Baaghi TV

Blog

  • اندسٹری میں ”ناں ”کہنے کیلئے مشہورہوں ،ماہرہ خان

    اندسٹری میں ”ناں ”کہنے کیلئے مشہورہوں ،ماہرہ خان

    بہت سے پروجیکٹس کی پیشکش ہوئی لیکن منفرد اور معیاری کام کو ترجیح دیتی ہوں –

    ایک انٹرویومیں ماہرہ خان کا کہنا تھا کہ وہ انڈسٹری میں ”نہ” کہنے کیلئے مشہورہیں‌ یہی وجہ ہے کہ بہت سے لوگ ان سے نارض ہیں -ان کا مزید کہنا تھا کہان کو بہت سے پروجیکٹس کی پیشکش ہوئی لیکن وہ منفرد اور معیاری کا م کو ترجیح دیتی ہیں جس کے باعث وہ کافی لوگوں کو انکار بھی کر دیتی ہیں یہی وجہ ہے کہ وہ انڈسٹری میں ”نہ”کہنے کیلئے مشہورہیں جس پر بہت سے لوگ ان سے ناراض ہیں –

    ماہرہ خان کا کہنا تھا کہ وہ ایک کھلی کتاب نہیں ہیں اور نہ ہی انہیں اپنی نجی زندگی پربات کرنا پسند ہے لہزاوہ صرف اپنی تک ہی محدود رہتی ہیں-

  • وفاقی دارالحکومت میں چوری کی واردات، حکومتی سینیٹر کے گھر میں ہوئی چوری

    وفاقی دارالحکومت میں چوری کی واردات، حکومتی سینیٹر کے گھر میں ہوئی چوری

    تحریک انصاف کے رہنما سینیٹ میں قائد ایوان سینیٹر شبلی فراز کے گھر میں چوری کی واردات ہوئی ہے۔

    باغی ٹی وی کی رپورٹ کے مطابق سینیٹر شبلی فراز کے گھر میں چوری کی واردات ہوئی ہے، چوروں نے شبلی فراز کے گھر سے چوری کی اور فرار ہونے میں کامیاب ہو گئے، واقعہ کی اطلاع پولیس کو دی گئی، تھانہ کوہسار پولیس کے اہلکار موقع پر پہنچے اور گھر کا جائزہ لیا.

    سینیٹر شبلی فراز کے گھر سے چور کتنا سامان چوری کر کے لے گئے اس کی تفصیلات سامنے نہیں آ سکیں، پولیس کا کہنا ہے کہ انکوائری چل رہی ہے، تفصیلات مکمل نہیں ہو سکیں،پولیس نے فنگر پرنٹ ایکسپرٹ کو بھی بلایا ہے۔

    واضح رہے کہ بائیس جولائی دوہزار سترہ 2017 کو بھی پاکستان تحریک انصاف کے رہنما شبلی فراز کے گھر میں چوری کی واردات ہوئی تھی، جس میں نامعلوم افراد رات گئے ان کے گھر میں گھس گئے تھے اور چوری کر لی تھی. اسوقت شبلی فراز نے کہا تھا کہ میرے گھر سے ٹیکس دستاویزات اور اہم کاغذات کا چو ر ی ہونا سیاسی طور پر دباؤ میں لانے کی کوشش ہے، اگر کوئی سمجھتا ہے کہ مجھے دباؤ میں لا کر بلیک میل کرے گا تو اس نے غلط بندے کا انتخاب کیا ہے ۔ حکومت اور وزیر داخلہ واقعہ کا نوٹس لیں اور تحقیقات سے ہمیں بھی آگاہ کریں

