قصور
رمضان میں پھلوں و سبزیوں کی قیمتیں بدستور بلند، شہریوں اور دکانداروں کا احتجاج
ماہِ رمضان کے آغاز کے ساتھ ہی قصور میں پھلوں اور سبزیوں کی قیمتوں میں اضافہ دیکھا جا رہا ہے
اگرچہ شہریوں کا کہنا ہے کہ نرخ گزشتہ برسوں کے مقابلے میں کسی حد تک بہتر ہیں، تاہم عوام کو مکمل ریلیف تاحال نہیں مل سکا
مارکیٹ سروے کے مطابق سرکاری نرخ نامے کے برعکس دکاندار کیلا 250 تا 350 روپے فی درجن، انگور 1200 روپے فی کلو، اسٹرابری 750 تا 900 روپے فی کلو جبکہ سیب 350 تا 600 روپے فی کلو فروخت کر رہے ہیں
دکانداروں اور ریڑھی بانوں نے مؤقف اختیار کیا ہے کہ ضلعی انتظامیہ اور متعلقہ فورسز کو چاہیے کہ وہ بڑے ڈیلرز کے خلاف کارروائی کریں جو مبینہ طور پر بلیک مارکیٹنگ میں ملوث ہیں
ان کا کہنا تھا کہ قانون کی عملداری اسی وقت نظر آئے گی جب بڑے مگرمچھوں کو بھی پکڑا جائے
چھوٹے تاجروں نے شکوہ کیا کہ میڈیا پر قیمتیں آنے کے بعد حکومتی کارروائیوں کا زیادہ تر دباؤ نچلی سطح کے دکانداروں پر ڈالا جاتا ہے جبکہ بڑے سپلائرز کے خلاف مؤثر قدم نہیں اٹھایا جاتا
دوسری جانب شہریوں نے ضلعی انتظامیہ سے فوری نوٹس لینے اور سرکاری نرخ نامے پر سختی سے عملدرآمد کرانے کا مطالبہ کیا ہے تاکہ رمضان المبارک میں عوام کو حقیقی ریلیف مل سکے
Blog
-
پھلوں کی قیمتوں میں اضافے پر عوام و دکانداروں کا احتجاج
-
مغربی کنارے پر اسرائیلی کنٹرول میں توسیع،سعودی عرب سمیت 19 ممالک کی مذمت
سعودی عرب اور متعدد دیگر ممالک نے فلسطین کے مغربی کنارے میں اسرائیل کی جانب سے کنٹرول بڑھانے سے متعلق حالیہ فیصلوں کی سخت مذمت کی ہے۔
مشترکہ بیان پر سعودی عرب، فلسطین، قطر، مصر، اردن، ترکیہ، برازیل، فرانس، ڈنمارک، فن لینڈ، آئی لینڈ، انڈونیشیا، آئرلینڈ، لکسمبرگ، ناروے، پرتگال، سلووینیا، اسپین اور سویڈن کے وزرائے خارجہ نے دستخط کیے، جبکہ عرب لیگ اور او آئی سی کے سیکریٹری جنرلز بھی اس میں شامل تھے۔
پیر کے روز جاری کردہ مشترکہ بیان میں کہا گیا کہ یہ تبدیلیاں بہت وسیع نوعیت کی ہیں، ان کے تحت فلسطین کی زمین کو نام نہاد اسرائیل کی ریاستی زمین قرار دیا جا رہا ہے ان اقدامات کے ذریعے اسرائیل کی غیرقانونی آبادکاری کی سرگرمیوں کو تیزکیاجا رہا ہے، اسرائیلی انتظامیہ کو مزید مضبوط کیا جارہا ہے۔
بیان میں کہا گیا کہ اسرائیل کی غیر قانونی آبادکاریاں اور انہیں مزید توسیع دینے کے فیصلے بین الاقوامی قانون، اقوام متحدہ کی سلامتی کونسل کی سابقہ قراردادوں اور 2024 میں عالمی عدالت انصاف کی مشاورتی رائے کی صریح خلاف ورزی ہیں۔
پھلوں کی قیمتوں میں اضافے پر عوام و دکانداروں کا احتجاج
