Author: صدف ابرار

عمران خان اور پی ٹی آئی کے بیانیئے کے دلچسپ تضادات ، امریکہ مخالفت کی نورا کشتی بے نقاب کیسے ہوئی ؟ بانی پی ٹی آئی نے اپنے "مؤقف” کے پاؤں پر خود ہی کلہاڑی مار لی ؟ امریکہ و مغرب کی مخالفت کا ڈرامہ کرکے اپنی سیاست چمکانے والے عمران خان کی ساری "سرپرستی” بھی امریکہ و مغرب سے ہی ہو رہی ہے ؟ اگر واقعی پی ٹی آئی اور اس کے بانی چیئرمین کی حکومت امریکہ نے ختم کروائی تھی تو اب عمران خان کی سیاست کی ڈوبتی کشتی کو سہارا امریکہ اور برطانیہ سے کیوں دیا جا رہا ہے ؟ بھارت و اسرائیل کے حامی رکن کانگریس نے امریکی ایوان نمائندگان میں پی ٹی آئی ایجنڈے کو آگے بڑھانے کیلئے قرارداد پیش کر دی ہے ، جبکہ برطانیہ میں بیٹھی جمائما گولڈ اسمتھ نے اپنی اور یہودی لابی کے خزانوں کی بوریاں بھی عمران خان اور پی ٹی آئی کیلئے کھول دی ہیں ۔ کروڑوں ڈالرز کی "انویسٹمنٹ” کر کے عالمی میڈیا میں مضامین اور تجزیئے شائع کروائے جا رہے ہیں ۔ پاکستانی میڈیا اور صحافیوں کو خریدنے کیلئے 60 ملین ڈالر کی تازہ ترین ادائیگیوں کے تو ثبوت بھی اب سامنے آگئے ہیں ۔ اب ہر کسی کو سمجھ آ گئی ہے کہ امریکہ ، برطانیہ اور کینیڈا میں بیٹھے پی ٹی آئی ہے رول والے یوٹیوبرز کیسے اتنی دیدہ دلیری سے پاکستانی حکومت و اسٹیبلشمنٹ اور عدلیہ کی کردار کشی کیلئے جھوٹی و من گھڑت خبروں و الزام تراشی کی انتہا کیئے ہوئے ہیں اور انہیں پوچھنے والا کوئی نہیں ۔
8 فروری تک یہ ٹولہ اپنے ایسے ہی تضادات کے ہاتھوں ابھی مزید بے نقاب ہو گا ۔۔۔ بیرونی ایجنڈے ، بیرونی سرمایہ کاری اور اب بیرونی دباؤ کے ذریعے ملک دشمن بیانیہ آگے بڑھانے والے خود اپنے موقف کے تضادات کے ذریعے اپنی سیاسی قبر بھی کھود رہے ہیں ۔۔۔۔ سچ کہتے ہیں کہ کاٹھ کی ہنڈیا بار بار نہیں چڑھتی . پی ٹی آئی ٹولے کی اصل پیرنی "پنکی پیرنی” کی بجائے "جمائما پیرنی” نکلی
جمائما انتہائی چالاکی سے پس منظر میں رہ کر عمران خان کے ذریعے پاکستان دشمن ایجنڈے کو آگے بڑھاتی رہی اور کسی کو کانوں کان خبر نہ ہونے دی حالیہ چند ماہ کے دوران سامنے آنے والی کچھ سنسنی خیز سرگرمیوں سے انکشاف ہوا ہے کہ پی ٹی آئی کا اصل ہیڈکوارٹرز نہ بنی گالہ میں ہے نہ زمان پارک میں ۔۔۔۔ بلکہ اصل ہیڈکوارٹرز لندن میں ہے جسے جمائما گولڈ اسمتھ چلا رہی ہیں ۔ جب تک بانی پی ٹی آئی جیل سے باہر رہا عمران خان اور جمائما گولڈ اسمتھ کا گٹھ جوڑ خفیہ رہا ، لیکن بانی چیئرمین کے جیل جانے اور پی ٹی آئی قیادت کے روپوش ہونے کے بعد جمائما کو خود دنیا بھر میں بہت سے ڈائریکٹ رابطے کرنا پڑے عمران خان اور پی ٹی آئی کو 9 مئی واقعات اور سائفر کیس جیسے سنگین مقدمات سے بچانے کیلئے اب جمائما نے جس طرح ایڑی چوٹی کا زور لگا رکھا ہے اس سے بھی ثابت ہو گیا ہے کہ عمران خان اور جمائما کی علیحدگی کا بھی محض ڈرامہ ہی رچایا گیا ، مقصد صرف یہ تھا کہ ایک یہودی گھرانے کا داماد اور فرنٹ مین پاکستان میں حکومت کی سربراہی تک نہیں پہنچ سکتا تھا ۔
عمران خان اور جمائما گولڈ اسمتھ آج بھی اندر سے ایک ہی ہیں ، یہ راز شاید کبھی آشکار نہ ہو سکتا ، لیکن عمران خان کی جیل میں قید کی وجہ سے جمائما بے اختیاری میں خود جارحانہ انداز میں کھیلنے لگ گئی اور ایکسپوز ہو گئی.

