ورلڈ ایتھلیٹکس فیڈریشن سے منظور شدہ پاکستان میں پہلی میراتھون کراچی میں شروع ہوئی جو 42.2 کلو میٹر پر مشتمل فل میراتھون عامر سہیل نے جیت لی۔عامر سہیل نے فاصلہ دو گھنٹے 36 منٹ اور 9 سیکنڈز میں طے کیا، فل میراتھون میں اسرار خٹک دوسرے اور عامر عباس تیسرے نمبر پر رہے۔اس کے علاوہ خواتین فل میراتھون میں ماہ نور سب سے آگے رہیں، 21.1 کلومیٹر کی ہاف میراتھون حفیظ البرکات نے جیت لی، حفیظ البرکات نے فاصلہ ایک گھنٹہ اور 17 منٹ اور 12 سیکنڈز میں طے کیا۔ہاف میراتھون میں اکرم دوسرے اور ظاہر شاہ تیسرے نمبر پر رہے۔میراتھون میں خواتین، مرد اور بچوں سمیت شہریوں کی بڑی تعداد شریک تھی، میراتھن شروع ہونے سے قبل ایتھلیٹس سی ویو پر نشان پاکستان پہنچے، مردوخواتین اور بچوں سمیت شائقین کی بڑی تعداد نے بھی سی ویو کا رخ کیا جہاں لمبی لمبی قطاریں نظر آئیں۔
ایونٹ میں چار کیٹیگریز شامل ہونے کیلئے بچوں، بوڑھوں، جوانوں اور خواتین سمیت کراچی کے شہریوں کی بہت بڑی تعداد نے رجسٹریشن کروائی، پاکستان کے پہلے اسپورٹس چینل جیو سُپر نے میراتھن کو براہ راست نشر کیا۔پاکستان پہلی مرتبہ ورلڈ ایتھلیٹکس فیڈریشن سے منظور شدہ اور اُس کے قوانین کے تحت کراچی میراتھون میں فل میراتھن کا فاصلہ 42.2، ہاف میراتھن 21.1 کلومیٹر پر مشتمل تھی۔
Author: صدف ابرار
-
کراچی میں پاکستان کی پہلی میراتھون عامر سہیل نے جیت لی
-
نادرا نے معلومات کے غائب ہونے کی وجہ سسٹم اپ گریڈیشن کو قرار دیا
عام انتخابات کے لئے نیشنل ڈیٹا بیس اینڈ رجسٹریشن اتھارٹی (نادرا) کی جانب سے شہریوں کو اپنے ووٹ کے حوالے سے معلومات حاصل کرنے کے لئے 8300 ہیلپ لائن میسر کی گئی جس کے ذریعے عوام اپنا معلومات حاصل کر ستے ہے لیکن اس دوران یہ خبر بھی سامنے آئی ہے کہ 8300 کے ذریعے موصول ہونے والے پیغامات سے پولنگ اسٹیشنوں کی معلومات غائب ہے،جس پر نادرا نےوضاحت جاری کی ہے۔نادرا کی جانب سے شہریوں کو اپنا قومی شناختی کارڈ نمبر 8300 پر بھیج کر انتخابات سے متعلق تفصیلات حاصل کرنے کی سہولت فراہم کی گئی ہے۔اس سہولت کے تحت موصول ہونے والے ایس ایم ایس میں آپ کا ووٹ کہاں اور کس حلقے میں رجسٹرڈ ہے، اس کی معلومات شامل ہیں۔
