Baaghi TV

Blog

  • لاہور: نہر سے نومولود بچے کی لاش برآمد

    لاہور: نہر سے نومولود بچے کی لاش برآمد

    لاہور میں ایک نہر سے نومولود بچے کی لاش برآمد ہونے کا افسوسناک واقعہ پیش آیا ہے۔

    تفصیلات کے مطابق لاہور میں ٹھوکر نیاز بیگ کینال روڈ نہر سے بچے کی لاش برآمد ہوئی ہے ریسکیو 1122 حکام کے مطابق ریسکیو غوطہ خور ٹیم نے نہر سے لاش نکال لی،لاش کو پولیس کے حوالے کیا جا رہا ہے جس کے بعد مزید تفتیش عمل میں لائی جائے گی۔

    قبل ازیں نصیر آباد کے علاقےعوامی کالونی گلی نمبر ایک فیروزپور روڈ کے قریب سے نو مولود بچی کی لاش برآمد ہوئی تھی ریسکیو 1122 کے مطابق اطلاع ملتے ہی ریسکیو اہلکار اور ایمرجنسی وہیکلز جائے وقوعہ پر پہنچ گئیں ریسکیو حکام کا کہنا ہے کہ نومولود بچی پہلے ہی مردہ حالت میں پائی گئی متعلقہ پولیس نے لاش کو مردہ خانے منتقل کر کے لاش پھینکنے والی نامعلوم خاتون کی تلاش شروع کر دی تھی-

    مرد ظالم ہوتا ہے یا عورت؟ عتیقہ اوڈھو نے عورت مارچ مباحثے پر کھل کر ردعمل

    کراچی: ڈکیتی کی وارداتوں میں ملوث لیاری یو سی 3 کا کونسلر گرفتار

    عدالت کے حکم پر 4سال سے لاپتہ ہونے والی لڑکی کو بازیاب کروا لیا گیا

  • مرد ظالم ہوتا ہے یا عورت؟ عتیقہ اوڈھو نے عورت مارچ مباحثے پر کھل کر ردعمل

    مرد ظالم ہوتا ہے یا عورت؟ عتیقہ اوڈھو نے عورت مارچ مباحثے پر کھل کر ردعمل

    پاکستان کی معروف سینئر اداکارہ نے کہا ہے کہ ہر مرد برا نہیں ہوتا اور مردوں کو مجموعی طور پر منفی انداز میں پیش کرنا درست نہیں۔

    عتیقہ اوڈھو نے ایک نجی ٹی وی پروگرام میں کہا کہ یہ کہنا کہ تمام مرد برے ہیں، ایک غلط بیانیہ ہے وہ اس سوچ سے متفق نہیں ہیں جب لوگ یہ بات کرتے ہیں تو انہیں یوں لگتا ہے جیسے ان کے والد، شوہر یا بھائی کی توہین کی جا رہی ہو، جبکہ وہ سب بہت اچھی شخصیت کے حامل ہیں۔

    عتیقہ اوڈھو نے اس بات پر زور دیا کہ انسان کو جنس نہیں بلکہ کردار کی بنیاد پر جانچا جانا چاہیےمعاشرے میں منفی رویے صرف مردوں تک محدود نہیں، خواتین بھی بعض اوقات ناانصافی یا سخت رویوں کی حامل ہو سکتی ہیں عتیقہ اوڈھو نے مثال دی کہ میرے والد اور بھائی بھی مرد ہیں اور وہ بہترین انسان ہیں اس لیے ہر مرد کو ایک سا سمجھنا بہت بڑی غلطی ہے، میں مانتی ہوں، خواتین کے مسائل حقیقی ہیں اور ان پر مظالم ڈھائے جاتے ہیں لیکن اس کی بنیاد پر تمام مردوں کو ایک سا سمجھنا ناانصافی ہے۔

