کوئٹہ سرکاری اسپتالوں میں ہڑتال،طبی سہولیات سے متعلق کیس کی ہائی کورٹ میں سماعت ہوئی-

باغی ٹی وی : تفصیلات کے مطابق چیف جسٹس نعیم اختر افغان اور جسٹس عبداللہ بلوچ نے کیس کی سماعت کی،سماعت کے موقع پر ینگ ڈاکٹرز کے نمائندے عدالت میں پیش ہوئے چیف جسٹس نے ینگ ڈاکٹرز کے نمائندوں سےاستفسار کیا کہ آج آپ نے پھر جلوس کیوں نکالا؟چیف جسٹس نے برہمی کا اظہار کرتے ہوئے کہا کہ آپ کیوں غلط کام کرتے ہیں؟-

جس پر نمائندہ ینگ ڈاکٹرز ایسوسی ایشن نے کہا کہ ہمارے ایک ڈاکٹر کو قتل کیا گیا اس پر ریلی نکالی،چیف جسٹس نعیم اختر افغان نے استفسار کیا کہ کیا ڈاکٹر کو سرکار نے مارا ؟نظام کو چلنے دیں آپ میں سے کوئی آئی جی یا ڈی آئی جی پولیس سے ملا چیف جسٹس نے ینگ ڈاکٹر کو ہڑتال اور ریلیاں نہ نکالنے کی ہدایت کردی-

چیف جسٹس نے ریمارکس میں کہا کہ اب کوئی بائیکاٹ کرے گا تو اس کی نوکری چلی جائے گی خلاف ورزی پر توہین عدالت کی کارروائی ہوگی،چیف جسٹس بلوچستان ہائی کورٹ نے کہا کہ پیرامیڈکس کو اپنے آپ سے الگ رکھیں-

دوران سماعت محکمہ صحت کے حکام نے اپنے اقدامات کی تحریری رپورٹ عدالت میں جمع کرادی،ینگ ڈاکٹرز ایسوسی ایشن نے بھی مسائل سے متعلق تحریری جواب جمع کرا دیا،درخواست پر مزید سماعت 15 نومبر تک ملتوی کر دی گئی-

بلوچستان کے سابق وزیر اعلیٰ جام کمال نے کہا کہ حکومت کیلئے میری نیک تمنائیں ہیں جہاں ہماری ضرورت ہوگی ساتھ دیں گےمیں کہوں گا نئی کابینہ جلد از جلد بنائیں اور مسائل کے حل کو ڈسکس کریں، میری پیپلز پارٹی میں شمولیت کے حوالے سے سوشل میڈیا پرچلنے والی خبروں میں صداقت نہیں-

جام کمال نے کہا کہ ہم بلوچستان عوامی پارٹی کے ممبر ہیں اسی ہی میں رہیں گے پارٹی کے اندر کام کرینگے ذمہ داریوں کو آگے لیجائیں گے، بلوچستان عوامی پارٹی نے ساڑھے تین سال میں بہت کام کیاہے، پارٹی اور حکومت کے حوالے سے بھی بہت کام کیا ہے، میرا ٹویٹ بہت مشہور ہوا جس میں پارٹی صدرات سے ہٹ جانے کی خواہیش ظاہر کی تھی، پارٹی کے سارے لوگ آئے اور اُنہوں نے فیصلہ واپس لینے کو کہا تھا-

دوسری جانب وزیراعلئ بلوچستان میر عبدالقدوس بزنجو نے کوئٹہ شہر میں بدترین ٹریفک جام کا نوٹس لے لیا وزیراعلئ نے ایس ایس پی ٹریفک پولیس کو ٹریفک نظام کی بہتری کے لیۓ فوری طور پر موثر اقدامات کی ہدایت دی –

وزیراعلئ بلوچستان کا کہنا تھا کہ عوام گھنٹوں گھنٹوں بے ہنگم ٹریفک میں پھنسے رہتے ہیں مریض ایمرجنسی میں بروقت اسپتالوں تک نہیں پہنچ پاتےاگر کوئی سڑک کسی وجہ سے ٹریفک کے لیۓ بند ہو جاتی ہے تو فوری طور پر متبادل راستہ دیا ئے ٹریفک کے نظام کو بہتر بنانے کے لیۓ ٹریفک انجئیرنگ کا شعبہ قائم کیا جائے شہر میں ٹریفک جام کو ختم کرنے اور ٹریفک کو رواں دواں رکھنے کے لیۓ لائحہ عمل بنایا جائے وزیراعلئ نے ٹریفک نظام کی بہتری کے اقدامات کے حوالے سے اجلاس طلب کر لیا-