تاہم، متعدد صارفین نے شکایت کی کہ انہیں موصول ہونے والے پیغام میں ایک اہم تفصیل غائب تھی، جوکہ اس پولنگ اسٹیشن کا نام تھا جہاں جا کر انہیں ووٹ ڈالنا تھا۔ اس معاملے کے حوالے سے نادرا سے رابطہ کیا تو ایک ترجمان نے اعتراف کیا کہ دعوے درست ہیں اور پیغامات میں واقعی معلومات غائب ہیں۔نادرا نے اس کوتاہی کی وجہ ’سسٹم اپ گریڈیشن‘ کو قرار دیا جو حال ہی میں ہوا تھا۔تاہم، اتھارٹی نے یہ بھی واضح کیا کہ 29 جنوری سے پولنگ اسٹیشنز کے نام پیغامات میں آنا شروع ہو جائیں گے۔یہ تفصیل بہت اہم ہے کیونکہ ووٹنگ لسٹیں ہر پولنگ اسٹیشن کے لیے بنائی جاتی ہیں اور ووٹرز کے پاس صرف ایک مخصوص جگہ ہوتی ہے جہاں ان کا بیلٹ ڈالا جا سکتا ہے. -
کراچی کے ساڑھے 3 کروڑ عوام کے پاس تعلیم، صحت اور ٹرانسپورٹ تک میسر نہیں،حافظ نعیم الرحمن
امیرِ جماعتِ اسلامی کراچی کے حافظ نعیم الرحمٰن نے کہا ہے ہمیں ملک کے بچوں کے مستقبل کی فکر ہے، کوئی بھی جماعت کراچی کے مسائل حل کرنے کے لیے تیارنہیں، بانی پی ٹی آئی نے بھی کاغذات کراچی سے جمع نہیں کرائے تھے، کوئی بھی لیڈر کراچی کو اوون نہیں کرتا، جماعت اسلامی ہی کراچی کو اوون کرتی اور پشت پرکھڑی ہے۔ کہ آج کراچی کے باغ جناح گراؤنڈ میں 8 فروری کا فیصلہ ہو جائے گا، 8 فروری کو پیپلز پارٹی کو سرپرائز ملے گا۔حافظ نعیم الرحمٰن نے کراچی کے باغ جناح گراؤنڈ کا دورہ کیا۔جماعتِ اسلامی یوتھ کے تحت ریلیوں کی آمد اور ریلی کے شرکاء سے خطاب کرتے ہوئے حافظ نعیم الرحمٰن نے کہا کہ پیپلز پارٹی تو ایسےخوشیاں منا رہی ہے جیسے ان کی بات ہو گئی ہے۔ انہوں نے کہا کہ پیپلز پارٹی نے قبضہ کرکے میئربنایا ہے، بلاول بھٹو خود لیاری سے الیکشن لڑنے کے قابل نہیں۔
حافظ نعیم نے دعویٰ کیا کہ کراچی میں جماعت اسلامی سب سے بڑی جماعت بن کر سامنے آئے گی، الیکشن سےمتعلق ابہام سے الیکشن مہم متاثر ہوتی ہے، اب کراچی کودیوار سے نہیں لگایا جاسکتا۔ کراچی کے ساڑھے 3 کروڑ عوام کے پاس تعلیم، صحت اور ٹرانسپورٹ تک میسر نہیں۔انہوں نے کہا کہ اجڑے ہوئے شہر کو پھر سے آباد کریں گے، کراچی سے مینڈیٹ لینے والی پارٹیوں نے کراچی کے لیے کچھ نہیں کیا۔ ان کا مزید کہنا ہے کہ عوام کو وڈیروں اور جاگیرداروں کے رحم و کرم پر نہیں چھوڑ سکتے۔
امیرِ جماعت اسلامی کراچی نے یہ بھی کہا کہ سندھ کے دیگر علاقوں کے عوام میں بھی رجحان بدل رہا ہے۔واضح رہے کہ آج جماعتِ اسلامی کراچی کے باغِ جناح گراؤنڈ میں انتخابی ’جلسۂ عام‘ منعقد کر رہی ہے۔امیرِ جماعتِ اسلامی پاکستان سراج الحق اور امیرِ جماعتِ اسلامی کراچی حافظ نعیم الرحمٰن جلسے سے خطاب کریں گے۔ -
پنجاب میں کھانسی کے 9 مضر صحت سیرپس پر پابندی عائد