  • ‘ امریکہ پابندیاں لگا کر خمیازہ بھگتنے کیلئے تیار رہے ‘

    ‘ امریکہ پابندیاں لگا کر خمیازہ بھگتنے کیلئے تیار رہے ‘

    انقرہ: ترکی کے وزیرحارجہ میولٹ کیویسگلو نے ایک انٹرویو میں کہا ہے کہ ایس فور ہنڈرڈ کے معاملے میں ترقی اپنے موقف پر قائم ہے کہ روس سے ایس فور ہنڈرڈ کا معاہدہ صرف اور صرف دفاعی قوت کو بڑھانے کیلئے کیا ہے نہ کہ کسی ملک پر دھاوا بولنے کیلئے، اور اگر امریکہ ہم پر پابندیاں لگانا چاہتا ہے تو جوابی وار کیلئے بھی تیار رہے،
    تفصیلات کیمطابق ٹی جی آرٹی براڈکاسٹر کو انٹرویو دیتے ہوئے مزید کہا کہ صدر ڈونلڈ ٹرمپ ترکی پر کوئی پابندیاں نہیں لگانا چاہتے اور نہ وہ ایسا وائٹ ہاؤس کو کرنے دینا چاہتے ہیں

  • ایران نے برطانوی ٹینکر پر اپنا پرچم لہرا دیا

    ایران نے برطانوی ٹینکر پر اپنا پرچم لہرا دیا

    ایران نے برطانوی ٹینکر کو اپنے قبضے میں لینے کے بعد اس پر اپنا پرچم لہرا دیا

    باغی ٹی وی رپورٹ کے مطابق برطانیہ نے دعوی کیا ہے کہ ایران نے برطانوی آئل ٹینکر پر اپنا پرچم لہرا دیا ہے.ایران نے ٹینکر کو عمان کے پانیوں میں پکڑا تھا.
    ایران نے ٹینکر کو عمان کے پانیوں میں پکڑا ہے،

    ایران کی سپاہ پاسدران انقلاب اسلامی نے خلیج فارس میں ایندھن اسمگل کرنے والے ایک برطانوی بحری جہاز کو تحویل میں لے لیا تھا۔ تعلقات عامہ کے جاری کردہ بیان میں کہا گیا ہے کہ خلیج فارس میں ایندھن کی اسمگلنگ کی روک تھام کے حوالے سے جاری آپریشن میں جزیرہ لارک کے قریب ایک بحری جہاز کو روکا گیا جس پر دس لاکھ لیٹر تیل لدا ہوا تھا۔

  • امرود قدرت کی ایک خاص نعمت امرود کے کرشماتی فوائد

    امرود قدرت کی ایک خاص نعمت امرود کے کرشماتی فوائد

    امرود قدرت کا ایک قیمتی تحفہ ہے اسکا درخت عام پایا جاتا ہے اسکے چھلکے کا رنگ ہرا اوراندرسے گوداسفیداور گلا بی ہوتا ہے اسمیں کاربوہائیڈریٹس وٹامن اے اور سی کے علاوہ کیلشئم فائبر فیٹس پانی اور پروٹینز وافر مقدارمیں پائے جاتے ہیں

    امرود ہاضمہ بہتربناتا ہے جلدکے امراض کے لئے بےحد مفید ہے امرود کا استعمال کینسر اور ذیا بیطس سے محفوظ رکھتا ہے اور یہ بہترین قبض کشاء ہے

    امرودمیں موجود وٹامنز اور کیلشئم بیماریوں کے خلاف قوت مدافعت پیدا کرتی ہے امرود میں موجود اجزا خعن کے بہاوُ کو متوازن رکھتے ہیں جس سے ہائی بلڈ پریشر اور دل کی بیماریوں سے نجات ملتی ہے

    امرود کھجلی بہرے پن پیٹ درد اور ٹانگوں کے کھنچاوْ کے علاج میں بھی بے حد مفید ہے بھوک نہ لگنے کی صورت میں کھانے کے بعد امرود کھانے سے بھوک بڑھ جاتی ہے

    نظام انہظام کی خرابی قبض کی شکایت اور آنتوں کی خشکی کےخاتمے کے لئے نہار منہ پیٹ بھر کر امرود کھانا بے حدمفید ہے۔

  • جیل جا کر مر جاؤنگا، ویڈیو سیکنڈل کے ملزم میاں طارق کی عدالت میں فریاد

    جیل جا کر مر جاؤنگا، ویڈیو سیکنڈل کے ملزم میاں طارق کی عدالت میں فریاد

    ویڈیو سیکنڈل کے ملزم میاں طارق کو عدالت نے جوڈیشل ریمانڈ پر جیل بھجوا دیا

    باغی ٹی وی کی رپورٹ کے مطابق ویڈیو اسکینڈل کیس کے مرکزی ملزم میاں طارق کو جوڈیشل ریمانڈ پرجیل بھیج دیا گیا، ملزم میاں‌ طارق نے عدالت میں کہا کہ مجھے برین ٹیومرہے،میں جیل جاکرمرجاؤں گا، جس پر عدالت نے کہا کہ میاں طارق کو جیل میں میڈیکل سہولت دی جائے،.

