اسلام آباد میں فیض آباد کے ٹرانسپورٹ اڈوں کو سیکیورٹی خدشات کی آڑ میں بند کر دیا گیا ہے، جس سے بین الصوبائی اور شہری ٹرانسپورٹ معطل ہو گئی۔ مسافر شدید پریشانی کا شکار ہیں اور متبادل راستے ڈھونڈ رہے ہیں۔
وفاقی پولیس نے وضاحت کی کہ اڈے محض خدشات پر بند نہیں ہوئے بلکہ کی خلاف ورزی پر کارروائی ہے—جیسے مسافروں کا سافٹ ویئر پر اندراج نہ کرنا یا واک تھرو گیٹس نہ لگانا۔ راولپنڈی-اسلام آباد کے داخلی راستوں پر چیکنگ سخت کر دی گئی ہے۔ ٹرانسپورٹرز مالی نقصان اور نظرثانی کا مطالبہ کر رہے ہیں۔
Blog
-
فیض آباد بس اڈوں کی بندش: وفاقی پولیس کی سیکیورٹی خدشات پر وضاحت جاری
-
مارچ 2026: پہلا اور واحد مکمل چاند گرہن "بلڈ مون” کا شاندار نظارہ!
مارچ 2026 میں دنیا کو ایک نادر فلکیاتی تحفہ ملے گا سال کا پہلا اور واحد مکمل چاند گرہن، جسے "بلڈ مون” بھی کہا جاتا ہے۔ اس دوران چاند سرخ رنگ میں ڈوب جائے گا۔
تفصیلات کے مطابق، یہ گرہن 3 مارچ کو ہوگا۔ ناسا کے مطابق، چاند کا پورا ڈسک تقریباً 12 منٹ تک گہرے سرخ رنگ کا ہو جائے گا، جو دیکھنے والوں کے لیے یادگار منظر پیش کرے گا۔ یہ 2026 کا سب سے بڑا آسمانی مظاہرہ ہوگا اور اسے ننگے آنکھوں سے، بغیر کسی آلے کے، مکمل محفوظ دیکھا جا سکتا ہے۔
کہاں اور کیسے دیکھیں؟
مکمل نظارہ: شمالی اور وسطی امریکہ، مشرقی ایشیا، آسٹریلیا، اور پیسفک کے کچھ علاقوں میں۔
جزوی نظارہ: وسطی ایشیا اور جنوبی امریکہ کے کئی حصوں میں۔
نظر نہیں آئے گا: افریقہ اور یورپ میں۔
یہ گرہن 2028 تک دوبارہ نہیں آئے گا، اور زمین پر صرف تقریباً 2 فیصد لوگ اسے شروع سے آخر تک دیکھ سکیں گے۔ ناسا کی ہدایت ہے: صاف آسمان والے کھلے مقام پر جائیں، اونچائی سے دیکھیں آنکھوں کی کوئی خاص حفاظت کی ضرورت نہیں۔ -
اسمگلنگ روکنے والا آٹومیٹک ٹینک گیجنگ سسٹم: تنصیب میں تاخیر کا خطرہ
تفصیلات کے مطابق، پٹرولیم ڈیلرز ایسوسی ایشن نے آٹومیٹک ٹینک گیجنگ (اے ٹی جی) سسٹم کی تنصیب پر تحفظات ظاہر کرتے ہوئے وزیر پٹرولیم کو خط لکھا ہے۔
ڈیلرز نے خط میں کہا کہ اے ٹی جی سسٹم کی تنصیب تیل کمپنیوں کی ذمہ داری ہے، کیونکہ سٹوریج، ڈسپنسرز اور پمپنگ سسٹم ان کے دائرہ کار میں آتے ہیں۔ انہوں نے بتایا کہ نجی تیل کمپنی وافی انرجی یہ اخراجات خود برداشت کر رہی ہے، اور مطالبہ کیا کہ یہ سسٹم ریفائنریز، سٹوریج ٹرمینلز اور گاڑیوں پر بھی نصب کیا جائے۔
ڈیلرز کا اصرار ہے کہ اے ٹی جی سسٹم کا تکنیکی اور مالی بوجھ ڈیلرز پر نہ ڈالا جائے بلکہ تیل کمپنیاں یا حکومت اسے سنبھالیں۔ خط میں مزید کہا گیا کہ یہ سسٹم اسمگل شدہ تیل کی فروخت روکے گا اور آئل سپلائی چین کو شفاف بنائے گا۔ -
صحافی نادر بلوچ کو غیرقانونی ہراساں نہ کیا جائے، اسلام آباد ہائیکورٹ