    کراچی: ڈکیتی کی وارداتوں میں ملوث لیاری یو سی 3 کا کونسلر گرفتار

    اداکارہ نے مزید کہا کہ دنیا میں مسائل صرف پاکستان تک محدود نہیں ہیں خواتین کو درپیش مشکلات عالمی سطح پر بھی موجود ہیں، اس لیے صرف ایک معاشرے کو نشانہ بنانا مناسب نہیں، ہمیں مسئلے کو مجموعی اور متوازن انداز میں دیکھنے کی ضرورت ہے اچھے اور برے لوگ ہر جگہ ہوتے ہیں،ایسے مرد بھی ہیں جو رشتوں اور شادیوں میں ذہنی دباؤ اور مشکلات کا شکار ہوتے ہیں، لیکن ان کی بات کم سنی جاتی ہے، معاشر ے کو دونوں پہلوؤں کو سنجیدگی سے سننا چاہیے، خواتین کے حقوق پر بات ضروری ہے، لیکن یہ مکالمہ نفرت یا عمومی الزامات کے بجائے انصاف اور توازن کے ساتھ ہونا چاہیے۔

    عدالت کے حکم پر 4سال سے لاپتہ ہونے والی لڑکی کو بازیاب کروا لیا گیا

  • کراچی: ڈکیتی کی وارداتوں میں ملوث لیاری یو سی 3 کا کونسلر گرفتار

    کراچی: ڈکیتی کی وارداتوں میں ملوث لیاری یو سی 3 کا کونسلر گرفتار

    کراچی: رینجرز نے گلستان کالونی لیاری میں اسنیپ چیکنگ کے دوران ڈکیتی کی متعدد وارداتوں میں ملوث کونسلر کو گرفتار کرلیا۔

    گرفتار ملزم محمد اویس قریشی ولد شفاقت علی قریشی کے قبضے سے موبائل فون اور نقدی برآمد کر لی گئی، گرفتار ملزم کے مطابق وہ لیاری یو سی 3 کا کونسلر بھی ہے، ملزم گرفتاری کے خوف سے کچھ عرصہ پنجاب میں روپوش رہا گرفتار ملزم گلستان کالونی لیاری میں ڈکیتی کی متعدد وارداتوں میں ملوث رہا ہے ڈکیتی کی واردات کے دوران ملزم کو سی سی ٹی وی فوٹیج میں واضح طور پر دیکھا جا سکتا ہے گرفتارملزم عادی مجرم ہے اور اس سے قبل بھی رینجرز اور پولیس کے ہا تھوں گرفتار ہو کر جیل جا چکا ہے، گرفتار ملزم کو بمعہ برآمد شدہ سامان مزید قانونی کارروائی کے لیے پولیس کے حوالے کردیا گیا ہے۔

    گل پلازہ متاثرین کیلئے7 ارب روپے معاوضے کی منظوری

    راولپنڈی کے 60 سالہ حکیم کی کم عمر لڑکی سے شادی،ویڈیو وائرل

    ایرانی فوج کا ہیلی کاپٹر گر کر تباہ، چار افراد ہلاک

  • گل پلازہ متاثرین کیلئے7 ارب روپے معاوضے کی منظوری

    گل پلازہ متاثرین کیلئے7 ارب روپے معاوضے کی منظوری

    سندھ کابینہ نے سانحہ گل پلازہ کے متاثرین کیلئے7 ارب روپے معاوضے کی منظوری دیدی۔

    ترجمان وزیراعلیٰ سندھ کے مطابق سندھ کابینہ نے ضروری اشیاء کی قیمتیں کنٹرول کرنےکیلئے اختیارات منظورکرلیے جس بعد ڈپٹی کمشنرز اور اسسٹنٹ کمشنرز کو خصوصی مجسٹریٹ کے اختیارات تفویض کردیے گئے ہیں،اس کے علاوہ ڈپٹی کمشنرز اور اسسٹنٹ کمشنرز کو پرائس کنٹرول ایکٹ کے تحت فوری جرمانہ اور کارروائی کے اختیارات بھی دیے گئے ہیں۔