    عدالت نے ایف آئی اے سے استفسار کیا کہ تحقیقات میں کیاپیش رفت ہوئی ہے؟ جس پر ایف آئی اے حکام نے عدالت میں بتایا کہ میاں طارق کےدونوں گھروں کی تلاشی لی گئی ہے،میاں طارق کے گھروں میں تلاشی کے دوران گاڑی برآمد کی گئی، ڈیجیٹل کیمرے،ڈی وی آر کیمرے،یو ایس بی اور2موبائل فون بھی برآمد ہوئے ہیں.

    ملزم میاں طارق نے عدالت میں کہا کہ میرےساتھ جو مار پیٹ ہوئی تھی اس پر کیا کارروائی ہوئی؟ جج شائشتہ کنڈی نے کہا کہ میڈیکل رپورٹ میں مارپیٹ کاکوئی ذکر نہیں، ملزم نے کہا کہ میری جان کوبہت خطرہ ہے،مجھےجیل میں مار دیا جائے گا،جس پر عدالت نے کہا کہ جیل میں کسی کونہیں مارتے،جیل سپرنٹنڈنٹ کومکمل طبی سہولیات دینے کا لکھ رہی ہوں

    عدالت نے ملزم میاں طارق کو 14 روزہ جوڈیشل ریمانڈ پرجیل بھجوا دیا اور حکم دیا کہ ملزم میاں طارق کو 5 اگست کو دوبارہ عدالت پیش کیا جائے،

    واضح رہے کہ میاں طارق اور اسکے بیٹے کو ایف آئی اے نے ویڈیو سیکنڈل میں گرفتار کیا ہوا ہے.

  • محکمہ صحت پنجاب نے حالیہ بارشوں کے پیش نظر حفاظتی اقدامات کی ہدایت کر دی

    محکمہ صحت پنجاب نے حالیہ بارشوں کے پیش نظر حفاظتی اقدامات کی ہدایت کر دی

    محکمہ صحت پنجاب کی موسم گرما کی شدت،سخت حبس، مون سون کی بارشوں کے پیش نظر شہریوں کو گیسٹرو سے بچاؤ کیلئے خصوصی حفاظتی، تدارکی،احتیاطی اقدامات پر عملدرآمد کی ہدایت
    سرگودہا (نمائندہ باغی ٹی وی) محکمہ صحت پنجاب نے موسم گرما کی شدت،سخت حبس، مون سون کی بارشوں کے پیش نظر شہریوں کو گیسٹرو سے بچاؤ کیلئے خصوصی حفاظتی، تدارکی،احتیاطی اقدامات پر عملدرآمد کی ہدایت کی ہے اور کہا ہے کہ کھانے پینے میں احتیاط سے گیسٹرو کے مرض سے بچا جا سکتا ہے۔ محکمہ کے ترجمان نے بتایا کہ گیسٹرو نظام انہضام میں انفیکشن اور سوزش کی بیماری ہے جو آلودہ پانی کے استعمال اور کھانے پینے کی اشیاء میں موجود بیکٹیریا اور وائرس کا نتیجہ ہے۔انہوں نے کہا کہ شہری احتیاطی تدابیر کے طور پر پینے کا پانی ہمیشہ ابال کر استعمال کریں، کھانا اچھی طرح پکاکر کھائیں،فریج سے نکالاہوا کھانا اچھی طرح گرم کریں،کھاناکھانے سے پہلے اور رفع حاجت کے بعد صابن سے ہاتھ دھوئیں، کھانے کے برتن دھوئے بغیر استعمال نہ کریں، کچن،باتھ روم اور ٹوائلٹ کی صفائی کا خاص خیال رکھیں۔ انہوں نے کہا کہ شہری گیسٹرو سے متعلقہ کسی بھی قسم کی بیماری کی علامات ظاہر ہونے پر فوری اپنے قریبی سرکاری ہسپتال یا مستند ڈاکٹر سے معائنہ کروائیں تاکہ مرض کو بگڑنے سے روکا جا سکے۔ انہوں نے کہا کہ شہری مزید معلومات اور رہنمائی کیلئے فری ہیلتھ ہیلپ لائن 0800-99-000 پر بھی رابطہ کر سکتے ہیں

