Blog

وفاقی وزیر مذہبی پیر نورالحق قادری نے کہا ہے کہ دوسری قرعہ اندازی میں 9 ہزار 474 افراد کو منتخب کیا گیا ہے

باغی ٹی وی کی رپورٹ کے مطابق پیر نورالحق قادری نے پریس کانفرنس کرتے ہوئے کہا کہ ہمارا حج کا کوٹا 2 لاکھ ہے، ماضی میں منتخب نہ ہونے والے ان افراد کوبغیرقرعہ اندازی کےمنتخب کیا گیا ہے ،انہوں نے کہا کہ 9 ہزار474 سرکاری اور6 ہزار 316 عازمین پرائیوٹ اسکیم کے تحت حج پرجائینگے. عازمین حج کو 14 جون سے پہلے لوازمات جمع کرانا ہوں گے ،انہوں نے کہا کہ ایک اچھی رقم حجاج کرام کو واپس بھی کی جائے گی. رہائش کھانے پینے کے اخراجات میں کمی کی وجہ سے بچت ہوئی ہے. پیر نورالحق قادری کا مزید کہنا تھا کہ کامیاب عازمین کوآج سے ایس ایم ایس کے ذریعے اطلاع دی جائے گی.

واضح رہے کہ حکومت نے 12 مارچ کو سرکاری اسکیم کے تحت فریضہ حج ادا کرنے والے ایک لاکھ 7 ہزار سے زائد خوش نصیبوں کے ناموں کا اعلان کیا تھا۔وزارت مذہبی امور کی جانب سے حج اخراجات 4 لاکھ 36 ہزار975 روپے مقرر کیے گئے ہیں اور حاجیوں کو قربانی کے لیے 19 ہزار 451 روپے الگ سے ادا کرنا ہوں گے۔ سعودی ولی عہد شہزادہ محمد بن سلمان کی پاکستان آمد پرحج کوٹہ بڑھانے کی درخواست کی گئی تھی جس کے بعد حج کوٹے میں اضافے کے بعد اب دوسری بار قرعہ اندازی ہوئی ہے.

پنجاب اسمبلی میں اپوزیشن لیڈر حمزہ شہباز کی ضمانت کی درخواست پر سماعت کے دوران حمز ہ شہباز کے وکیل نے کہا ہے کہ سیاسی انتقام کا نشانہ بنایا جا رہا ہے، کیس کی سماعت 10 روز کے لئے ملتوی کی جائے

باغی ٹی وی کی رپورٹ کے مطابق لاہور ہائیکورٹ میں حمزہ شہباز کی ضمانت کی درخواست پر سماعت جسٹس مظاہرعلی اکبرنقوی نے کی،.حمزہ شہباز کے وکیل نے کہا کہ حمزہ شہبازکوسیاسی انتقام کانشانہ بنایاجارہا ہے، نیب پراسیکیوٹر نے کہا کہ ٹھوس شواہدکی بناپرحمزہ شہبازکےوارنٹ گرفتاری جاری کئے گئے،جسٹس مظاہرعلی اکبرنقوی نے کہا کہ معاملےپربہت کچھ کہا گیا، عدالت نے استفسار کیا کہ حمزہ شہبازکدھرہے؟عدالت کے حکم پرحمزہ شہبازروسٹرم پرآگئے،عدالت نے کہا کہ ہائی کورٹ میں نعرے بازی جاری ہے ،وکیل حمزہ شہباز نے کہا کہ سیاسی کیسز میں کنٹرول کرنا مشکل ہوتا ہے .نیب پروسیکیوٹر نے کہا کہ حمزہ شہبازکےاثاثوں میں کروڑوں روپےکا اضافہ ہوا،حمزہ شہبازاپنےاثاثوں کےذرائع بتانے میں ناکام رہےصاف پانی کمپنی کیس سےمتعلق ریفرنس احتساب عدالت میں دائرکیا جا چکا ہے، حمزہ شہباز کے وکیل نے عدالت میں کہا کہ نیب نےریفرنس دائرکرنے کے بعدحمزہ شہبازکونامزدکیا،رمضان شوگرملزمیں مقامی ایم پی اے کی درخواست پرنالہ تعمیرکیاگیا، سلمان بٹ ایڈووکیٹ بیرون ملک موجودہیں،پیش ہونےکےلئےمہلت دی جائے ،حمزہ شہباز کے وکیل نے عدالت سے استدعا کی کہ کیسزکی سماعت10روزکیلئےملتوی کی جائے،عدالت نے کہا کہ آپ کا کیس اگر روزانہ بنتا ہے تو روز سماعت کرائیں ، آپ کیس شروع تو کریں تاکہ معلوم ہو کیس ہے کیا،عدالت نے نیب پروسیکیوٹرکودلائل دینے کا حکم دیا،