وزرائے خارجہ نے کہا کہ حالیہ فیصلے زمینی حقائق کو تبدیل کرنے اور عملی طور پر الحاق (ڈی فیکٹو انضمام) کی طرف پیش رفت کا حصہ ہیں، جو ناقابلِ قبول ہے اسرائیل کی آبادکاری پالیسی میں غیر معمولی تیزی، خصوصاً E1 منصوبے کی منظوری اور اس کے ٹینڈر کے اجرا، فلسطینی ریاست کے قیام اور دو ریاستی حل کے امکانات کو شدید نقصان پہنچا رہے ہیں۔
ممالک نے 1967 سے مقبوضہ فلسطینی علاقوں، بشمول مشرقی یروشلم، کی آبادیاتی اور قانونی حیثیت میں کسی بھی تبدیلی کو مسترد کرتے ہوئے واضح کیا کہ وہ کسی بھی قسم کے الحاق کی مخالفت کرتے ہیں،وزرائے خارجہ نے اسرائیل سے مطالبہ کیا کہ وہ فلسطینیوں کے خلاف آبادکاروں کے تشدد کو فوری طور پر روکے اور ذمہ داروں کا احتساب کرے۔ مغربی کنارے کی صورتحال کو تشویشناک قرار دیا گیا۔
پمز اسپتال میں آنکھ کے اہم آپریشن کے بعد عمران خان اڈیالہ جیل منتقل
بیان میں رمضان المبارک کے مقدس مہینے کے تناظر میں یروشلم اور اس کے مقدس مقامات کی تاریخی اور قانونی حیثیت برقرار رکھنے کی اہمیت پر زور دیا گیااس ضمن میں ہاشمی سرپرستی کے خصوصی کردار کو تسلیم کیا گیا اور یروشلم میں بار بار اسٹیٹس کو کی خلاف ورزیوں کو علاقائی استحکام کے لیے خطرہ قرار دیا گیا۔
ممالک نے مشرق وسطیٰ میں منصفانہ، جامع اور پائیدار امن کے لیے 2 ریاستی حل کے عزم کا اعادہ کیا، جو عرب امن منصوبے، اقوام متحدہ کی متعلقہ قراردادوں اور 4 جون 1967 کی سرحدوں پر مبنی ہو اسرائیل فلسطین تنازع کا خاتمہ علاقائی امن، استحکام اور انضمام کے لیے ناگزیر ہے، اور ایک آزاد، خودمختار اور جمہوری فلسطینی ریاست کا قیام ہی خطے کے عوام اور ریاستوں کے درمیان بقائے باہمی کو ممکن بنا سکتا ہے۔
جرمنی میں افغان شہری کا چاقو سے حملہ، متعدد افراد
وزرائے خارجہ نے اسرائیل سے مطالبہ کیا کہ وہ فلسطینی اتھارٹی کے واجب الادا ٹیکس محصولات فوری طور پر جاری کرےیہ رقوم فلسطینی اتھارٹی کو پیرس پروٹوکول کے مطابق منتقل کی جانی چاہئیں اور یہ غزہ اور مغربی کنارے میں فلسطینی عوام کو بنیادی خدمات کی فراہمی کے لیے نہایت اہم ہیں۔
مشترکہ بیان میں اس بات کا اعادہ کیا گیا کہ غیر قانونی آبادکاریوں کے پھیلاؤ، جبری بے دخلی اور الحاق کی پالیسیوں کے خلاف بین الاقوامی قانون کے مطابق ٹھوس اقدامات کیے جائیں گے۔
-
پمز اسپتال میں آنکھ کے اہم آپریشن کے بعد عمران خان اڈیالہ جیل منتقل
عمران خان کو فالو اپ طبی معائنے کے لیے پاکستان انسٹی ٹیوٹ آف میڈیکل سائنسز منتقل کیا گیا جہاں ان کی آنکھ کے علاج کا اہم مرحلہ مکمل کر لیا گیا۔
پریس ریلیز کے مطابق اڈیالہ جیل میں قید عمران احمد خان نیازی کو 24 فروری 2026 کو آنکھ کے علاج کے سلسلے میں اینٹی VEGF انٹرا وٹریل انجیکشن کی دوسری خوراک لگانے کے لیے اسپتال لایا گیا طبی عمل سے قبل ماہرین کے بورڈ نے ان کا تفصیلی معائنہ کیا، جس میں کنسلٹنٹ کارڈیالوجسٹ کی جانب سے ایکو کارڈیوگرافی اور ای سی جی کی گئی، جن کے نتائج نارمل آئے جبکہ کنسلٹنٹ فزیشن نے بھی انہیں طبی طور پر مستحکم قرار دیا۔