اسلام آباد ہائیکورٹ ،صحافی نادر بلوچ کی این سی سی آئی اے کی جانب سے جاری نوٹسز کے خلاف درخواست پر سماعت ہوئی
نادر بلوچ کو غیرقانونی ہراساں نہ کیا جائے، اسلام آباد ہائیکورٹ نے این سی سی آئی اے کو ہدایت کر دی،اسلام آباد ہائیکورٹ کا دائرہ اختیار نہ ہونے پر درخواست گزار نے پٹیشن واپس لے لی ، اسلام آباد ہائیکورٹ کے چیف جسٹس سرفراز ڈوگر نے کہا کہ لاہور سے نوٹس ہوا ہے یہ لاہور ہائیکورٹ کا دائرہ اختیار ہے،ہم یہاں سے نوٹس کریں گے تو وہ لاہور سے فائل لے کر یہاں آئیں گے، وکیل نے استدعا کی کہ لاہور ہائیکورٹ سے رجوع کرنے تک این سی سی آئی اے کو ہراساں کرنے سے روک دیا جائے،عدالت نے ہدایت کی کہ این سی سی آئی اے غیرقانونی ہراساں نہ کرے، ابھی تو انکوائری ہو رہی ہے آپ نے جواب دینا ہے ،بیرسٹر عبد الاحد کھوکھر نے کہا کہ ہم نے جواب دیا ہے، ہم نے الزامات کی تفصیل مانگی ہے، عدالت نے درخواست واپس لینے کی بنیاد پر نمٹا دی
-
سندھ کو توڑنے کی بات کرنے والے جمہوریت کے دشمن ہیں، شیری رحمان
پیپلز پارٹی کی سینیٹر شیری رحمان نے کہا ہے کہ سندھ ہماری طرف سے ایک اٹوٹ حیثیت رکھتا ہے، جو اس کو توڑنے کی بات کرے وہ جمہوریت کے دشمن ہے۔ سندھ کو متنازع کردینا آئین اور جمہوریت کے منافی ہے۔
سینیٹ اجلاس کے دوران خطاب کرتے ہوئے شیری رحمان کا کہنا تھا کہ 21 فروری کو سندھ اسمبلی سے اہم قرارداد منظور کی گئی۔ سندھ کی وحدت کے حوالے سے بات کی گئی۔ ہم سندھ کی عظیم حیثیت کی بات کرتے ہیں، بیک ڈور سے آپ یہ سب نہیں کرسکتے، ایسی کوئی بات شروع کرنے کیلئے صوبائی اسمبلی کی دو تہائی اکثریت کی ضرورت ہے، پیپلز پارٹی بھی ہر اکائی اور وحدت کی علامت ہے، اگر کوئی تقسیم کی بات کرتا ہے تو ہم سیسہ پلائی دیوار بن کر کھڑے ہوجاتے ہیں، سندھ کے حوالے سے بیک ڈور سیاست کی جاتی ہے، ہمیں مزاحمتی اور مذمتی سیاست بھی کرنا آتی ہے۔
-
راشن اور ملازمت کا جھانسہ، خاتون سے مبینہ اجتماعی زیادتی
لاہور کے علاقے کاہنہ میں ایک افسوسناک واقعہ پیش آیا جہاں راشن اور روزگار دلوانے کا جھانسہ دے کر خاتون کو مبینہ طور پر اجتماعی زیادتی کا نشانہ بنایا گیا۔ پولیس نے بروقت کارروائی کرتے ہوئے دونوں نامزد ملزمان کو گرفتار کرلیا ہے جبکہ مزید تفتیش جاری ہے۔
پولیس ذرائع کے مطابق متاثرہ خاتون کو کاہنہ سے ویلنشیا ٹاؤن بلایا گیا تھا۔ ملزمان نے مبینہ طور پر اسے یقین دہانی کرائی کہ اسے راشن اور ملازمت فراہم کی جائے گی۔ خاتون جب طے شدہ مقام پر پہنچی تو وہاں موجود دو افراد نے اسے مبینہ طور پر زبردستی اپنی حراست میں لے کر اجتماعی زیادتی کا نشانہ بنایا۔واقعے کے بعد خاتون نے ہمت کرتے ہوئے پولیس سے رجوع کیا اور تحریری شکایت درج کرائی۔ پولیس نے فوری طور پر مقدمہ درج کر کے ملزمان کی تلاش شروع کی اور جدید ٹیکنالوجی اور خفیہ معلومات کی مدد سے دونوں ملزمان کو گرفتار کرلیا۔ پولیس کا کہنا ہے کہ گرفتار ملزمان کو مزید قانونی کارروائی اور تفتیش کے لیے جینڈر سیل کے حوالے کر دیا گیا ہے، جہاں متاثرہ خاتون کا بیان بھی قلمبند کیا جا رہا ہے۔
