Blog

وفاقی آئینی عدالت نے مونال ریسٹورنٹ فوری کھولنے کی استدعا مسترد کر دی

وفاقی آئینی عدالت نے مونال ریسٹورنٹ مسمار کرنے کے سپریم کورٹ فیصلے پر سوال اٹھا دیئے،جسٹس حسن رضوری نے کہا کہ مونال کی لیز تجوید کا کیس سول کورٹ میں زیرالتواء تھا، کچھ ریسٹورنٹس کی انٹراکورٹ اپیلیں بھی ہائی کورٹ میں زیرالتواء تھیں،وکیل مونال نے کہا کہ سپریم کورٹ نے ایک فیصلے سے تمام عدالتوں میں زیرالتواء کیسز نمٹانے کا حکم دیدیا،جسٹس حسن رضوی نے کہا کہ متعلقہ فریقین کو سننے کا نکتہ سپریم کورٹ میں کیوں نہیں اٹھایا؟ سپریم کورٹ میں تمام وکیل کیوں گونگے ہوگئے تھے؟ احسن بھون نے کہا کہ ہم تو یہاں بھی ادب سے کھڑے ہیں جیسے سپریم کورٹ کھڑے تھے، جسٹس حسن رضوی نے کہا کہ وکیل کا کام قانونی نکات اٹھانا ہے ادب سے درباری کھڑے ہوتے ہیں،سی ڈی اے کی نظرثانی درخواست میں ٹھوس نکات تو اٹھائے ہی نہیں گئے، ایڈیشنل اٹارنی جنرل نے کہا کہ وائلڈ لائف بورڈ کا نیا قانون 2024 میں آ چکا ہے، احسن بھون نے کہا کہ تمام فریقین متفق ہیں کہ سول کورٹ میں کیس چلنے دیا جائے، ایڈیشنل اٹارنی جنرل نے کہا کہ تمام وکلاء کا اتفاق ہے کہ سپریم کورٹ کا فیصلہ کالعدم قرار دیا جائے،

جسٹس حسن اظہر رضوی نے کہا کہ وکلاء کے اتفاق سے تو عدالتیں نہیں چلتیں،جس قسم کا سپریم کورٹ نے فیصلہ دیا ہے وہ اتفاق رائے سے نہیں ختم ہوسکتا، عدالتی حکم واپس لینے کیلئے تفصیلی فیصلہ دینا پڑے گا، سپریم کورٹ کی طرح کسی پر اپنا فیصلہ تھوپنا نہیں چاہتے،آپ چاہتے ہیں ہم بھی سپریم کورٹ کی طرح فریقین کو سنے بغیر فیصلہ کر دیں، عدالت نے کیس کی مزید سماعت جولائی کے دوسرے ہفتے تک ملتوی کر دی ،جسٹس حسن رضوی کی سربراہی میں تین رکنی بنچ نے کیس کی سماعت کی

کالعدم جوائنٹ ایکشن کمیٹی کے بھگوڑے سرغنہ سعد انصاری کے بھائیوں نےشرپسند کمیٹی سےاظہار لاتعلقی کر دیا

محسن انصاری اور احسن انصاری نے عوام سے انتشاری کمیٹی کی خون ریزی اور تصادم سے دور رہنے کی اپیل کر دی،میرپور میں عوامی ایکشن کمیٹی کے شرپسند سرغنہ سعد انصاری کے بھائیوں نے ویڈیو پیغام میں کہا کہ؛
عوامی حقوق کی بات کرنا مناسب ہے لیکن عوامی ایکشن کمیٹی شرپسندی اس راہ پر چل رہی ہے جس کا انجام بہت برا ہے ،اس انتشاری اور شرپسند جوائنٹ ایکشن کمیٹی کی پرتشدد کارروائیوں کی وجہ سے جانی نقصان ہو رہاہے ،لوگوں سے اپیل ہے کہ انتشاری تحریک کا حصہ نہ بنیں اور ایسی صورتحال پیدا نہ کریں جس سے قتل و غارت اور شرپسندی کو بڑھاوا ملے،

مفرور اور سیکیورٹی اداروں کو مطلوب بھگوڑے سعد انصاری کے بھائی احسن انصاری نے کہا کہ؛عوام سے اپیل کرتا ہوں کہ کشمیر میں شرپسندی پھیلانے والی اس انتشاری عوامی ایکشن کمیٹی کا حصہ نہ بنیں،کالعدم کمیٹی کے پرتشدد واقعات میں شہید ہونے والے سیکیورٹی فورسزکے اہلکار بھی ہمارے بھائی ہیں،

بیرونی ایماء پر آزاد کشمیرمیں افراتفری اور قتل و غارت کرنے والی انتشاری کمیٹی سے ان کے اہلخانہ بھی لاتعلقی کا اعلان کر رہے ہیں ،آزاد کشمیر کے غیور عوام ان شرپسند عناصر کے پروپیگنڈا اور گمراہ کن بیانیہ میں نہ آئیں ان کا عوامی مفاد سے کوئی تعلق نہیں ہے

