اوکاڑہ (نامہ نگار ملک ظفر) وزیراعلیٰ پنجاب مریم نواز شریف کے ویژن کے مطابق پنجاب آرٹس کونسل کے زیر اہتمام یونیورسٹی آف اوکاڑہ میں "ہم مائیں، ہم بہنیں، ہم بیٹیاں — قوموں کی عزت ہم سے ہے” کے عنوان سے تقریری مقابلہ منعقد کیا گیا۔تقریب میں ایڈیشنل ڈپٹی کمشنر ریونیو محمد شعجین وسطرو نے بطور مہمانِ خصوصی شرکت کی، جبکہ مختلف تعلیمی اداروں کے طلبہ و طالبات نے بھرپور انداز میں حصہ لیا۔ نوجوان مقررین نے خواتین کے کردار، عزت و وقار اور معاشرتی اہمیت پر مدلل اور پُراثر تقاریر پیش کیں۔مہمانِ خصوصی نے خطاب کرتے ہوئے کہا کہ خواتین کسی بھی معاشرے کی بنیاد اور طاقت ہوتی ہیں، اور ایسے پروگرامز نوجوانوں کی تخلیقی صلاحیتوں کو نکھارنے میں اہم کردار ادا کرتے ہیں۔مقابلے کے ججز ڈاکٹر شعیب سلیم اور ڈاکٹر بلال زاہد تھے۔ نمایاں کارکردگی دکھانے والے طلبہ کو بالترتیب 30,000، 25,000 اور 20,000 روپے کے انعامات سے نوازا گیا۔تقریب میں ڈپٹی ڈائریکٹر پنجاب آرٹس کونسل حماد احمد چیمہ اور اسسٹنٹ ڈائریکٹر پروگرام زاہد عقیل سمیت اساتذہ، طلبہ، والدین، معززین شہر اور میڈیا نمائندگان نے شرکت کی اور اس مثبت کاوش کو سراہا۔
Blog
-
ایف پی سی سی آئی کی بجٹ 2026-27 کیلئے بڑی تجاویز
فیڈریشن آف پاکستان چیمبر آف کامرس اینڈ انڈسٹری (ایف پی سی سی آئی) نے مالی سال 2026-27 کے وفاقی بجٹ کیلئے اہم تجاویز وزارت خزانہ کو ارسال کر دی ہیں، جن میں تنخواہ دار طبقے کیلئے انکم ٹیکس میں کمی، سپر ٹیکس کے خاتمے اور کاروباری شعبے کیلئے بڑے ریلیف کی سفارشات شامل ہیں۔
ایف پی سی سی آئی نے مطالبہ کیا ہے کہ تنخواہ دار طبقے پر عائد انکم ٹیکس کی شرح 36 فیصد سے کم کر کے 30 فیصد کی جائے، جبکہ 9 فیصد سرچارج کو مکمل طور پر ختم کیا جائے۔
تجاویز میں یہ بھی کہا گیا ہے کہ نان ٹیکس ایبل آمدن کی حد 6 لاکھ روپے سے بڑھا کر 12 لاکھ روپے سالانہ کی جائے تاکہ متوسط طبقے پر مالی دباؤ کم ہو سکے۔
وفاقی ایوان تجارت نے برآمدات میں اضافے کیلئے گڈز ایکسپورٹرز کیلئے فائنل ٹیکس ریجیم (FTR) بحال کرنے کی سفارش کی ہے، جبکہ آئی ٹی سیکٹر پر عائد 25 فیصد برآمدی ٹیکس کی شرح کو 2035 تک برقرار رکھنے کی تجویز بھی دی گئی ہے تاکہ آئی ٹی برآمدات میں تسلسل برقرار رہے۔
ایف پی سی سی آئی نے ایس ایم ای سیکٹر کیلئے ٹرن اوور کی حد 250 ملین سے بڑھا کر 500 ملین کرنے کی سفارش کی ہے تاکہ چھوٹے اور درمیانے درجے کے کاروباروں کو مزید سہولت مل سکے۔
بجٹ تجاویز میں مینوفیکچرنگ سیکٹر کیلئے انکم ٹیکس کی شرح 29 فیصد سے کم کر کے 20 فیصد کرنے کا مطالبہ بھی شامل ہے تاکہ صنعتی ترقی اور سرمایہ کاری کو فروغ دیا جا سکے۔
