ٹنڈو محمد خان میں پیش آنے والے افسوسناک واقعے میں ایک خاتون نے اپنے دو کمسن بچوں کے ساتھ نہر میں چھلانگ لگا دی، جس کے نتیجے میں تینوں جاں بحق ہوگئے۔
پولیس کے مطابق واقعے کی اطلاع ملتے ہی امدادی ٹیمیں اور غوطہ خور موقع پر پہنچ گئے۔ طویل تلاش کے بعد خاتون اور دونوں بچوں کی لاشیں نہر سے نکال لی گئیں۔پولیس حکام کا کہنا ہے کہ جاں بحق بچوں کی عمریں 6 اور 7 سال تھیں۔ لاشوں کو ضروری کارروائی کے لیے اسپتال منتقل کردیا گیا ہے۔پولیس کے مطابق واقعے کی وجوہات جاننے کے لیے تحقیقات کا آغاز کردیا گیا ہے جبکہ اہلِ خانہ سے بھی معلومات حاصل کی جارہی ہیں۔