Author: صدف ابرار

پی ڈی ایم اے نے کہا ہے کہ بلوچستان کے شمال مغربی اور وسط ساحلی علاقوں میں بارش کا سلسلہ تھم چکا ہے، بیشتر علاقوں میں دوپہر کے بعد موسم صاف ہونے کا امکان ہے۔پراونشل ڈیزاسٹر مینجمنٹ اتھارٹی (پی ڈی ایم اے) بلوچستان کا کہنا ہے کہ بلوچستان میں مغربی سسٹم کمزور پڑ گیا ہے۔انتظامیہ کا کہنا ہے کہ زیارت، کان مہترزئی، توبہ اچکزئی، توبہ کاکڑی میں برفباری کے بعد راستے کھول دیے گئے ہیں۔ توبہ اچکزئی کے مختلف علاقوں کی ندیوں میں سیلابی صورت حال ہے، توبہ اچکزئی میں ڈیمز کی صورت حال کو مانیٹر کیا جا رہا ہے۔
جبکہ محکمۂ موسمیات کا کہنا ہے کہ گزشتہ 24 گھنٹوں کے دوران بلوچستان میں سب سے زیادہ بارش لسبیلہ میں 30 ملی میٹر ریکارڈ کی گئی جبکہ خضدار میں 13، اورماڑہ میں 4 اور قلات میں 2 ملی میٹر بارش ہوئی۔کراچی کے علاقوں سرجانی ٹاؤن، نارتھ کراچی، بفر زون اور ناگن چورنگی میں تیز بارش شروع ہو گئی۔اس کے علاوہ اسکیم 33 اور اطراف میں بھی بارش ہو رہی ہے۔محکمۂ موسمیات کے مطابق وسطی اور شمالی علاقوں میں بارش برسانے والے بادل موجود ہیں، ان علاقوں میں وقفے وقفے سے بارش کا سلسلہ جاری ہے۔ محکمۂ موسمیات کا کہنا ہے کہ شام تک بارش کا یہ سلسلہ وقفے وقفے سے جاری رہ سکتا ہے۔ سندھ میں کہیں کہیں ہلکی سے معتدل بارش کا سلسلہ جاری رہ سکتا ہےگزشتہ 24 گھنٹوں میں شارع فیصل پر سب سے زیادہ 75 ملی میٹر بارش ریکارڈ کی گئی ہے۔ملیر اور سرجانی میں 64، گلشن حدید میں 50، نارتھ کراچی میں 34، یونیورسٹی روڈ پر 30 اور ناظم آباد میں 23 ملی میٹر سے زائد بارش ریکارڈ کی گئی۔علاوہ ازیں چیف میٹرولوجسٹ سردار سرفراز نے بتایا ہے کہ کراچی میں آج شام تک بارش کا امکان رہے گا۔ان کا کہنا ہے کہ نچلی سطح کے بادل شہر میں موجود ہیں، اس دوران ہلکی سے معتدل بارش ہو سکتی ہے۔چیف میٹرولوجسٹ سردار سرفراز کا یہ بھی کہنا ہے کہ 5 فروری کے بعد کراچی میں صبح و رات موسم خنک رہنے کا امکان ہے۔

وزارتِ مذہبی امورنے عازمینِ حج کی تربیت کا شیڈول تیارکرلیا ہے۔ ترجمان کے مطابق عازمینِ حج کیلئے تربیتی پروگرامز میں شرکت لازمی قرار دی گئی ہے۔چیف ٹرینر تربیتی پروگرام میں پاک حج موبائل ایپ، سفر حج کی تیاری، مناسک، حج کی مشکلات شامل ہیں۔ترجمان مذہبی امور کے مطابق مختلف اضلاع کے7 حاجی کیمپوں میں حج تربیت کا آغاز 12 فروری سے ہوگا۔ترجما ن نے کہا کہ تربیت گاہوں میں وادی منیٰ کی طرز کے ماڈل خیمے تیار کیے گئے ہیں، چیف ٹرینر ناصر عزیز وزارت کے 90 تجربہ کار افسران و اہلکار ضلع کی سطح پر عازمینِ حج کو تربیت دیں گے۔ترجمان نے بتایا کہ 69 ہزار سرکاری عازمینِ حج کو دو مراحل میں تربیت دی جائے گی۔ انہوں نے کہا کہ حج تربیت کا دوسرا مرحلہ رمضان المبارک کے بعد شروع ہوگا۔انہوں نے کہا کہ عازمینِ حج اپنے قریبی مقامات پر حج تربیتی ورکشاپس میں شرکت کریں گے۔