محکمہ صحت پنجاب نے 4 کمپنوں کے بنانے والے کھانسی کے 9 سیرپس کے استعمال پر پابندی عائد کر دی۔ڈرگ ٹیسٹنگ لیبارٹری کی جانب سے 4 فارما سوٹیکل کمپنیوں کے 9 سیرپس کو غیر معیاری قرار دینے پر محکمہ صحت پنجاب نے ان سیرپس کے استعمال پر پابندی عائد کی ہے۔صوبہ بھر کے ڈرگ انسپکٹرز نے غیر معیاری سیرپس کی فروخت کے خلاف کارروائی شروع کردی ہے۔ ڈرگ ٹیسٹنگ لیبارٹری کی جانچ کے دوران انکشاف ہوا کہ یہ تمام سیرپ غیر معیاری ایتھانول سے بنائے گئے ہیں۔غیر معیاری سیرپس میں سے زیادہ ترکے لیبلز پر انہیں الرجی، گلا خراب، کھانسی، خارش، الٹی، متلی اور ہیپاٹائٹس کے علاج کی دوا بتایا گیا ہے۔ سیرپ ایستھانیل، برونل اورسپیسزائن سیرپ کے نمونے بھی ڈرگ ٹیسٹنگ لیبارٹری کی جانچ کے دوران غیر معیاری ایتھانول سے تیار شدہ پائے گئے ہیں۔حکومت کی جانب سے تمام میڈیکل اسٹورز اور فارمیسز پر ان سیرپس کی فروخت ہر گز نہ کرنے کی ہدایت کر دی گئی ہے۔ غیر معیاری قرار دیے گئے سیرپس میں الفرین، زیویرال، ٹیکسکول ڈی ایم، ٹیکسکول ای ایکس، ویرول، ٹوریکس ڈی ایم شامل ہیں۔واضح رہے اس سے قبل بھی محکمہ پنجاب نے متعدد ادویات غیر معیاری قرار دیے جانے پر کریک ڈاؤن کیا، اور مختلف ادویات اور سیرپس کی فروخت پر پابندی عائد کی۔
-
پنجاب میں ایک ہی دن نمونیا سے 18 بچے جاں بحق
پنجاب میں نمونیا بے قابو ہو تا جا رہا ہے مزید 18 بچوں کی زندگیاں نگل گیا۔ پنجاب بھر میں گزشتہ روز نمونیا کے 869 جب کہ صرف لاہور میں 177 نئے کیسز رپورٹ ہوئے۔
پنجاب میں رواں سال نمونیا سے 258 اموات اور 14 ہزار 530 کیسز رپورٹ جب کہ صوبائل دارالحکومت لاہور میں رواں سال نمونیا سے 53 اموات اور 2 ہزار 490 کیسزرپورٹ ہوئے۔رپورٹ کے مطابق صوبائی دارالحکومت لاہور میں 24 گھنٹے کے دوران نمونیا سے ایک بچہ جاں بحق ہوا جبکہ لاہور میں ایک روز کے دوران 280 نئے کیسز سامنے آئے۔طبی ویب سائٹ ہیلتھ لائن کی رپورٹ کے مطابق دراصل نمونیا پھیپھڑوں کے اندر انفیکشن کو کہا جاتا ہے، نمونیا کے زیادہ تر کیس وائرس کی وجہ سے ہوتے ہیں ا و ر یہ نزلہ و زکام کی علامات کے بعد ظاہر ہو سکتا ہے۔نمونیا ہلکا یا سنگین ہو سکتا ہے، عام طور پر5 سال یا اس سے کم عمر کے بچوں میں زیادہ عام ہوتا ہے۔نمونیا اگر کسی صحت مند انسان کو ہو تو وہ اس کا مقابلہ با آسانی کرسکتا ہے مگر بچوں کیلئے اس سے نمٹنا بعض اوقات انتہائی مشکل ہوجاتا ہے۔بچوں کو نمونیا ہونے کی وجو ہا ت میں انہیں دودھ پلانے کی کمی، آلودگی، غذائیت کی کمی، ٹھنڈ میں زیادہ دیر تک رہنا اور کمزور مدافعتی نظام شامل ہے،نمونیا کی ہلکی علامات بھی جان لیوا ہو سکتی ہیں، اس بیماری کی علامات میں بلغم اور کھا نسی، بخار، بہت زیادہ پسینہ آنا یا سردی لگنا، معمول کی سرگرمیاں کرنے کے دوران سانس پھولنا، سانس لیتے و قت یا کھانسی کے وقت سینے میں درد محسوس ہونا، تھکاوٹ کا احساس، بھو ک میں کمی، متلی محسوس ہونا، سر درد ہونا شامل ہے -