سپریم کورٹ نے سات سالہ بچی کے ساتھ زیادتی کے ملزم کی سزا کے خلاف اپیل خارج کر دی۔

باغی ٹی وی : تفصیلات کے مطابق سات سالہ بچی کے ساتھ زیادتی کے مجرم زاہد نے سات سال سزا کے خلاف اپیل دائر کر رکھی تھی، اس اپیل کو سپریم کورٹ نے خارج کرتے کی اور اس کا پانچ صفحات پر مشتمل فیصلہ جاری کر دیا،جسٹس مظاہر علی اکبر نقوی نے فیصلہ تحریر کیا۔

یاد رہے کہ بلوچستان ہائی کورٹ مجرم کی سزا کے خلاف اپیل خارج کر چکا ہے رواں سال مارچ میں مجرم زاہد نے اپنے پڑوس میں رہنے والی سات سالہ بچی کو زیادتی کا نشانہ بنایا۔

سپریم کورٹ کے فیصلے کے مطابق زیادتی کے کیسز میں متاثرہ فرد کا تنہائی میں لیا گیا بیان سزا کے لیے کافی ہے،معاشرے میں زیادتی کے بڑھتے کیسز کو مضبوط ہاتھوں سےروکنے کی ضرورت ہے،عدالت عظمیٰ فیصلے میں کہہ چکاہےکہ ریپ تنہائی میں ہونے والاجرم ہے،عام طورپر ریپ کیسز میں گواہان کا ہوناممکن نہیں ہوتا،عدالتیں زیادتی کے کیسز میں گواہان سے زیادہ متاثرہ فرد کے بیان پر اکتفا کرتی ہیں۔

فیصلے کے مطابق ریپ متاثرہ شخص جسمانی اذیت کے ساتھ ساتھ جذباتی اور نفسیاتی دباؤ کا شکار ہوتا ہے، موجودہ کیس میں متاثرہ بچی نے عدالت کے سامنے زیادتی کرنے والے کی شناخت کی، خواتین کے آپسی جھگڑے پر مقدمہ کرنے کے ملزم کا دفاع ناقابل قبول ہے۔

واضح رہے کہ اپنے خطاب میں بھارتی فلموں کی وجہ سے دہلی ریپ کیپیٹل بنا‘‏میں اپنی نسل کوبچانا چاہتا ہوں:آئیں میری مدد کریںوزیراعظم عمران خان نے ریپ کیسز بڑھنے کی ایک بڑی وجہ موبائل فون کو قرار دیتے ہوئے کہا ہے کہ پاکستان ‏میں جنسی جرائم بڑھنا بڑی شرمناک چیز ہے ہمیں معاشرے کیلئے فکری انقلاب کی ضرورت ہے۔

اسلام آباد میں تقریب سے خطاب کرتے ہوئے وزیراعظم نے کہا کہ نوجوانوں پر سوشل میڈیا کی یلغار ہے آج ‏موبائل کےذریعے بچے کے پاس ایسا مواد ہے جو بہت کچھ سیکھاتاہے ہمیں معلوم ہی نہیں کہ سوشل میڈیا کا ‏نیٹ ورک کتنی تیزی سے بڑھ رہا ہے۔

‏’بھارتی فلموں کی وجہ سے دہلی ریپ کیپیٹل بنا‘‏میں اپنی نسل کوبچانا چاہتا ہوں:آئیں میری مدد کریں:وزیراعظم

انہوں نے کہا کہ نوجوان نسل کےبہتر مستقبل کیلئے اسکالرز پر بڑی ذمہ داری ہے اسکالرز اچھے اور برے کی تمیز ‏سکھاتے ہیں، تاریخ پڑھیں تو عالم کا بہت بڑا رتبہ تھا اسکالرز قوم کا قبلہ درست کرتے ہیں-

وزیراعظم نے کہا کہ مغربی سولائزیشن کو ‏بہت قریب سے دیکھا ہے اسکالرز ایک قوم کے نظریے کاتحفظ کرتے ہیں دانشوروں کی اہمیت کم ہونےسے تہذیب ‏زوال پذیر ہوتی ہے اسکالرز راستہ بھول جائیں تو معاشرے کو نقصان ہوتاہے آج کے پاکستان میں اسکالرز کی بہت ‏ضرورت ہے افسوس ہوتاہے کہ ہمارے لوگوں کو اسلام کی تاریخ کا بھی ٹھیک سے پتہ نہیں ہوتا۔

