Author: صدف ابرار

اسلام آباد میں یوٹیلیٹی اسٹورز پر آٹا، چینی اور چاول عام مارکیٹ سے مہنگے داموں فروخت ہونے لگے۔ یوٹیلیٹی اسٹورز پر چینی بھی عام مارکیٹ کی نسبت 9 روپے مہنگی بیچی جا رہی ہے۔دستاویزات کے مطابق یوٹیلیٹی اسٹورز پر 20 کلو آٹے کا تھیلا 2840 روپے میں جبکہ عام مارکیٹ میں 20 کلو آٹا 2792 روپے میں مل رہا ہے۔یوٹیلیٹی اسٹورز پر چینی کی قیمت 155 روپے فی کلو ہے جو مارکیٹ میں 146 روپے کلو کے حساب سے حاصل کی جا سکتی ہے۔دستاویزات کے مطابق سفید چنے عام مارکیٹ کی نسبت یوٹیلیٹی اسٹورز پر 13.53 روپے مہنگے فروخت کیے جا رہے ہیں۔ اس کے علاوہ سیلا چاول عام مارکیٹ کی نسبت یوٹیلیٹی اسٹورز پر 53.40 روپے مہنگا ہے۔
مارکیٹ میں سفید چنا 391 روپے فی کلو ہے جبکہ یوٹیلیٹی اسٹورز پر سفید چنا 405 روپے کلو میں دستیاب ہے۔دستاویزات کے مطابق عام مارکیٹ میں سیلا چاول 317 روپے فی کلو دستیاب ہے جبکہ یوٹیلیٹی اسٹورز پر فی کلو سیلا چاول 370 روپے کلو ہے۔

وزارتِ صنعت و پیداوار کی سمری کی بنیاد پر وفاقی کابینہ کی اقتصادی رابطہ کمیٹی نے رمضان پیکیج کی منظوری دینے کے بعد حکومت نے ملک بھر کے یوٹیلیٹی اسٹورز میں 4 مارچ سے 7 ارب 49 کروڑ روپے کے رمضان پیکیج پر عملدرآمد شروع کرنے کا اعلان کیا ہے۔ 19 اہم اشیا پر رعایت کے ساتھ ساتھ مستحقین کو نقد امداد بھی دی جائے گی۔رمضان پیکیج سے وہ مستحقین مستفید ہوسکیں گے جو بے نظیر انکم سپورٹ پروگرام کے تحت رجسٹرڈ ہیں۔ رواں مالی سال کے بجٹ 5 ارب روپے مختص کردیے گئے ہیں۔ باقی رقم وزیر اعظم کے رلیف پیکیج کے تحت مختص کی جائے گی۔
اقتصادی رابطہ کمیٹی سے کہا گیا تھا کہ فائنانس ڈویژن کو رقم فوری جاری کرنے کی ہدایت کی جاسکتی ہے تاکہ رمضان پیکیج کے تحت ضروری اشیا بروقت خریدی جاسکیں۔
حکومت نے رواں مالی سال کے دوران بنیادی ضرورت کی اشیا کے لیے سبسڈی کی مد میں 35 ارب روپے مختص کیے ہیں۔یہ بھی بتایا گیا ہے کہ بین الاقوامی مالیاتی فنڈ (آئی ایم ایف) کی طرف سے نان ٹارگیٹیڈ اشیا کی سبسڈی پر پابندی کے باعث حکومت نے صرف بے نظیر انکم سپورٹ پروگرام کے تحت رجسٹرڈ نادار افراد کے لیے ہی منتخب اشیا پر سبسڈی کا اہتمام کیا ہے۔

سابق وزیر اعظم شاہد خاقان عباسی نے کہا ہے کہ پنجاب اور وفاق میں نواز شریف کی مرضی کے بغیر فیصلے نہیں ہوں گے۔شاہد خاقان عباسی کا کہنا تھا کہ اگر الیکشن نہ ہوتے تو شاید یہ حالات نہ ہوتے، اس طرح الیکشن نہیں ہونے چاہئیں تھے جس طرح الیکشن کمیشن نے کرائے ہیں۔انہوں نے کہا کہ آج لوگوں کا الیکشن سے اعتماد اُٹھ گیا ہے، آج دیکھیں لوگ باہر کیا باتیں کرتے ہیں، ابھی میں دفتر آیا ہوں تو 3 لوگوں نے مجھے کہا ہے کہ الیکشن دوبارہ کیوں نہیں ہو رہے۔شاہد خاقان عباسی نے کہا کہ اب لوگ پوچھ رہے ہیں جیتا کون ہے؟ جیتنے والے بھی ہارنے والوں سے زیادہ شرمندہ ہیں۔انہوں نے کہا کہ جیتنے والے اپنے آپ کو مبارک باد کے قابل بھی نہیں سمجھتے، آج جیتنے والے بھی ہار گئے ہیں، نقصان ملک کا ہوا ہے۔