پاکپتن میں سابق صوبائی وزیر میاں عطا محمد مانیکا کے بیٹے اور مسلم لیگ ن کے سابق ٹکٹ ہولڈر میاں حیات مانیکا پاکستان تحریک انصاف (پی ٹی آئی) میں شامل ہو گئے۔سیاسی رہنما حیات مانیکا کا پریس کانفرنس کرتے ہوئے مسلم لیگ ن کو خیر باد کہنے کا باقاعدہ اعلان کر دیا ، انہوں نے کہا میں نے حلقے کے عوام کی رائے سے تحریک انصاف میں شمولیت اختیار کی، پاکپتن کی صوبائی نشست جیت کر کپتان کو گفٹ کروں گا۔سابق صوبائی وزیر کی پریس کانفرنس کے موقع پر ان کے ہمراہ تحریک انصاف کے ٹکٹ ہولڈر راؤ عمر ہاشم،راؤ نسیم ہاشم، مہر معین الدین چشتی، ضلعی صدر تحریک انصاف ریاض ارشد نیازی سمیت کارکنان اور ورکرز کی کثیر تعداد شریک تھی۔
حیات مانیکا، بانی پی ٹی آئی کی اہلیہ بشریٰ بی بی کے داماد ہیں اور 8 فروری کو ہونے والے انتخابات میں ان کا مقابلہ ن لیگ کے ٹکٹ ہولڈر فاروق مانیکا سے ہوگا۔
واضح رہے کہ کچھ عرصہ قبل پنجاب کے سابق صوبائی وزیر عطا مانیکا اور ان کے بیٹے حیات مانیکا مسلم لیگ ن سے پی پی 193 پاکپتن کیلئے انتخابی ٹکٹ نہ لے سکے تھے۔

عام انتخابات کے لئے نیشنل ڈیٹا بیس اینڈ رجسٹریشن اتھارٹی (نادرا) کی جانب سے شہریوں کو اپنے ووٹ کے حوالے سے معلومات حاصل کرنے کے لئے 8300 ہیلپ لائن میسر کی گئی جس کے ذریعے عوام اپنا معلومات حاصل کر ستے ہے لیکن اس دوران یہ خبر بھی سامنے آئی ہے کہ 8300 کے ذریعے موصول ہونے والے پیغامات سے پولنگ اسٹیشنوں کی معلومات غائب ہے،جس پر نادرا نےوضاحت جاری کی ہے۔نادرا کی جانب سے شہریوں کو اپنا قومی شناختی کارڈ نمبر 8300 پر بھیج کر انتخابات سے متعلق تفصیلات حاصل کرنے کی سہولت فراہم کی گئی ہے۔اس سہولت کے تحت موصول ہونے والے ایس ایم ایس میں آپ کا ووٹ کہاں اور کس حلقے میں رجسٹرڈ ہے، اس کی معلومات شامل ہیں۔
تاہم، متعدد صارفین نے شکایت کی کہ انہیں موصول ہونے والے پیغام میں ایک اہم تفصیل غائب تھی، جوکہ اس پولنگ اسٹیشن کا نام تھا جہاں جا کر انہیں ووٹ ڈالنا تھا۔ اس معاملے کے حوالے سے نادرا سے رابطہ کیا تو ایک ترجمان نے اعتراف کیا کہ دعوے درست ہیں اور پیغامات میں واقعی معلومات غائب ہیں۔نادرا نے اس کوتاہی کی وجہ ’سسٹم اپ گریڈیشن‘ کو قرار دیا جو حال ہی میں ہوا تھا۔تاہم، اتھارٹی نے یہ بھی واضح کیا کہ 29 جنوری سے پولنگ اسٹیشنز کے نام پیغامات میں آنا شروع ہو جائیں گے۔یہ تفصیل بہت اہم ہے کیونکہ ووٹنگ لسٹیں ہر پولنگ اسٹیشن کے لیے بنائی جاتی ہیں اور ووٹرز کے پاس صرف ایک مخصوص جگہ ہوتی ہے جہاں ان کا بیلٹ ڈالا جا سکتا ہے.

آئل اینڈ گیس ریگو لیٹری اتھارٹی میڈیا میں گردش کرنے والی خبروں کی تردید کرتے ہوئے کہا کہ گیس کے قیمتوں میں تا حال کسی اضافے کا ارادہ نہیں رکھتے، اوگرا حکام کا کہنا ہے کہ گیس کی قیمتوں میں اضافے کی خبریں بے بنیاد ہیں، اب تک قیمتوں میں تبدیلی کی کوئی سفارش نہیں کی، میڈیا میں خبریں گردش کر رہی ہیں کہ اوگرا نے گیس کی قیمتوں میں پھر سے تقریباً 41 فیصد اضافے کی سفارش کر دی ہے جو نگران حکومت کی منظوری کے بعد آئندہ ماہ لاگو ہونے کا امکان ہے۔اوگرا نے مزید کہا ہے کہ ایسی بے بنیاد اور جھوٹی خبروں پر عوام کو کان نہیں دھرنے جاہیں، یہ غلط خبریں پھیلانے والوں کیخلاف حکومت کو اہم قدم اٹھا کر کارروائی کرنی چاہیے۔

دوسری جانب مشرق وسطی میں جاری تنازعہ کے باعث عالمی منڈی میں تیل کی قمیتوں میں اتار چڑھائو کا سلسلہ جاری ہے اور جمعہ کو ابتدائی ٹریڈنگ کے دوران تیل کی قیمتوں میں کمی ریکارڈ کی گئی ہے.خیال رہے کہ ذرائع کے مطابق عام انتخابات سے قبل ملک میں پٹرول اور ڈیزل مصنوعات کی قیمت میں اضافے کا امکان ظاہر کیا جا رہا ہے۔ذرائع کا کہنا ہے کہ ایک رپورٹ کے مطابق نگران حکومت کیجانب سے 31 جنوری 2024 سے 15 فروری 2024 تک کے لیے پٹرول اور ڈیزل کی قیمتوں میں 7 روپے فی لیٹر تک اضافہ کیا جا سکتا ہے تاہم حتمی فیصلہ اوگرا کی تجویز کے بعد کیا جائے گا۔