Author: صدف ابرار

پیپلز پارٹی کے چیئرمین بلاول بھٹو نے کہا ہے کہ نتائج غیرمعمولی طورپرسست رفتاری سےآرہےہیں، ابتدائی نتائج پیپلزپارٹی کیلئےبہت خوش آئندہیں، پی پی امیدواراوروہ آزادامیدوارجن کی حمایت کرتےہیں کارکردگی اچھی ہے،بلاول بھٹو نے کہا کہ دیکھتےہیں حتمی نتائج کیاہوتےہیں،

Results are incredibly slow coming in. However, initial results are very encouraging ! PPP candidates and independents whom we have supported/ engaged with seem to be doing well! Let’s see what the final tally is in the end… ✌️

— Bilawal Bhutto Zardari (@BBhuttoZardari) February 8, 2024

دوسری جانب بلاول بھٹو اور آصف زرداری کے درمیان ٹیلی فونک رابطہ ہوا ہے، دونوں رہنماؤں نےاب تک کے انتخابی نتائج پر اطمینان کا اظہار کیا،آصف زرداری نے بلاول سے مکالمہ کرتے ہوئے کہا کہ اب تک کے نتائج حوصلہ افزاء ہیں اور آپ کی زبردست انتخابی مہم کا نتیجہ ہیں، میں اسلام آباد جارہا ہوں، آئندہ وفاقی حکومت انشاء اللہ پاکستان پیپلزپارٹی کی ہوگی، بلاول کا کہنا تھا کہ آپ کے بعد میں بھی اسلام آباد آرہا ہوں، پی پی پی کی وفاقی حکومت کے قیام کے لئے پرعزم ہوں،

پاکستان تحریک انصاف کی جانب سے بانی چیئرمین عمران خان کی اپیل پر انتخابی عمل میں بڑی تعداد میں شرکت پر عوام کا شکریہ ادا کرتے ہیں، چیف آرگنائزر پاکستان تحریک انصاف عمر ایوب خان اور سینیٹ میں پارلیمانی قائد تحریک انصاف بیرسٹر علی ظفر کا مشترکہ بیان جاری کرتے ہوئے کہا ہے کہ انتخابی عمل میں تاریخ کی بدترین ریاستی مداخلت اور قبل از انتخابات دھاندلی کے باوجود بانی چیئرمین عمران خان نے دستور، قانون اور جمہوریت پر اپنےغیرمتزلزل ایمان کا اظہار کرکےپاکستان کو نئی راہ دکھلائی، عمر ایوب اور بیرسٹر علی ظفر نے کہا کہ ملک بھر خصوصاً کراچی میں متعدد حلقوں کے پولنگ سٹیشنز پر انتخابی عمل تاخیر سے شروع ہوا یا مسلسل روک ٹوک کا شکار رہا، انہوں نے کہا کہ بدترین قبل از انتخابات دھاندلی اور بے شمار رکاوٹوں کے باوجود عوام نے اپنے ووٹ کے ذریعے عمران خان اور ان کے حقیقی آزادی کے ایجنڈے پر مکمل اعتماد کا اظہار کیا ہے، عمر ایوب خان نے کہا کہ ابتدائی نتائج نہایت حوصلہ افزا ہیں جن کے مطابق پاکستان تحریک انصاف کے امیدوار کثیر نشستوں پر واضح برتری کے ساتھ آگے ہیں، ابتدائی نتائج میں عمران خان کے امیدواروں کی کامیابی کے قوی امکانات کے بعد نتائج کو تشویشناک سست روی کا شکار کیا جارہا ہے، بیرسٹر علی ظفر
نے کہا کہ متعدد حلقوں میں ریٹرننگ افسران کے دفاتر میں لگی سکرینوں کی بندش کی اطلاعات موصول ہورہی ہیں، اور عوام کے مینڈیٹ کو بند کمروں کی سازش کا نشانہ بنانے یا اس میں غیرقانونی چھیڑ چھاڑ کے نتائج نہایت منفی اور مہلک نتائج مرتب ہوں گے،

عوام کی بےمثال تائید اور ریکارڈ کامیابی کے ساتھ ان شاء اللہ منتخب جمہوری حکومت قائم کریں گے –@OmarAyubKhan pic.twitter.com/dNwPYAj3Lp

— PTI (@PTIofficial) February 8, 2024

لندن منصوبے کے تحت ریاستی پناہ میں وطن واپس لائے جانے والے بھگوڑے کو دونوں نشستوں سے واضح ناکامی کا سامنا ہے جبکہ اس کی جماعت شکست سے دوچار ہے، عمر ایوب خان نے کہا کہ ملک کو بندکمروں کی سازش کے تحت 2013 کیطرح کسی لاڈلے کی وکٹری سپیچ کی بھینٹ چڑھانے کی کوشش کی گئی تو عوام ہرگز قبول نہیں کریں گے، نتائج میں مداخلت سے شکست خوردہ عناصر کی شکست کو جبراً کامیابی میں بدلنے کی کسی کوشش کو عوام قبول نہیں کریں گے، پاکستان تحریک انصاف کے کارکن کسی جھانسے یا ترغیب میں آئیں نہ ہی اپنی توجہ دستخط شدہ اور مہر لگے نتائج کے حصول کے علاوہ کسی اور چیز کی جانب مرکوز کریں، امیدواران اور کارکنان دستخط شدہ اور مہر لگے فارم 45 حاصل کئے بغیر پولنگ سٹیشنز نہ چھوڑیں نہ ہی مصدقہ فارم 47 لئے بغیر ریٹرننگ افسران کے دفاتر سے ہٹیں، عمر ایوب خان نے کہا کہ الیکشن کمیشن انتخابی نتائج کے ساتھ چھیڑ چھاڑ کے مکروہ عمل میں سہولتکاری کی بجائے نتائج کا بلاتاخیر اجرا یقینی بنائے، عوام کی بےمثال تائید اور ریکارڈ کامیابی کے ساتھ ان شاء اللہ منتخب جمہوری حکومت قائم کریں گے اور بانی چیئرمین عمران خان کو جیل سے نکال کر وزارتِ عظمیٰ پر بٹھائیں گے،