پولیس حکام کے مطابق متاثرہ خاتون کا طبی معائنہ بھی کروایا گیا ہے اور فرانزک شواہد اکٹھے کیے جا رہے ہیں تاکہ کیس کو مضبوط بنیادوں پر عدالت میں پیش کیا جا سکے۔ حکام نے یقین دہانی کرائی ہے کہ ملزمان کو قانون کے مطابق سخت سزا دلوانے کے لیے تمام قانونی تقاضے پورے کیے جائیں گے
-
بنگلہ دیش نیشنل کرکٹ چیمپیئن شپ ، نئے ٹیلنٹ کی تلاش کے لیےسخت قوانین
مقابلے کا معیار بہتر بنانے کیلئے بنگلہ دیش کرکٹ بورڈ (بی سی بی) نے 64 ٹیموں پر مشتمل نیشنل کرکٹ چیمپیئن شپ کے لیے عمر اور رہائشی قوانین مزید سخت کر دیے ہیں –
اتوار سے شروع ہونے والے 2 درجوں پر مشتمل 50 اوورز کے اس ٹورنامنٹ میں اب کسی بھی ٹیم کو 30 سال سے زیادہ عمر کے 4 سے زیادہ کھلاڑی میدان میں اتارنے کی اجازت نہیں ہوگی،اس اقدام کا مقصد بڑی عمر کے کھلاڑیوں کی شرکت کی حوصلہ شکنی اور انڈر 23 ٹیلنٹ کی منظم تیاری کو فروغ دینا ہے،نئے قواعد کے تحت ٹیمیں اپنے ضلع سے باہر کے زیادہ سے زیادہ 3 کھلاڑی شامل کر سکیں گی، جس سے ماضی کی اس روایت کا خاتمہ ہو گیا ہے جس میں بعض اوقات مکمل اسکواڈ غیر مقامی کھلاڑیوں پر مشتمل ہوتا تھا۔
5 جی سروسز کا آغاز:وزیراعظم آزاد کشمیر نے عوام کو خوشخبری سنادی
ٹورنامنٹ میں 32، 32 ٹیموں کے 2 درجوں میں تقسیم کیا گیا ہے اور ترقی و تنزلی کا نظام بھی نافذ ہوگا ٹاپ درجے کے گروپ فاتحین اپریل 2026 میں ہونے والے 3 روزہ مقابلوں میں شرکت کریں گے جبکہ نچلی 8 ٹیموں کو ریلیگیشن کا سامنا کرنا پڑے گانئے ٹیلنٹ کی تلاش کے لیے بورڈ نے 16 مقامات پر کوچز تعینات کیے ہیں جو خصوصی اسکاؤٹنگ پروگرام کے تحت کارکردگی کا جائزہ لیں گے۔
کاش مریم نواز کراچی آجائیں تو یہاں بھی بہتری ہوسکے،مومنہ اقبال
دوسری جانب پیشہ ورانہ معیار بہتر بنانے کی کوششوں کے باوجود بنیادی سہولیات کے مسائل بھی سامنے آئے افتتاح سے قبل چندپور کی ٹیم سامان سمیت آٹو رکشہ میں سفر کر رہی تھی کہ راستے میں حادثہ پیش آیا، جس کے نتیجے میں ایک کھلاڑی زخمی ہوگیا۔ یہ واقعہ ملکی کرکٹ کے انفراسٹرکچر سے متعلق چیلنجز کی نشاندہی کرتا ہے۔
-
5 جی سروسز کا آغاز:وزیراعظم آزاد کشمیر نے عوام کو خوشخبری سنادی
آزاد جموں و کشمیر کے وزیراعظم فیصل ممتاز راٹھور نے اعلان کیا ہے کہ 10 مارچ سے 5 جی سروسز کا باقاعدہ آغاز کیا جا رہا ہے-
