Blog

ریاض:حوثی باغیوں کی طرف سے سعودی عرب کے مختلف علاقوں میں گاہے بگاہے میزائل حملے .مشہور ابہا ایئر پورٹ پر تازہ حملے میں حملے میں ایک شامی باشندہ جاں بحق اور 21 زخمی ہوگئے۔سعودی خبر ایجنسی کے مطابق ملک کے جنوب مغربی علاقے کے ابھا کے ایئرپورٹ پر حوثی باغیوں کی طرف سے رواں ماہ دوسرا حملہ کیا گیا ہے، اس حملے میں ایک شامی باشندہ جاں بحق ہوا جب کہ 21 افراد زخمی ہیں۔زخمی ہونے والوں میں 13 سعودی شہری، 4 بھارتی، 2 مصری جب کہ 2 بنگلہ دیشی شہری شامل ہیں۔ سعودی حکام کا کہنا ہے کہ زخمیوں کو قریبی اسپتال میں طبی امداد فراہم کی جارہی ہے جن میں سے 2 کی حالت نازک ہے۔

سعودی عرب میں اتحادی افواج کے ترجمان کرنل ترکی المالکی نے بھی اس حملے کی تصدیق کرتے ہوئے کہا ہے کہ حوثی باغیوں کے حملے میں زخمی ہونے والوں میں 3 خواتین اور 2 بچے بھی شامل ہیں جب کہ ایئرپورٹ کے ایک ریسٹورینٹ اور 18 گاڑیوں کو نقصان پہنچا تاہم کرنل ترکی نے حملے کی نوعیت کے حوالے سے تفصیلات ظاہر نہیں کیں۔واضح رہے ابھا ایئرپورٹ سعودی عرب کا ایک مصروف ہوائی اڈہ ہے جہاں روزانہ کی بنیاد پر ہزاروں لوگ آمد ورفت کے لیے موجود ہوتے ہیں حوثی باغیوں نے 12 جون کوبھی اسی ایئرپورٹ پر حوثی باغیوں کے میزائل حملے میں 26 افراد زخمی ہوگئے تھے۔

کلکتہ:بھارت مسلمانوں پر حملوں میں تیزی مغربی بنگال میں بھی حافظ قرآن ہندو دہشت گردوں کا ظلم کا شکار.بھارت سے آمدہ اطلاعات کے مطابق مغربی بنگال کے علاقے کلکتہ کے امہرسٹ اسٹریٹ کے ایک پارک میں ایک جلسے کے موقع پر یہ واقع پیش آیا.ہندو دہشت گردوں نے حافظ قرآن سمیت دیگر دس مسلمانوں کو جئے شری رام نہیں کہنے کی پاداش میں بری طرح زدوکوب کیا گیا ہے۔ شردھا نندا پارک میں ’ہندو سمہاتی‘ نامی ایک جنونی ہندو تنظیم کی جانب سے جلسہ کا انعقاد کیا گیا تھا۔

ہگلی کے آرام باغ کے پاس حیات پور مدرسہ کے بچوں کو قرآن سکھانے والے حافظ شارہ رخ ہلدارعید کی چھٹیاں منانے کے بعد واپس اپنے مدرسہ جارہے تھے۔اطلاعات کے مطابق شارہ رخ ہلدار کیننگ اسٹیشن سے سیالدہ جانے والی ٹرین پر سوار ہوئےتوکم وبیش 500 لوگ اسی ٹرین کے مختلف بوگیوں میں سوار ہوگئے۔ ٹرین میں داخل ہونے کے ساتھ ہی یہ لوگ اپنے دھرم کے نعرہ دینے لگے حافظ شاہ رخ کے مطابق ان میں سے چند لوگوں نے مجھے غور سے دیکھا، میں ٹوپی اور داڑھی پہنے ہوئے تھا اور بھی کچھ لوگ تھے جو مسلمان تھے اور وہ اپنے داڑھی کے سبب پہچانے جاسکتے تھے، کچھ ہی دیر بعد بعد ہندو سمہاتی کے لوگوں نے مجھ سے اور دیگر مسلمانوں سے آکر بھدی زبان میں گالیاں دینی شروع کردی اور ٹرین جب کچھ دیر بعد بالی گنج اسٹیشن پہنچا تو مجھے اور دیگر مسلمانوں کو بے تحاشہ مارنا پیٹنا شروع کردیا، اور مجھے اس قدر مارا پیٹا گیا کہ میری آنکھوں میں اب بھی خون جمی ہوا ہے اور میری بائیں آنکھ اب بھی بند ہے

بالی گنج اسٹیشن کی جی آر پی میں ہندو سمہاتی نامی تنظیم کے خلاف شکایت درج کرائی گئی ہے۔ حالانکہ تین دن گزر جانے کے باوجو بھی ریلوے پولیس نے ابھی تک کسی کو گرفتار نہیں کیا ہے .حافظ شاہ رخ کے مطابق پہلے تو ریلوے پولیس یہ ماننے کو تیار نہیں تھی کہ جئے شری رام کا نعرہ نہیں لگانے پر انہیں مارا گیا ہے لیکن چند عینی شاہدین کے اصرا ر پر پولیس نے ان کی شکایت کو بالآخر درج کی۔