عمران خان، وزیراعظم شہباز شریف ہتک عزت کیس،سپریم کورٹ نے عمران خان کا حق دفاع بحال کردیا

عمران خان کا حق دفاع بحال کرنے فیصلہ دو ججز کی اکثریت سے دیا گیا،حق دفاع ختم رکھنے کے حق میں ایک جج کا اختلافی نوٹ شامل ہے،بانی پی ٹی آئی کا حق دفاع ختم کرنے کا سپریم کورٹ کا فیصلہ کالعدم قراردے دیا گیا،اکثریتی فیصلہ میں کہا گیا کہ ٹرائل کورٹ عمران خان کا حق دفاع بحال کرکے قانون کے مطابق کارروائی آگے بڑھائے،مختصر فیصلہ جسٹس عائشہ ملک نے کھلی عدالت میں سنایا،فیصلہ میں کہا گیا کہ عمران خان کی حق دفاع کرنے کیخلاف نظرثانی اپیل منظور کی جاتی ہے،

2017 میں عمران خان نے موجودہ وزیراعظم شہباز شریف پر پانامہ کیس واپس لینے کیلئے رقم کی پیشکش کرنے کا الزام عائد کیا تھا،وزیراعظم شہباز شریف نےعمران خان کیخلاف ہتک عزت کا دعویٰ دائر کیا تھا،ہتک عزت کا کیس 8 سال سے ٹرائل کورٹ میں زیر التوا ہے،شہباز شریف بطور وزیراعظم ہر کیس میں ویڈیو لنک کے زریعے ٹرائل میں پیش ہوتے رہے،عمران خان نے ٹرائل کورٹ میں 70 سے زائد مرتبہ التوا مانگا،چار سال کی تاخیر سے عمران خان نے ہتک عزت کیس میں جواب جمع کرایا،ٹرائل کورٹ نے عمران خان کا حق دفاع ختم کردیا تھا،لاہور ہائیکورٹ نے بھی حق دفاع ختم کرنے کا فیصلہ بحال رکھا تھا،عمران خان نے حق دفاع ختم کرنے کیخلاف سپریم کورٹ سے رجوع کیا،جسٹس منصور علی شاہ کی سربراہی میں جسٹس امین الدین خان اور جسٹس عائشہ ملک پر مشتمل تین رکنی بنچ نے حق دفاع ختم کرنے کے ہائیکورٹ کے فیصلے کیخلاف اپیل سنی تھی،جسٹس منصور علی شاہ اور جسٹس امین الدین خان نےعمران خان کا حق دفاع ختم کرنے کا فیصلہ برقرار رکھا تھا،جسٹس عائشہ ملک نے عمران خان کا حق دفاع ختم کرنے کے فیصلے سے اختلاف کیا تھا،نظرثانی اپیل جسٹس عائشہ ملک کی سربراہی میں تین رکنی بینچ نے سنی،بنچ میں جسٹس ہاشم کاکڑ اور جسٹس اشتیاق ابراہیم بھی شامل تھے

وفاقی وزیر اطلاعات عطاء اللہ تارڑ نے قومی اسمبلی اجلاس میں اظہار خیال کرتے ہوئے کہا ہے کہ الیکٹرانک میڈیا چینلز مشکلات کا شکار ہیں،

عطاء اللہ تارڑ کا کہنا تھا کہ پولیو، ماحولیات کے بارے میں آگاہی مہم سمیت تمام پبلک ایڈورٹائزمنٹ دینا حکومت کی ذمہ داری ہے، پاکستان براڈ کاسٹرز ایسوسی ایشن تمام الیکٹرانک میڈیا کی نمائندہ ایسوسی ایشن ہے، چینلز کو ریٹنگ کے حساب سے ادائیگیاں کی جاتی ہیں، پچھلے دو سے اڑھائی سالوں میں حکومت کے تمام اداروں کی تمام تشہیری مہمات کی مد میں تقریباً ایک ارب روپے کی رقم بنتی ہے، تمام چینلز ٹیکس بھی ادا کرتے ہیں، پیمرا کے قوانین پر بھی عمل کرتے ہیں، چینلز پر اپوزیشن اور حکومت کو برابر کوریج ملتی ہے،الیکٹرانک میڈیا کو بچانے اور اسے ترقی دینے کے لئے مل کر اقدامات کرنا ہوں گے، سنو نیوز کا شکر گذار ہوں انہوں نے کچھ لوگوں کو واپس ملازمتوں پر بحال کیا،

قومی اسمبلی کا اجلاس اسپیکر سردار ایاز صادق کی صدارت میں ہو رہا تھا،اجلاس کے آغاز میں ہی کورم کی نشاندہی کی گئی،کورم کی نشاندہی اپوزیشن رکن اقبال آفریدی نے کی،حکومت آج بھی کورم مکمل کرنے میں ناکام رہی،قومی اسمبلی کی کارروائی کورم پورا ہونے تک ملتوی کر دی گئی