اسرائیل نے عالمی عدالت انصاف کے فیصلے کی دھجیاں بکھیر دیں
غزہ میں اسرائیلی حملوں کا سلسلہ جاری ہیں،عرب میڈیا کے مطابق صیہونی فورسز نے غزہ کے رہائشی علاقوں پر ایک بار پھر بمباری کر دی جس کے نتیجے میں 24 گھنٹوں میں مزید 174 فلسطینی شہید ہوگئے جبکہ 310 زخمی ہوئے ہیں۔ غیر ملکی خبر رساں اداروں کی رپورٹس کے مطابق اسرائیل نے خان یونس میں دو اہم ہسپتالوں کے قریب شدید فضائی حملے کئے۔ اسرائیلی فوج نے خان یونس، النصر ہسپتال اور رفاہ کے اطراف میں علاقوں کو نشانہ بنایا۔اسرائیلی فوج نے گزشتہ ایک ہفتے سے خان یونس کے الامل ہسپتال کا محاصرہ کیا ہوا ہے اور النصر ہسپتال کے سربراہ آرتھوپیڈک سرجری ڈپارٹمنٹ ڈاکٹر بسام کو اغواء کر لیا ہے۔دوسری جانب غزہ میں تیز بارش کے بعد سردی میں اضافہ سے بھی جنگ سے تباہ حال فلسطینیوں کی مشکلات بڑھ گئیں ہیں۔عرب میڈیا کے مطابق رفاہ میں 13 لاکھ سے زائد فلسطینی کھلے آسمان تلے رہنے پر مجبور ہیں، شہریوں کو گرم لباس، غذا اور ٹینٹوں کی کمی کا سامنا ہے، اسرائیلی فوج نے ہسپتالوں کی ناکہ بندی کر کے ادویات کی سپلائی بھی بند کر دی گئی ہے۔ ادھر اسرائیلی وزیراعظم نیتن یاہو نے اسلامی ممالک کے خلاف نیا محاذ کھول دیا ہے۔نیتن یاہو نے قطر پر حماس کی سرپرستی کا الزام عائد کرتے ہوئے کہا کہ دوحہ نے حماس کی ساری قیادت کو پناہ دے رکھی ہے، قطری حکومت چاہے تو تمام اسرائیلی یرغمالی رہا ہو سکتے ہیں۔اسرائیلی وزیر خزانہ نے کہا ہے کہ غزہ پر اسرائیلی فوج کا کنٹرول رہے گا، غزہ میں سول معاملات کی نگرانی اسرائیلی فوج کرے گی۔
-
گیس کے قیمتوں میں اضافہ نہیں کیا جا رہا،اوگرا
آئل اینڈ گیس ریگو لیٹری اتھارٹی میڈیا میں گردش کرنے والی خبروں کی تردید کرتے ہوئے کہا کہ گیس کے قیمتوں میں تا حال کسی اضافے کا ارادہ نہیں رکھتے، اوگرا حکام کا کہنا ہے کہ گیس کی قیمتوں میں اضافے کی خبریں بے بنیاد ہیں، اب تک قیمتوں میں تبدیلی کی کوئی سفارش نہیں کی، میڈیا میں خبریں گردش کر رہی ہیں کہ اوگرا نے گیس کی قیمتوں میں پھر سے تقریباً 41 فیصد اضافے کی سفارش کر دی ہے جو نگران حکومت کی منظوری کے بعد آئندہ ماہ لاگو ہونے کا امکان ہے۔اوگرا نے مزید کہا ہے کہ ایسی بے بنیاد اور جھوٹی خبروں پر عوام کو کان نہیں دھرنے جاہیں، یہ غلط خبریں پھیلانے والوں کیخلاف حکومت کو اہم قدم اٹھا کر کارروائی کرنی چاہیے۔