    اس موقع پر وزیراعلیٰ سندھ مراد علی شاہ نے کہا کہ قیمتوں میں مصنوعی اضافہ کرنے والوں کے خلاف فوری ایکشن لیا جائے، عوام کو ریلیف دینا ہماری ذمہ داری ہے، سخت نگرانی جاری رکھیں گے اور ماہ رمضان میں سرکاری نرخوں پر عملدرآمد ہر صورت یقینی بنایا جائے گا،مزید براں سندھ کابینہ نے وزیر بلدیات ناصر حسین شاہ کی فنانس کمیٹی کی سفارشات منظور کرلیں،ترجمان وزیراعلیٰ سندھ کے مطابق شہرکی سڑکوں کی بحالی کے لیے 8 ارب 53 کروڑ روپے کی منظوری دی گئی ہے جبکہ گل پلازہ کے متاثرین کیلئے7 ارب روپے معاوضے کی منظوری دی گئی،ترجمان وزیر اعلیٰ سندھ نے کہا کہ آئی آئی چندریگرروڈ پر تاریخی عمارت کے تحفظ کے لیے ایک ارب 57 کروڑ روپے مختص کیے گئے ہیں جبکہ حیدرآباد میونسپل کارپوریشن کے لیے 5 ارب 20 کروڑ روپے کی گرانٹ اور کچے کے علاقوں میں آپریشن کیلئے سندھ پولیس کو 56 کروڑ روپے فراہم کرنے کی منظوری دی گئی ہے،ترجمان وزیراعلیٰ سندھ نے مزید بتایا کہ اجلاس میں نوجوانوں کی تربیت کیلئے پیپلز آئی ٹی پروگرام فیز 2 کے تحت 90 کروڑ روپےکی منظوری بھی دی گئی۔

  • عدالت کے حکم پر 4سال سے لاپتہ ہونے والی لڑکی کو بازیاب کروا لیا گیا

    عدالت کے حکم پر 4سال سے لاپتہ ہونے والی لڑکی کو بازیاب کروا لیا گیا

    پولیس نے عدالت کے حکم پر 4سال سے لاپتہ ہونے والی لڑکی کو بازیاب کروا لیا ہے-

    لاہور ہائیکورٹ میں 4سال سے ساہیوال سے لاپتہ ہونے والی لڑکی کی بازیابی کے لیے دائر درخواست پر سماعت ہوئی،چیف جسٹس عالیہ نیلم نے درخواست پر سماعت کی ،چیف جسٹس عالیہ نیلم کے حکم پر 4سال سے لاپتہ ہونے والی لڑکی کو بازیاب کروالیا –

    آر پی او ساہیوال رانا ایاز سلیم نے لڑکی کو چیف جسٹس عالیہ نیلم کی عدالت میں پیش کردیا ،چیف جسٹس عالیہ نیلم کے حکم پر لڑکی کی اہلخانہ سے ملاقات کرو ا ئی گئی ،لڑکی نے عدالت میں بیان دیا کہ میں نے اپنی مرضی سے شادی کی ہے جس کے بعد عدالت نے لڑکی کو اس کے شوہر کے ساتھ بھجوادیا –

    ایرانی فوج کا ہیلی کاپٹر گر کر تباہ، چار افراد ہلاک

    جبکہ دوران سماعت چیف جسٹس عالیہ نیلم نے آر پی او ساہیوال کی کارکردگی کو سراہا ،واضح رہے کہ ساہیوال سے لڑکی کے اغوا کی بازیابی کے لیے لاہور ہائیکورٹ میں درخواست دائر کررکھی ہے-

    گزشتہ سماعت میں 4سال سے لاپتہ لڑکی عدم بازیابی پر چیف جسٹس لاہور ہائیکورٹ عالیہ نیلم نے سخت برہمی کا اظہار کیا تھا،انہوں نے آئی جی پنجاب کو حکم دیا تھا کہ بچیوں کے لاپتہ ہونے پر لاپرواہی نہیں ہونی چاہیے جس پر آئی جی پنجاب نے بتایا تھا کہ یہ چار سال پرانا کیس ہے کل ہی فائل دیکھی ہے-