دہشت گردی کے خاتمے کے لیے فیصلہ کن اقدامات کی ضرورت ہے،سیف اللہ قصوری
ڈاکٹرز نے باقاعدہ رضامندی حاصل کرنے کے بعد آپریشن تھیٹر میں مقررہ حفاظتی پروٹوکول اور مانیٹرنگ کے تحت کنسلٹنٹ آپتھلمولوجسٹ کی نگرانی میں مائیکروسکوپی گائیڈنس کے ساتھ اینٹی VEGF انجیکشن کی دوسری خوراک دی، جسے کامیاب قرار دیا گیا ،یہ انجیکشن کنسلٹنٹ ماہر امراضِ چشم، کنسلٹنٹ وٹریو ریٹینل سرجن کی نگرانی میں لگایا گیا، جن کا تعلق پمز اور الشفا ٹرسٹ آئی اسپتال سے تھا،طبی عمل کے بعد عمران خان کو مزید نگرانی کے لیے ڈاکٹروں کی زیرِ نگرانی رکھا گیا جبکہ ان کی صحت کو تسلی بخش قرار دیا جا رہا ہے،یہ ایک ڈے کیئر سرجری تھی، یعنی مریض کو اسی روز فارغ کر دیا گیا،انہیں ضروری ہدایات، فالو اَپ شیڈول اور طبی دستاویزات کے ساتھ ڈسچارج کر دیا گیا۔
افغانستان کوبتادیا ہے دہشتگرد اورپاکستان میں کسی ایک کا انتخاب کرلیں، رانا ثنااللہ
واضح رہے کہ عمران خان اس وقت اڈیالہ جیل راولپنڈی میں قید ہیں اور انہیں آنکھوں کے جاری علاج کے سلسلے میں اسپتال لایا گیا تھا۔
-
جرمنی میں افغان شہری کا چاقو سے حملہ، متعدد افراد
افغان شہری نے جرمنی کے ایک معروف ٹرین اسٹیشن میں چاقو سے حملہ کر کے متعدد افراد کو زخمی کر دیا۔
برطانوی ذرائع ابلاغ کی رپورٹ کے مطابق 35 سالہ افغان چاقو بردار شخص نے جرمن ٹرین اسٹیشن میں یہوواہ وٹنس اسٹینڈ پر متعدد افراد کو نشانہ بنایا اس دوران موقع پر موجود کچھ شہریوں نے حملہ آور کو قابو میں کرلیا واقعے کی اطلاع ملتے ہی پولیس نے موقع پر پہنچ کر حملہ آور کو حراست میں لیاحملہ آور کی شناخت سے متعلق مزید تفصیلات سامنے نہیں آسکی تاہم اس حوالے سے پولیس کی جانب سے تحقیقات کی جارہی ہے۔
واضح رہے کہ 2021 میں بھی وارزبرگ میں اسی نوعیت کا ایک واقعہ پیش آیا تھا جس میں ایک پناہ گزین نے چاقو سے حملہ کرکے 3خواتین کو ہلاک اور 9 افراد کو شدید زخمی کر دیاتھا۔
دہشت گردی کے خاتمے کے لیے فیصلہ کن اقدامات کی ضرورت ہے،سیف اللہ قصوری
افغانستان کوبتادیا ہے دہشتگرد اورپاکستان میں کسی ایک کا انتخاب کرلیں، رانا ثنااللہ
-
دہشت گردی کے خاتمے کے لیے فیصلہ کن اقدامات کی ضرورت ہے،سیف اللہ قصوری
مرکزی مسلم لیگ کے رہنماؤں نے کہا ہے کہ وطن عزیز پاکستان سے دہشت گردی کے خاتمے کے لیے قومی یکجہتی، فیصلہ کن اقدامات، اور عالمی سطح پر مضبوط سفارت کاری کی ضرورت ہے، ماہ رمضان تبدیلی و اصلاح کا مہینہ ہے،توبہ کا عمل جنت میں داخلے کی بنیاد ہے، مرکزی مسلم لیگ ملک بھر میں سحر و افطار دسترخوان لگا کر شہریوں کی خدمت کر رہی ہے.