دوسری جانب مشرق وسطی میں جاری تنازعہ کے باعث عالمی منڈی میں تیل کی قمیتوں میں اتار چڑھائو کا سلسلہ جاری ہے اور جمعہ کو ابتدائی ٹریڈنگ کے دوران تیل کی قیمتوں میں کمی ریکارڈ کی گئی ہے.خیال رہے کہ ذرائع کے مطابق عام انتخابات سے قبل ملک میں پٹرول اور ڈیزل مصنوعات کی قیمت میں اضافے کا امکان ظاہر کیا جا رہا ہے۔ذرائع کا کہنا ہے کہ ایک رپورٹ کے مطابق نگران حکومت کیجانب سے 31 جنوری 2024 سے 15 فروری 2024 تک کے لیے پٹرول اور ڈیزل کی قیمتوں میں 7 روپے فی لیٹر تک اضافہ کیا جا سکتا ہے تاہم حتمی فیصلہ اوگرا کی تجویز کے بعد کیا جائے گا۔
-
مسلم لیگ ن آج سیالکوٹ میں میدان سجائے گی
مسلم لیگ ن کے قائد نواز شریف پارٹی کے مرکزی رہنما خواجہ آصف کی میزبانی میں ہونے والے بڑے عوامی اجتماع سے خطاب کریں گے۔ صدر مسلم لیگ ن شہباز شریف کے علاوہ پارٹی کی چیف آرگنائزر مریم نواز شریف بھی پارٹی قائد کے ہمراہ ہوں گی۔ترجمان مسلم لیگ ن مریم اورنگزیب نے کہا ہے کہ جلسے کے دوران نواز شریف ملک وقوم کی خوشحالی کے اپنے پروگرام پر بات کریں گے، معیشت کی بحالی، زراعت، صنعت وتجارت کی ترقی، مہنگائی کے خاتمے اور روزگار کی فراہمی کے اپنے منشور پر عوام کو اعتماد میں لیں گے۔
قائد مسلم لیگ ن محمد نوازشریف , صدر محمدشہبازشریف اور چیف آرگنائزر مریم نوازشریف کل بروز اتوار جناح اسٹیڈیم سیالکوٹ عظیم الشان جلسے سے خطاب فرمائیں گے pic.twitter.com/LdeYxoewKG
— PMLN (@pmln_org) January 27, 2024
دوسری جانب جلسہ گاہ کی تیاریاں جوش و خروش سے جاری ہیں، قائدین کے بیٹھنے کیلئے 80 فٹ لمبا اور 20 فٹ اونچا سٹیج تیار کیا گیا ہے، جلسہ گاہ کے اندر اور اطراف میں میاں نوازشریف، شہباز شریف، مریم نواز، خواجہ آصف کی تصاویر والی فلیکسز اور بینرز آویزاں کر دیئے گئے ہیں۔نواز شریف کی آمد پر سکیورٹی کے فول پروف انتظامات کئے گئے ہیں، ایک ہزار سے زائد پولیس اہلکار، ایلیٹ فورس کے جوان اور افسران ڈیوٹی سر انجام دے رہے ہیں۔ -
بیر سٹر گوہر کا پی ٹی آئی کارکنان کو پاور شو کرنے کی ہدایت