    چیف جسٹس عالیہ نیلم نے استفسار کیا تھا کہ آپ بتائیں چار سال آپ کے تفتیشی نے کیا کچھ کیا ؟ جس پر آئی جی پنجاب نے بتایا کہ جب کیس شروع ہوا کچھ لوگوں کا ریمانڈ لیا گیا،پولیس نے کارروائی بھی کی تھی اب نئے سرے سے تفتیش کرتے ہیں-

    راولپنڈی کے 60 سالہ حکیم کی کم عمر لڑکی سے شادی،ویڈیو وائرل

    چیف جسٹس عالیہ نیلم نے کہا کہ کیا آپ سمجھتے ہیں جو چیزیں آپ بتا رہے وہ کیا بھی ہے یا صرف باتیں ہیں؟ایف آئی آر کا مقصد کیا ہوتا ہے ؟ فرسٹ انفارمیشن رپورٹ کو چار سال گزر گئے مگر کوئی اتا پتہ نہیں ،جب کوئی بچی مس ہوتی ہے تو پولیس کا مائنڈ سیٹ یہ ہوتا ہے کہ یہ خود ہی کہیں چل گئی ہے، بچیوں کے معاملے پر ایسا رویہ نہیں ہونا چاہیے –

    آئی جی پنجاب نے کہا کہ ہم اس کیس کی تفتیش دوبارہ سے شروع کرتے ہیں، ہم آپ کو اگلے منگل کا وقت دے رہےہیں یہ بچی بازیاب ہونی چاہیے
    آئی جی پنجاب نے کہا کہ تھوڑا سا مزید وقت دے دیں ہم ٹریس کرلیں گے ،چیف جسٹس نے کہا کہ کیا چار سال کا وقت تھوڑا ہوتا ہے جو مزید وقت چاہیے
    بعد ازاں عدالت نے آئی جی سے 24 فروری تک رپورٹ طلب کرتے ہوئے کارروائی ملتوی کردی-

    ٹی 20 ورلڈ کپ: سیمی فائنل کا مشروط شیڈول جاری

  • ایرانی فوج کا ہیلی کاپٹر گر کر تباہ، چار افراد ہلاک

    ایرانی فوج کا ہیلی کاپٹر گر کر تباہ، چار افراد ہلاک

    ایرانی فوج کا ایک ہیلی کاپٹر منگل کی علی الصبح صوبہ اصفہان میں خمینی شہر کے علاقے دورچے میں پھلوں اور سبزیوں کی مارکیٹ میں گر گیا، جس میں پائلٹ، کو پائلٹ اور دو شہری ہلاک ہو گئے-

    ایرانی سرکاری میڈیا اور مقامی رپورٹس کے مطابق یہ واقعہ معمول کی تربیتی پرواز کے دوران پیش آیا، ابتدائی رپورٹ میں تکنیکی خرابی کی طرف اشارہ کیا گیا جس کی وجہ سے طیارہ کنٹرول کھو بیٹھا اور براہ راست مارکیٹ کے احاطے میں گر کر تباہ ہوگیا ریڈ کریسنٹ کی ٹیموں سمیت دیگر امدادی ٹیمیں امداد فراہم کرنے اور علاقے کو محفوظ بنانے کے لیے جائے وقوعہ پر پہنچ گئیں-

    ایران کی مہر نیوز ایجنسی نے ابتدائی طور پر عملے کے دو ارکان کی ہلاکت کی اطلاع دی تھی، جب کہ متعدد ذرائع اور ایرانی حکام کا حوالہ دیتے ہوئے بین الاقوامی میڈیا نے تصدیق کی ہے کہ اس مقام پر سٹال چلانے والے دو شہری بھی اس حملے میں مارے گئے کم از کم ایک شہری کے زخمی ہونے کی اطلاعات ہیں ،اس حوالے سے تحقیقات جاری ہیں۔

