Category: باغی ٹی وی الیکشن سیل

الیکشن کمیشن کے ایڈیشنل ڈی جی مرکزی کنٹرول روم ہارون شنواری نے میڈیا کو بریفنگ دیتے ہوئے کہا ہے کہ انتخابات کی مانیٹرنگ کیلئے کنٹرول روم قائم کیا گیا ہے، سٹیٹ آف ارٹ سسٹم میں مانیٹرنگ کیلئے خصوصی اقدامات کیے،شکایات درج کرانے کیلئے پہلی مرتبہ واٹس ایپ استعمال کر رہے ہیں،ای میل اور یونیورسل فون نمبر پر پورے ملک سے شکایات درج کرائی جاسکتی ہیں،صوبائی سطح پر چار کنٹرول روم بھی قائم کیے گئے ہیں،

ہارون شنواری کا کہنا تھا کہ 32 ریجنل مانیٹرنگ کنٹرول رومز الیکشن کی نگرانی کر رہے ہیں،144 ضلعی مانیٹرنگ ٹیمیں بھی شکایات کے ازالے کیلئے اقدامات کر رہی ہیں،26 دسمبر سے ابتک 625 افراد کو نوٹسز جاری کیے گئے ہیں،252 امیدواروں کو شوکاز نوٹس جاری کیے گئے،156 لوگوں کو ضابطہ اخلاق کی خلاف ورزی پر جرمانے کیے گئے ہیں،12 ہزار 236 وال چاکنگ اور ہورڈنگز کو ہٹایا گیا ہے،ضابطہ اخلاق کی سنگین خلاف ورزی پر امیدوار کو نااہل بھی کیا جاسکتا ہے،ابتک 221 شکایات کو موصول ہوئیں، 198 شکایات کو حل کرلیا گیا ہے،سندھ، بلوچستان اور خیبرپختونخوا میں واقعات پر ائی جیز اور چیف سیکرٹریز کو نوٹسز جاری کیے گئے،8 فروری کو پوری قوم کی نظریں الیکشن کمیشن پر ہوں گی،ضلعی، صوبائی اور مرکزی سطح پر انتخابات کی سخت مانیٹرنگ کی جارہی ہے،ابتک ٹرائلز پر ای ایم ایس کی کارکردگی اطمینان بخش رہی،ای ایم ایس کی ذریعے نتائج کی ترسیل کی جائے گی،تمام کنٹرول رومز 24/7 کام کر رہے ہیں،انتخابات کے نتائج آنے تک مرکزی روم مسلسل کام کرے گا،ای ایم ایس آف لائن اور ان لائن دونوں صورتوں میں کام کرے گا

ڈی جی آئی ٹی خضر حیات کا کہنا تھا کہ ای ایم ایس کی ٹیکنالوجی کو اپگریڈ کیا گیا،ای ایم ایس کو اس سے قبل 40 انتخابات میں استعمال کیا جاچکا ہے،پریذائیڈنگ افسر ای ایم ایس کے ذریعے ریٹرننگ افسر کو نتائج بھجوائے گا،نتائج ترسیل میں کوئی ایشو ہوا تو پریذائیڈنگ افسر ذاتی حیثیت میں ریٹرننگ افسر کو نتائج پہنچائے گا،ای ایم ایس نتائج میں کسی قسم کی تبدیلی کو فوری طور پر ڈیٹیکٹ کرے گا،

پروجیکٹ ڈائریکٹر کرنل ر سعد کا کہنا تھا کہ ای ایم ایس کی مالیت ابھی بتانا مشکل ہے،3600 ای ایم ایس اپریٹرز کو ٹریننگ دی گئی ہے،ای ایم ایس سے متعلق انٹرنیشنل سٹینڈرڈز بنائے گئے،ای ایم ایس کی ورکنگ کیلئے انتہائی سیکیور نیٹ ورک موجود ہے.این اے 197 کے خط پر ریٹرننگ افسر سے تفصیلی بات ہوئی،این اے 197 کے ریٹرننگ افسر نے ہیلپ لائن کی بجائے ڈی ار او کو خط لکھ دیا،این اے 197 کے ریٹرننگ افسر کے ای ایم ایس پر خدشات کو حل کردیا ہے،نتائج کب تک آئیں گے اس پر کوئی حتمی وقت دینا ممکن نہیں،ای ایم ایس کے حوالے سے مختلف مراحل پر پانچ ٹرائلز کیے گئے،ای ایم ایس پر انے والے مسائل کو حل کیا گیا ہے،آر اوز کو سیٹلائٹ کنیکشن بھی فراہم کیے گئے ہیں،

