ترجمان الیکشن کمیشن نے کہا ہے کہ دو یا زائد نشستوں پر کامیاب امیدوار ایک نشست اپنے پاس رکھ سکتے ہیں۔ترجمان نے کہا کہ آئین کے آرٹیکل 223 تھری کے تحت کسی بھی اسمبلی کی نشست لینے سے قبل باقی تمام نشستوں سے استعفیٰ دینا ہوگا۔ کامیاب امیدوار خود یا اپنے مجاز نمائندہ کے ذریعے نشست یا نشستوں سے دستبردار ہونے کی درخواست چیف الیکشن کمشنر کو دے سکتا ہے۔درخواست الیکشن کمیشن پاکستان سیکریٹریٹ اسلام آباد یا صوبائی الیکشن کمشنر پنجاب، سندھ، خیبر پختونحوا اور بلوچستان کے دفتر میں جمع کرواسکتے ہیں۔بصورت دیگر آرٹیکل (2) 223 کے تحت 30 دن گزرنے کے بعد تمام نشستیں خالی تصور کی جائیں گی ماسوائے اس نشست کے جس پر امیدوار سب سے آخر پر کامیاب قرار پایا ہ
Author: صدف ابرار
-
کینیڈا کی تاریخ میں پہلی بار کسی مقدمہ میں دہشتگردی کے قانون کا اطلاق
کینیڈین شہر لندن اونٹاریو میں 2021 میں پاکستانی خاندان کو گاڑی تلے کچلنے کے واقعہ کے ملزم نیتھینیل ویلٹمین کو دہشتگردی کا مجرم قرار دے دیا گیا۔ ٹورنٹو سے ملنے والی اطلاعات کے مطابق کینیڈا کی تاریخ میں پہلی بار کسی مقدمہ میں دہشتگردی کے قانون کا اطلاق کیا گیا۔ سپیریئر کورٹ کی جسٹس رینی پومیرنس نے مجرم کا نام لینے سے گریز کیا اور کہا میں نے مجرم کا نام نہ لینے کا انتخاب کیا ہے۔ انہوں نے کہا کہ میں مجرم کی سوچ کا بھی ذکر نہیں کروں گی کہ یہ کارروائی دہشتگردی کے زمرے میں آتی ہے۔ یاد رہے کہ 23 سال کے مجرم نےجون 2021 میں سلمان افضال نامی پاکستانی شہری اور انکے خاندان پر گاڑی چڑھا دی تھی۔ واقعہ میں سلمان افضال، انکی اہلیہ مدیحہ، بیٹی یمنیٰ اور والدہ طلعت افضال جاں بحق ہوئے تھے۔مجرم کو فرسٹ ڈگری مرڈر اور کم سن کو قتل کرنے کی کوشش کا مجرم قرار دیا گیا۔ مجرم کو کسی پیرول کے بغیر عمر قید یعنی 25 سال قید کاٹنا پڑے گی۔ واضح رہےویلٹمین نے پاکستانی نژاد کینیڈین فیملی کو ان کی شناخت اور مسلمان ہونے کے باعث جان بوجھ کر اس وقت نشانہ بنایا جب وہ شام کو چہل قدمی کے لیے نکلے تھے۔قتل کیے جانے والوں میں 46 سالہ سلمان افضال، ان کی 44 سالہ اہلیہ مدیحہ سلمان، 15 سالہ بیٹی یمنٰی افضال اور سلمان افضال کی 74 سالہ والد طلعت افضال شامل تھے۔ ان افراد کو ویلٹمین نے لندن اونٹاریو میں اپنے ٹرک کی ٹکر سے ہلاک کیا تھا۔
-
کوہستان،غیر ت کے نام پر لڑکا لڑکی قتل
