Blog

واشنگٹن: امریکی سینیٹرلنزے گراہم نے کہا ہے کہ اب وقت آگیا ہے کہ سعودی عرب ابراہم معاہدے میں شامل ہو جائے اور اسرائیل کے ساتھ تعلقات کو معمول پر لائے۔

امریکی ٹی وی چینل کو دیے گئے انٹرویو میں لنزے گراہم کا کہنا تھا کہ ان کے خیال میں سعودی عرب اور اسرائیل کے درمیان تعلقات کی بحالی کا عمل 2026 کے دوران ممکن ہو سکتا ہے۔انہوں نے کہا کہ خطے میں امن اور استحکام کے لیے ابراہم معاہدے کی اہمیت بڑھ چکی ہے، تاہم اس عمل میں ایران کا کردار بھی اہم ہوگا۔امریکی سینیٹر کے مطابق یہ پیش رفت اس وقت تک مکمل طور پر ممکن نہیں ہو سکتی جب تک ایران بھی کسی نہ کسی شکل میں اس عمل کا حصہ نہ بن جائے۔ انہوں نے دعویٰ کیا کہ ایران مستقبل میں ابراہم معاہدے میں شامل ہو سکتا ہے، چاہے تہران اور واشنگٹن کے درمیان کسی معاہدے پر اتفاق ہو یا نہ ہو۔

لنزے گراہم نے مزید کہا کہ مشرق وسطیٰ میں بدلتی ہوئی صورتحال کے تناظر میں سعودی عرب کی ابراہم معاہدے میں شمولیت کا وقت آ چکا ہے، جو خطے میں سفارتی اور سیاسی روابط کے ایک نئے دور کا آغاز ثابت ہو سکتا ہے۔

امریکا کی ریاست میری لینڈ میں ایک چھوٹا طیارہ گر کر تباہ ہو گیا، جس کے نتیجے میں پائلٹ سمیت 3 افراد ہلاک ہو گئے۔

امریکی میڈیا کے مطابق حادثے میں جاں بحق ہونے والے پائلٹ اور دونوں مسافر اسرائیلی شہری تھے۔ یہ حادثہ دارالحکومت واشنگٹن ڈی سی سے چند کلومیٹر مشرق میں پیش آیا۔رپورٹس کے مطابق طیارہ ایک تربیتی پرواز پر تھا جب اسے حادثہ پیش آیا۔ تاہم حادثے کی حتمی وجوہات تاحال سامنے نہیں آ سکیں۔مقامی حکام کا کہنا ہے کہ انہیں حادثے کی اطلاع مقامی وقت کے مطابق رات ساڑھے گیارہ بجے موصول ہوئی، جس کے بعد امدادی ٹیمیں فوری طور پر جائے وقوعہ پر پہنچ گئیں۔

اسرائیلی میڈیا کے مطابق تباہ ہونے والا طیارہ ایک مقامی فلائٹ اسکول کی ملکیت تھا اور غالب امکان ہے کہ حادثے کے وقت اسے تربیتی مقاصد کے لیے استعمال کیا جا رہا تھا۔حکام نے واقعے کی تحقیقات شروع کر دی ہیں جبکہ ماہرین طیارے کے ملبے اور دیگر شواہد کا جائزہ لے کر حادثے کی وجوہات معلوم کرنے کی کوشش کر رہے ہیں۔

پاکستان اور قطر کی مشترکہ ثالثی کے نتیجے میں ایران اور امریکا کے درمیان جاری مذاکرات میں اہم پیش رفت سامنے آئی ہے، جبکہ امریکا نے ایران کے بعض منجمد اثاثے جاری کرنے اور چند اقتصادی پابندیوں میں نرمی کے اقدامات کیے ہیں۔