سیکریٹری الیکشن کمیشن ڈاکٹر آصف حسین کا کہنا تھا کہ پریذائیڈنگ افسر نے ای ایم ایس پر صرف فارم کی تصویر لیکر بھیجنی ہے،الیکشن کیلئے ای ایم ایس سے ذیادہ آسان سسٹم نہیں ہوسکتا،

عمران خان کا مستقبل مخدوش،بلاول کی شاندار حکمت عملی،بشریٰ عمران کو سرپرائز دیگی؟ حسین حقانی

عمران خان کو سزا پر مبشر لقمان غمگین کیوں؟

تیزاب گردی، مبشر لقمان پھٹ پڑے،کہاسرعام لٹکایا جائے

مبشر لقمان اپنا دشمن کیوں بن گیا؟ ڈوریاں ہلانے والے سن لیں

نور مقدم کو بے نور کرنے والا آزادی کی تلاش میں،انصاف کی خریدوفروخت،مبشر لقمان ڈٹ گئے

میچ فکسنگ، خطرناک مافیا ، مبشر لقمان کی جان کو خطرہ

انضمام الحق مکر گئے،انڈیا کے ساتھ گٹھ جوڑ،ڈالروں کی بارش

مری: پاکستان مسلم لیگ (ن) کے قائد نواز شریف کا کہنا ہے کہ مجھے نکالنے والے استعفیٰ دے کر چلے گئے-

باغی ٹی وی :پاکستان مسلم لیگ (ن) آج مری میں جلسہ کر رہے ہیں، نواز شریف کے ہمراہ پارٹی کی چیف آرگنائزر مریم نواز بھی جلسہ گاہ میں موجود ہیں، جلسے سے خطاب کرتے ہوئے مسلم لیگ ن کے قائد نواز شریف نے کہا کہ مری میں اتنی سردی کے باوجود بھی لوگ یہاں موجود ہیں، کل میں مری پہنچا راستے میں بہت ٹریفک تھا۔

نوازشریف نے کہا کہ 1985 میں پنجاب کا وزیراعلیٰ بنا تو پہلا منصوبہ راولپنڈی سے مری روڈ تھا، مری میرا دوسرا گھر ہے اور یہاں کے لوگ بھی مجھے بہت پیارے ہیں، 1950 میں پیدائش ہوئی تو 1956 میں پہلی بار مری آیا تھا، لاہور کے بعد سب سے زیادہ مری میں رہا ہوں جب میں وزیراعظم تھا تو عوام کی خدمت کررہا تھا، میں نے لوڈشیڈنگ کا خاتمہ کیا، ملک میں بجلی سستی کی، روٹی 4 روپے، گھی 150 روپے اور چینی 50 روپے کلو تھی، سبزیاں 10،10روپے کلو، ڈالر 104 روپے اور پیٹرول 65 روپے لیٹر تھا۔