نئی دہلی :آپ اپنا نیا ہندوستان اپنے پاس رکھیں ہمیں پرانا ہندوستان ہی لوٹا دیجیئے .ہمیں اس ہندوستان کی ضرورت نہیں جہاں دلتوں اور مسلمانوں کا قتل عام ببانگ دہل ہوتا ہو.راجیہ سبھا میں اپوزیشن لیڈر غلام نبی آزاد بھارت میں دلتوں اور مسلمانوں پر ہونے والے مظالم پر بول اٹھے.غلام نبی آزاد نے مرکز کی مودی حکومت سے مخاطب ہوتے ہوئے کہا کہ ”میں آپ سے گزارش کرتا ہوں کہ آپ اپنا نیا ہندوستان اپنے پاس رکھیں ہمیں پرانا ہندوستان ہی لوٹا دیجیئے

غلام نبی آزاد نے جھار کھنڈ میں پے در پے مسلمانو ں پر ہندو انتہا پسندوں کے حملوں پر سخت ناراضگی کا اظہار کرتے ہوئے کہا کہ جھارکھنڈ کے سرائے کیلا میں بھیڑ کے ذریعہ ایک مسلم نوجوان کا قتل کر دیا گیا جس سے علاقے میں ماحول بہت کشیدہ ہیں۔ یہ معاملہ آج راجیہ سبھا میں بھی اٹھایا گیا۔ ایوان بالا میں اپوزیشن لیڈر غلام نبی آزاد نے اس موب لنچنگ کے واقعہ پر افسوس ظاہر کرتے ہوئے کہا کہ ”جھارکھنڈ لنچنگ اور تشدد کا کارخانہ بن گیا ہے۔ ہر ہفتے وہاں دلت اور مسلمان مارے جاتے ہیں۔ ’سب کا ساتھ سب کا وِکاس‘ کی لڑائی میں ہم پی ایم کے ساتھ ہیں، لیکن اسے دیکھنے کے لیے لوگ ہونے چاہئیں۔“
غلام نبی آزاد نے کہا اس ہندوستان کی بات کرتے ہیں‌ جہاں محبت اور تہذیب تھی۔ جب مسلمان اور دلت مشکل میں ہوتے تھے تو ہندووں کو بھی درد محسوس ہوتا تھا۔ جب کوئی تکلیف ہندووں کی نظر میں آتی تھی تو مسلم اور دلت ان کے لیے آنسو بہاتے تھے۔“انہوں نے مزید کہا کہ ”پرانے ہندوستان میں نفرت، غصہ یا جھوٹے الزامات نہیں تھے۔

بی بی سی کے سروے کے مطابق مشرق وسطی میں پوتن دوسرے نمبر پرمقبول ہیں ہیں اور ٹرمپ تیسرے نمبر پر ہیں لیکن دونوں مل کر بھی رجب طیب اردگان سے آگے نہیں بڑھ سکتے ہیں.بی بی سی نے عرب ممالک میں مذہب سے دوری ، ہم جنسی پرستی ، قتل ، زنا، خواتین سمیت متعدد ایشوز پر ایک سروے کیاہے۔ اس سروے میں میں ایک سوال عالمی رہنما ﺅں کی مقبولیت کے بارے میں بھی تھا کہ مشرق وسطی کے بارے میں روس کے صدر ولادیمیر پوتن ، امریکہ کے صدر ڈونالڈ ٹرمپ اور ترکی کے صدر رجب طیب اردگان میں سے کسی کی پالیسی بہتر ہیں اور وہاں کے عوام کس کی حکمت عملی اتفاق رکھتے ہیں ۔اس موضو ع پر ہوئے سروے میں ترکی کے صدررجب طیب اردگان عر ب ممالک میں سب سے آگے ہیں اور روس کے صدر ولادیمر پوتین اور امریکہ کے صدر ڈونالڈ ٹرمپ دونوں مل کر بھی تنہا ترکی کے صدر رجب طیب اردگان سے بہت پیچھے ہیں ۔

یہ سروے مشرق وسطی کے گیارہ ممالک میں کیاہے ۔ الجزائر ، مصر ،سوڈان ،لیبیا ، فلسطین ،اردن ، عراق ، یمن ،لبنان ،تیونس اور مراکش میں ۔ مجموعی طور پر ان ممالک کے 51 فیصد عوام ترکی کے رجب طیب اردگان کی پالیسی اتفاق کرتے ہیں اور اسے خطے کی بھلائی کیلئے بہتر سمجھتے ہیں ۔ جبکہ 28 فیصد عوام روسی صدر ولادیمیر پوتن کی پالیسی سے اتفاق رکھتے ہیں اور صرف 12 فیصد عوام امریکی صدر ڈونالڈ ٹرمپ کی پالیسی سے متفق ہیں ۔
مشرق وسطی کے 11 ممالک میں سات جگہوں میں نصف یا اس سے زائد افراد نے ترکی کے صدر رجب طیب اردوان کی حکمتِ عملی سے اتفاق کیا۔لبنان، لیبیا اور مصر میں روس کے صدر ولادیمیر پوتن کی پالیسیوں کی قبولیت اردوان کی پالیسیوں کے مقابلے میں زیادہ پائی گئی ہے۔

اس سروے میں جنسی رویوں، تحفظ، ہجرت اور خواتین کے حقوق سے لے کر کئی معاملات پر عرب عوام کے خیالات جاننے کی کوشش کی گئی تھی۔بی بی سی نیوز عربی کے لیے عرب بیرومیٹر ریسرچ نیٹ ورک کی جانب سے کی گئی اس تحقیق میں 2018 کے اواخر اور 2019 کے موسمِ بہار کے درمیان 10 ممالک اور فلسطینی علاقوں میں 25 ہزار سے زائد افراد کا انٹرویو کیا گیا۔