Blog

جنیوا:دنیا میں تشدد کے باعث ہر پانچ منٹ بعد ایک بچہ ہلاک ہورہا ہے.جسے ہر صورت روکنا ہوگا بچوں کو بھی زندہ رہنے کا حق ہےاقوام متحدہ کے ادارہ برائے اطفال “یونیسف” کا کہنا ہے کہ دنیا بھر میں ہر پانچ منٹ کے بعد ایک بچہ تشدد کی وجہ سے موت کا شکار ہو جاتا ہے اور ان میں سے بہت تھوڑی تعداد کا تعلق جنگ زدہ علاقوں سے ہے۔یونیسف کی رپورٹ کے مطابق ایک اندازے کے مطابق روزانہ ہونے والی 345 اموات میں سے 75 فیصد پرامن ملکوں میں ہوتی ہیں۔

قابل علاج امراض میں مبتلا ہوکر مرنے والے بچوں پر خاصی توجہ دی جاتی ہی لیکن ان کے بقول بچوں کے تحفظ کے معاملے پر بھی توجہ دینا بھی انتہائی ضروری ہے۔یونیسیف کی برطانوی شاخ میں بچوں کے حقوق سے متعلق شعبے کی سربراہ لیاح کریٹزمین کہتی ہیں کہ برازیل میں سال 2000 کے بعد سے قابل علاج امراض میں مبتلا ہو کر مرنے والے بچوں کی تعداد میں نمایاں کمی دیکھی گئی لیکن تشدد کی وجہ سے تقریباً 15 ہزار بچے موت کا شکار ہوئے۔

کینیا میں ہر تیسری لڑکی اور ہر چھٹا لڑکا جنسی تشدد کا شکار ہوتا ہے لیکن پولیس کے پاس ان واقعات کا صرف ایک فیصد ہی رپورٹ ہوتا ہے۔سوزان کہتی ہیں کہ جہاں قانون کی حکمرانی نہ ہو وہاں شورش کی صورت میں حالات بچوں کے لیے مزید خراب ہو جاتے ہیں۔ تعلیم بچوں کو بہت سے تنازعات میں بچا سکتی ہے۔ یہ بچوں کو نہ صرف معمولات کی سوچ دے سکتی ہے بلکہ انھیں اس بات کا ادراک بھی دے گی کہ مسلح گروپ انھیں اپنے مقاصد کے لیے استعمال نہ کریں

بھوپال:مدھیہ پردیش گئورکشکوں کی غنڈہ گردی کے خلاف قانون سازی،3 سال سزا تجویز کی گئی ہےمجوزہ قانون کے تحت گﺅ رکشا کے نام پر اگر کوئی شخص تشدد کے معاملہ میں قصوروار قرار دیا جاتا ہے تو شخص کو 6 مہینے سے لے کر 3 سال کی سزا ہو سکتی ہے اور 25 ہزار سے لے کر 50 ہزار روپے تک جرمانہ بھی عائد کیا جا سکتا ہے۔ کمل ناتھ حکومت اس مجوزہ قانون کو مانسون اجلاس کے دوران ہی اسمبلی سے منظور کرا لینا چاہتی ہےگائے کے نام پر ہونے والی موب لنچنگ پر لگام لگانے کے مقصد سے مدھیہ پردیش حکومت سخت قانون بنانے جا رہی ہے۔ اس قانون کے تحت کوئی بھی خود کو گﺅ رکشک بتا کر تشدد کرتا ہے اس کے خلاف کڑی کارروائی عمل میں لائی جائے گی۔ غنڈہ گردی کرنے والے گﺅ رکشک کو گرفتار کیا جاتا ہے اور اس پر جرم اگر ثابت ہو جاتا ہے تو اسے 6 مہینے سے لے کر 3 سال تک قید کی سزا دی جائے گی۔

اضح رہے کہ گزشتہ 4-5 سالوں سے گﺅ رکشا کے نام پر بالخصوس مسلمانوں اور دلتوں کو تشدد کا نشانہ بنایا گیا اور درجنوں لوگوں کو موت کے گھاٹ اتار دیا گیا۔ مودی حکومت اگرچہ گﺅ رکشا کے نام پر ہو رہی تشدد پر روک لگانے کے دعوے کرتی ہے لیکن اتنے ظلم و ستم کے بعد اب لوگ یہ کہنے پر مجبور ہو رہے ہیں کہ غنڈہ عناصر کو سیاسی پست پناہی ملی ہوئی ہے اور حکومت کی شہ پر ہی یہ خونیں کھیل کھیلا جا رہا ہے۔

ان واقعات کو روکنے کے لئے مدھیہ پردیش حکومت نے بدھ کے روز ایک قانون کی تجویز پیش کی ہے۔ اس مجوزہ قانون کے تحت گﺅ رکشا کے نام پر اگر کوئی شخص تشدد کے معاملہ میں قصوروار قرار دیا جاتا ہے تو شخص کو 6 مہینے سے لے کر 3 سال کی سزا ہو سکتی ہے اور 25 ہزار سے لے کر 50 ہزار روپے تک جرمانہ بھی عائد کیا جا سکتا ہے۔ کمل ناتھ حکومت اس مجوزہ قانون کو مانسون اجلاس کے دوران ہی اسمبلی سے منظور کرا لینا چاہتی ہے۔ مدھیہ پردیش کے ایڈیشنل چیف سکریٹری (مویشی پروری) منوج شریواستو نے یہ معلومات فراہم کی۔ انہوں نے کہا کہ اگر کوئی شخص ایک مرتبہ سزا پانے کے بعد دوبارہ اسی جرم میں ملوث پایا جاتا ہے تو اس کی سزا دوگنی کر دی جائے گی۔

ملک میں 2009 سے 2019 تک 287 ہیٹ کرائم سے متعلق معاملات رونما ہوئے۔ ان میں سے 98 لوگوں کی موت ہو گئی جبکہ 722 لوگ زخمی ہوئے۔ ان میں سب سےزیادہ 59 فیصد حملے مسلمانوں پر کیے گئے، اس کے بعد 15 فیصد عیسائیوں اور 14 فیصد ہندوو?ں (بالخصوص دلتوں پر) 14 فیصد حملے کیے گئے۔ نفرت کی بنیاد پر کیے گئے حملوں میں سب سے زیادہ 28 فیصد معاملہ گﺅ رکشا کے نام پر کیے گئے۔