Category: بلوچستان

بلوچستان کے 32 اضلاع میں بلدیاتی انتخابات کل ہوں گے پولنگ کیلئے سکیورٹی سمیت تمام تیاریاں مکمل کر لی گئی ہیں جہاں اتوار کی صبح 8 بجے پولنگ شروع ہوگی-

باغی ٹی وی : الیکشن کمیشن کے ترجمان کےمطابق پہلےمرحلے میں 32 اضلاع میں بہت سے پولنگ اسٹیشنز دور دراز اور حساس علاقوں میں ہیں جہاں پولنگ مٹیریل اور پولنگ اسٹاف کو پولنگ اسٹیشنز پر پہنچانے کا عمل صبح سے شروع کر دیا گیا ہے تمام پولنگ مٹیریل، بیلٹ پیپرز، پولنگ بیگز اور پولنگ اسٹاف کو آج اپنے اپنے پولنگ اسٹیشنز پر مکمل سکیورٹی کے ساتھ پہنچایا جائے گا۔

32 اضلاع میں 5226 پولنگ اسٹیشن بنائے گئے ہیں اور ان اضلاع میں 16195 امیدواران ہیں جن میں 132 خواتین بھی شام ہیں بلدیاتی الیکشن میں سب سے زیادہ خواتین امیدوار ضلع سبّی میں مدمقابل ہیں بلوچستان کے بلدیاتی انتخابات میں 35 لاکھ 52 ہزار 398 ووٹرز حق رائے دہی استعمال کریں گے تمام پریذائیڈنگ افسران آج شام کو پہنچ کر پولنگ اسٹیشن اور پولنگ بوتھ قائم کریں گے۔

الیکشن کمیشن کے مطابق کوئٹہ اور لسبیلہ کے علاوہ بلوچستان کے 32 اضلاع میں بلدیاتی انتخابات کے سلسلے میں 2034 پولنگ اسٹیشنز کو حساس قرار دیا گیا ہے 7 میونسپل کارپوریشنز، 838 یونین کونسلز، 5345 دیہی اور 914 شہری وارڈز کیلئے امیدوار مدمقابل ہیں۔

بلوچستان کے بلدیاتی دنگل میں 1584 وارڈز پر بلامقابلہ کامیابیاں ہوچکی ہیں جبکہ کل 4456 میں مقابلہ ہوگا۔

صوبائی بلدیاتی انتخابات میں مجموعی طور پر 23835 امیدوار مدمقابل ہیں۔ ذرائع الیکشن کمیشن کے مطابق بلدیاتی انتخابات کے لیے صوبے بھر میں الیکشن مہم جمعہ کی رات 12 بجے سے ختم ہوچکی ہے۔

بلدیاتی الیکشن کیلئے بلوچستان بھر میں 5226 پولنگ اسٹیشنز قائم کئے گئے ہیں، سکیورٹی خدشات کی بناء پر بلوچستان کے 2034 پولنگ اسٹیشنز حساس، 1974 کم حساس جبکہ 1218 پولنگ اسٹیشنز کو نارمل قرار دیا گیا ہے۔

الیکشن کمیشن حکام کے مطابق 12219 پولنگ بوتھ میں 6350 مردوں جبکہ 5880 خواتین کے ہیں۔ بلدیاتی انتخابات میں تمام پولنگ اسٹیشنز پر ایف سی، لیویز اور پولیس تعینات کی جارہی ہے حساس ترین پولنگ اسٹیشنز پر دگنی سکیورٹی لگائی جارہی ہے۔ رجسٹرڈ مرد ووٹرز 2006274 جبکہ خواتین کے رجسٹرڈ ووٹ 1546124 ہیں 5624 پولنگ اسٹیشنز میں 13533پولنگ بوتھ قائم کیے گئے ہیں۔

ذرائع الیکشن کمیشن کے مطابق موسیٰ خیل، پیشن اور دیگر اضلاع میں 102 وارڈز میں بھی عدالتی احکامات کی بناء پر پولنگ نہیں ہورہی۔

بلوچستان کے ضلع شیرانی کےجنگلات میں کئی دنوں سے لگی آگ پرقابو پالیا گیا ہے ،امدادی سرگرمیوں کا مقامی سطح پر کام جاری رہے گا-

