Blog

امریکہ اور ایران کے درمیان کشیدگی میں کمی لانے کیلئے پاکستان نے اہم کردار ادا کیا ہے۔

خبر رساں ادارے رائٹرز کے مطابق پاکستان کے ساتھ ترکیہ اور مصر نے بھی کشیدگی میں کمی لانے کیلئے اہم کردار ادا کیا ہے۔رائٹرز کے دعوے کے مطابق تینوں ممالک نے عباس عراقچی اور اسٹیو وٹکوف کے ساتھ الگ الگ مذاکرات کیے ہیں۔بات چیت کا مقصد موجودہ کشیدگی میں کمی لانا تھا جس کے نتائج بھی سامنے آ چکے ہیں 5 دن کیلئے امریکی حملے روک دیئے گئے ہیں۔

مشرقِ وسطیٰ میں امریکہ، اسرائیل اور ایران کے درمیان بڑھتی ہوئی کشیدگی کے دوران سفارتی سرگرمیاں تیز ہو گئی ہیں، جبکہ خطے کے اہم ممالک پس پردہ رابطوں میں کلیدی کردار ادا کر رہے ہیں۔امریکی خبر رساں ادارے کی ایک رپورٹ کے مطابق، ترکی، مصر اور پاکستان گزشتہ چند دنوں سے امریکہ اور ایران کے درمیان پیغامات کی ترسیل میں ثالثی کا کردار ادا کر رہے ہیں۔ یہ ممالک ایسے وقت میں رابطے کا ذریعہ بنے ہوئے ہیں جب حالیہ دنوں میں واشنگٹن اور تہران کے درمیان براہِ راست بات چیت نہیں ہو رہی۔یہ پیش رفت ایک وسیع تر علاقائی سفارتی کوشش کا حصہ ہے جس کا مقصد کشیدگی میں کمی یا ممکنہ جنگ بندی کے امکانات تلاش کرنا ہے۔

رپورٹ کے مطابق، ایرانی وزیر خارجہ عباس عراقچی نے حالیہ دنوں میں ترکی، مصر اور پاکستان کے وزرائے خارجہ سے ٹیلیفونک رابطے کیے، جن میں انہوں نے خطے میں امریکہ اور اسرائیل کی پالیسیوں کے خلاف مشترکہ حکمت عملی اپنانے پر زور دیا۔ادھر دیگر سفارتی چینلز بھی متحرک ہیں۔ قطر، مصر اور برطانیہ نے امریکی تجاویز ایرانی حکام تک پہنچائی ہیں۔ ان تجاویز میں ممکنہ امن معاہدے یا جنگ بندی کے لیے سخت شرائط شامل ہیں، جن میں ایران کے بیلسٹک میزائل پروگرام کو پانچ سال کے لیے معطل کرنا، یورینیم کی افزودگی مکمل طور پر روکنا، اور نطنز جوہری تنصیب، اصفہان جوہری تنصیب اور فردو جوہری تنصیب جیسے مراکز کو بند کرنا شامل ہے۔
مزید برآں، تجاویز میں جوہری تنصیبات اور سینٹری فیوجز کی سخت بین الاقوامی نگرانی، خطے میں میزائل کی حد 1000 کلومیٹر تک محدود کرنا، اور حزب اللہ، حوثی تحریک اور حماس جیسے گروہوں کی مالی و عسکری مدد ختم کرنا بھی شامل ہے۔

وزیر خارجہ ترکی نے جنگ کے خاتمے کے لیے مختلف ممالک سے وسیع مشاورت کی ہے، جس میں ایرانی اور مصری حکام کے ساتھ ساتھ امریکی اور یورپی عہدیداران سے بھی بات چیت شامل ہے۔اسی دوران عمان، مصر، پاکستان اور ترکی کے سینئر سفارتکار خاموشی سے تہران کے ساتھ رابطے میں ہیں تاکہ ڈونلڈ ٹرمپ کی انتظامیہ کے ساتھ مذاکرات کی راہ ہموار کی جا سکے۔

وزیراعظم محمد شہباز شریف نے آج اسلامی جمہوریہ ایران کے صدر ڈاکٹر مسعود پزشکیان سے ٹیلیفون پر گفتگو کی۔