خیبر پختونخوا کے ضلع کولئی پالس کوہستان میں لڑکا لڑکی کو غیرت کے نام پر فائرنگ کرکے قتل کردیا گیا۔پولیس کے مطابق فائرنگ کا واقعہ گاؤں چیرگئی برپارو میں پیش آیا جہاں لڑکا اور لڑکی کو فائرنگ سے ہلاک کیا گیا ہے۔پولیس کے مطابق ایک گھر کے کمرے میں نوجوان لڑکے اور لڑکی کو دیکھ کر لڑکی کے گھر والوں نے فائرنگ کرکے دونوں کو قتل کردیا۔پولیس کا کہنا ہے کہ لڑکی کے والد اور دو بھائیوں پر قتل کا مقدمہ درج کرلیا گیا ہے اور مقتولین کی لاشیں پوسٹ مارٹم کے لیے تحصیل ہیڈ کوارٹر اسپتال پٹن منتقل کردی گئی ہیں۔پولیس کے مطابق قتل کی واردات کے بعد ملزمان فرار ہوگئے جن کی تلاش کے لیے چھاپے مارے جارہے ہیں۔
-
الیکشن نتائج پر پراپیگنڈا کرنے والے120سوشل میڈیااکاونٹس کی نشاندہی پر ایف آئی اے کی کاروائی
ڈی جی ایف آئی اے وقارالدین کی زیرصدارت مشترکہ تحقیقاتی کمیٹی کا پہلا اجلاس ہوا۔مشترکہ تحقیقاتی ٹیم کو ٹرولرز اکاونٹس پر ایف آئی اے سائبر ونگ نے بریفنگ دی،مشترکہ تحقیقاتی ٹیم کوبریفنگ میں بتایا گیا کہ 3درجن صارفین کو جلد نوٹس جاری کیے جائیں گے،ایف آئی اے نے پی ٹی اے کو 52 صارفین کے ٹوئٹر اور یوٹیوب اکاونٹس بند کرنے کی سفارش کی۔ذرائع کا کہنا ہے کہ تحقیقاتی کمیٹی نے الیکشن نتائج پر پراپیگنڈا کرنے والے120سوشل میڈیااکاونٹس کی نشاندہی کی ہے،سرکاری افسران ، ججز کیخلاف مہم چلانے والے 120 اکاونٹس کی تفصیلات پی ٹی اے سے طلب کرلی گئی ہیں۔ذرائع کا کہنا ہے کہ 35یوٹیوبرز، ٹرولرز اور سوشل میڈیا صارفین کو نوٹس بھیج دیئے گئے ہیں۔
-
رافیل نڈال کے کیر ئیر کے اہم میچز کونسے تھے؟
رافیل نڈال نے اپنے کیریئر کے دو سب سے اہم میچوں کا انکشاف کیا ہے جس میں واضح انتخاب کے ساتھ ساتھ زیادہ غیر متوقع انتخاب کا حوالہ دیا گیا ہے۔مشہور ہسپانوی کھلاڑی نے 2008 کے ومبلڈن فائنل میں راجر فیڈرر کے خلاف اپنی یادگار فتح اور 2012 کے آسٹریلین اوپن فائنل میں نوواک جوکووچ کے ہاتھوں اذیت ناک شکست کو اپنے کیر ئیر کے یادگار میچ قرار دئے ہے،2008 ومبلڈن چیمپئن شپ کے دوران، نڈال نے فائنل میں اپنے زبردست حریف فیڈرر کو 6-4، 6-4، 6-7(5-7)، 6-7(8-10)، 9-7 سے سنسنی خیز مقابلے کے بعد شکست دی۔ ، آل انگلینڈ کلب میں اپنے افتتاحی ٹائٹل کو نشان زد کرتے ہوئے۔بہت سے لوگوں کے نزدیک ٹینس کی تاریخ کے بہترین میچوں میں سے ایک کے طور پر جانا جاتا ہے، اس مقابلے میں رافیل نڈال نے اپنا پانچواں گرینڈ سلیم ٹائٹل جیت لیا ،2012 کے آسٹریلین اوپن کے فائنل میں، نڈال کو ان کے دوسرے بڑے حریف جوکووچ کے ہاتھوں 5-7، 6-4، 6-2، 6-7(5-7)، 7-5 سے شکست دی گئی۔حیرت انگیز پانچ گھنٹے اور 53 منٹ تک جاری رہنے والا یہ میراتھن فائنل، جسے ایک لازوال کلاسک بھی سمجھا جاتا ہے، آسٹریلین اوپن کی تاریخ کا سب سے طویل میچ اور اب تک کا سب سے طویل میجر سنگلز فائنل ہے۔ ایک انٹرویو میں، نڈال نے ان میچوں پر تبادلہ خیال کیا جو ان کے شاندار کیریئر کے عروج کے طور پر کھڑے تھے۔