ایف پی سی سی آئی کے صدر عاطف اکرام شیخ کا کہنا ہے کہ طویل المدتی اور مستحکم پالیسیوں کے ذریعے پاکستان کی آئی ٹی برآمدات 3.8 ارب ڈالر سے بڑھ کر 10 ارب ڈالر تک پہنچ سکتی ہیں۔
انہوں نے کہا کہ سپر ٹیکس سرمایہ کاری کی راہ میں رکاوٹ بن رہا ہے، اس لیے آئندہ بجٹ میں اسے مکمل طور پر ختم کیا جانا چاہیے۔
عاطف اکرام نے مزید کہا کہ 2022 میں پاکستان کی معیشت کو شدید مشکلات کا سامنا رہا، تاہم اب وزیراعظم اور حکومتی ٹیم کی کوششوں سے معاشی استحکام کی جانب پیش رفت ہو رہی ہے۔
انہوں نے زور دیا کہ حکومت، ایف پی سی سی آئی اور بزنس کمیونٹی مل کر تمام معاشی چیلنجز پر قابو پا سکتی ہے، جبکہ آنے والا بجٹ پاکستان کے بہتر ہوتے سفارتی اور معاشی تشخص کی عکاسی کرے گا۔ -
خدا کے لیے اب پاکستان کا سوچیں، کالا باغ ڈیم اور نئے صوبوں پر فیصلہ کن وقت،تجزیہ:شہزاد قریشی
قوم کب تک قیمت چکائے گی؟ قومی مفاد کے منصوبوں کو سیاست کی نذر نہ کریں
پاکستان کی خوشحالی کا راستہ ذاتی مفادات نہیں، قومی فیصلے چاہئیں
تجزیہ شہزاد قریشی
کالا باغ ڈیم محض ایک منصوبہ نہیں تھا بلکہ پاکستان کے آبی، زرعی اور توانائی کے مستقبل سے جڑا ایک اہم قومی معاملہ سمجھا جاتا رہا۔ اس پر سیاسی اختلافات اپنی جگہ، مگر یہ حقیقت بھی ہے کہ قومی نوعیت کے منصوبوں کو صرف سیاسی کشمکش اور وقتی مفادات کی نذر کر دینا قوموں کے لیے نقصان دہ ثابت ہو سکتا ہے۔ آج پانی اور بجلی کے بحران پر بحث کے دوران کالا باغ ڈیم کا ذکر پھر شدت سے سامنے آتا ہے۔ اسی طرح مجوزہ اٹھائیسویں ترمیم اور نئے صوبوں کے قیام کا سوال بھی محض سیاست نہیں بلکہ انتظامی بہتری، عوامی سہولت اور وسائل کی منصفانہ تقسیم کے تناظر میں دیکھا جا رہا ہے۔ دنیا کے کئی ممالک نے بہتر طرزِ حکمرانی کے لیے انتظامی اکائیاں بڑھائیں، کیونکہ عوام تک اختیارات اور سہولیات کی رسائی ترقی کی بنیاد بنتی ہے۔ اگر فیصلے ذاتی یا جماعتی مفادات کے بجائے قومی بہتری کو سامنے رکھ کر کیے جائیں تو پاکستان اپنے وسائل اور صلاحیت کے اعتبار سے ایک مضبوط اور خوشحال ریاست بن سکتا ہے۔
پاکستان ایک عظیم ملک ہے، جسے قدرت نے بے شمار وسائل، زرخیز زمین، نوجوان آبادی اور بے پناہ صلاحیتوں سے نوازا ہے۔ ضرورت صرف اس امر کی ہے کہ قومی معاملات میں ضد، انا اور وقتی سیاست کے بجائے وسیع تر قومی مفاد کو ترجیح دی جائے۔ جب قیادت اور سیاسی قوتیں ذاتی مفادات سے بالاتر ہو کر سوچتی ہیں تو قومیں ترقی کی نئی منازل طے کرتی ہیں۔ پاکستانی قوم نے ہمیشہ قربانی دی ہے، اب وقت اس بات کا ہے کہ فیصلے بھی قوم کے بہتر مستقبل، خوشحالی اور استحکام کو مدنظر رکھ کر کیے جائیں تاکہ آنے والی نسلیں ایک مضبوط، خوشحال اور باوقار پاکستان دیکھ سکیں۔
