاک ہے۔پاکستان ایک قوم نہیں بلکہ مختلف اقوام کے مجموعے کا ملک ہے، 1973 کا آئین بتاتا ہے کہ تمام قومیتوں کو ایک سسٹم پر متفق کرکے چلایا جائے۔ خیبر پختونخوا میں 9 مئی والوں کو دو تہائی اکثریت دلا کر مسلط کردیاگیا،خیبر پختونخوا میں بدترین دھاندلی ہوئی ہے، جو ہار گئے ان کے پیسے بھی گئے۔
اُن کا کہنا تھا کہ پاکستان ایک قوم نہیں بلکہ مختلف اقوام کے مجموعے کا ملک ہے، 1973 کا آئین بتاتا ہے کہ تمام قومیتوں کو ایک سسٹم پر متفق کرکے چلایا جائے۔ ایمل ولی خان نے یہ بھی کہا کہ یہ کیسا جنون ہے جو سندھ، بلوچستان اور پنجاب میں نہیں، صرف خیبر پختونخوا میں رہ گیا، پوچھتا ہوں 10 سال میں صوبے میں انہوں نے ایسی کیا کارکردگی دکھائی؟