ایبٹ آباد ، ڈپٹی انسپکٹر جنرل آف پولیس ہزارہ ریجن میر ویس نیاز نے ایس ایس پی جاوید اقبال کاکڑکی ریٹائرمنٹ کے موقع پر ان کے اعزاز میں دی گئی الوداعی پارٹی میں بطور مہمان خصوصی شرکت کی ا س موقع پر ڈی پی او ایبٹ آباد ظہور بابر آفریدی، ایس ایس پی ٹریفک وارڈن طارق محمو د خان، ریٹائرڈ ہونے والے ایس پی جاوید اقبال اورڈسٹرکٹ پولیس و ایف آر پی افسران و جوانوں نے شرکت کی۔
ڈی آئی جی ہزارہ نے اس موقع پر تقریب سے خطاب کرتے ہوئے کہا کہ ایس ایس پی جاوید اقبال کی خدمات گراں قدر ہیں انہوں نے اپنی زندگی محکمہ پولیس کے اندر لوگوں کی خدمت میں وقف کی میں انہیں خراج تحسین پیش کرتا ہوں، انہوں نے اس پروگرام کے شرکاء اور پولیس جوانوں سے بات کرتے ہوئے کہا کہ آپ بھی اپنے پیشہ سے لگاؤ رکھیں اور جہاں بھی ڈیوٹی سرانجام دیں لوگوں کی خدمت کا موقع ہر گز ضائع نہ ہونے دیں،ایمانداری اور محنت سے اپنی خدمات کو انجام دیں تاکہ محکمہ میں آپکی عزت افزائی ہو تاکہ آپ جب اس محکمہ سے رخصت ہوں تو اس کے بعد بھی آپ کو لوگ اچھے الفاظ میں یاد رکھیں۔
انہوں نے مزید کہا کہ ایس ایس پی جاوید اقبال ایک نفیس اور اچھے انسان ہونے کے ساتھ ساتھ ایک بہترین پولیس آفیسر ہیں جنکی خدمات کو یاد رکھا جائے گا۔ انسان کی کامیابی بھی یہی ہے کہ جہاں بھی انسان کچھ وقت گزارے اس کے جانے کے بعد لوگ اسے اچھے الفاظ میں یاد رکھیں۔ ڈی آئی جی ہزارہ نے ہزارہ پولیس کی جانب سے ریٹائرڈ ہونے والے ایس ایس پی جاوید اقبال کو تحفہ بھی دیا۔
حمداللہ خان