-
وفاقی کابینہ نے آرمی چیف جنرل سید عاصم منیر کو ترک حکومت کی جانب سے دیا جانے والا اعلیٰ ملٹری ایوارڈ وصول کرنے کی منظوری دے دی۔
نگران وزیراعظم انوار الحق کاکڑ کے زیر صدارت وفاقی کابینہ کا اجلاس ہوا جس میں انوار الحق کاکڑ نے کہا کہ خوش قسمت ہوں ملک کی خدمت کا موقع ملا، ملکی معیشت کو پہلے سے بہتر حالت میں چھوڑ کر جا رہے ہیں۔وزیراعظم نے نگران دور کیلئے اپنی کابینہ اور سول سرونٹس کو بہترین کاوشوں پر خراج تحسین پیش کیا، انہوں نے کہا کہ منتخب حکومت کیلئے ایسا لائحہ عمل دے کر جا رہے ہیں جو عوام اور قومی مفاد کیلئے مفید ثابت ہوگا۔اجلاس میں نگران وزیر اعظم انوار الحق کاکڑ نے تمام ساتھیوں کے لیے نیک خواہشات کا اظہار کیا، انہوں نے کہا کہ میرے لیے پاکستان ہی سب کچھ ہے، پاکستان کے عوام میں بے پناہ صلاحیت ہے، ہمیں اپنے ملک کو خوشحال اور مستحکم بنانا ہے۔انوار الحق کاکڑ نے وفاقی کابینہ کا مختلف اداروں کی تنظیم نو، بیرونی سرمایہ کاری کے فروغ کیلئے اقدامات پر اظہار اطمینان کیا، کابینہ سیکرٹری نے وفاقی بیوروکریسی کی جانب سے وزیراعظم کی مدبرانہ قیادت کو سراہا۔اجلاس میں لبنیٰ فاروق ملک کی بطور ڈائریکٹر جنرل ایف ایم یو مدت میں 9 جون 2023 سے 8 جون 2024 تک توسیع کی منظوری دی گئی، آرمی چیف جنرل سید عاصم منیر کو ٹرکش آرمڈ فورسز لیجئن آف میرٹ ایوارڈ وصول کرنے کی اجازت کی منظوری دی گئی۔وفاقی کابینہ کے اجلاس میں وزارت فوڈ سکیورٹی اور خلیفہ انٹرنیشنل ایوارڈ فار ڈیٹ پام کے مابین ایم او یو پر دستخط کی بھی منظوری دی گئی۔
وزیراعظم آفس کے میڈیا ونگ سے جاری پریس ریلیز کے مطابق نگران وزیراعظم انوار الحق کاکڑ نے وفاقی کابینہ کے اجلاس میں نگراں حکومت کے مختصر عرصے کے دوران اپنی کابینہ اور سول سرونٹس کی ان تھک کاوشوں کو سراہتے ہوئے ان کا شکریہ ادا کیا۔نگران وزیراعظم نے کہا کہ ہم ملکی معیشت کو پہلے سے بہتر حالت میں چھوڑ کر جا رہے ہیں، نگران حکومت کے مختصر وقت میں کابینہ نے بہترین کارکردگی دکھائی۔انہوں نے کہا کہ ہم منتخب حکومت کے لئے ایک ایسا لائحہ عمل دے کر جا رہے ہیں جو یقینی طور پر عوام اور قومی مفاد کے لئے مفید ثابت ہو گا۔نگران وزیراعظم نے کہا کہ نگران حکومت کے تمام فیصلوں اور پالیسی سازی میں ملکی مفاد کو ہمیشہ اولین ترجیح دی گئی۔انہوں نے کہا کہ ہمیں پاکستان کے ترقی و استحکام کے لئے مل کر کام کرنا ہے۔وفاقی کابینہ نے مختلف اداروں کی تنظیم نو، بیرونی سرمایہ کاری کے فروغ اور کاروبار کو سہولیات فراہم کرنے کے حوالے سے نگران حکومت کے اقدامات پر اطمینان کا اظہار کیا۔کابینہ کمیٹی برائے حکومتی ملکیتی ادارہ جات کے اجلاس میں کئے گئے فیصلوں اور کابینہ کمیٹی برائے لیجسلیٹو کیسز کے اجلاس میں کئے گئے فیصلوں کی توثیق کی گئی۔
