Author: صدف ابرار

پی سی بی مینجمنٹ کمیٹی کے سربراہ ذکا اشرف نے استعفیٰ دیدیا ۔ چئیرمین پی سی بی مستعفی ہوگئے ۔ذرائع کے مطابق چیئر مین پی سی بی نے نگران وزیر اعظم انوار الحق کاکڑ کو اپنا استعفی بھیج دیا۔ذرائع کے مطابق ذکا اشرف نےبطور چئیرمین مینجمنٹ کمیٹی اور ممبر بورڈ آف گورنر سے استعفی دیا،ذکا اشرف نے مینجمنٹ کمیٹی اجلاس میں استعفے کا اعلان کیا۔ان کا کہنا تھاکہ میں کرکٹ کی بہتری کےلیے کام کر رہا تھا، اس طرح ہمارے لیے کام کرناممکن نہیں۔انہوں نے کہاکہ میں اپنے عہدے سے استعفیٰ دے رہا ہوں، اب وزیر اعظم پر منحصر ہے کہ وہ کس کو نامزد کرتے ہیں۔

محمد رضوان کے 90 کے شاندار ناقابل شکست اسکور کے باوجود، نیوزی لینڈ نے کرائسٹ چرچ کے ہیگلے اوول میں چوتھے ٹی ٹوئنٹی میں پاکستان کو سات وکٹوں سے شکست دے کر پانچ میچوں کی سیریز میں مسلسل چوتھی جیت حاصل کر دی اور 4-0 کی اہم برتری قائم کی۔ پاکستان کو ابتدا میں مشکل کا سامنا کر نا پڑا کیونکہ صائم ایوب دوبارہ بلے سے اثر کرنے میں ناکام رہے اور اننگز کے دوسرے اوور میں 1 رنز بنا کر آؤٹ ہوئے۔ پاکستان نے وکٹ کیپر بلے باز رضوان کے ناقابل شکست 90 رنز کی بدولت 20 اوورز میں 5 وکٹوں پر 158 رنز بنائے۔ اوپننگ بلے باز نے اپنی 63 گیندوں کی اننگز کے دوران چھ چوکے اور دو چھکے لگائے۔ انہوں نے بابر اعظم 19، کے ساتھ 51 رنز کی شراکت داری جوڑی اور افتخار احمد (10، 14b) کے ساتھ پانچویں وکٹ کے لیے 40 رنز کی شراکت قائم کی۔رضوان نے میچ کے بعد پریس کانفرنس کرتے ہوئے کہا کہ ٹی ٹوئنٹی میں بابر اعظم کے ساتھ ان کی کامیاب اوپننگ جوڑی ٹوٹنے سے ٹیم پر منفی اثرات مرتب ہوئے ہیں۔رضوان نے کہا، "آپ کہہ سکتے ہیں کہ [افتتاحی جوڑی کو توڑنے سے] پاکستان کو نقصان پہنچا ہے۔ لیکن میں کہہ سکتا ہوں کہ بابر بھائی کا دل بڑا ہے۔ ہم دونوں نے اتفاق کیا کہ افتتاحی جوڑی کو الگ کرنے میں کوئی مسئلہ نہیں ہے۔ ہم دونوں نے انتظامیہ سے کہا کہ وہ جو بھی امتزاج چاہیں آزما سکتے ہیں۔ مشکل اس وقت پیدا ہوتی ہے جب آپ ان چیزوں کو توڑ دیتے ہیں جو پہلے سے اچھی طرح کام کر رہی تھیں۔ تاہم، انتظامیہ اس بات کو دیکھ رہی ہے کہ مختلف امتزاج سے کیا بہترین نکالا جا سکتا ہے۔” سیریز کا پانچواں اور آخری ٹی ٹوئنٹی اتوار کو اسی مقام پر کھیلا جائے گا

پی سی بی نے ویمنز پینل آف امپائر کے لیے ریٹینرز متعارف کرادیے، پینل میں شامل تمام ساتوں خواتین امپائرز کو ماہانہ 32 ہزار روپے ملیں گے، پی سی بی کے مطابق پی سی بی ریٹینرز کے علاوہ میچ آفیشلز کو میچ فیس، یومیہ الاؤنس،رہائش سمیت مختلف الاؤنسزدےگا، اسکے علاوہ پی سی بی نے حال ہی میں چار روزہ خواتین امپائرز انڈ کشن کورس کا انعقاد کیا تھا، خواتین امپائرز انڈ کشن کورس میں ندا ڈارسمیت 13 شرکاء نے شرکت کی تھی، سینئر منیجرامپائرز اور ریفریز پی سی بی بلال قریشی نے کہا کہ خواتین کو امپائرنگ کے میدان میں آگے بڑھتے ہوئے دیکھنا خوش آئند ہے، پی سی بی خواتین کو اس شعبے میں آنے ترقی کرنے کی ترغیب دیتا رہے گا۔ پی سی بی ویمنز پینل آف امپائرز میں عافیہ امین،حمیرا فرح ۔نازیہ نذیر۔ رفعت مصطفیٰ۔ صباحت رشید ۔ سلیمہ امتیاز اور شکیلہ رفیق شامل ہے،