  • ایران اور حزب اللہ ہماری سیکیورٹی کے لیے براہ راست خطرہ ہیں : بولٹن

    ایران اور حزب اللہ ہماری سیکیورٹی کے لیے براہ راست خطرہ ہیں : بولٹن

    امریکی قومی سلامتی کے مشیر جان بولٹن نے ایران اور لبنانی ملیشیا حزب اللہ کے متعلق کہا ہےکہ وہ ہماری سیکیورٹی کے لیے خطرہ ہیں.

    باغی ٹی وی رپورٹ کے مطابق امریکی قومی سلامتی کے مشیر جان بولٹن نے ایران اور لبنانی ملیشیا حزب اللہ پر الزام عائد کیا ہے کہ وہ وینزویلا کے صدر نکولس میڈورو کو سپورٹ کر رہے ہیں … اور مغربی کرہ ارض کے ممالک کے لیے براہ راست خطرہ بنے ہوئے ہیں۔

    بولٹن نے اپنی ٹویٹ میں لکھا کہ "ایران اور حزب اللہ میڈورو کے غیر قانونی آمرانہ حربوں کی حمایت کرتے ہیں جو وینزویلا کے بے قصور افراد کے خلاف کریک ڈاؤن، عقوبت اور قتل کی کارروائیوں میں ملوث ہے۔ علاوہ ازیں یہ دونوں علاقائی سیکورٹی کے لیے بھی براہ راست خطرے کی حیثیت رکھتے ہیں”۔

    امریکی قومی سلامتی کے مشیر کے مطابق میڈورو کے شراکت داروں اور مغربی کرہ ارض میں پھیلاؤ کے لیے ایرانی کوششوں کو رسوا کن انداز سے سامنے لانے کا سلسلہ جاری رہے گا۔
    یاد رہے کہ ایران کی جانب سے آبنائے ہرمز میں برطانوی تیل بردار بحری جہاز کو تحویل میں لینے کے بعد دونوں ممالک کے درمیان کشیدگی پائی جاتی ہے اور اس سلسلےمیں امریکا اور سعودی عرب بھی برطانوی موقف کے حامی ہیں، اس سلسلےمیں ایران اور سعودیہ و اس کے اتحادیوں کےدرمیان کافی کشیدگی پائی جاتی ہے. اس کے علاوہ ایران نے دعوی کیا ہے کہ ہم نے سی آئی اے کا نیٹ ورک توڑ دیا ہے اور امریکی جاسوس اپنی حراست میں لیے ہیں.

  • چیئرمین سینیٹ کی تبدیلی،اپوزیشن کا اجلاس جاری، چیئرمین سینیٹ نے بھی بڑا فیصلہ کر لیا

    چیئرمین سینیٹ کی تبدیلی،اپوزیشن کا اجلاس جاری، چیئرمین سینیٹ نے بھی بڑا فیصلہ کر لیا

    چیئرمین سینیٹ کی تبدیلی کے حوالہ سے اسلام آباد میں ایک طرف اپوزیشن جماعتوں کا اجلاس جاری ہے دوسری جانب چیئرمین سینیٹ سے قائد اعوان شبلی فراز نے ملاقات کی ہے

    باغی ٹی وی کی رپورٹ کے مطابق چیئرمین سینیٹ صادق سنجرانی کو ہٹائے جانے کے حوالہ سے اپوزیشن جماعتوں کا اجلاس جاری ہے، اجلاس قومی اسمبلی میں قائد حزب اختلاف شہباز شریف نے طلب کیا تھا،اجلاس میں چیئرمین سینیٹ کے خلاف تحریک عدم اعتماد پر اہم مشاورت ہو رہی ہے،اجلاس میں مسلم لیگ ن اور پیپلزپارٹی کے ارکان اسمبلی اورسینیٹرزشامل ہیں