سوشل میڈیا کی وجہ سے نوجوانوں اور بچوں پر یلغار ہے، آج ایک بچے کے پاس موبائل فون میں ایسا مواد ہے منی اور مثبت دونوں ہے، اس لیے نوجوان نسل کو تعلیم دینے کیلئے سب پر بڑی ذمہ داری ہے۔

ایک سائٹ کو منفی مواد پر بند کرتے ہیں تو اگلے دن دوسری سائٹ نکل آتی ہے۔ ہم اس کو روک نہیں سکتے لیکن ہم تربیت دے سکتے ہیں کہ انہوں نے اس کو کس طرح ڈیل کرنا ہے۔پاکستان میں بچوں کے جنسی جرائم میں اضافہ ہورہا ہے، جنسی جرائم بڑھنا شرمناک ہے۔

وزیراعظم نے کہا کہ آپ جب برے کو برا نہیں کہتے بلکہ اس کو قبول کرلیتے ہیں تو قوم مر جاتی ہے، اگر میں اپوزیشن لیڈر سے ہاتھ ملاتا ہوں تو اعتراف کرنے کے مترادف ہے کرپشن کوئی بری چیز نہیں۔

بلوچستان کے نو منتخب اسپیکر جان محمد جمالی کو طبیعت زیادہ خراب ہونے پر اسپتال میں داخل کردیا گیا ہے۔

باغی ٹی وی : اسپیکربلوچستان اسمبلی جان محمد جمالی کو نمونیا کی شکایت کے باعث نجی اسپتال میں بغرض علاج داخل کیا گیا ہے جہاں ڈاکٹروں کی ٹیم انہیں طبی امداد فراہم کر رہی ہے۔

اس ضمن میں بلوچستان اسمبلی کے نو منتخب اسپیکر جان محمد جمالی کے اہل خانہ کا کہنا ہے کہ ڈاکٹروں کی جانب سے طبی امداد فراہم کی جارہی ہے اور ان کی حالت خطرے سے باہر ہے۔

واضح رہے کہ دو دن قبل جان جمالی بلا مقابلہ بلوچستان اسمبلی کے اسپیکر منتخب ہوئے تھے لیکن علالت کے باعث ابھی تک وہ اپنے منصب کا حلف نہیں اٹھا سکے ہیں گورنر بلوچستان ظہور آغا نے اسپیکر کے انتخاب کے لیے اجلاس طلب کیا تھا جس میں اسپیکر کے لیے کاغذات نامزدگی جمع کروانے کا وقت صبح 8:30 سے 12 بجے تک رکھا گیا تھا جان محمد جمالی بلوچستان اسمبلی کے 16ویں اسپیکر ہیں-

تاہم مقررہ وقت میں بلوچستان عوامی پارٹی کے میر جان محمد جمالی کے 5 کاغذات نامزدگی جمع کرائے گئے جبکہ کسی دوسرے امیدوار نے ان کے مقابلے میں کاغذات نامزدگی جمع نہیں کرائے۔

سیکریٹری بلوچستان اسمبلی طاہر شاہ کا کہنا تھا کہ اسمبلی قوائد کے مطابق جان محمد جمالی بلا مقابلہ اسپیکر اسمبلی منتخب ہوگئے، اسپیکر کے انتخاب کے لیے اسمبلی کے اجلاس میں اب رائے شماری نہیں ہوگی اور قائم مقام اسپیکر نومنتخب اسپیکر کے نام کا اعلان کریں گے۔

میر جان محمد جمالی بلوچستان کے سیاسی گھرانے سے تعلق رکھتے ہیں اور ضلع جعفرآباد کے علاقے اوستہ محمد میں 23 مئی 1955 کو پیدا ہوئے آپ کے والد نور محمد جمالی قبائلی رہنما ہونے کے ساتھ سیاست دان بھی تھے۔

میر جان محمد جمالی نے ابتدائی تعلیم آبائی علاقے سے حاصل کرنے کے بعد بلوچستان یونورسٹی سے بیچلر کی ڈگری حاصل کی اور اپنی سیاسی زندگی کا آغاز 1983 میں بلدیاتی انتخابات سے کیا، 1988 میں اسلامی جمہوری اتحاد کے ٹکٹ پر رکن اسمبلی بنے بعدازاں وہ 1990 میں آزاد امیدوار کی حیثیت سے کامیاب ہو کر بلوچستان اسمبلی کے رکن بنے اور 1993 میں صوبائی وزیر رہے۔