وزیراعظم نے ایرانی صدر اور برادر عوامِ ایران کو عیدالفطر اور نوروز کی مبارکباد پیش کی۔ ایرانی صدر نے بھی ان جذبات کا پرتپاک انداز میں جواب دیا اور پاکستانی عوام کے لیے نیک تمناؤں کا اظہار کیا۔بطور ہمسایہ برادر ملک، وزیراعظم نے جاری کشیدگی کے تناظر میں بہادر ایرانی عوام کے ساتھ پاکستان کی یکجہتی کا اظہار کیا۔ انہوں نے قیمتی جانوں کے ضیاع پر گہرے دکھ اور افسوس کا اظہار کیا اور زخمیوں و متاثرین کی جلد صحتیابی اور سلامتی کے لیے دعا کی۔وزیراعظم نے خلیجی خطے میں جاری خطرناک صورتحال پر اپنی گہری تشویش کا بھی اظہار کیا۔ اس سنگین صورتحال کے پیش نظر انہوں نے تمام ہمسایہ ممالک کے درمیان کشیدگی میں کمی، مذاکرات اور سفارتکاری کی طرف واپسی کی فوری ضرورت پر زور دیا تاکہ اختلافات کو پرامن طریقے سے حل کیا جا سکے۔انہوں نے امتِ مسلمہ کے درمیان اتحاد و یکجہتی کی اہمیت پر بھی زور دیا، جس کی اس وقت اشد ضرورت ہے۔پاکستان کی قیادت کی سفارتی کوششوں سے آگاہ کرتے ہوئے وزیراعظم نے ایرانی قیادت کو یقین دلایا کہ پاکستان خطے میں امن کے فروغ کے لیے اپنا تعمیری کردار جاری رکھے گا۔

ہر صبح جب آپ اٹھتے ہیں تو پاکستان کے خلیجی بحران میں کردار کے بارے میں ہزاروں مختلف آراء سننے کو ملتی ہیں۔ ان میں سے اکثر پی ٹی آئی سے وابستہ اکاؤنٹس، بھارتی ٹرولز اور افغان طالبان کے ترجمانوں کے ہوتے ہیں۔ کوئی کہتا ہے کہ سعودی عرب پاکستان سے خوش نہیں، کوئی دعویٰ کرتا ہے کہ پاکستان سعودی عرب کے کہنے پر ایران پر حملہ کرنے والا ہے، جبکہ کوئی الزام لگاتا ہے کہ پاکستان اس جنگ میں امریکہ اور اسرائیل کی مدد کر رہا ہے۔

ان تمام ٹرولز میں ایک بات مشترک ہے، انہیں پاکستان کی پالیسی کے بارے میں کچھ معلوم نہیں، اور ان سب کی خواہش ہے کہ پاکستان کو اس تنازع میں گھسیٹا جائے، تاکہ دراصل ایک اینٹی پاکستان ایجنڈا پورا کیا جا سکے۔ان تمام منفی پروپیگنڈوں کے باوجود، پاکستان کی پالیسی بالکل واضح ہے ، پاکستان مخلصانہ طور پر تنازع کے خاتمے کا خواہاں ہے اور اس کے لیے سنجیدہ کوششیں کر رہا ہے۔ پاکستان ایک قابلِ اعتماد ثالث کے طور پر سامنے آیا ہے جس پر ایران اور خلیجی ممالک دونوں کو اعتماد ہے، حتیٰ کہ امریکہ بھی پاکستان کی اہمیت کو سمجھتا ہے۔ پاکستان نے ایران پر اسرائیلی حملوں کی مذمت کی ہے۔ پاکستان نے خلیجی تعاون کونسل (GCC) کے ممالک، خصوصاً سعودی عرب پر ایرانی حملوں کی بھی مذمت کی ہے۔ پاکستان اور سعودی عرب کے تعلقات تاریخ، مذہبی وابستگی اور باہمی احترام پر مبنی ہیں۔ اسٹرٹیجک ملٹری ڈیفنس ایگریمنٹ (SMDA) اسی تعلق کا مظہر ہے۔ پاکستان کا اسٹرٹیجک ملٹری ڈیفنس ایگریمنٹ سے عزم اور حجاز مقدس کے دفاع کا وعدہ ناقابلِ متزلزل ہے۔ اس پر کسی کو شک نہیں ہونا چاہیے، اور نہ ہی اس کے لیے اسرائیل، بھارت یا افغانستان کی توثیق درکار ہے۔ پاکستان کے ایران کے ساتھ بھی تاریخی برادرانہ تعلقات ہیں، ایرانی پارلیمنٹ میں گونجنے والا “تھینک یو پاکستان” اس کا واضح ثبوت ہے۔ پاکستان نے اس تنازع کے تسلسل پر تشویش کا اظہار کیا ہے اور اسے روکنے کی کوششیں مزید تیز کر دی ہیں۔ پاکستان کا ماننا ہے کہ اسرائیل اس تنازع کو طول دینے اور پھیلانے کی کوشش کر رہا ہے تاکہ مسلمانوں کو آپس میں لڑایا جائے، خلیجی ممالک کی معیشتوں کو نقصان پہنچایا جائے، ایران کی عسکری صلاحیت کو ختم کیا جائے، اور یوں مشرق وسطیٰ میں اپنی بالادستی قائم کر کے “گریٹر اسرائیل” منصوبے کو آگے بڑھایا جا سکے۔ اس منصوبے کو ناکام بنانے کے لیے پاکستان سمجھتا ہے کہ اس تنازع کا فوری خاتمہ ضروری ہے۔ پاکستان یہ بھی سمجھتا ہے کہ ایران کو سعودی عرب پر حملے روکنے چاہئیں کیونکہ اس سے تنازع مزید بڑھ سکتا ہے۔ پاکستان سعودی عرب کی اس بات پر بھی تعریف کرتا ہے کہ اس نے اشتعال انگیزی کے باوجود تحمل کا مظاہرہ کیا اور جواب دینے کی صلاحیت رکھنے کے باوجود جنگ سے گریز کیا۔