سابق وزیراعظم نے مزید کہا کہ نوازشریف کا زمانہ اچھا تھا یا یہ زمانہ اچھا ہے، سونا 50 ہزار روپے تولہ تھا اور آج 2 لاکھ روپے تولہ ہے آپ نے مجھے کیوں نکالا، جس نے نکالا اچھا کیا یا برا کیا؟ آج وہ خود استعفیٰ دے کر گھر جارہے ہیں، دال میں کچھ کالا ہے، چور کی داڑھی میں تنکا ہے، مجھے نکالنے والے چلے گئے ہیں، آج آپ کے سامنے کھڑا ہوں، مجھے نکال دیا اور اس کو لائے جس نے کہا عوام کو ایک کروڑ نوکریاں دوں گا،وہ کٹے، مرغیاں اور انڈے کہاں گئے، بلین ٹری کا جھوٹ بولا، کہا گیا 50 لاکھ گھر دیں گے کسی کو ملا تو بتائیں، ن لیگ پاکستان کو دوبارہ تعمیر کرے گی، کہتا تھا کہ پاکستان کی یوتھ ہمارے ساتھ ہے، یہ دیکھو یوتھ تو میرے ساتھ کھڑی ہے ان شاءاللہ ہم مری کے چاروں طرف موٹروے بنائیں گے، میرا منصوبہ اور خواہش ہے اسلام آباد سے مری تک ٹرین لے کر آئیں، اسلام آباد سے مری اور پھر مظفرآباد تک ٹرین چلائیں گے۔

حکمران اللہ تعالیٰ اور عوام کو جواب دہ ہیں،مریم نواز

مری میں جلسہ عام سے خطاب کرتے ہوئے مسلم لیگ (ن) کی چیف آرگنائزر مریم نواز نے کہا ہے کہ حکمران اللہ تعالیٰ اور عوام کو جواب دہ ہیں، اس الیکشن میں مری والے اس حکمران سے جواب مانگیں کہ جب لوگ یہاں مر رہے تھے کہ وہ کہاں تھا؟ نواز شریف کو کبھی گھر بیٹھے دیکھا؟ نواز شریف عوام کی تکلیف کی خاطر اپنے فیصلے بدل لیتے ہیں وہ آج موسم کی خرابی کے سبب بائی روڈ پہنچے کیوں کہ حکمران اللہ تعالیٰ اور عوام کو جواب دہ ہیں، اس الیکشن میں مری والے اس حکمران سے جواب مانگیں کہ جب لوگ یہاں مر رہے تھے کہ وہ کہاں تھا؟-

مریم نواز نے عوام سے پوچھا کہ جب نواز شریف آتے ہیں تو مزدوروں کا گھر کا چولہا جلتا ہے، لوگوں کو روزگار ملتا ہے، الیکشن میں چند دن رہ گئے ہیں، بزرگ نوجوانوں سے اپیل ہے کہ ووٹ کی پرچی کوئی کاغذ کا ٹکڑا نہیں اسے سوچ سمجھ کر دیں یہ ملک کی ترقی اور آپ کی آئندہ آنے والی نسلوں کا فیصلہ ہے، اگر آپ مری کے مسائل اور لوگوں کے مسائل، روزگار، تعلیم اور صحت کے مسائل حل کرنا چاہتے ہیں تو پھر شیر پر مہر لگائیں۔

ان کا کہنا تھا کہ شیر پر مہر لگاؤ اور پاکستان کو نواز دو، ہم مری کے مسائل حل کریں گے، یہاں گیس کا مسئلہ ہے اسے حل کیا جائے گا، میں وعدہ کرتی ہوں کہ اگر مری نے شیر کو منتخب کیا تو یہاں کسی بھی شہر سے زیادہ ترقی لائیں گے،انہوں نے یوم کشمیر کی مناسبت سے نعرہ لگایا اور کہا کہ کشمیر بنے گا پاکستان۔

اسلام آباد: الیکشن کمیشن نے عام انتخابات 2024 کے حوالے سے تمام سیاسی جماعتوں کے لیے انتخابی مہم چلانے کا آخری روز 6 فروری مقرر کردیا گیا۔

باغی ٹی وی : الیکشن کمیشن آف پاکستان کی جانب سے جاری کردہ پریس ریلیز میں تمام سیاسی جماعتوں کو اس حوالے سے مطلع کیا گیا الیکشن کمیشن نے بتایا کہ الیکشننر ایکٹ 2017 کی سیکشن 182 کے تحت 6 فروری 2024 اور 7 فروری 2024 کی درمیانی شب 12 بجے تک انتخابی مہم چلائی جاسکے گی۔