ان خیالات کا اظہارمرکزی مسلم لیگ کے سیکرٹری جنرل سیف اللہ قصوری،نائب صدر حافظ طلحہ سعید، جوائنٹ سیکرٹری محمد یعقوب شیخ ،ڈپٹی سیکرٹری جنرل خالد نیک گجرو دیگر نے سحر و افطار کے پروگراموں و بعد ازاں وفود سے ملاقاتوں کے دوران گفتگو کرتے ہوئے کیا،سیف اللہ قصوری کا کہنا تھا کہ پاکستان کو عدم استحکام سے دوچار کرنے کی دشمن کی سازشیں کبھی کامیاب نہیں ہوں گی، پاکستان میں انتشارو تفریق نہیں اتحاد کی سیاست کی ضرورت ہے،سیاسی جماعتیں ذاتی مفادات کی بجائے ملکی مفادات کا سوچیں،حافظ طلحہ سعید ،محمد یعقوب شیخ کا کہنا تھا کہ رمضان المبارک ہمیں خود احتسابی اور اللہ کے قریب ہونے کا سنہری موقع فراہم کرتا ہے، ہمیں اس مقدس مہینے میں اپنے اعمال کا محاسبہ کرکے دین کے مطابق زندگی گزارنے کا عزم کرنا چاہیے تاکہ دنیا و آخرت میں کامیابی حاصل ہو،مرکزی مسلم لیگ کے ڈپٹی سیکرٹری جنرل خالد نیک گجر نے خدمت کا رمضان مہم کے تحت سحر دسترخوان کادورہ کیا اور شرکا سے خطاب میں کہا کہ خدمت کی سیاست ہمارا منشور اور اسی پر عمل پیرا ہیں،عیدالفطر تک رمضان دسترخوان کا سلسلہ جاری رہے گا.
-
افغانستان کوبتادیا ہے دہشتگرد اورپاکستان میں کسی ایک کا انتخاب کرلیں، رانا ثنااللہ
سینیٹ اجلاس میں خطاب کرتے ہوئے رانا ثنااللہ کا کہنا تھا کہ دہشت گردی پر جو پالیسی آج اپنائی گئی ہے اسے پہلے اپنانا چاہیے تھا۔ اگر چند سال قبل یہ پالیسی اپنائی جاتی تو دہشت گردی کا نام و نشان نہ رہتا۔ وزیراعظم پاکستان نے 4 ماہ قبل افغانستان کو پیغام دیا تھا کہ دہشت گرد اور پاکستان میں کسی ایک کا انتخاب کرلیں۔ افغانستان کو بات سمجھ نہیں آئی تو ردعمل دیا گیا۔
رانا ثنااللہ کا کہنا تھا کہ جب جب دہشت گرد افغانستان سے پاکستان پر حملے کریں گے ردعمل دیا جائے گا۔ ہم بانی پی ٹی آئی اور ان کی پارٹی کو کہتے ہیں کہ آپ ریاست کے ساتھ کھڑے ہوں اور دہشت گردی کے خلاف کارروائیوں کو بھرپور سپورٹ کریں۔
وزیر اعلیٰ پنجاب کے لیے نیا طیارہ خریدا گیا ہے، جس کی قیمت تقریباً 10 ارب روپے ہے۔ یہ طیارہ گلف اسٹریم جی 500 ہے، جو عالمی رہنماؤں اور بڑے کاروباری اداروں کے زیر استعمال ہوتا ہے۔ پنجاب حکومت کی وزیر اطلاعات عظمیٰ بخاری کا کہنا ہے کہ یہ طیارہ ایئر پنجاب کے لیے خریدا گیا ہے