-
خیبر پختونخوا نو منتخب ممبران اسمبلی کی حلف برداری کب ہو گی؟
خیبرپختونخوا کے نو منتخب ممبران اسمبلی کی حلف برداری کی تقریب 28 فروری کو منعقد ہونے کا امکان ہے۔ذرائع کے مطابق حلف برداری کی تقریب مخصوص نشستوں کا فیصلہ نہ ہونے کے باعث تاخیر کا شکار ہوگیا ہے، نامزد سپیکر خیبرپختونخوا اسمبلی عاقب اللہ نے کہا کہ پارٹی کی خواہش ہے کہ کچھ دن انتظار کیا جائے تاکہ مخصوص نشستوں کا فیصلہ ہوسکے۔نامزد سپیکر عاقب اللہ نے مزید کہا کہ کابینہ ممبران کے ناموں کو بھی فائنل کردیا گیا ہے، کابینہ ممبران کے ناموں کو بانی پی ٹی آئی کو بھیج دیا ہے، حلف برداری کی تقریب ہوتے ہی عملی طور پر کام کا آغاز کریں گے، صوبے کے اہم معاملات کے لئے بھی ہوم ورک ابھی سے جاری ہے۔ذرائع کے مطابق بجٹ کی منظوری ہو یا کوئی اور معاملہ تیاری کی جاری ہے، پہلے نومنتخب ممبران اسمبلی حلف لیں گے اس کے بعد سپیکر، ڈپٹی سپیکر اور پھر وزیراعلیٰ کا انتخاب ہوگا۔
-
سند ھ اسمبلی کا اجلاس طلب
سندھ اسمبلی کا اجلاس ہفتہ کو طلب کرلیا گیا۔ اس حوالے سے نوٹیفکشن بھی جاری کردیا گیا ہے۔نوٹیفکیشن کے مطابق سندھ اسمبلی کا اجلاس ہفتے کی صبح 11 بجے ہوگا، جس میں نومنتخب اراکین حلف اٹھائیں گے۔سندھ اسمبلی کے اجلاس 164 ارکان حلف اٹھائیں گے۔ ایوان میں پیپلز پارٹی 114 ارکان کے ساتھ سب سے بڑی جماعت بن کر سامنے آئی ہے۔نومنتخب ارکان سندھ اسمبلی کی حلف برداری کے لئے ہونے والے اجلاس کی صدارت اسپیکر آغا سراج درانی کریں گے۔ ارکان کے حلف کے بعد سندھ اسمبلی میں نئی مدت کے لئے اسپیکر اور ڈپٹی اسپیکر کا انتخاب عمل میں آئے گا۔
-
سلمان اکرم راجہ کی درخواست مسترد کر کے عون چوہدری کی این اے 128 سے کامیابی کا نوٹیفیکشن جاری
الیکشن کمیشن کی جانب سے سلمان اکرم راجہ کی درخواست کو مسترد کر دیا گیا جس کے بعد عون چوہدری کی حلقے سے کامیابی کا نوٹیفکیشن برقرار ہے۔الیکشن کمیشن آف پاکستان نے این اے 128 سے متعلق سلمان اکرم راجہ کی اپیل کا فیصلہ سنا دیا۔یاد رہے الیکشن کمیشن میں تحریک انصاف کے حمایت یافتہ آزاد امیدوار سلمان اکرم راجہ نے این اے 128 سے متعلق درخواست دائر کی تھی جس میں ریٹرننگ افسر کے فیصلے کو چیلنج کیا گیا تھا۔علاوہ ازیں الیکشن کمیشن آف پاکستان نے این اے 117 لاہورسےآزادامیدوارعلی اعجازبٹرکی درخواست بھی خارج کر دی۔
