رحیم یارخان۔ 22 جولائی (اے پی پی) پولیس کا ضلع بھر میں سماج دشمن عناصر کے خلاف کریک ڈاؤن جاری25لیٹرشراب،چرس304گرام اور غیرقانونی اسلحہ برآمد مقدمات درج کارروائی شروع ذرائع کے مطابق ڈسٹرکٹ پولیس آفیسر کی ہدایت پر پولیس نے ضلع بھر میں سماج دشمن عناصر کے خلاف کریک ڈاؤن کرتے ہوئے ملزم الطاف سے25لیٹرشراب، ملزم ارشاد احمد سے304گرام چرس اور ملزم بشیر احمد سے دوران تفتیش پستول12بور3کارتوس برآمد کرلیے پولیس نے الگ الگ مقدمات درج کرکے کارروائی شروع کردی۔
Blog
-
لڑکیاں بھی کسی سے کم نہیں،سرگودہا کی لڑکیاں کھیلوں میں پیش پیش
سرگودہا(نمائندہ باغی ٹی وی)”سرگودھا کی لڑکیاں بھی لڑکوں سے کم نہیں”
سرگودہا سپورٹس جمنازیم میں انٹر ڈویژنل فٹسال چمپیئن شپ میں پنجاب بھر سے لڑکے اور لڑکیوں نے حصہ لیا پہلے مرحلے میں سرگودہا کی فٹسال گرلز ٹیم نے فیصل آباد کی گرلز ٹیم کو شکست دی اس کے علاوہ راولپنڈی،گوجرانوالہ،سیالکوٹ،لاہور،ساہیوال کی ٹیمیں بھی اس میں شریک ہیں
دوسرے روز کے موقع پر مہمان خصوصی چیئرمین پنجاب فٹسال چوہدری ممتاز اختر کاہلوں ۔چیئرمین پی ایچ اے سعد الله وڑائچ ۔آرگنائزنگ جبار حسین ۔مرزافضل الرحمن صدر چیمبر آف کامرس ودیگر مہمان شریک ہیں
-
آئی ٹی کی ترقی ترجیحات میں شامل،وزیراعظم سے سرمایہ داروں کی ملاقاتیں
وزیراعظم عمران خان سے امریکا میں مختلف سرمایہ کاروں کی ملاقاتوں کا سلسلہ جاری ہے، وزیراعظم عمران خان پاکستانی سفارتخانے میں وفود سے ملاقاتیں کر رہے ہیں.
باغی ٹی وی کی رپورٹ کے مطابق وزیر اعظم عمران خان سے افینیٹی کے چیف ایگزیکٹو آفیسر ضیاءچشتی ، دی ریسورس گروپ کے بانی شراکت دار محمد خیشگی، دی ریسورس گروپ کے چیف انویسٹمنٹ آفیسر حسنین اسلم نے ملاقات کی۔ پاکستانی سفارتخانے میں ہونے والی اس ملاقات میں وزیر خارجہ شاہ محمود قریشی بحری امور کے وزیر سید علی حیدر زیدی، تجارت کے لئے وزیر اعظم کے مشیر عبدالرزاق داﺅد، وزیراعظم کے مشیر برائے خزانہ ڈاکٹر عبدلحفیظ شیخ ، سمندر پار پاکستانیوں کے لئے وزیراعظم کے معاون خصوصی ذوالفقار عباس بخاری بھی موجود تھے۔ سرمایہ کاروں نے پاکستان میں انفارمیشن ٹیکنالوجی اور ٹیکنالوجی کے شعبے میں مزید سرمایہ کاری کے لئے اپنی دلچسپی کا اظہار کیا.