افواج پاکستان نے عام انتخابات کے پر امن اور تشدد سے پاک انعقاد پر قوم کو مبارکباد دی ہے۔ افواج پاکستان کے شبعہ تعلقات عامہ (آئی ایس پی آر) کے مطابق پاک فوج کو الیکشن عمل میں سیکیورٹی کی فراہمی میں کلیدی کردار پر فخر ہے۔ آئی ایس پی آر کے مطابق پاک فوج نے دیگر قانون نافذ کرنے والے اداروں سے مل کر ذمہ داریاں ادا کیں۔ آئی ایس پی آر کے مطابق پاک فوج نے آئین کے مطابق اپنی ذمہ داریاں ادا کیں۔ ایک لاکھ 37 ہزار جوان تقریباً 6 ہزار حساس پولنگ اسٹیشنز پر تعینات تھے۔ آئی ایس پی آر کے مطابق 7 ہزار 800 جوان کوئیک رسپانس فورس کے طور پر تعینات تھے۔
آئی ایس پی آر کا مزید کہنا ہے کہ عوام کےلیے محفوظ ماحول کی فراہمی کو یقینی بنایا گیا، کے پی، بلوچستان میں 51 دہشتگرد حملوں کا مقصد الیکشن عمل کو سبوتاژ کرنا تھا، ان حملوں میں 10 سیکیورٹی اہلکاروں سمیت 12 افراد شہید، 39 زخمی ہوئے۔ متعدد آپریشنز میں 5 دہشت گرد بھی مارے گئے۔افواج پاکستان کے شبعہ تعلقات عامہ کے مطابق فوجی جوانوں نے موثر طریقے سے ملک بھر میں امن و سلامتی کو یقینی بنایا، موثر انٹیلیجنس اور فوری کارروائیوں میں دہشتگردی کے متعدد شدید خطرات کو ناکام بنایا، یہ اپنے شہریوں کے جمہوری حقوق کے تحفظ کے لیے سیکیورٹی ایجنسیوں کے غیر متزلزل عزم کا اظہار ہے۔
آئی ایس پی آر کے مطابق جمہوری عمل کے تحفظ کےلیے مسلح افواج سے مل کر کام کرنے پر قانون نافذ کرنے والے دیگر اداروں کے شکر گزار ہیں، ہمیں پوری امید ہے کہ ہماری قربانیاں رائیگاں نہیں جائیں گی۔امید ہے یہ الیکشن پاکستان میں جمہوریت کو مزید مضبوط کرنے کےلیے اہم ہو گا، الیکشن پاکستانی عوام کی امنگوں کو پورا کرنے کی راہ ہموار کرے گا۔آئی ایس پی آر کے مطابق مسلح افواج ملک میں امن و سلامتی برقرار رکھنے کے لیے پرعزم ہیں، مسلح افواج ریاست کی جمہوری روایات کے تحفظ کےلیے غیر متزلزل مدد کےلیے تیار ہیں۔

چیف الیکشن کمشنر سکندر سلطان راجہ نے الیکشن کے پرامن انعقاد پرپوری قوم کو مبارک باد پیش کی ہے اور انتخابات کے پرامن انعقاد جیسے اہم ترین قومی فریضہ اور آئینی ذمہ داری کی تکمیل میں کمیشن کے سرخرو ہونے پر خدا تعالیٰ کا شکر ادا کیا ہے ۔قوم کے نام اپنے پیغام میں چیف الیکشن کمشنر نے پاکستانی عوام اور تمام اداروں بشمول نگران قومی اور صوبائی حکومتوں،سیاسی جماعتوں،سیکیورٹی اداروں،پولیس اور سول ایڈمنسٹریشن، پاکستان آرمی،قومی میڈیا، ووٹرز، ریٹرنگ افسران، پریذائیڈنگ افسران اور دیگر پولنگ عملہ کے ساتھ ساتھ الیکشن کمیشن کے معزز اراکین، رفقاء اور اپنی ٹیم کا بھی شکریہ ادا کیا کہ جن کی شب وروز محنت سے اس عظیم ذمہ داری کی تکمیل میں کامیابی نصیب ہوئی۔
اپنے بیان میں انہوں نے کہا کہ ابھی ہم نے اپنی ذمہ داری کا ایک حصہ مکمل کیا ہے۔پولنگ کے عمل کی تکمیل ہوئی ہے اور اب غیر حتمی نتائج کی تیاری کا کام شروع ہوچکا ہے۔مجھے امید اور اعتماد ہے کہ ہمارے ریٹرنگ افسران اس اہم کام کی تکمیل میں انتہائی ذمہ داری کا مظاہرہ کریں گے اور نتائج کی بروقت ترتیب اور ترسیل کو ممکن بنائیں گے۔اللہ تعالیٰ ہمارا حامی و ناصر ہو.پاکستان زندہ باد