    راولپنڈی کے 60 سالہ حکیم کی کم عمر لڑکی سے شادی،ویڈیو وائرل

    اصفہان شہر کے مغرب میں ایک مضافاتی ضلع، دورچہ میں حادثے کی جگہ، خطے میں تازہ پیداوار کی تقسیم کا ایک اہم مرکز ہے حکام نے کسی قسم کی دراندازی کی تردید کرتے ہوئے بتایا ہے کہ یہ پرواز معیاری آرمی ایوی ایشن کی تربیتی کارروائیوں کا حصہ تھی تکنیکی خرابی کی صحیح وجہ کا تعین کرنے کے لیے ایک سرکاری انکوائری شروع کر دی گئی ہے۔

    ٹی 20 ورلڈ کپ: سیمی فائنل کا مشروط شیڈول جاری

  • راولپنڈی کے 60 سالہ حکیم کی کم عمر لڑکی سے شادی،ویڈیو وائرل

    راولپنڈی کے 60 سالہ حکیم کی کم عمر لڑکی سے شادی،ویڈیو وائرل

    سوشل میڈیا پر راولپنڈی کے 60 سالہ حکیم بابر کی ایک کم عمر لڑکی سے شادی کی ویڈیو تیزی سے وائرل ہو رہی ہے۔

    سوشل میڈیا کے مختلف پلیٹ فارمز پر گردش کرنے والی ویڈیوز اور تصاویر میں دیکھا جا سکتا ہے کہ بزرگ دولہا شادی کی تقریبات میں پُراعتماد اور خوش نظر آ رہے ہیں، جبکہ دلہن بھی مطمئن دکھائی دے رہی ہیں،ویڈیو میں دولہا اپنے نوجوان دلہن کو پھولوں کے کنگن پہنا رہے ہیں اور پھر اسے اپنی گاڑی میں بٹھاتے دکھائی دے رہے ہیں، دلہن خوش نظر آ رہی ہیں اور خاندان والے نئے شادی شدہ جوڑے کے لیے خوشیاں منا رہے ہیں۔

    اس دوران 60 سالہ بزرگ کا کہنا تھا کہ ہماری ارینج میرج بھی ہے اور لو میرج بھی ہے، میری بیوی کو پیار ہوا تو بعد میں ارینج میرج ہوئی، یعنی ہم نے ایک دوسرے کو پسند کرنے کے بعد نکاح کیا،جس پر ساتھ کھڑی ان کی اہلیہ نے بھی 60 اسلہ حکیم کی بات سے اتفاق کرتے ہوئے کہا جی بالکل ایسا ہی ہوا ہے۔

    ٹی 20 ورلڈ کپ: سیمی فائنل کا مشروط شیڈول جاری

    بزرگ دلہے کا کہنا تھا کہ دل جوان ہونا چاہیے، عمر میں کیا رکھا ہے، وہ طلاق یافتہ تھیں اور اللہ کا حکم اور نبیﷺ کی سنت تھی جس پر میں نے عمل کیا تو اس میں کیا غلط کیا؟، میں نے کوئی زنا نہیں کیا تو اس میں لوگ منفی کمنٹ کیوں کررہے ہیں، دراصل منفی باتیں وہ کرتے ہیں جنہوں نے آج تک گرل فرینڈز رکھی ہیں اور ناجائز تعلقات بنائے ہیں اور وہ نکاح نہیں کرنا چاہتے بلکہ لڑکیوں کو دھوکا دیتے ہیں۔

    دلہن کا کہنا تھا کہ جب انسان کو دل سے محبت ہو تو پھر اس میں عمر نہیں دیکھی جاتی اور جب دل سے انسان پسند آجائے تو پھر نکاح کرنے میں دیر نہیں کرنی چاہیے۔