شعر:
وطن کی خیر میں جو اپنی خواہشیں ہارے،
وہی چراغ ہیں جو قوم کے مقدر سنوارے۔ -
امریکا نے دہشتگردی کیخلاف کوششوں میں پاکستان کو کلیدی شراکت دار قرار دے دیا
پاکستان کی خطے میں ایک اہم اور مستحکم کردار کے طور پر اہمیت ایک بار پھر اجاگر ہوئی ہے، جہاں امریکا نے دہشتگردی کے خلاف کوششوں میں پاکستان کو اہم اور قابلِ اعتماد شراکت دار قرار دے دیا۔
امریکی سینٹرل کمانڈ کے سربراہ ایڈمرل بریڈ کوپر نے امریکی سینیٹ کی کمیٹی کو بریفنگ دیتے ہوئے کہا کہ پاکستان انسداد دہشتگردی میں ایک قابلِ اعتماد شرا کت دار ہے پاکستان خطے میں داعش خراسان کے خلاف جنگ میں کلیدی حیثیت رکھتا ہے جبکہ اسلام آباد کے ساتھ مضبوط شراکت داری کے نتیجے میں دہشتگردوں کے خلاف ٹھوس کامیابیاں حاصل ہوئی ہیں۔
انہوں نے کہا کہ یہ باہمی کامیابیاں پاکستان اور امریکا کی دیرینہ دوستی اور مشترکہ عزم کا واضح عکس ہیں، ان کا کہنا تھا کہ وسط ایشیائی شراکت دار بھی افغانستان سے پنپتی دہشتگردی پر گہری نظر رکھے ہوئے ہیں دہشتگردانہ سرگرمیوں اور علاقائی سیکیورٹی خطرات کے باعث افغانستان اب بھی واشنگٹن کی توجہ کا مرکز ہے جبکہ دہشتگردوں کی موجودگی کی وجہ سے افغانستان امریکی نگرانی کی فہرست میں بدستور سرفہرست ہے۔
-
ترکیہ اور تیونس میں ذوالحجہ کا چاند نظر آگیا
تیونس اور ترکیہ میں ذوالحجہ 1447 ہجری کا چاند نظر آنے کی تصدیق کردی گئی ہے، جس کے بعد دونوں ممالک میں پیر 18 مئی کو یکم ذوالحجہ جبکہ بدھ 27 مئی کو عیدالاضحیٰ منائی جائے گی۔
عرب میڈیا رپورٹس کے مطابق تیونس پہلا اسلامی ملک بن گیا جس نے باضابطہ طور پر ذوالحجہ کے آغاز کا اعلان کیا تیونسی حکام نے ہفتہ 16 مئی کو ذوالقعدہ کی 29 تاریخ قرار دیتے ہوئے چاند نظر آنے کی تصدیق کی، جس کے بعد نئے اسلامی مہینے کے آغاز کا اعلان کردیا گیا۔
دوسری جانب ترکیہ نے بھی پیر 18 مئی کو یکم ذوالحجہ قرار دے دیا ہے ترک حکام کے مطابق ملک میں اسلامی کیلنڈر کے تعین کے لیے فلکیاتی حسابات پر مبنی نظام استعمال کیا جاتا ہے، اسی بنیاد پر ذوالحجہ کے آغاز کی تاریخ مقرر کی گئی ترکیہ میں کئی برسوں سے روایتی رویت ہلال کے بجائے جدید سائنسی اور فلکیاتی اندازوں کے مطابق اسلامی مہینوں کا اعلان کیا جاتا ہے، جس کے باعث وہاں عیدین اور دیگر مذہبی ایام کی تاریخیں پہلے سے طے کرلی جاتی ہیں۔