وزیر اعظم شہباز شریف کے مشیر برائے سیاسی امور کا کہنا تھا کہ بانی پی ٹی آئی عمران خان کی رہائی سے متعلق حکومت کے پاس نہ کوئی ڈھیل ہے نہ ڈیل۔ بانی پی ٹی آئی کا جو بہترین علاج ہوسکتا ہے وہ ہوا ہے۔ سپریم کورٹ آف پاکستان نے بھی اسے ریگولیٹ کیا ہے۔ -
بھارت ،ائیر ایمبولینس طیارہ حادثے کا شکار، 7 افراد ہلاک
بھارت کی ریاست جھارکھنڈ میں ایک نجی ائیر ایمبولینس طیارہ حادثے کا شکار ہوگیا جس کے نتیجے میں سوار تمام 7 افراد ہلاک ہو گئے۔
ذرائع کے مطابق طیارہ رانچی سے دہلی جا رہا تھا کہ ٹیک آف کے چند ہی لمحوں بعد ریڈار سے غائب ہو گیا۔ڈائریکٹوریٹ جنرل آف سول ایوی ایشن کے ذرائع کے مطابق طیارہ پرواز بھرنے کے فوراً بعد لاپتہ ہوا۔ بعد ازاں اطلاع ملی کہ طیارہ ضلع چترا کے علاقے سِمریا میں گر کر تباہ ہو گیا۔حادثے کا شکار ہونے والا طیارہ نجی کمپنی Redbird Airways Pvt Ltd کے زیرِ انتظام چلایا جا رہا تھا۔ ائیر ایمبولینس رانچی سے دہلی مریض کو منتقل کرنے کے لیے روانہ ہوئی تھی۔
رپورٹس کے مطابق طیارے میں ایک مریض، ڈاکٹر، پیرا میڈک، تیماردار اور عملے کے ارکان سمیت مجموعی طور پر 7 افراد سوار تھے۔ مقامی انتظامیہ اور ریسکیو ٹیمیں فوری طور پر جائے وقوعہ پر پہنچ گئیں تاہم ابتدائی اطلاعات کے مطابق حادثہ انتہائی شدید نوعیت کا تھا اور زندہ بچ جانے کے امکانات نہ ہونے کے برابر تھے۔بعد ازاں حکام نے تصدیق کی کہ تمام سوار افراد موقع پر ہی دم توڑ گئے۔ حادثے کی وجوہات جاننے کے لیے تحقیقاتی عمل شروع کر دیا گیا ہے جبکہ سول ایوی ایشن حکام نے باضابطہ انکوائری کا اعلان کر دیا ہے۔
-
کراچی: ننھی بچی ٹینکر کی زد میں آ کر جابحق
شہر قائد کراچی کے علاقے کورنگی کراسنگ پر ایک المناک حادثہ پیش آ گیا جہاں تیز رفتار آئل ٹینکر نے موٹر سائیکل کو کچل دیا، جس کے نتیجے میں کورنگی اللہ والا ٹاؤن کی رہائشی 3 سالہ معصوم بچی سائرہ موقع پر جاں بحق ہو گئی۔ بچی اپنے 18 سالہ چچا راج محمد اور 1 سالہ بھائی سبحان کے ساتھ جوس خریدنے جا رہی تھی کہ ٹینکر نے زوردار ٹکر مار دی، جس سے سائرہ زخموں کی تاب نہ لاتی ہوئی دم توڑ گئی جبکہ چچا اور بھائی شدید زخمی ہو گئے۔
ریسکیو اہلکاروں نے فوری طور پر جائے وقوعہ پر پہنچ کر زخمیوں کو قریبی اسپتال منتقل کیا جہاں ان کی ابتدائی طبی امداد کی جا رہی ہے۔ پولیس کے مطابق ٹینکر ڈرائیور حادثے کے بعد فرار ہو گیا جس کی تلاش جاری ہے، جبکہ جاں بحق بچی کا خاندان محنت مزدوری کے لیے کراچی منتقل ہوا تھا اور ان کا آبائی تعلق گلگت بلتستان سے ہے۔ اسپتال میں قانونی کارروائی مکمل ہونے کے بعد بچی کی لاش غمزدہ لواحقین کے حوالے کر دی گئی۔