لاہور کے حلقہ این اے117 سے استحکام پاکستان پارٹی کے مرکزی صدر عبدالعلیم خان کی کامیابی کا نوٹیفیکشن جاری کرتے ہوئے الیکشن کمیشن نےآزادامیدوارعلی اعجازبٹرکی درخواست خارج کر دی ہے۔قبل ازیں الیکشن کمیشن نے این اے 46 اور این اے 47 میں بے ضابطگیوں کی درخواست پر تحریری فیصلہ جاری کرتے ہوئے مسلم لیگ ن کے کامیاب امیدواران انجم عقیل اور طارق فضل چودھری کو فاتح قرار دے دیا۔الیکشن کمیشن آف پاکستان نے این اے 46 اور این اے 47 اسلام آباد کا تحریری فیصلہ جاری کردیا ہے جس کے مطابق انجم عقیل اور طارق فضل چودھری کو کامیاب قرار دیا گیا ہے،
الیکشن کمیشن کی جانب سے دو رکنی بنچ نے فارم 47 میں مبینہ بے ضابطگیوں پر پی ٹی آئی کے امیدواروں عامر مغل اور شعیب شاہین کی دائر درخواستوں پر محفوظ فیصلہ سنایا۔الیکشن کمیشن نے شعیب شاہین اور عامر مغل کی درخواست مسترد کرتے ہوئے این اے 46 اور این اے 47 سے انجم عقیل اور طارق فضل چودھر کی کامیابی کا نوٹیفکیشن بحال کردیا ہے۔فیصلے میں کہا گیا ہے کہ الیکشن ایکٹ سیکشن 92 کے تحت فارم 47 کی تیاری کیلئے امیدواروں کو نوٹس کرنا ضروری نہیں، ریٹرننگ افسران نے فارم 47 مرتب کرنے کیلئے تمام امیدواروں کو نوٹس بھیجا تھا۔
-
نگران حکومت نے 6 مہینے میں کتنا قرضہ لیا؟ اعلامیہ جاری
وزارت خزانہ نے 17 اگست 2023 سے 31 جنوری 2024 تک نگراں حکومت کی جانب سے لیے گئے مقامی قرضوں کی تفصیلات جاری کردی گئیں۔اس حوالے سے جاری اعلامیے میں کہا گیا کہ نگراں دور حکومت میں 19 ہزار 830 ارب روپے کا ڈومیسٹک قرض لیا گیا۔ یکم فروری تا 16 اگست 2023 کی مدت میں 19 ہزار 862 ارب روپے قرض لیا گیا تھا۔ نگراں دور میں مقامی قرض کا نیٹ فلو 1796 ارب روپے ریکارڈ کیا گیا، گزشتہ مدت میں نیٹ فلو 5 ہزار 831 ارب روپے ریکارڈ کیا گیا تھا۔ گزشتہ اسی مدت کے مقابلے قرضوں میں 67 فیصد کمی ہوئی۔
نگراں دور میں 17 ہزار 934 ارب روپے کا مقامی قرض واپس کیا گیا، گزشتہ اسی مدت میں 14 ہزار 31 ارب روپے قرض واپس کیا گیا تھا۔وزارت خزانہ کے مطابق نگراں حکومت کو 22 فیصد کا پالیسی ریٹ ورثے میں ملا، گزشتہ مدت کے دوران پالیسی ریٹ کی اوسط شرح 19.5 فیصد تھی۔نگراں حکومت نے مقامی قرض کی پروفائل بہتر کرنے کے اقدامات کیے۔ نگراں دور میں ٹریژری بلز کا حجم 1.6 ٹریلین روپے تک آگیا، سابقہ مدت میں ٹریژری بل کا حجم 3.3 ٹریلین روپے تھا۔ حجم کم ہونے سے حکومتی مالیاتی ضروریات کم کرنے میں مدد ملی۔اعلامیہ میں کہا گیا کہ نگراں حکومت نے 3.9 ارب ڈالر کا بیرونی قرض لیا، سابقہ مدت میں 8.4 ارب ڈالر کا غیر ملکی قرض لیا گیا۔نگراں حکومت نے 3.6 ارب ڈالر کا غیر ملکی قرض واپس کیا، سابقہ مدت میں 5.4 ارب ڈالر کا غیر ملکی قرض واپس کیا گیا۔