دوسری جانب سعودی عرب، متحدہ عرب امارات، عمان اور بیشتر دیگر اسلامی ممالک میں آج اتوار 17 مئی کی شام ذوالحجہ کا چاند دیکھنے کے لیے رویت ہلال کمیٹیوں کے اجلاس ہوں گے سعودی سپریم کورٹ کی جانب سے شہریوں سے اپیل کی گئی ہے کہ وہ چاند نظر آنے کی صورت میں قریبی عدالت یا رویت ہلال مرکز کو اطلاع دیں تاکہ باضابطہ اعلان کیا جاسکے۔
ماہرین فلکیات کا کہنا ہے کہ بیشتر خلیجی ممالک میں چاند نظر آنے کے امکانات موجود ہیں، تاہم حتمی فیصلہ رویت ہلال کمیٹیوں کے اعلان کے بعد ہی سامنے آئے گا،اگر سعودی عرب میں آج چاند نظر آگیا تو وہاں بھی یکم ذوالحجہ 18 مئی کو ہوگی اور عیدالاضحیٰ 27 مئی بروز بدھ منائی جائے گی، جبکہ وقوف عرفہ 26 مئی کو ادا کیا جائے گا۔
-
ایرانی میڈیا نے امریکا اور ایران کے خفیہ مطالبات کی فہرست جاری کر دی
ایران کی خبر ایجنسی نے امریکا اور ایران کے درمیان ممکنہ مذاکرات سے متعلق اہم تفصیلات اور دونوں ممالک کے مطالبات کی فہرست جاری کر دی ہے، جس کے بعد خطے میں جاری کشیدگی اور سفارتی کوششوں پر نئی بحث شروع ہوگئی ہے۔
ایرانی میڈیا رپورٹس کے مطابق امریکا نے مذاکرات کیلئے کئی سخت شرائط پیش کی ہیں، جن میں ایران کو کسی قسم کا ہرجانہ یا جنگی معاوضہ نہ دینے کی شرط بھی شامل ہے امریکا نے ایران سے مطالبہ کیا ہے کہ وہ تقریباً 400 کلوگرام افزودہ یورینیم امریکا منتقل کرے اس کے علاوہ امریکا نے تجویز دی ہے کہ ایران کو صرف ایک جوہری تنصیب فعال رکھنے کی اجازت دی جائے امریکی شرائط میں یہ بھی شامل ہے کہ ایران کے منجمد اثاثے بحال نہ کیے جائیں، جبکہ جنگ بندی کو بھی مستقبل کے مذاکرا ت سے مشروط رکھنے کی تجویز دی گئی ہے۔
دوسری جانب ایران نے واضح کیا ہے کہ کسی بھی مذاکرات سے پہلے مکمل جنگ بندی بنیادی شرط ہوگی۔ ایرانی حکام کے مطابق جنگ بندی صرف ایران تک محدود نہیں بلکہ لبنان سمیت تمام محاذوں پر ہونی چاہیے ایران نے تمام اقتصادی پابندیاں ختم کرنے، بیرون ملک منجمد اثاثے بحال کرنے اور جنگی نقصانات کا معاوضہ دینے کا مطالبہ بھی کیا ہے ایرانی مؤقف میں آبنائے ہرمز پر ایران کی خودمختاری کو تسلیم کرنے کی شرط بھی شامل کی گئی ہے، جسے خطے کی اہم ترین سمندری گزرگاہوں میں شمار کیا جاتا ہے۔
ماہرین کے مطابق دونوں ممالک کے سخت مؤقف اس بات کی نشاندہی کرتے ہیں کہ مذاکرات کا عمل انتہائی پیچیدہ مرحلے میں داخل ہو چکا ہے، جبکہ خطے میں جنگ بندی اور امن کے امکانات بھی انہی بات چیت پر منحصر ہیں۔
-
کوٹ لکھپت:پولیس اہلکار ہنی ٹریپ میں پولیس ملوث نکلا
لاہور کے علاقے کوٹ لکھپت میں پولیس اہلکار ہنی ٹریپ میں پولیس ملوث نکلا خواجہ سراؤں کے ساتھ مل کر شہری کو تشدد کا نشانہ بنایا اور نقدی چھین لی-