حادثے نے کراچی کی سڑکوں پر تیز رفتاری اور بھاری گاڑیوں کے خدشات کو ایک بار پھر اجاگر کر دیا ہے، جہاں روزانہ ایسے سانحات مسافروں کی جانیں لے رہے ہیں۔ -
قومی دن پر 2 روزہ تعطیل کا اعلان
کویت نے قومی دن اور یومِ آزادی کی مناسبت سے 25 فروری (بدھ) اور 26 فروری (جمعرات) کو دو روزہ عام تعطیل کا اعلان کر دیا ہے، جس سے شہریوں کو ہفتہ وار تعطیلات (جمعہ-ہفتہ) سمیت چار مسلسل چھٹیاں مل جائیں گی۔ کابینہ کے اجلاس میں وزیراعظم شیخ احمد العبداللہ الصباح کی زیر صدارت یہ فیصلہ کیا گیا، جو تمام سرکاری، نجی اور تعلیمی اداروں پر ہوگا ملک میں کام یکم مارچ (اتوار) سے دوبارہ شروع ہوگا۔
یہ تعطیلات کویت کے 65ویں قومی دن اور 35ویں یومِ آزادی کے موقع پر ہیں، جہاں ملک بھر میں تقریبات، پریڈز، ثقافتی پروگرامز اور آتشبازی ہوگی۔ سرکاری عمارتیں قومی پرچموں اور روشنیوں سے سجی ہوں گی، جبکہ شاپنگ مالز، ہوٹلز اور سیاحتی مقامات پر رش متوقع ہے۔ کویت میں جمعہ-ہفتہ کی ہفتہ وار تعطیلات کی وجہ سے یہ لمبا ویک اینڈ بن جائے گا، جو شہریوں اور مقیم غیر ملکیوں کے لیے خوشی کا موقع ہے۔ -
الاسکا: 6.3 شدت کا زلزلہ
امریکا کی ریاست الاسکا کے قریب شیلڈک آئی لینڈز میں 6.3 شدت کا زلزلہ آ گیا، جو امریکی جیولوجیکل سروے (USGS) نے رپورٹ کیا—زلزلے کا مرکز 91 کلومیٹر جنوب مغرب میں 52.464°N، 169.969°W پر تھا اور گہرائی محض 1 کلومیٹر تھی، جس سے سطحی جھٹکے شدید محسوس ہوئے۔ یہ واقعہ 23 فروری 2026 کو صبح 5:11 UTC (مقامی وقت کے مطابق 22 فروری رات دیر گئے) پیش آیا، جو بحرالکاہل کے "Ring of Fire” میں الاسکا کی زلزلوں والی سرگرمی کا حصہ ہے۔
امریکی سونامی وارننگ سسٹم نے تصدیق کی کہ کوئی سونامی خطرہ نہیں، نہ تو وارننگ جاری ہوئی اور نہ ہی کوئی نقصان یا ہلاکتیں رپورٹ ہوئیں علاقے میں آف شور جھٹکے محسوس ہوئے مگر بڑا تباہ کن اثر نہیں پڑا۔ الاسکا کا یہ علاقہ اکثر زلزلوں کا شکار رہتا ہے، جہاں گزشتہ واقعات جیسے 1964 کا 9.2 شدت والا زلزلہ یادگار ہے۔
حوالہ کے لیے، گزشتہ ہفتے فلپائن کے پونداگویتَن کے جنوب مشرق میں 5.3 شدت کا زلزلہ آیا تھا (گہرائی 128 کلومیٹر)، جبکہ چین کے شمال مغرب میں 5.5 شدت کا جھٹکا بھی رپورٹ ہوا یہ عالمی زلزلوں کی حالیہ لہر کو ظاہر کرتا ہے۔