بھارتی شہر اورنگ آباد میں ہندوانتہاپسندوں کی جانب سے دو مسلم نوجوانوں کو جے شری رام کے نعرے لگانے پر مجبور کیا گیا اور انہیں زبردست تشدد کا نشانہ بنایا گیا ہے،
باغی ٹی وی کی رپورٹ کے مطابق ہندوانتہا پسند اہلکاروں نے دو موٹر سائیکل سوار مسلم نوجوانوں کو روکا اور انہیں زبردستی جے شری رام کے نعرے لگانے پر مجبور کیا گیا، ہندوانتہاپسندوں نے نوجوانوں کو وحشیانہ تشدد کا نشانہ بناتے ہوئے ان سے زبردستی نعرے لگوائے، یہ واقعہ اورنگ آباد میں بجرنگ چوک میں پیش آیا ہے. اس واقعہ کے بعد علاقہ کے مسلمانوں میں خوف و ہراس پایا جاتا ہے،
بھارتی میڈیا کے مطابق اورنگ آباد کے پولیس کمشنر چرنجیوی پرساد نے کہا ہے کہ ملزمان کیخلاف کارروائی کی جائے گی، مقامی پولیس کا کہنا ہے کہ وہ سی سی ٹی وی کیمرے میں قید ملزمان کی تلاش میں مصروف ہے، یاد رہے کہ اورنگ آباد میں اس سے پہلے بھی ہندوانتہاپسندوں کی جانب سے آئے دن مسلم نوجوانوں کو وحشیانہ تشدد کا نشانہ بنانے کے واقعات پیش آتے رہتے ہیں، چند دن قبل عمران پٹیل نامی مسلم نوجوان کو بھی اسی طرح تشدد کا نشانہ بنایا گیا تھا،