پولیس اہلکار دو خواجہ سراؤں نے قصور کے شہری کو ٹریپ کر کے اپنے فلیٹ پر بلایا، جہاں انہوں نے ساتھی خواجہ سراؤں کے ساتھ مل کر شہری پر تشدد کیا اور چالیس ہزار نقدی چھین لی بعد ازاں شہری کو واش روم میں بند کر دیا گیا کچھ دیر بعد فلیٹ پر چار پولیس اہلکار آئے اور خواجہ سراؤں نے شہری کو ان کے حوا لے کیا پولیس اہلکاروں نے شہری کو دھمکیاں دے کر شناختی کارڈ کی کاپی اور 11 ہزار نقدی چھین لی۔ ڈی آئی جی آپریشنز لاہور نے واقعہ پر فوری نوٹس لیتے ہوئے ایس پی ماڈل ٹاؤن کو معاملے کی جانچ کا حکم دیا۔
خفیہ تحقیقات اور شواہد کی بنیاد پر پولیس نے خواجہ سراؤں سمیت چار کانسٹیبلز کے خلاف مقدمہ درج کر لیا گرفتار اہلکاروں میں وقاص، سلیمان، عمیر اور عرفان شامل ہیں، جبکہ خواجہ سراؤں میں ماہی، خوشی اور کشمالہ کو بھی گرفتار کیا گیا ڈی آئی جی آپریشنز کے ترجمان کے مطابق ملزمان شہری کو ہراساں کر کے رقم اور قیمتی اشیاء چھیننے میں ملوث تھے واقعہ کا مقدمہ نمبر 2462/26 شہری بلال احمد کی مدعیت میں درج کیا گیا ہے۔
ڈی آئی جی آپریشنز نے ملوث اہلکاروں کے خلاف سخت محکمانہ اور قانونی کارروائی کا حکم دے دیا ہے، جبکہ واقعہ میں ملوث دیگر افراد کے کردار کا بھی جائزہ لیا جا رہا ہے۔
-
وزیر اعلیٰ سہیل آفریدی کی گورنرخیبرپختونخوا سے ملاقات
گورنرخیبرپختونخوا فیصل کریم کنڈی سے وزیر اعلیٰ سہیل آفریدی نے گورنر ہاؤس پشاور میں ملاقات کی، جس میں صوبے کی مجموعی صورتحال، امن و امان اور دیگر اہم انتظامی امور پر تفصیلی تبادلہ خیال کیا گیا۔
ملاقات کے دوران خیبرپختونخوا میں سی این جی اسٹیشنز کی بندش، پنجاب سے گندم کی ترسیل کے معاملے پر بھی گفتگو ہوئی اس موقع پر گورنر خیبرپختونخوا فیصل کریم کنڈی نے کہا کہ صوبے میں سی این جی کی بندش آئین کی خلاف ورزی ہے اور اس فیصلے سے غریب طبقہ شدید متاثر ہو رہا ہے اگر پنجاب راہداری فراہم کرے تو خیبرپختونخوا سندھ سے گندم حاصل کرسکتا ہے تاہم راہداری نہ ہونے کے باعث صوبے کو گندم مہنگے داموں مل رہی ہے سندھ حکومت خیبرپختو نخوا کو گندم فراہم کرنے پر آمادہ ہے۔
ملاقات میں اسپیکر صوبائی اسمبلی بابرسلیم سواتی، نو منتخب صوبائی وزیر شفیع جان اور چیف سیکرٹری خیبرپختونخوا شہاب علی شاہ بھی موجود تھے اس موقع پر صو بے میں پہلی مرتبہ ساؤتھ ایشیا کامن ویلتھ ویمن پارلیمنٹیرینز کانفرنس کے انعقاد سے متعلق امور پر بھی گفتگو کی گئی۔
