Blog

اسلام آباد:وزیر اعطم کی معاون خصوصی برائے اطلاعات فردوس عاشق اعوان نے افواج پاکستان کے کردار دے متعلق ایک سوال کے جواب میں یہ کہ کردلیل پیش کردی ہے کہ یہ افواج اس ملک کی ہیں اور پاکستان کی بہتری کےلیے پاک افواج کی خدمات لی جائیں گی.فردوس عاشق اعوان نے کہ افواج پاکستان ملک کاحصہ ہیں اور ملک کے مفاد میں جہاں بھی ان کی ضرورت محسوس ہوگی ، فوج سے کام لیا جائے گا.ایک نجی ٹی وی میں گفتگو کرتے ہوئے فردوس عاشق اعوان کہنا تھا کہ قرضوں کی تحقیقات کیلئے انکوائری کمیشن بنایا جارہاہے ، انٹیلی جنس اداروں کے لوگوں کواس لئے شامل کیا جارہاہے کہ وہ جہاں جہا ں پیسے کا غلط استعمال ہواہے اس کے بارے میں درست معلومات مہیا کریں گے ۔ انہوں نے کہا کہ سول ادارے میں اہلیت کا فقدان ہیں اور اس طرح معلومات اکٹھی نہیں کرسکتے۔

فردوس عاشق اعوان اپوزیشن کی طرف سے انکوائری کمیشن میں انٹیلی جنس اداروں کی شمولیت پر اعتراض کیا تھا جس کے جواب میں وزیراعظم کی معاون خصوصی نے فوج کے کردار پر وضاحت پیش کی انہوں نے کہا کہ فوج کوہم اپنے ملک کے نظام کا اہم حصہ سمجھتے ہیں اور جہاں ہم سمجھیں کہ سول اداروں میں مطلوبہ استعداد نہیں ہے فوج سے کام لیا جائیگا ۔

حکومت کا عوام کو ایک اور تحفہ ،گیس کی قیمتوں میں 200 فیصد اضافے کا فیصلہ کرلیا گیا . پٹرولیم ڈویژن نے گیس کی قیمتوں میں 200 فیصد اضافے کی سمری تیار کرلی۔یہ بھی معلوم ہوا ہے کہ پٹرولیم ڈویژن نے گیس کے نرخوں میں 200 فیصد اضافے کی سمری منظوری کیلئے اقتصادی رابطہ کمیٹی بھیج دی ہے۔ اقتصادی رابطہ کمیٹی آئندہ اجلاس میں اس سمری پر غور کرے گی۔دستاویز کے مطابق اگراقتصادی رابطہ کمیٹی نے سمری منظور کرلی تو اس کے بعد گھریلو صارفین کیلئے گیس 200 فیصد مہنگی ہوجائے گی جبکہ کمرشل صارفین کیلئے گیس کی قیمت میں 31فیصد اضافہ ہوگا۔

سمری میں بیان کیے گئے اعدادو شمار کے مطابق ماہانہ 100 یونٹ استعمال کرنے والے گھریلو صارفین کیلئے گیس 50 فیصد، ماہانہ 200یونٹ استعمال کرنے والوں کیلئے گیس 75فیصد اور ماہانہ 300 یونٹ والے گھریلو صارفین کیلئے گیس 100 فیصد مہنگی ہوگی۔حکومت اس سے پہلے بھی گیس کی قیمتوں میں اضافہ کرچکی ہے. گیس میں حالی اضافے کے بعد ملک میں مزید مہنگائی کے بڑھنے کا اندیشہ ہے. یاد رہے کہ حکومت گیس اور بجلی میں قیمتوں کے اضافے کو پچھلی حکومت کی پالیسیوں کو وجہ قرار دے رہی ہے. گیس میں حالیہ مہنگائی کو کیا عوام قبول کرلے گی اس کے بارے میں آنے والا وقت ہی بتائے گا.

کراچی :حکومت سندھ نے سندھ بھر میں تاریخی ثقافتی مقامات کو قومی ورثہ قرار دینے کے حوالے سے اہم اقدامات کرتے ہوئے صوبے بھر میں سروے کے بعد اہم فیصلے کردیئے .چیف سیکرٹری سندھ نے سندھ کے504مقامات کوثقافتی ورثہ قراردینےکی سفارشات منظورکرلیں.اطلاعات کے مطابق ثقافت کی ایڈوائزری کمیٹی کی سفارشات چیف سیکریٹری سندھ نےمنظورکی.اس کے علاوہ اس ایڈوائزری کمیٹی نےخالق ڈیناہال اورکےایم سی سمیت دیگرعمارات کی بحالی کی منظوری دےدی.حکومت سندھ اہم عمارات کو ثقافتی ورثے قرار دینے کے حوالے سے اس پہلے بھی اعلان کرچکی ہے تاہم تازہ ترین اطلاعات کے مطابق 504 اہم مقامات کو ثقافتی ورثہ قرار دینےکے ساتھ ہی اس پر عمل درآمد بھی شروع کر دیا ہے.

سندھ میں بہت سے تاریخٰی اور ثقافتی مقامات اور عمارات پائی جاتی ہیں. سندھ قدیم تاریخ اور ثقافت رکھنے والا صوبہ ہے جہاں 5 ہزار برس قبل مسیح تاریخ رکھنے والے موہن جو داڑو شہر کے آثار اس کا واضح ثبوت ہے۔ صوبہ کے تاریخی مقامات کو محفوظ بنانے کے لئے حکومت ترجیحی بنیادوں پر اقدامات اٹھاگئے ہیں.اس ضمن میں قیام پاکستان سے قبل1927 ء میں تعمیر ہونے والے موہٹہ پیلس کو ماضی کے فن تعمیر کے مطابق آئندہ نسلوںکے لئے اس تاریخی و ثقافتی عمارت کو محفوظ بنادیا گیا ہے۔ تاریخی عمارت میں زیادہ تر تصاویر اور کتابوں کی نمائش کا انعقاد کیا جاتا ہے ، صوبہ کے مختلف کالجز اور اسکولز کے بچے تاریخی عمارت کا دورہ بھی کرتے ہیں جہاں بچوں کو عمارت سے متعلق تفصیلا ت فراہم کی جاتی ہیں.کراچی ، ٹھٹھہ ، لاڑکانہ اور دیگر شہروں میں واقع تاریخی مقامات کو ان کی اصل حالات میں لانے کے لئے کام جاری ہے تاکہ قدیم تاریخی قومی ورثہ کو محفوظ بنایا جا سکے۔جیسا کہ مہتا پیلس ایک تاریخی عمارت ہے جس کے درودیوار پرکندہ نقش و نگار عہد حاضر میں اپنی اہمیت رکھتے اور ماضی کی یادوں تازہ کردیتے ہیں