یہ بات بھی سمجھنا ضروری ہے کہ اس صبر کی ایک حد ہوتی ہے۔ حکومتیں اپنی عوام کی سلامتی کی ذمہ دار ہوتی ہیں، اس لیے سعودی عرب کے صبر کو کمزوری نہ سمجھا جائے اور نہ ہی اسے لامحدود تصور کیا جائے،یہ ایک خطرناک غلطی ہو سکتی ہے۔ اگر سعودی عرب نے جوابی کارروائی کا فیصلہ کیا تو یہ تنازع بے قابو ہو کر پورے خطے اور اس سے باہر تک پھیل سکتا ہے، جس سے اسرائیل کا مقصد پورا ہو جائے گا۔ ایران کو اس کا ادراک کرنا چاہیے اور اسی کے مطابق قدم اٹھانے چاہئیں۔ خلاصہ یہ کہ پاکستان کی پالیسی کشیدگی کو کم کرنا، امتِ مسلمہ کا تحفظ کرنا اور اسرائیلی منصوبے کو ناکام بنانا ہے۔ سعودی عرب کے دفاع کے لیے پاکستان کا عزم مضبوط ہے اور ایران کی خودمختاری کے لیے اس کی حمایت بھی ثابت شدہ ہے۔ ان شاء اللہ پاکستان کی کوششیں رنگ لائیں گی، جبکہ یہ نام نہاد دانشور اور اینٹی پاکستان عناصر جو چاہیں کہتے رہیں۔ پاکستان کی پالیسی ہمیشہ یہی رہی ہے “سب سے پہلے پاکستان” اور یہ کبھی تبدیل نہیں ہوگی۔

امریکی صدر ڈونلڈ ٹرمپ نے اعلان کیا ہے کہ امریکہ نے ایران کے بجلی گھروں اور توانائی کے بنیادی ڈھانچے کے خلاف ممکنہ فوجی کارروائی کو عارضی طور پر مؤخر کر دیا ہے،

سابق امریکی صدر ڈونلڈ ٹرمپ نے اپنے بیان میں کہا کہ امریکہ اور ایران کے درمیان گزشتہ دو دنوں کے دوران "بہت مثبت اور تعمیری” مذاکرات ہوئے ہیں۔ ان مذاکرات کی نوعیت کو مدنظر رکھتے ہوئے انہوں نے امریکی فوج کو ہدایت دی ہے کہ ایران کے بجلی گھروں اور توانائی کے بنیادی ڈھانچے پر کسی بھی قسم کے فوجی حملے کو پانچ دن کے لیے مؤخر کر دیا جائے۔ یہ فیصلہ جاری مذاکرات کی کامیابی سے مشروط ہوگا۔ آئندہ دنوں میں بات چیت کا سلسلہ جاری رہے گا ۔