وزیر اعظم عمران خان سے ناصر جاوید ،اشرف قاضی اور شوکت دھنانی نے پاکستانی سفارتخانے میں ملاقات کی۔ انہوں نے وزیراعظم کو پاکستان میں اکیڈیمیا، مینوفیکچرنگ اور سٹیل کی صنعت میں سرمایہ کاری کے لئے اپنی دلچسپی کے بارے میں آگاہ کیا۔ انہوں نے پاکستان کی سماجی و اقتصادی ترقی کے لئے وزیراعظم کے ویژن کو سراہا۔ وزیر اعظم نے غیر ملکی سرمایہ کاری کے فروغ کے لئے پالیسی فریم ورک اور بہترین ماحول کی فراہمی، کاروبار کو آسان بنانے کے لئے حکومت کی طر ف سے کئے جانے والے اقدامات اور کوششوں، صنعتی شعبوں کی ترقی اور ملک کی سماجی و اقتصادی ترقی کے لئے کئے جانے والے اقدامات کو اجاگر کیا
وزیراعظم عمران خان سے وینچر کیپٹیلسٹس فنڈ منیجرز کے وفد نے پاکستانی سفارتخانے میں ملاقات کی۔ وفد میں شعیب کیتھاوالا، سلیم احمد، سہیل خان، سلیم اقبال اور ریاض صدیقی شامل تھے۔
وزیر اعظم عمران خان سے خوراک اورصحت کے شعبوں سے متعلق سرمایہ کاروں کے گروپ نے پاکستانی سفارتخانے میں ملاقات کی۔ ملاقات کرنے والے وفد میں اسلم خان، ٹیکساس سے مبشرچوہدری، ڈاکٹر باسط جاوید، ڈاکٹر عابد شیخ اور ڈاکٹر مبشر چوہدری شامل تھے۔ سرمایہ کاروں نے پاکستان میں خوراک اور صحت کے شعبوں میں بہتری اور سہولیات کی فراہمی کے لئے اپنی دلچسپی کا اظہار کیا۔ انہوں نے پاکستان میں طبی سہولیات کو بہتر بنانے بالخصوص دیہی علاقوں اور مخصوص شعبوں میں طبی سہولیات کی فراہمی کے لئے اپنی تجاویز دیں۔ ملاقات میں اس بارے میں بھی تبادلہ خیال کیا گیا کہ امریکا میں مقیم پاکستان نژاد فزیشنز پاکستان میں بسنے والی کمیونٹیز کی کس طرح مدد کر سکتے ہیں
وزیر اعظم عمران خان سے آئی ٹی کے شعبہ کے ماہرین پر مشتمل ”آل سٹار گروپ“ نے پاکستانی سفارتخانے میں ملاقات کی۔ گروپ میں انعام الحق خان، حشمت ملک، حسن احمد، دلاور سید، الریحان جلیل، سلمان اختر اور منصور خان شامل تھے۔ گروپ نے وزیراعظم سے اکیڈمک انسٹیٹیوشن، تحقیق و ترقی، ٹیکنالوجی کے شعبے میں معیاری اداروں کی ترقی، آئی ٹی کے شعبہ میں آئی ٹی کے ٹیکنیشنز وانجینئرز اور پیشہ وارانہ تربیت سے متعلق امور پر تبادلہ خیال کیا ۔ وزیر اعظم نے گروپ کو بتایاکہ آئی ٹی کی ترقی موجودہ حکومت کی اولین ترجیحات میں شامل ہے۔ انہوں نے کہا کہ نوجوانوں کے لئے اس شعبہ میں روزگار کے بے شمار مواقع ہیں۔ انہوں نے آئی ٹی کے شعبہ کی ترقی کے لئے حکومتی اداروں کی طرف سے بھر پور تعاون کی یقین دہانی کرائی.
اے پی پی
-
کینڈین شہری کے ساتھ ڈکیتی، بھارتی شہری گرفتار
دہلی میں تین افراد کو کینڈین شہری سے ڈکیٹی کرنے کے جرم میں کینٹ ایریا میں پولیس نے گرفتار کر لیا.
باغی ٹی وی رپورٹ کے مطابق دہلی میں تین بھارتی شہریوں کو ڈکیتی کرتےہوئے گرفتار کر لیا جب وہ انڈی گو ایئر لائن کے کینڈین نژاد پائلٹ سے ایک لاکھ 30 ہزار چھیننے کی کوشش کر رہا تھا.آصف سلمانی، آصف اور فرمان کو پولیس نے اترپردیش کے ضلع میرٹھ سے گرفتار کیا گیا.تینوں مجرموں نے کینڈین شہری سے چاقو کو استعمال کر کے یہ ڈکیٹی کی تھی.
-
اپوزیشن کے سینیٹرز کے حکومت سے رابطے، وفاقی وزیر ہوا بازی کا انکشاف
وفاقی وزیر ہوا بازی غلام سرور خان کے اپوزیشن کے سینیٹرز سے رابطوں کا انکشاف ہوا ہے، غلام سرور خان کا کہنا ہے کہ اپوزیشن کچھ بھی کرلے تابوت میں آخری کیل ہم ہی ٹھونگیں گے.