بانی پاکستان تحریک انصاف (پی ٹی آئی) اور بشریٰ بی بی کے عدت میں نکاح کیس کا فیصلہ محفوظ کرلیا گیا۔سینئر سول جج قدرت اللّٰہ کل ایک بجے کیس کا فیصلہ سنائیں گے، عدت میں نکاح کیس میں وکلاء صفائی کی جانب سے گواہوں پر جرح مکمل کرلی گئی۔کیس میں وکلاء صفائی نے حتمی دلائل بھی مکمل کرلیے، بانی پی ٹی آئی اور بشریٰ بی بی نے 342 کا بیان بھی عدالت کو دے دیا۔گواہان میں خاور مانیکا، مفتی سعید ، عون چوہدری، محمد لطیف پر جرح ہوئی، جرح بانی پی ٹی آئی کے وکیل سلمان اکرم راجہ نے کی۔ درخواست گزار خاور مانیکا کے وکیل راجہ رضوان عباسی اور پبلک پراسیکیوٹر سمیع اللّٰہ جسرا بھی سماعت کے دوران عدالت میں موجود تھے۔
عدت میں نکاح کیس کی سماعت 14گھنٹے تک جاری رہی، سماعت آج صبح ساڑھے 9 بجے شروع ہوئی تھی جو کہ رات 11 بجے تک جاری رہی۔
دوسری جانب بشریٰ بی بی نے 14 نومبر 2017 کا طلاق نامہ من گھڑت قرار دے دیا اور کہا کہ خاور مانیکا نے مجھے زبانی طلاق ثلاثہ اپریل 2017 دی، اپریل سےاگست 2017 تک میں نےاپنی عدت کا دورانیہ گزارا، آگست 2017 میں لاہور اپنی والدہ کے گھر منتقل ہوگئی بشریٰ بی بی نے کہا یکم جنوری 2018 کو عمران خان سے ایک ہی نکاح ہوا،عدالت کے حکم پر بانی پی ٹی آئی اور بشریٰ بی بی نے 342 کا بیان جمع کرا دیا، 342 کے سوالنامے میں 13، 13 سوالات پوچھے گئے، دونوں ملزمان کی جانب سے سلمان اکرم راجہ نے جوابات تحریر کرائے۔342 کے بیانات کے بعد شکایت کنندہ کے وکیل راجہ رضوان عباسی نے حتمی دلائل دئیے، ملزمان کے وکیل سلمان اکرم راجہ نے شہادت صفائی اور دلائل پیش کئے، ملزمان کے وکیل سلمان اکرم راجہ نے ایک گواہ کو پیش کرنے کی اجازت مانگی۔
سلمان اکرم راجہ نے کہا کہ گواہ بشریٰ بی بی کے گھر کا ایک فرد ہے، گواہ کا نام نہیں بتاؤں گا، عدالت لانے کی اجازت دی جائے، عدالت نے شہادت صفائی میں گواہ پیش کرنے کی درخواست مسترد کرتے ہوئے فیصلہ محفوظ کر لیا۔فیصلہ کل ایک بجے اڈیالہ جیل کی عدالت میں سنایا جائے گا، عدالت نے وکلا صفائی کی جانب سے سیکشن 249 اے کے تحت بریت درخواست اور سیکشن 179 کے تحت عدالتی دائرہ اختیار سے متعلق دائر درخواستیں بھی مسترد کر دیں۔

پاکستان کا افغان حکومت کی درخواست پر ایک مرتبہ پھر بڑے پن کا مظاہرہ وفاقی حکومت کا غیر قانونی طور پر مقیم افغان مہاجرین سے متعلق بڑا فیصلہ سامنے آگیا ، وفاقی کابینہ نے 13 لاکھ غیر قانونی مہاجرین کے قیام میں توسیع کی منظوری دے دی وزارت سیفران کی سمری پر پروف آف ریزیڈنس کارڈ میں توسیع کی منظوری دی گئی .افغان مہاجرین کے قیام میں مارچ 2024 تک توسیع کی منظوری دی گئی ہے
کابینہ ڈویژن نے اس سے قبل وزارت سیفران کی سمری اعتراض کے ساتھ واپس کردی تھی ،افغانستان سے متعلقہ کوآرڈینیشن سیل کی سفارش پر توسیع کا فیصلہ کیا گیا
اس سے قبل توسیع کی منظوری نہ ملنے سے مہاجرین کا قیام غیر قانونی ہوچکا تھا،