وزیراعظم فیصل ممتاز راٹھور نے کہا کہ جدید دور کے تقاضوں سے ہم آہنگ ڈیجیٹل سہولیات کی فراہمی حکومت کی اولین ترجیحات میں شامل ہے اور 5 جی ٹیکنالوجی کے ذریعے آزاد کشمیر تیز رفتار انٹرنیٹ، جدید تعلیم، ای ہیلتھ، ای گورننس اور ڈیجیٹل معیشت کے نئے دور میں داخل ہوگا۔
اپنے پیغام میں وزیراعظم نے کہا کہ نوجوان نسل کو یہ خوشخبری دیتے ہوئے انہیں خوشی محسوس ہو رہی ہے کہ حکومت نے ڈیجیٹل دنیا کی جانب اہم پیش قدمی کی ہے 5 جی ٹیکنالوجی سے کاروباری سرگرمیوں میں اضافہ ہوگا، آئی ٹی اور فری لانسنگ کے مواقع وسیع ہوں گے اور باصلاحیت نوجوان عالمی مار کیٹ سے براہ راست منسلک ہو سکیں گے۔
کاش مریم نواز کراچی آجائیں تو یہاں بھی بہتری ہوسکے،مومنہ اقبال
انہوں نے کہا کہ حکومت کی کوشش ہے کہ ریاست کا ہر شہر اور ہر گاؤں ڈیجیٹل ترقی کے سفر میں برابر کا شریک ہو اس مقصد کے لیے ٹیلی کمیونیکیشن انفرا سٹرکچر کو مزید مضبوط بنایا جائے گا اور دور دراز علاقوں تک تیز رفتار انٹرنیٹ کی فراہمی یقینی بنائی جائے گی نوجوانوں کو ٹیکنالوجی کی تعلیم و تربیت فراہم کی جا ئے گی تاکہ وہ جدید معیشت میں مؤثر کردار ادا کر سکیں۔
وزیراعظم نے کہا کہ ان کے نزدیک 5 جی صرف انٹرنیٹ کی رفتار نہیں بلکہ ترقی، روزگار اور خوشحالی کی رفتار ہے انہوں نے پاکستان ٹیلی کمیونیکیشن کے تعاون کو سراہتے ہوئے کہا کہ 4 جی سہولت آزاد کشمیر کو تقریباً پانچ سال بعد ملی تھی، تاہم اس بار 5 جی سہولت پاکستان میں آغاز کے ساتھ ہی حاصل کر لی گئی ہے۔
ڈی آئی خان: سیکیورٹی فورسز کا آپریشن، گنڈاپور گروپ کے 4 فتنہ الخوارج دہشتگرد ہلاک
انہوں نے چیف سیکرٹری آزاد کشمیر خوشحال خان اور سیکرٹری انفارمیشن ٹیکنالوجی راشد حنیف سمیت متعلقہ ٹیم کو مبارکباد پیش کی اور کہا کہ ان کی شبانہ روز کاوشوں سے یہ ممکن ہواحکومت نے ٹیلی کام سیکٹر کی اہمیت کو مدنظر رکھتے ہوئے رائٹ آف وے چارجز ختم کیے اور ون ونڈو سہولت فراہم کی تاکہ ٹیلی کام آپریٹرز کو آزاد کشمیر میں بہتر مسابقتی ماحول میسر آ سکے اور عوام کو معیاری سہولیات حاصل ہوں۔
-
کاش مریم نواز کراچی آجائیں تو یہاں بھی بہتری ہوسکے،مومنہ اقبال
پاکستان شوبز انڈسٹری کی معروف اداکارہ مومنہ اقبال نےکہا ہے کہ پنجاب میں حالات بہت اچھے ہوگئے ہیں کاش مریم نواز کراچی آجائیں تو یہاں بھی بہتری ہوسکے۔
مومنہ اقبال نے حال ہی میں ایک پروگرام میں شرکت کی، اس موقع پر اداکارہ نے اپنی خواہش کا اظہار کیا کہ مریم نواز کراچی میں بھی آئیں،جس کا کلپ سوشل میڈیا پر وائرل ہو رہا ہےوائرل کلپ میں مومنہ اقبال نے کہا کہ پنجاب میں اس وقت بہت اچھا کام ہورہا ہے مریم نوازشریف کام کر رہی ہیں، خدمت کر رہی ہیں اپنی محنت اور خدمت سے کارکردگی سے پنجاب کو سنوار رہی ہیں-