باغی ٹی وی کی رپورٹ کے مطابق وفاقی وزیر ہوا بازی غلام سرور خان کا کہنا ہے کہ اپوزیشن صادق سنجرانی کا احترام کرے ہم ڈپٹی چیئرمین کا احترام کریں گے، انہوں نے کہا کہ اپوزیشن کی عدم اعتماد کی ہرتدبیرناکام بنائیں گے،اس حوالہ سے حکمت عملی بنالی ہے.
غلام سرور خان نے مزید کہا کہ اپوزیشن کےکئی ارکان خفیہ رائےشماری میں خداخوفی کریں گے ،اپوزیشن رہنما اس وقت سیاسی ناپختگی کا مظاہرہ کررہی ہے ،چیئرمین سینیٹ کا رویہ ہمیشہ اپوزیشن کے حق میں بھی رہا،کل ریکوزیشن اجلاس ہے ہوسکتاہےعدم اعتماد کی تحریک پیش نہ ہو،زیربحث ہو.
وفاقی وزیر کا مزید کہنا تھا کہ پیپلزپارٹی اورمسلم لیگ ن سمیت اپوزیشن میں ہمارےکئی باشعوردوست ہیں، اپوزیشن جماعتوں کے کئی لوگ کہہ رہے ہیں یہ کام ٹھیک نہیں ہے،سب سے پہلے ادارے کا احترام ہونا چاہئیے،
واضح رہے کہ اپوزیشن جماعتیں چیئرمین سینیٹ کے خلاف تحریک سینیٹ سیکرٹریٹ میں جمع کروا چکی ہیں، اپوزیشن نے چیئرمین سینیٹ کے لئے حاصل بزنجو کو امیدوار نامزد کیا ہے، اب تحریک انصاف نے ڈپٹی چئرمین سینیٹ کو ہٹانے کے لئے تحریک جمع کروا لی ہے . اس سلسلہ میں حکومت کی اتحادی جماعتوں سے مشاورت کا سلسلہ جاری ہے .
دوسری جانب وزیر اعظم عمران خان نے پی ٹی آئی سینیٹرز سے واضح طور پر کہا ہے کہ ہم نے چیئرمین سینیٹ کے خلاف پیش کی گئی تحریک عدم اعتماد کو ہر صورت ناکام بنانا ہے اور جس طرح بجٹ منظوری کے حوالہ سے اپوزیشن جماعتوں کو کامیاب نہیں ہونے دیا گیا اسی طرح سینیٹ چیئرمین کے خلاف ان کی تحریک عدم اعتماد بھی کسی صورت کامیاب نہیں ہونے دی جائے گی.
اپوزیشن نے صادق سنجرانی کو ہٹانے کی قرارداد اور سینیٹ کا اجلاس بلانے کی ریکوزیشن جمع کرائی۔ صادق سنجرانی کے خلاف تحریک عدم اعتماد کامیاب ہوئی تو نئے چیئرمین سینیٹ کے انتخاب کے لئے انتخاب خفیہ رائے شماری سے ہوگا۔
-
مظفرگڑھ سے 8خطرناک اشتہاری گرفتاری،بھاری مقدار میں منشیات اور اسلحہ برآمد
مظفرگڑھ کی تحصیل کوٹ ادو میں گرینڈ سرچ آپریشن کے دوران بھاری مقدار میں اسلحہ اور منشیات برآمد کرلی گئی،آپریشن کے دوران 8 خطرناک اشتہاری ملزمان کو بھی گرفتار کرلیا گیا.ڈی پی او مظفرگڑھ صادق علی ڈوگر کیمطابق گرینڈ سرچ آپریشن تحصیل کوٹ ادو کے شہری اور تمام دیہی علاقوں میں کیا جارہا ہے،سرچ آپریشن کے دوران شہر کے داخلی وخارجی اور مختلف علاقوں کو سیل کرکے مشکوک افراد کی بائیو میٹرک تصدیق کی گئی.ڈی پی او کیمطابق گرینڈ سرچ آپریشن کے دوران کاروائی کرتے ہوئے بھاری مقدار میں ممنوعہ اسلحہ،گولیاں اور منشیات بھی برآمد کرلی گئیں جبکہ کاروائی کے دوران 8 افراد کو بھی گرفتار کرلیا گیا.ڈی پی او صادق علی ڈوگر کیمطابق گرینڈ سرچ آپریشن میں ضلع بھر سے پولیس،ایلیٹ فورس اور دیگر قانون نافذ کرنے والے اداروں کے 300 سے زائد افسران اور اہلکار حصہ لے رہے ہیں اور آپریشن شام تک جاری رہیگا.