    دوسری جانب چیئرمین سینیٹ صادق سنجرانی سے قائد ایوان شبلی فراز کی اسلام آباد میں ملاقات ہوئی ہے،چیئرمین سینیٹ سےملاقات میں سینیٹ اجلاس کے ایجنڈے پر تبادلہ خیال کیا گیا،ملاقات میں اتفاق کیا گیا کہ سینیٹ اجلاس میں صرف تحریک عدم اعتماد پر بحث ہوگی، تحریک عدم اعتماد پر ووٹنگ یکم اگست کےاجلاس میں کرائی جائے گی ،شام تک کل کے ریکوزیشن اجلاس کا ایجنڈا جاری کردیا جائے گا،شبلی فراز کا کہنا ہے کہ اپوزیشن نے اپنے ایجنڈے میں بھی قرارداد پر بحث کی ہی بات کی ہے،

    واضح رہے کہ اپوزیشن جماعتیں چیئرمین سینیٹ کے خلاف تحریک سینیٹ سیکرٹریٹ میں جمع کروا چکی ہیں، اپوزیشن نے چیئرمین سینیٹ کے لئے حاصل بزنجو کو امیدوار نامزد کیا ہے، اب تحریک انصاف نے ڈپٹی چئرمین سینیٹ کو ہٹانے کے لئے تحریک جمع کروا لی ہے . اس سلسلہ میں حکومت کی اتحادی جماعتوں سے مشاورت کا سلسلہ جاری ہے .

    دوسری جانب وزیر اعظم عمران خان نے پی ٹی آئی سینیٹرز سے واضح طور پر کہا ہے کہ ہم نے چیئرمین سینیٹ کے خلاف پیش کی گئی تحریک عدم اعتماد کو ہر صورت ناکام بنانا ہے اور جس طرح بجٹ‌ منظوری کے حوالہ سے اپوزیشن جماعتوں‌ کو کامیاب نہیں‌ ہونے دیا گیا اسی طرح سینیٹ چیئرمین کے خلاف ان کی تحریک عدم اعتماد بھی کسی صورت کامیاب نہیں‌ ہونے دی جائے گی.

    اپوزیشن نے صادق سنجرانی کو ہٹانے کی قرارداد اور سینیٹ کا اجلاس بلانے کی ریکوزیشن جمع کرائی۔ صادق سنجرانی کے خلاف تحریک عدم اعتماد کامیاب ہوئی تو نئے چیئرمین سینیٹ کے انتخاب کے لئے انتخاب خفیہ رائے شماری سے ہوگا۔

  • فائنل ہار جاتے تو شاید کرکٹ چھوڑ دیتا: جوز بٹلر

    فائنل ہار جاتے تو شاید کرکٹ چھوڑ دیتا: جوز بٹلر

    لندن: انگلینڈ کی ورلڈ جیتنے والی ٹیم کے اہم کھلاڑی جوز بٹلر نے کہا ہے اگر ہم ورلڈ کپ 2019 کا فائنل ہار جاتے تومیرے لیے دوبارہ کرکٹ بیٹ اتھانا مشکل ہوجاتا،
    ڈیلی میل کو انڑویو دیتے ہوئے انگلش وکٹ کیپر بیٹسمین کا کہنا تھا کہ میں نے ورلڈ کپ 2019 کے فائنل سے پہلے میں نے کل سات فائنل کھیلے اور سب میں میری ٹیم ہاری تھی، سمرسیٹ کاؤنٹی کیساتھ بہت زیادہ کرکٹ کھیلی لیکن فائنل نہیں جیت سکا، اسی طرح ٹی ٹوینٹی ورلڈ کپ 2016 کا فائنل اور چیمپینز ٹرافی کا سیمی فائنل ہارنا اور کسی دوسری ٹیم کو ٹرافی اٹھاتے دیکھنا بہت کٹھن مرحلہ تھا، اور ورلڈ کپ 2019 کے فائنل میں یہی خیال مجھے کھائے جا رہا تھا کہ فائنل ہارنے کے بعد کرکٹ کیسے کھیلوں گا،