    ٹی 20 ورلڈ کپ:بھارتی شہری نے شائننگ انڈیا کے دعووں کا پول کھول دیا، ویڈیو وائرل

    سوشل میڈیا صارفین کی رائے میں واضح تقسیم دیکھی جا رہی ہے بعض صارفین بزرگ دولہے کی عمر کو بنیاد بنا کر حیرت اور تنقید کا اظہار کر رہے ہیں، جبکہ ایک بڑی تعداد نے اسے ذاتی فیصلہ قرار دیتے ہوئے حمایت کی ہے۔ بعض کا کہنا ہے کہ رشتہ طے کرنے میں عمر واحد پیمانہ نہیں ہونا چاہیے بلکہ باہمی رضامندی، قانونی حیثیت اور خاندانی اتفاق کو اہمیت دی جانی چاہیے۔

  • ٹی 20 ورلڈ کپ: سیمی فائنل کا مشروط شیڈول جاری

    ٹی 20 ورلڈ کپ: سیمی فائنل کا مشروط شیڈول جاری

    دبئی: انٹرنیشنل کرکٹ کونسل (آئی سی سی) نے ٹی 20 ورلڈ کپ کے سیمی فائنلز کے وینیوز سے متعلق نیا اور مشروط شیڈول جاری کر دیا۔

    آئی سی سی کی جانب سے سپر ایٹ مرحلے کے اختتام کے حوالے سے تمام اسٹیک ہولڈرز کو بھیجے گئے اعلامیے میں واضح کیا گیا ہے کہ پہلا سیمی فائنل مخصوص شرائط کے تحت سری لنکا کے شہر کولمبو یا بھارت کے شہر کولکتہ میں منعقد کیا جا سکتا ہے اگر سری لنکا سیمی فائنل کے لیے کوالیفائی کر جاتا ہے تو پہلا سیمی فائنل کولمبو میں ہی کھیلا جائے گا، چاہے اس کا مقابلہ بھارت سے ہو یا کسی اور ٹیم سے اسی طرح اگر پاکستان سیمی فائنل تک رسائی حاصل کر لیتا ہے تو وہ 4 مارچ کو کولمبو میں اپنا سیمی فائنل کھیلے گا۔

    عالمی سطح پر سونے کی قیمت میں ریکارڈ اضافہ

    آئی سی سی کا کہنا ہے کہ اگر پاکستان سیمی فائنل میں جگہ بنانے میں ناکام رہتا ہے لیکن سری لنکا کوالیفائی کر جاتا ہے تو اس صورت میں بھی اس کا سیمی فائنل کولمبو میں ہی ہو گاتاہم اگر پاکستان اور سری لنکا دونوں سیمی فائنل تک نہ پہنچ سکے تو دونوں سیمی فائنلز بھارت میں منعقد ہوں گے جن میں ایک کولکتہ جبکہ دوسرا ممبئی میں کھیلا جائے گا۔

    کرکٹ ماہرین کے مطابق آئی سی سی کا یہ فیصلہ انتظامی اور لاجسٹک معاملات کو مدنظر رکھتے ہوئے کیا گیا ہے تاکہ ٹورنامنٹ کے شیڈول کو بہتر انداز میں منظم رکھا جا سکے۔

    کمرہ عدالت میں خاتون جج کے خلاف نازیبا الفاظ کا استعمال،وکیل کو قید اور جرمانہ

  • کوہاٹ: تحصیل لاچی میں پولیس موبائل پرحملہ، ڈی ایس پی سمیت 3 اہلکار شہید

    کوہاٹ: تحصیل لاچی میں پولیس موبائل پرحملہ، ڈی ایس پی سمیت 3 اہلکار شہید

    کوہاٹ کے نواحی علاقے تحصیل لاچی میں شکردرہ روڈ پر دہشتگردوں نے پولیس موبائل کو نشانہ بنایا جس کے نتیجے میں ڈی ایس پی سمیت تین پولیس اہلکار شہید جبکہ متعدد زخمی ہوگئے۔ واقعہ عالم شہید چیک پوسٹ کے قریب پیش آیا جہاں نامعلوم مسلح افراد نے اچانک فائرنگ کر دی۔