-
سیاسی قیدیوں سے جیلیں بھری جارہی ہیں، شہباز شریف پھٹ پڑے
قومی اسمبلی میں قائد حزب اختلاف شہباز شریف نے کہا ہے کہ سیاسی قیدیوں سے جیلیں بھری جارہی ہیں،وزیراعظم کوعلم نہیں کہ غریب کس طرح زندگی بسرکررہے ہیں.
باغی ٹی وی کی رپورٹ کے مطابق شہباز شریف نے اپوزیشن جماعتوں کے مشترکہ اجلاس سے خطاب کرتے ہوئے کہا کہ ملک کی معیشت تباہ ہوچکی،معاشی ٹیم مذاق بن گئی ہے،مزدور اپنے مالکان کی منتیں کرنے پرمجبورہیں، فیکٹریوں کو تالے لگ گئے، دکانوں سےلوگوں کو نکالا جارہا ہے، بےروزگاری انتہا کوچھورہی ہے، عام آدمی پرزندگی تنگ ہوچکی ہے.
شہباز شریف نے مزید کہا کہ آج عام آدمی کو ضروریات پوری کرنا مشکل ہورہاہے روٹی 15 روپے اور نان 20 روپے تک پہنچ گیا ہے ،ماضی سے سبق سیکھ کرنظام میں بہتری لائیں ،سلیکٹڈ وزیراعظم ابھی تک ہیرو کی دنیا میں بستا ہے،
اپوزیشن جماعتوں کے ﺍﺟﻼﺱ ﻣﯿﮟ 53 ﺳﯿﻨﯿﭩﺮ ﺯﺍﻭﺭ ﺍﭘﻮﺯﯾﺸﻦ ﻟﯿﮉﺭ ﺷﮩﺒﺎﺯﺷﺮﯾﻒ ﺳﻤﯿﺖ 7 ﺍﯾﻢ ﺍﯾﻦ ﺍﯾﺰ ﺷﺮﯾﮏ ہیں. اجلاس میں چیئرمین سینیٹ کے خلاف تحریک کے حوالہ سے مشاورت جاری ہے.
واضح رہے کہ اپوزیشن جماعتیں چیئرمین سینیٹ کے خلاف تحریک سینیٹ سیکرٹریٹ میں جمع کروا چکی ہیں، اپوزیشن نے چیئرمین سینیٹ کے لئے حاصل بزنجو کو امیدوار نامزد کیا ہے، اب تحریک انصاف نے ڈپٹی چئرمین سینیٹ کو ہٹانے کے لئے تحریک جمع کروا لی ہے . اس سلسلہ میں حکومت کی اتحادی جماعتوں سے مشاورت کا سلسلہ جاری ہے .
دوسری جانب وزیر اعظم عمران خان نے پی ٹی آئی سینیٹرز سے واضح طور پر کہا ہے کہ ہم نے چیئرمین سینیٹ کے خلاف پیش کی گئی تحریک عدم اعتماد کو ہر صورت ناکام بنانا ہے اور جس طرح بجٹ منظوری کے حوالہ سے اپوزیشن جماعتوں کو کامیاب نہیں ہونے دیا گیا اسی طرح سینیٹ چیئرمین کے خلاف ان کی تحریک عدم اعتماد بھی کسی صورت کامیاب نہیں ہونے دی جائے گی.
