ٹیوٹا پنجاب کے چیئرمین حافظ فرحت عباس نے اپنے عہدہ سے استعفی دے دیا۔ حافظ فرحت عباس نے اپنا استعفیٰ وزیراعظم پنجاب عثمان بزدار کو بھجوایا۔ انہوں نے لکھا کہ میں بحثیت چیئرمین ٹیوٹا اپنے عہدہ سے مستعفی ہوتا ہوں میرا استعفیٰ قبول کیا جائے۔
باغی ٹی وی کی رپورٹ کے مطابق حافظ فرحت عباس نے چار ماہ قبل اپریل میں اپنے عہدے کا چارج سنبھالا تھا۔ ان کی تقرری پر پارٹی کے اندرونی حلقوں میں بھی تنقید ہو ئی تھی۔
چیئرمین ٹیوٹا کی تقرری میرٹ کے برعکس، بتایا جائے انہیں یہ عہدہ کیوں دیا گیا؟ اظہر صدیق ایڈووکیٹ کا گورنر کو خط
اس حوالہ سے ایک شہری آمنہ ملک نے درخواست دائر کی جس میں ٹیوٹا چیئرمین کی تعلیمی قابلیت، اس کے انتخاب کے طریقہ کار اور میرٹ کے حوالہ سے سوالات اٹھائے گئے تھے۔درخواست میں کہا گیا ہے کہ حافظ فرحت نے صرف بی کام کیا تھا اور وہ اس حوالے سے تعلیمی اہلیت پر بھی پورا نہیں اترتے تھے اور ان کی تقرری سپریم کورٹ کے فیصلہ کی بھی خلاف ورزی ہے۔ درخواست گزار نے چیئرمین ٹیوٹا کے پوسٹ کے حوالے اخبارات میں یا دیگر پرنٹ میڈیا میں اشتہارات کی اشاعت ک حوالہ سے بھی سوال اٹھایا ہے اور اس سے متعلقہ مکمل درستاویزات، تفصیلات اور معلومات فراہم کرنے کا بھی مطالبہ کیا ہے۔
آمنہ ملک نے ان امیدواروں کی تعداد بھی پوچھی ہے جن پر غور کیا گیا اور جانچ پڑتال کی گئی۔
واضح رہے کہ حافظ فرحت عباس پہلے اسلامی جمعیت طلبہ کے ناظم تھے۔ بعدازاں وہ تحریک انصاف میں شامل ہو گئے تھے۔حافظ فرحت نے پی پی 155لاہور سے 2013کے عام انتخابات سے الیکشن لڑا لیکن کامیاب نہیں ہو سکے تھے۔