میر جان محمد جمالی 1997 کے انتخابات میں مسلم لیگ (ن) کے ٹکٹ پر کامیاب ہو کر دوبارہ رکن اسمبلی بنے اور 15 جون 1998 سے لے کر 12 اکتوبر 1999تک بلوچستان کے وزیر اعلیٰ رہےمسلم لیگ (ن) کے ہی ٹکٹ پر 2013 کے انتخابات میں دوبارہ حصہ لیا اور کامیاب ہوئے جبکہ 4 جون 2013 سے 2015 تک اسپیکر بلوچستان اسمبلی رہے اور 2مرتبہ ڈپٹی چیرمین سینٹ بھی رہے2018 میں بلوچستان عوامی پارٹی کا حصہ بنے اور اب ایک مرتبہ پھر اسپیکر بلوچستان اسمبلی منتخب ہوئے ہیں۔

کوئٹہ: بی اے پی کے وفد کی عبدالقدوس بزنجو کی قیادت میں رکن اسمبلی سید احسان شاہ کی رہائش گاہ آمد

باغی ٹی وی : تفصیلات کے مطابق سید احسان شاہ نے یقین دہانی کرائی کہ عبدالقدوس بزنجو کے ساتھ ہیں امید کرتے ہیں ایک نئی حکومت ایک مثالی حکومت ہوگی کوئٹہ۔صوبے کے عوام کے مسائل کو حل کرنا نئی حکومت کی ترجیحات ہونی چاہیے۔

علاوہ ازیں عوامی نیشنل پارٹی بھی بلوچستان حکومت کا ایک بار پھر حصہ بن گئی ہے بلوچستان عوامی پارٹی کے قدوس بزنجو ‘ظہور بلیدی اور دیگر سے ملاقات کے بعد اے این پی بلوچستاننے بی اے پی کی حمایت کا اعلان کر دیا ہے-

قبل ازیں گزشتہ روز کوئٹہ میں چیئرمین سینیٹ صادق سنجرانی،وفاقی وزیر پرویز خٹک، سردار یار محمد رند و دیگر نے پریس کانفرنس کرتے ہوئے بلوچستان کی ترقی وخوشحالی کے لیے پی ٹی آئی کی اتحادیوں کے ساتھ ہمدردیوں کوپھر دہرایا-

بلوچستان کی ترقی،خوشحالی کے لیے ہم حاضر:سنجرانی ، خٹک اور یار محمد رند بول اٹھے

اس موقع پر گفتگو کرتے ہوئے یار محمد رند نے کہا کہ پی ٹی آئی ارکان کو ایسا لگا کہ انکو نظرانداز کیا جارہا ہے، پی ٹی آئی اراکین نے مجھے وزیراعلی اور بابر موسی خیل کو اسپیکر کیلئے نامزد کیا،باپ پارٹی حکام آپس میں بیٹھ کر فیصلے کرتے ہیں،اتحاد کو چلانے کیلئے قربانیاں دی جاتی ہیں،استعفی دینے کے بعد بھی صوبائی حکومت کو غیر مستحکم نہیں کیا امید ہے کہ باپ ہمارے ساتھ سابق رویہ اختیار نہیں رکھے گی،پارٹی کا فیصلہ ہے ماننا پڑے گا ہم نے مل کر بلوچستان کو چلانا ہے، ہم نے بلوچستان کو ترقی دینی ہے-

وفاقی وزیر پرویز خٹک نے کہا کہ پی ٹی آئی نے پہلے بھی باپ پارٹی کو سپورٹ کیا،اب بھی کرے گی ، بلوچستان کی ترقی کے لیے کوئی ایک قدم آگے بڑھے گا تو پی ٹی آئی دس قدم آگے آئے گی صوبے میں بننے والی نئی حکومت پی ٹی آئی کا خیال رکھے گی،پی ٹی آئی اراکین کو نظرانداز کرنا برداشت نہیں،سابق حکومت نے پی ٹی آئی کو وہ حیثیت نہیں دی تو جو انکا حق تھا،سردار رند نے ہمیں عزت دی-

باپ پارٹی کے سنیئر رہنما ظہور بلیدی نے کہا کہ سردار رند نے ہمیشہ ہمارا ساتھ دیا،بڑے ہونے کی حیثیت سے ہم نے ہمیشہ ان سے قربانی لی،باپ پارٹی نے سردار رند کو مختلف جگہوں پر نظرانداز کیا،

سابق وزیراعلیٰ بلوچستان جام کمال کووزارت اعلیٰ سے محروم کرنے والے مرکزی کردار عبدالقدوس بزنجو نے کہا کہ سردار رند ہمارے بڑے اور قبائلی حیثیت رکھتے ہیں،مل کر بلوچستان میں اچھی حکومت بنائیں گے،سردار رند باہر تھے جس کی وجہ سے ہم نہیں مل سکے