    پولیس ذرائع کے مطابق شہداء میں ڈی ایس پی اسد محمود اور دو پولیس جوان شامل ہیں۔ حملے میں دو پولیس اہلکار زخمی ہوئے جنہیں فوری طور پر قریبی اسپتال منتقل کر دیا گیڈی پی او کوہاٹ نے واقعے کی تصدیق کرتے ہوئے بتایا کہ شکردرہ روڈ پر پولیس موبائل معمول کی گشت پر تھی کہ دہشتگردوں نے گھات لگا کر فائرنگ شروع کر دی۔ شدید فائرنگ کے نتیجے میں پولیس موبائل کو بھی آگ لگا دی گئی۔ حملہ آور واردات کے بعد فرار ہونے میں کامیاب ہوگئے۔

    ذرائع کے مطابق ابتدائی شواہد سے حملے میں افغان دہشتگردوں کے ملوث ہونے کا شبہ ظاہر کیا جا رہا ہے، تاہم حتمی بیان تحقیقات مکمل ہونے کے بعد جاری کیا جائے گا۔واقعے کے بعد علاقے میں سیکیورٹی ہائی الرٹ کر دی گئی ہے جبکہ شہداء کی نماز جنازہ سرکاری اعزاز کے ساتھ ادا کیے جانے کا امکان ہے۔ اعلیٰ حکام نے واقعے کا نوٹس لیتے ہوئے رپورٹ طلب کر لی ہے۔

  • عالمی سطح پر سونے کی قیمت میں ریکارڈ اضافہ

    عالمی سطح پر سونے کی قیمت میں ریکارڈ اضافہ

    مشرقِ وسطیٰ کی سنگین صورتحال اور عالمی مارکیٹ میں بڑھتے ہوئے رجحان کے باعث پاکستان میں سونے کی قیمتوں کو ایک بار پھر پر لگ گئے ہیں-

    آج عالمی مارکیٹ میں سونے کے نرخ میں 107 ڈالر فی اونس کا اضافہ دیکھنے میں آیا ہے، جس کے بعد فی اونس قیمت 5200 ڈالر کی سطح عبور کر گئی ہے گزشتہ روز عالمی مارکیٹ میں سونے کے نرخ میں 30 ڈالر کا اضافہ ہوا تھا اور فی اونس قیمت 5138 ڈالر تھی، آج نرخ میں 107 ڈالر تک کا اضافہ ریکارڈ کیا گیا ہے۔

    جبکہ پاکستان میں گزشتہ روز سونے کی فی تولہ قیمت 5 لاکھ 34 ہزار 562 روپے تھی، چاندی کی قیمتوں میں بھی اضافہ ریکارڈ کیا گیا، فی تولہ چاندی 146 روپے مہنگی ہو کر 9 ہزار 094 روپے کی سطح پر آگئی جبکہ فی دس گرام چاندی کی قیمت 125 روپے اضافے سے 7 ہزار 796 روپے ہو گئی عالمی نرخ کو دیکھتے ہوئے پاکستان میں بھی آج قیمتوں میں بڑے اضافے کی توقع ہے۔

    کمرہ عدالت میں خاتون جج کے خلاف نازیبا الفاظ کا استعمال،وکیل کو قید اور جرمانہ

    معاشی ماہرین کا کہنا ہے کہ مشرقِ وسطیٰ میں جاری کشیدگی کی وجہ سے سرمایہ کار محفوظ سرمایہ کاری کے لیے سونے کی خریداری کو ترجیح دے رہے ہیں، جس کا براہِ راست اثر مقامی قیمتوں پر پڑ رہا ہے۔

    ٹی 20 ورلڈ کپ:بھارتی شہری نے شائننگ انڈیا کے دعووں کا پول کھول دیا، ویڈیو وائرل