چئیر مین پاکستان تحریک انصاف (پی ٹی آئی) بیر سٹر گوہر نے پارٹی کے حامیوں اور ٹکٹ ہولڈرز سے مطالبہ کیا ہے کہ وہ اپنی انتخابی مہم کا آغاز کرنے کے لیے ہر حلقے میں عوامی اجتماعات منعقد کریں۔اتوار کی نصف شب ایکس پر پوسٹ کیے گئے ایک پیغام میں بیرسٹر گوہر نے کہا کہ ملک بھر میں پاور شو منعقد کرنے کی ہدایات بانی چیئرمین عمران خان کی طرف سے آئی ہیں۔ اس نے کہا کہ بانی چیئرمین عمران خان کی خصوصی ہدایات کی روشنی میں تحریک انصاف کے قومی و صوبائی اسمبلی کے امیدواران کل بروز اتوار اپنے حلقوں میں پرامن عوامی اجتماعات/ریلیوں کے انعقاد کے ذریعے باضابطہ طور پر اپنی انتخابی مہم کا آغاز کریں اور عوام کو 8 فروری کےانتخابات کیلئےتیار کریں۔ انتظامی مشینری خصوصاً الیکشن کمیشن آف پاکستان دستوری و قانونی طور پر پابند ہےکہ پاکستان تحریک انصاف کو انتخابی مہم کےذریعے عوام تک اپنا پیغام لےکر جانےکےیکساں اور مساوی مواقع فراہم کئےجائیں اور تحریک انصاف کےخلاف انتظامی مشینری کے ماورائے قانون استعمال سےمکمل گریز کیا جائے! صاف شفاف انتخابات ہی ملک کو پیچیدہ بحرانوں سےنکالنے کا واحد راستہ ہیں۔بیرسٹر گوہر نے یہ بھی کہا کہ الیکشن کمیشن آف پاکستان پی ٹی آئی کو عوامی حمایت کو متحرک کرنے اور اس کا پیغام عوام تک پہنچانے کا مساوی موقع دینے کا پابند ہے۔
بانی چیئرمین عمران خان کی خصوصی ہدایات کی روشنی میں تحریک انصاف کے قومی و صوبائی اسمبلی کے امیدواران کل بروز اتوار اپنے حلقوں میں پرامن عوامی اجتماعات/ریلیوں کے انعقاد کے ذریعے باضابطہ طور پر اپنی انتخابی مہم کا آغاز کریں اور عوام کو 8 فروری کےانتخابات کیلئےتیار کریں۔
انتظامی… pic.twitter.com/pfBxSZ1o8b
— Barrister Gohar Khan (@BarristerGohar) January 27, 2024
-
بلاول بھٹو آج لیاقت باغ میں جلسہ کرے گے
پیپلز پارٹی کے چیئرمین بلاول بھٹو زرداری آج لیاقت باغ میں جلسے سے خطاب کرے گے بلاول نے اپنے ایک بیان میں کہا ہے کہ کہ پیپلز پارٹی واحد جماعت ہے جس کے پاس غربت، بے روزگاری اور مہنگائی سے نمٹنے کا منصوبہ ہے۔ انکا کہنا تھا کہ آج راولپنڈی کے لیاقت باغ میں پارٹی منشور اور عوامی معاشی معاہدے پر بات کروں گا، عوام کو دعوت دیتا ہوں کہ لیاقت باغ جلسے میں میرے ساتھ شریک ہوں۔بلاول بھٹو زردای کا کہنا ہے کہ یہ وہ شہر ہے جہاں ذوالفقار علی بھٹو کو قتل کیا گیا تھا اور اس پارک میں بے نظیر بھٹو نے اپنا آخری خطاب کیا تھا۔انہوں نے مزید کہا کہ آئیں عہد کریں کہ ان کے نامکمل مشن کو پورا کریں گے، نفرت اور تقسیم کی سیاست کو ختم کریں گے۔چیئرمین پیپلز پارٹی بلاول بھٹو زرداری کا یہ بھی کہنا ہے کہ ایک پُرامن، خوش حال اور ترقی پسند پاکستان بنائیں گے، جو ہم سب کا پاکستان ہو گا۔