ایرانی وزیر خارجہ عباس عراقچی نے سوئٹزرلینڈ میں ہونے والے ایران امریکا مذاکرات کے بعد پاکستان اور قطر کی جانب سے جاری مشترکہ اعلامیے پر ردعمل دیتے ہوئے کہا کہ لبنان میں جنگ کے خاتمے کی کوششوں کے حوالے سے نمایاں پیش رفت ہوئی ہے۔عباس عراقچی کے مطابق ایران کی تیل اور پیٹروکیمیکل مصنوعات کی برآمدات پر عائد بعض پابندیاں ختم کر دی گئی ہیں، جبکہ ناکہ بندی میں بھی نرمی لائی گئی ہے۔ انہوں نے بتایا کہ ایران کے کچھ منجمد اثاثے بھی جاری کر دیے گئے ہیں، جسے مذاکراتی عمل میں مثبت پیش رفت قرار دیا جا رہا ہے۔

اس سے قبل ایرانی وزارت خارجہ نے اپنے بیان میں کہا تھا کہ فریقین کے درمیان حتمی معاہدے کے آغاز کے لیے بنیاد فراہم کرنے پر تفصیلی بات چیت ہوئی ہے۔ وزارت خارجہ کے مطابق دوسرے فریق کی جانب سے ذمہ داریوں پر عملدرآمد کے حوالے سے بھی حوصلہ افزا پیش رفت دیکھنے میں آئی ہے۔

دریں اثنا، سوئٹزرلینڈ میں مذاکرات کے اختتام پر پاکستان اور قطر نے مشترکہ اعلامیہ جاری کیا، جس میں فریقین نے مذاکراتی عمل کی نگرانی کے لیے اعلیٰ سطحی کمیٹی کے قیام پر اتفاق کیا۔ اعلامیے کے مطابق حتمی معاہدے تک پہنچنے کے لیے 60 روزہ روڈمیپ بھی منظور کر لیا گیا ہے۔تجزیہ کاروں کے مطابق مذاکرات میں ہونے والی یہ پیش رفت مشرقِ وسطیٰ میں کشیدگی کم کرنے اور خطے میں امن و استحکام کے فروغ کے لیے اہم ثابت ہو سکتی ہے۔

امریکی نائب صدر جے ڈی وینس نے کہا ہے کہ اگر ایران کی قیادت علاقائی عدم استحکام کا باعث بننا اور نیوکلیئر پروگرام چھوڑ دے تو پھر امریکا ایران کے ساتھ نئے سرے سے تعلقات بنائے گا۔

جے ڈی وینس نے کہاکہ ہم سفارتکاری کے ذریعے مشرق وسطیٰ میں تبدیلی لانا چاہتے ہيں، ایسا مستقبل دیکھ رہے ہيں جہاں سب کے لیے امن و خوشحالی ہوگی، ایرانی نیوکلیئر پروگرام کے خاتمے کے بعد اب ہمیں آگے بڑھنا ہے ، اسلام آباد ڈائيلاگ سے پہلے ایسا کبھی نہیں ہوا کہ ایران اور امریکا نے اعلیٰ سطح پر مذاکرات کیے ہوں۔

سوئٹرز لینڈ میں پاکستان کی ثالثی میں ایران سے مذاکرات کے آغاز پر جے ڈی وینس نے کہاکہ امریکی صدر ٹرمپ نے نئی شروعات کی ہدایت کی ہے اور کہا ہے کہ ایرانی عوام سے تعلقات بہتر بنائيں، بحران کے خاتمے، امن و ترقی کی شروعات کے لیے اہم دن ہے، اگر ایران کی قیادت علاقائی عدم استحکام کا باعث بننا اور نیوکلیئر پروگرام چھوڑ دے تو پھر امریکا ایران کے ساتھ نئے سرے سے تعلقات بنائے گا،دوسری جانب امریکی نائب صدر نے وزیراعظم شہبازشریف اور فیلڈ مارشل عاصم منیر کی تعریف کی اور کہاکہ اگرفیلڈ مارشل کی حکمت عملی نہ ہوتی تو شاید ہم یہاں نہ ہوتے، فیلڈ مارشل ایک عظیم ملٹری لیڈر ہیں، فیلڈ مارشل نے اپنے آپ کو ایک بہترین سفارتکار کے طور پر بھی ثابت کیا ہے