Author: صدف ابرار

ا دارہ شماریات پاکستان کے مطابق رواں مالی سال دسمبر میں ٹیکسٹائل برآمدات تقریباً ایک ارب چالیس کروڑ رہیں، جو نومبر سے 6 فیصد اور دسمبر 2022 کے مقابلے 3 اعشاریہ 3 فیصد زائد رہیں۔رواں مالی سال کی پہلی ششماہی میں ٹیکسٹائل برآمدات 5 فیصد کم ہوئی ہیں۔ دسمبر اعداد شامل کرنے کے بعد مالی سال کے ابتدائی 6 مہینوں میں ٹیکسٹائل برآمدات 5 فیصد کم ہوکر 8 ارب 28 کروڑ ڈالر رہیں۔ مالی سال 2023 کی پہلی ششماہی میں ٹیکسٹائل برآمدات 8 ارب 71 کروڑ ڈالر تھیں۔
پہلی ششماہی میں تیار ملبوسات کی برآمدات 9 فیصد کم ہوکر ایک ارب 66 کروڑ اور بیڈ ویئر ایکسپورٹس 4 فیصد کم ہوکر ایک ارب 37 کروڑ ڈالر رہیں۔رواں سال 6 مہینوں میں ٹیکسٹائل نٹ ویئر کی برآمدات 11 فیصد کم ہوکر 2 ارب 20 کروڑ ڈالر رہیں۔ 6 مہینوں میں کاٹن یارن کی برآمدات 54 فیصد بڑھ کر 59 کروڑ ڈالر رہیں۔

شہری مہنگا ترین پیاز خریدنے پر مجبور ہوگئے۔ادارہ شماریات کے مطابق پیاز کی فی کلو قیمت 320 روپے تک پہنچ گئی ہے، اسلام آباد کے شہری ملک میں سب سے مہنگا پیاز خریدنے پر مجبور ہوگئے۔ادارہ شماریات کا کہنا ہے کہ اسلام آباد میں پیاز کی فی کلو قیمت 320 روپے تک ہوگئی ، راولپنڈی 310 اورسیالکوٹ میں پیاز کی فی کلو قیمت270 روپے تک ہے ، پشاور 280 روپے اورخضدار میں پیاز کی فی کلو قیمت 250 روپے تک ہوگئی جبکہ کراچی,لاہور اورگوجرانوالہ میں پیاز کی فی کلوقیمت 240 روپے تک ہے ۔فیصل آباد, سرگودھا, ملتان, بہاولپور میں پیاز کی فی کلو قیمت 220 روپے تک جا پہنچی ،کوئٹہ,سکھر اورلاڑکانہ میں بھی پیاز کی فی کلو قیمت220 روپے تک ہے اور حیدرآباد اور بنوں میں پیاز 200 روپے تک فی کلو میں فروخت ہو رہا ہے۔

پاک ایران سرحدوں پر کشیدہ صورتحال کی وجہ سے پاکستانی ایئرلائنز کو احتیاطی تدابیر کی ہدایت کی گئی ہے۔ یورپ اور سنٹرل ایشیا سے آنے والی پی آئی اے سمیت تمام ملکی ایئرلائنز کو مسقط کے فضائی روٹ سے بحیرہ عرب کے راستے پاکستان میں داخل ہونے کی ہدایت کی گئی ہے۔اس کے علاوہ متحدہ عرب امارات اور سعودی عرب آنے اور جانے والی پروازوں کو بھی ایرانی فضائی حدود کے استعمال سے روک دیا گیا ہے ۔یورپ اور ترکیہ سمیت مغربی ممالک سے پاکستان آنے جانے والی پروازوں کو بھی ایرانی فضائی حدود کے استعمال سے گریز کی ہدایت کی گئی ہے۔سی اے اے ذرائع کا بتانا ہے کہ پاکستان سے مغرب کی جانب جانے والی پاکستانی ایئرلائنز ایران کی بجائے اب مسقط عمان کی فضائی حدود استعمال کر رہی ہیں۔ پی آئی اے کی جن پروازوں کیلئے عمان کی فضائی حدود کے استعمال کی اجازت نہیں وہ فی الحال ایرانی حدود استعمال کر سکتی ہیں۔ادھر ایران ایوی ایشن نے دنیا بھر کی ایئرلائنز کو نوٹم جاری کرکے اپنی فضائی حدود میں بعض فضائی روٹس کو کمرشل ایئرلائنز کی پروازوں کیلئے بند کرد یا ہے۔

پیٹرولیم ڈویژن کی سوئی سدرن گیس کمپنی اور اس کے بورڈ سے متعلق خبروں کی وضاحت آگئی۔ اعلامیہ میں کہا گیا کہ سندھ میں غیر حساب شدہ گیس 15 فیصد سے کم کر کے 7 فیصد تک کردی گئی ہے، نئی ایمپلائمنٹ ہینڈ بک بورڈ کی نگرانی میں تیار کی گئی ہے جس پر عمل درآمد جاری ہے۔پیٹرولیم ڈویژن کے اعلامیے میں کہا گیا کہ ایس ایس جی سی کی چیئرپرسن بورڈ آف ڈائریکٹرز کے خلاف مہم بدنیتی پر مبنی ہے۔اس میں یہ بھی کہا گیا کہ چیئرپرسن بورڈ آف ڈائریکٹرز شمشاد اختر کی قیادت میں ایس ایس جی سی نے اہم سنگ میل حاصل کیے۔ بورڈ نے بجٹ کے نظام، آڈٹ، مالیات کی حکمت عملی میں نمایاں کردار ادا کیا ہے۔اعلامیہ کے مطابق حکومت نے شمشاد اختر کو بطور چیئرپرسن بی او ڈی ایک اور مدت کےلیے نامزد کیا ہے، جس کےلیے انتخابات ہوں گے۔ پیٹرولیم ڈویژن تمام قانونی، مالیاتی معاملات میں ایس ایس جی سی بورڈ اور چیئرپرسن کی مکمل حمایت کرتا ہے۔