پریس ریلیز میں کہا گیا کہ مقررہ کردہ وقت کے بعد کوئی بھی شخص کسی بھی جلسے، جلوس، کارنر میٹنگ یا اس نوعیت کی سیاسی سرگرمی کا نہ تو انعقاد کرے گا اور نہ ہی اس میں شرکت کرے گا، کوئی بھی شخص جو قانون کی مذکورہ بالا شق کی خلاف ورزی کرے گا اس کے خلاف قانونی کارروائی عمل میں لائی جائے گی۔

جنوبی وزیرستان میں آزاد امیدوارکو پولیس نے گرفتار کرلیا

مشرق وسطیٰ میں ایرانی حمایت یافتہ عسکری گروپوں پر مزید حملے کریں گے،امریکا

امریکا میں یونیورسٹی طلبہ نے غزہ میں جنگ بندی کیلئے بھوک ہڑتال کردی

اسلام آباد: پاکستان پیپلز پارٹی کے چیئرمین بلاول بھٹو نے کہا ہے کہ امید ہے نواز شریف کے دباؤ کے باوجود نگراں حکومت الیکشن میں مداخلت نہیں کرے گی اور امید ہے پیپلز پارٹی کامیاب ہو کر حکومت بنائے گی-

باغی ٹی وی : بلاول بھٹو نے امریکی نشریاتی ادارے سے گفتگو کرتے ہوئے کہا کہ نگراں حکومت اور انتظامیہ نواز شریف کے حق میں جانبدار ہے، پیپلز پارٹی کا مسلم لیگ ن سے اتحاد مشکل ہے، میرے لیے مسلم لیگ ن کے ساتھ چلنا اب بہت مشکل ہےیہ مسلم لیگ میثاق جمہوریت والی مسلم لیگ نہیں رہی،یہ ووٹ کو عزت دو والی نہیں بلکہ آئی جے آئی والی مسلم لیگ ہے،یہ امیر المومنین بننے کے خواب دیکھنے والی مسلم لیگ ہے۔

بلاول بھٹو زرداری نے کہا کہ نگراں وزیراعظم کی تقرری شہباز شریف نے راجہ ریاض کے ساتھ مل کر کی اور راجہ ریاض اب مسلم لیگ ن کے ٹکٹ پر الیکشن میں حصہ لے رہے ہیں امید ہے نواز شریف کے دباؤ کے باوجود نگراں حکومت الیکشن میں مداخلت نہیں کرے گی اور امید ہے پیپلز پارٹی کامیاب ہو کر حکومت بنائے گی،ایف آئی اے سندھ میں ہمارے حامیوں کو گرفتار کر رہی ہے، امید ہے مسلم لیگ ن کی سیاسی تقسیم کو ہوا دینے کی کوشش ناکام رہے گی۔

جنوبی وزیرستان میں آزاد امیدوارکو پولیس نے گرفتار کرلیا

بلاول بھٹو نے کہا کہ سیاست میں اسٹیبلشمنٹ کا کردار کم کرنے کا پہلا قدم سیاست دانوں کو اٹھانا ہوگا، سیاسی رہنما اختلافات کو سیاست تک محدود رکھیں، سیاست دانوں کو سیاست کے دائرے میں رہ کر سیاست کرنی چاہیے نہیں تو دوسرے سے بھی توقع نہ رکھیں کہ وہ اپنے دائرے میں رہ کر کام کریں گے۔

علی ظفر نے پی ایس ایل 9 کے ترانے کا نام بتا دیا

انہوں نے کہا کہ 9 مئی واقعہ بالکل سیاست کے دائرے میں تو نہیں تھا، سیاست دانوں کو قواعد طے کرنا ہوں گے سیاست کو سیاست ہی رکھیں، الیکشن کی شفافیت پر پہلے سے سوالات ہیں، چاہتے ہیں انتخابی عمل پر اس سے زیادہ تنقید نہ ہو، جتنا ممکن ہو صاف و شفاف الیکشن کرائے جائیں، لیول پلیئنگ فیلڈ دیں تاکہ الیکشن کی ساکھ بحال ہو، ملک میں سیاسی افہام و تفہیم چاہتے ہیں تاکہ پاکستان آگے چلے۔

بلوچستان میں لیویز تھانے پر نامعلوم دہشتگردوں کا حملہ