ڈھاکا میں وفاقی وزیر داخلہ محسن نقوی نے سابق وزیراعظم بنگلہ دیش بیگم خالدہ ضیاء کی قبر پر حاضری دی۔
وزیر داخلہ محسن نقوی نے مرحومہ کی قبر پر پھول رکھے اور ان کے ایصالِ ثواب کے لیے فاتحہ خوانی کی،انہوں نے مرحومہ کی روح کے ایصالِ ثواب کے لیے خصوصی دعا بھی کی،محسن نقوی نے اس موقع پر سابق وزیراعظم بیگم خالدہ ضیاء کی بنگلہ دیش اور اس کے عوام کے لیے خدمات کو خراج عقیدت پیش کیا۔
انہوں نے کہا کہ بیگم خالدہ ضیاء کی سیاسی اور عوامی خدمات کو ہمیشہ یاد رکھا جائے گا،وزیر داخلہ کے بنگلہ دیش کے حالیہ دورے کو دو طرفہ احترام اور سیاسی تاریخ کی اہم شخصیت کو خراج تحسین کے طور پر دیکھا جا رہا ہے۔