اپوزیشن نے صادق سنجرانی کو ہٹانے کی قرارداد اور سینیٹ کا اجلاس بلانے کی ریکوزیشن جمع کرائی۔ صادق سنجرانی کے خلاف تحریک عدم اعتماد کامیاب ہوئی تو نئے چیئرمین سینیٹ کے انتخاب کے لئے انتخاب خفیہ رائے شماری سے ہوگا۔
-
رانا ثناءاللہ کو جیل کا کھانا ہی ملے گا
لاہور: پاکستان مسلم لیگ (ن) کے پنجاب کے صدر رانا ثنا اللہ نے لاہور ہائیکورٹ میں درخواست دائر کی تھی کی مجھے جیل مین گھر کا کھانا کھانے کی اجازت دی جائے،
رانا ثنا اللہ کی درخواست پر آج لاہور ہایکورٹ میں سماعت ہوئی اور عدالت نے اس درخواست کو یہ کہتے ہوئے مسترد کردیا ہے یہ معاملہ دیکھنا جیل سپرانٹنڈنٹ کا کام ہے لہٰذا یہ معاملہ جیل سپرانٹنڈنٹ کو بھیجا جاتا ہے اور ہدایت کی جاتی ہے کہ معاملے کو دیکھا جائے، -
کالی مرچ کے حیران کن طبی فوائد
کالی مرچ کو اردو میں کالی مرچ اور عربی میں فلفل اسود اور فارسی میں فلفل سیاہ کہتے ہیں اسکا رنگ سیاہ اور ذائقہ تیز ہے مزاج گرم خشک ہے اسکےاجزا میں فولاد وٹامن بی اور ای شامل ہیں
کالی مرچ کا استعمال دل کی حرکت تیز کرتا ہے اسکے استعمال سے معدہ کی اصلاح کر کے جسم میں خون پیدا ہوتا ہے اورجگر کے لئے بھی کالی مرچ کا استعمال بہت مفید ہے
گیسٹرک کے لئے 1 کپ پانی میں آدھا لیموں نچوڑ کر ایک چٹکی کالی مرچ پاوْڈر ڈال کر کھانے کے بعد پینے سے گیسٹرک سے کافی آرام ملتا ہے
کالی مرچ پیٹ سے گیس ختم کرنے کے ساتھ ساتھ مزید گیس بننے سے روکتی ہے آدھا چمچ کالی مرچ اورایک چمچ شہد کا استعمال بھوک بڑھاتا ہے پیٹ میں کیڑوں کے لئے ایک گلاس لسی میں کالی مرچ ملا کر پینے سے کیڑے مر جاتے ہیں اور تکلیف کم ہو جاتی ہے
فوڈ پوائزننگ کے لئے ایک چٹکی پسی کالی مرچ مکھن میں ملا کر وقفے وقفے سے تھوڑی تھوڑی مقدار میں استعمال الٹی اور فوڈ پوائزننگ میں بہت مفید ہے
قبض سے نجات کے لئے کھانے میں کالی مرچ کا استعمال لازمی بنا لیں روزانہ کالی مرچ کے استعمال سے قبض کی شکایت دور ہو جاتی ہے
-
انیل مسرت کا پنجاب کیلیے ایسا اعلان کہ ہر شخص دعائیں دے
برطانوی بزنس مین انیل مسرت نے پنجاب حکومت کے اشتراک سے ہر ڈویژن میں ہسپتال بنانے کا اعلان کیا ہے
باغی ٹی وی کی رپورٹ کے مطابق وزیراعلیٰ پنجاب سے انیل مسرت نے ملاقات کی ہے، اس موقع پر انیل مسرت نے پنجاب کے ہر ڈویژن میں ہسپتال بنانے کا اعلان کیا ہے، انیل مسرت کا کہنا تھا کہ پنجاب کے 9 ڈویژن میں جدید اسپتال بنائیں گے،ان اسپتالوں کی اونرشپ کیلیے کمیونٹی کو بھی شامل کیا جائے گا،
اس موقع پر وزیراعلیٰ پنجاب عثمان بزدار نے کہا کہ پنجاب حکومت عام آدمی کو بہتر طبی سہولتیں دینےکےجامع پروگرام پرعمل پیرا ہے،ہمارا مقصد عام آدمی کو علاج معالجے کی معیاری سہولتیں دینا ہے، انیل مسرت کی جانب سے ہر ڈویژن میں اسپتال بنانےکا فیصلہ خوش آئند ہے، شعبہ صحت میں نجی شعبےکی شراکت داری اورسرمایہ کاری کاخیرمقدم کریں گے.
وزیراعلیٰ پنجاب نے مزید کہا کہ ملتان میں اربوں روپے کی لاگت سے نشتر2 اسپتال بنایا جا رہا ہے،ڈیرہ غازی خان میں کارڈک اسپتال کے منصوبے پر کام جاری ہے،دور دراز علاقوں میں مدر اینڈ چائلڈ اسپتال بنائے جا رہے ہیں،سرمایہ کارپنجاب میں سرمایہ کاری کےمواقع سےفائدہ اٹھائیں،ہرممکن سہولتیں دیں گے.
واضح رہے کہ انیل مسرت پاکستان کے وزیراعظم عمران خان کے دوست ہیں،