محکمہ موسمیات کے مطابق ملک کے بیشترعلاقوں میں آج اتوار کو موسم سرد اور خشک رہنے کا امکان ہے جبکہ مغربی علاقوں میں مطلع جزوی ابرآلود رہے گا، اس کے علاوہ اسلام آباد میں تیز ہواؤں اور گرج چمک کے ساتھ بارش کا امکان ہے۔وادیٔ نیلم کے سیاحتی مقامات کیرن، اپر نیلم، لوات بالا، شاردہ اور اڑانگ کیل میں رات سے برف باری کا سلسلہ جاری ہے۔اس کے علاوہ تاؤبٹ، جاگراں، شونٹھر، گریس اور سرگن کی وادیوں میں بھی برف باری ہو رہی ہے۔
مغربی ہواؤں کا نیا سلسلہ آج رات بلوچستان میں داخل ہونے کا امکان ہے جس کی وجہ سے بلوچستان بھر میں بارش، ژالہ باری اور بالائی علاقوں میں برف باری متوقع ہے۔زیارت، کان مہتر زئی اور توبہ اچکزئی سمیت بالائی علاقوں میں یخ بستہ ہواؤں کے باعث موسم شدید سرد ہو گیا ہے۔محکمۂ موسمیات کے مطابق آج خیبر پختون خوا، گلگت بلتستان، خطہ پوٹھوہار اور اسلام آباد میں تیز ہواؤں اور گرج چمک کے ساتھ بارش اور پہاڑوں پر برف باری کا امکان ہے۔تتہ پانی کے مقام پر لینڈ سلائیڈنگ کے باعث بند شاہراہِ قراقرم بحال نہ ہو سکی، سڑک کے دونوں طرف گاڑیوں کی لمبی قطاریں لگ گئی ہیں۔اس حوالے سے ضلعی انتظامیہ کا کہنا ہے کہ سیکڑوں مسافر پھنسے ہوئے ہیں، شاہراہِ قراقرم کو کلیئر کرنے کا کام آج شروع کیا جائے گا۔

وزیر خارجہ جلیل عباس جیلانی اور ایران کے وزیر خارجہ حسین امیر عبداللہیان کے درمیان ٹیلی فونک رابطہ ہوا ہے۔وزارت خارجہ کے مطابق ایرانی وزیر خارجہ نے ایرانی قیادت اور عوام کی جانب سے نگران حکومت کو پاکستان کے پارلیمانی انتخابات 2024 کے کامیاب انعقاد پر مبارکباد پیش کی۔نگراں وزیر خارجہ جلیل عباس جیلانی نے ایران کی قیادت اور عوام کی جانب سے پاکستان کیلئے نیک خواہشات کا اظہار کرنے پر ان کا شکریہ ادا کیا۔پاکستان اور ایران کی حکومتوں اور عوام کے درمیان قریبی برادرانہ تعلقات کی روشنی میں دونوں وزرائے خارجہ نے باہمی دلچسپی کے تمام شعبوں میں دوطرفہ تعاون کو مزید مستحکم کرنے کے عزم کا اعادہ کیا۔یاد رہے کہ رواں ماہ کے اوائل میں ایرانی وزیر خارجہ کے دورہ پاکستان کے بعد سے دونوں ممالک نے سرکاری رابطوں کو مکمل طور پر بحال کر دیا ہے۔دونوں ملکوں کے درمیان تعلقات اس وقت کشیدہ ہوگئے تھے جب ایران نے پاکستانی فضائی حدود کی خلاف ورزی کی تھی۔ جس کے رد عمل میں پاکستان نے بھی ایران میں بلوچستان سے ملحقہ علاقے میں دہشت گردوں کو نشانہ بنایا تھا۔

الیکشن کمیشن کے مطابق ن لیگ قومی اسمبلی میں 107 نشستوں کیساتھ سب سے بڑی جماعت بن گئی ہے،قومی اسمبلی میں مسلم لیگ ن کی جنرل نشستوں کی تعداد 84 ہے،مسلم لیگ ن کو 23 مخصوص نشستیں الاٹ کی گئیں،ن لیگ کو قومی اسمبلی میں خواتین کی19،اقلیتوں کی4 مخصوص نشستیں الاٹ ہوئیں۔الیکشن کمیشن آف پاکستان کا کہنا ہے کہ سنی اتحاد کونسل کی قومی اسمبلی میں81جنرل نشستیں ہیں،سنی اتحاد کونسل کو مخصوص نشستوں کی الاٹنمٹ کا معاملہ الیکشن کمیشن میں زیر التوا ہے۔الیکشن کمیشن نے قومی اسمبلی میں 8 کامیاب ارکان کو آزاد برقرار رکھا ہے۔
پیپلز پارٹی کی قومی اسمبلی میں 68 نشستیں ہیں،قومی اسمبلی میں پیپلزپارٹی کی 54 جنرل نشستیں ہیں،پیپلز پارٹی کو قومی اسمبلی میں 14 مخصوص نشستیں الاٹ ہوئیں،پیپلز پارٹی کو قومی اسمبلی میں خواتین کی 12، اقلیتوں کی 2 مخصوص نشستیں ملیں۔جے یو آئی کی نشستوں کی تعداد 7،ق لیگ5، آئی پی پی کے ارکان کی تعداد 4 ہے،مسلم لیگ ضیاء،ایم ڈبلیوایم، پی کے میپ،بی اے پی،بی این پی اور نیشنل پارٹی کی ایک ایک نشست ہے۔
قومی اسمبلی کے ایک حلقے میں انتخابات نہیں کروائے گئے،2 کےنوٹیفکیشن روک رکھےہیں،قومی اسمبلی میں خواتین کی 22، اقلیتوں کی 3نشستوں کے نوٹیفکیشن جاری نہیں کیے گئے۔سنی اتحاد کونسل کو مخصوص نشستیں الاٹ کرنے یا نہ کرنےکافیصلہ سوموار کو کیا جائے گا،سنی اتحادکونسل کومخصوص نشستیں نہ ملنےپربچ جانے والی25نشستیں دیگرجماعتوں میں تقسیم کردی جائیں گی۔