ڈی آئی خان: سیکیورٹی فورسز کا آپریشن، گنڈاپور گروپ کے 4 فتنہ الخوارج دہشتگرد ہلاک
پروگرام کے میزبان فیصل قریشی نے کہا کہ کراچی والوں کے لیے بھی کچھ کہہ دیں؟،اس پر اداکارہ نے جواب دیا کہ میں نے تو اس حوالے سے لکھا ہے کہ کراچی والوں کا کوئی ہے تو ہمیں بتادیں کیونکہ میں زیادہ تر کراچی میں رہتی ہوں تو کراچی بھی میرا ہی ہوا، مجھے یہاں پر تھوڑے سے مسائل ہوجاتے ہیں۔
فیصل قریشی نے کہا کہ ان کو بھی سمجھائیں ہماری تو کوئی سن نہیں رہا، شاید آپ کی کوئی سن لے اس پر مومنہ اقبال نے کہا بس پھر ایک مریم نواز ادھر بھی آجائے۔
سوشل میڈیا پر ٹرولنگ جھوٹے کیپشنز استعمال کرناشرعی طور پر ناجائز قرار
واضح رہے کہ یہ پہلی بار نہیں ہے کہ جب کراچی والوں نے شہر کے ھالات کی بہتری کے لئے مریم نواز جیسی رہنما کی خواہش کی ہو اس سے قبل اداکارہ سونیا حسین نے لاہور میں بسنت کے انتظامات پر کھل کر تعریف کی تھی اور لاہور کی سڑکوں کا موازنہ کراچی کی سڑکوں سے کیا تھا اس کے علاوہ گزشتہ سال کراچی کے تاجروں نے وفاقی وزیر منصوبہ بندی احسن اقبال سے کہا تھا کہ کچھ عرصے کے لیے وزیراعلیٰ پنجاب مریم نواز ہمیں دے دیں اور وزیراعلیٰ سندھ مراد علی شاہ آپ رکھ لیں۔
-
ڈی آئی خان: سیکیورٹی فورسز کا آپریشن، گنڈاپور گروپ کے 4 فتنہ الخوارج دہشتگرد ہلاک
ڈیرہ اسماعیل خان کے علاقے کوٹ عیسیٰ، دارابن میں سیکیورٹی فورسز نے ایک انٹیلی جنس پر مبنی کارروائی کے دوران فتنہ الخوارج کے 4 دہشتگردوں کو ہلاک کر دیا۔
ہلاک شدہ دہشت گرد گنڈاپور گروپ سے تعلق رکھتے تھے اور عام شہریوں کو نشانہ بنانے اور امن و امان کو خراب کرنے کے لیے مشہور تھے، یہ کارروائی روزا نہ جاری انٹیلی جنس آپریشنز کا حصہ تھی جس کا مقصد علاقے میں سرگرم دہشت گرد نیٹ ورکس کو ختم کرنا ہے فورسز نے بروقت اور درست معلومات کی بنیا د پر دہشتگردوں کو گھیر کر نشانہ بنایا، جس سے مزید حملوں کا خطرہ ختم کر دیا گیا۔
سوشل میڈیا پر ٹرولنگ جھوٹے کیپشنز استعمال کرناشرعی طور پر ناجائز قرار
دہشتگرد خوارج گروہوں کے وہ عناصر تھے جو خوف پھیلانے اور معاشرتی امن کو تباہ کرنے کے لیے گھناؤنے اور فریب پر مبنی حربے استعمال کرتے تھے، آپریشن کی کامیابی سیکیورٹی فورسز کی پیشہ ورانہ مہارت، بہادری اور اعلیٰ تیارکردگی کا مظہر ہے،خوارج عناصر مسلسل دباؤ میں ہیں اور سیکیورٹی آپریشنز کے نتیجے میں ان کی تنظیمیں منقسم اور الگ تھلگ ہو چکی ہیں سیکیورٹی فورسز ہر وقت چوکس اور ہر خطرے سے نمٹنے کے لیے تیار ہیں، پختونخوا میں جاری کارروائیاں یہ ثابت کرتی ہیں کہ ریاست فتنہ الخوارج دہشتگردی کے خاتمے اور دیرپا امن و استحکام کے لیے پُرعزم ہے۔
ریسرچ کے لیے پاکستان آنے والا کینیڈین شہری لاہور سے اغوا، مقدمہ درج