گورنر خیبرپختونخوا نے کہا کہ خیبرپختونخوا کی پارلیمانی تاریخ میں پہلی بار اس اہم کانفرنس کا انعقاد صوبے کے لیے اعزاز ہے، ملاقات کے دوران خیبرپختونخوا پولیس کی تنخواہوں میں اضافے سے متعلق معاملات بھی زیر غور آئے،گورنر فیصل کریم کنڈی نے چیف سیکرٹری کو دیگر صوبوں کی پولیس کو دی جانے والی تنخواہو ں اور مراعات کا جائزہ لے کر سفارشات صوبائی حکومت کو ارسال کرنے کی ہدایت کی۔
-
منشیات فروش پنکی کے قومی شناختی کارڈ اور پاسپورٹ کی تفصیلات جاری
منشیات فروشی کے الزام میں گرفتار انمول عرف پنکی کے قومی شناختی کارڈ اور پاسپورٹ کی تفصیلات سامنے آگئیں۔
دستاویزات کے مطابق ملزمہ پنکی نے 17 اپریل 2018 کو کراچی سے پاسپورٹ حاصل کیا جو 17 اپریل 2023 کوایکسپائر ہوا، دستاویزات میں بتایا گیا ہے کہ ملزمہ انمول نے شناختی کارڈ بھی کراچی سے 6 دسمبر 2016 میں حاصل کیا، شناختی کارڈ پر ابوالحسن اصفہانی روڈ گلشن اقبال کا پتہ درج ہے۔
ذرائع نے بتایا کہ پنکی نے نام تبدیل کرکے ایک اور شناختی کارڈ بنوانے کی بھی کوشش کی جبکہ ملزمہ پنکی کی سفری تفصیلات حاصل کرنے کی کوشش کی جا رہی ہے پنکی کے اہلخانہ کے پاسپورٹ اور شناختی کارڈ کی تفصیلات بھی حاصل کرلی گئی ہیں اور معاملے کی مختلف پہلوؤں سے تحقیقات جاری ہیں۔
واضح رہے کہ چند کراچی میں گارڈن پولیس نے کامیاب کارروائی کرتے ہوئے منشیات فروش خاتون کو گرفتار کیا تھا، ملزمہ کے قبضے سے کروڑوں روپے مالیت کی کوکین اور دیگر نشہ آور اشیا برآمد ہوئی تھیں۔
-
جیکب آباد میں پسند کی شادی کا معاملہ، لڑکی کے والد کا ویڈیو بیان جاری
جیکب آباد میں پسند کی شادی کے بعد لڑکے کا گاؤں کو جلانے کے واقعے پر لڑکی کے والد کا بیان سامنے آگیا۔
لڑکی کے والد رفیق چنہ کا کہنا ہے کہ میری دو بچیوں کو ملزمان اسلحے کے زور پر رات اغوا کرکے لے گئےتھے، ایک بیٹی کی عمر 14سال اور دوسری کی عمر 4 سال ہے، میں پولیس افسران سے اپیل کرتا ہوں کہ میرے ساتھ انصاف کیا جائے۔
رفیق چنہ نے کہا کہ بیٹیاں بھی میری گئیں، فائرنگ بھی مجھ پر اور میرے گاؤں پر ہوئی، میری بیٹی کی عمر 14سال ہے تو اس کی شادی کیسے ہو سکتی ہے، ہمیں پتہ ہی نہیں برڑو برادری کے گھروں کو آگ لگی ہے، ہم کیوں ان کے گھروں کو آگ لگائیں گے؟، انہوں نے خود آگ لگائی اور جھوٹی ایف آئی آر ہم پر درج کرائی ہے۔
واضح رہے کہ برڑو برادری کے گھر جلانے پر چنہ برادری کے 32 ملزمان پر مقدمہ درج کیا گیا ہے اور 5 افراد گرفتار کیے گئے ہیں، جیکب آباد میں پسند کی شادی پر مسلح افراد نے درجنوں گھروں کو آگ لگادی تھی،ایس ایس پی جیکب آباد فیضان علی کے مطابق ابتدائی تفتیش کے مطابق گاؤں صدیق آرائیں اورگاؤں غازی خان چنہ کے جوڑے نے حیدرآباد کی عدالت میں پسند کی شادی کی تھی، پسند کی شادی کرنے پر ملزمان نےگاؤں کو آگ لگائی۔