باغی ٹی وی : ترجمان بلوچستان حکومت کے مطابق تمام متعلقہ محکموں کی کوششوں کی بدولت آگ بھجا دی گئی ہے۔ایران کا فائرفائٹنگ ہیلی کاپٹر آگ بجھانے میں مدد گارثابت ہوا ہے ایرانی فائرایئرکرافٹ کے شامل ہونے سے آگ بجھانے کےآپریشن میں تیزی آئی ایرانی فائر ایئر کرافٹ 40 میٹرک ٹن پانی ایک باربرسا سکتا ہے ایرانی فائرایئرکرافٹ 14 ہیلی کاپٹرز کے برابر ہے۔

ترجمان بلوچستان فرح عظیم کے مطابق ایف سی کے ایک ونگ اور آرمی کے دو ہیلی کاپٹروں کے علاوہ پی ڈی ایم اے، محکمہ جنگلات اور ضلعی انتظامیہ کے اہلکاروں نے آگ بجھانے کی کارروائیوں میں حصہ لیا مقامی لوگوں کی جانب سے آگ کو بجھانے کی کوشش کے دوران تین افراد ہلاک اور تین زخمی بھی ہوئے-

قبل ازیں آئی ایس پی آر کا کہنا تھا کہ آگ آبادی سے دور دس ہزار فٹ بلندی پر پہاڑوں میں لگی تھی اور خشک موسم کے باعث پھیل رہی تھی۔ آگ سے قریبی گاﺅں کی آبادی دس کلومیٹر کے فاصلے پر تھا جس کے دس خاندانوں کو میڈیکل ریلیف کیمپ منتقل کیا گیا ہے۔

پاکستانی جنگلات میں لگی آگ پر قابو پانے کیلئے ایران کا اسپیشل فائرفائٹنگ ٹینکر…

واضح رہے کہ آگ چند روز پہلے خیبر پختونخوا کے علاقے تورغر میں لگی تھی جہاں سے یہ آگ شیرانی تک پہنچی اور پھر شیرانی کے مختلف علاقوں تک پھیلنے کے بعد پھر یہ شرغلی تک پہنچ گئی اس علاقےمیں چلغوزے اور زیتون کےجنگلات ہیں اس علاقے میں چلغوزے کے جنگلات کا شمار دنیا کے بڑے جنگلات میں ہوتا ہے۔ یہ جنگل مجموعی طور 26 ہزار ایکڑ پر محیط ہے۔

فاریسٹ آفیسرز کے مطابق آگ سے جنگل کا 35 فیصد حصہ جل چکا ہے۔

فلپائن: سمندرمیں مسافر بردار جہاز میں آتشزدگی،7 افراد ہلاک، 10 لاپتہ

بلوچستان کے زیادہ تر علاقوں کی طرح ڈیرہ بگٹی بھی شدید خشک سالی کا شکار ہے۔ بد امنی اور بے روزگاری سے ستائے ہوئے اس ضلع کے عوام ان دنوں ہیضہ وبا کے چنگل میں ہیں ڈیرہ بگٹی کے مکینوں پراس مشکل کی گھڑی میں پاک فوج امدادی کاروائیوں میں مصروف ہے-

باغی ٹی وی :آئی ایس پی آر کے مطابق 54 دیہاتوں / کلیوں / کالونیوں کی آبادی کو پینے کا صاف پانی فراہم کرنے کے لیے 63 واٹر باؤزر لگائے گئے ہیں۔

آئی ایس پی آر کے مطابق فعال تالابوں سے پانی کی پمپنگ کلورینیشن کےبعد شروع ہو گئی ہےجس سے امدادی سرگرمیوں میں مزید سہولت ہو گی جبکہ 3500  سے زائد مریضوں کو طبی امداد فراہم کی جا چکی ہے۔

آئی ایس پی آر کا کہنا ہے کہ ڈبلیو ایچ او کے حکام نے متاثرہ علاقوں کا دورہ بھی کیا اور امدادی سرگرمیوں کا بھی مشاہدہ کیا۔

دوسری جانب وزیراعظم شہباز شریف نے بلوچستان میں امدادی کارروائیوں کے لئے وفاقی وزیر ہاؤسنگ مولانا عبد الواسع کو اپنا نمائندہ خصوصی مقرر کر دیا ہے اس ضمن میں جاری نوٹیفیکیشن کے مطابق وزیراعظم نے بلوچستان کے اضلاع شیرانی، موسی خیل اور صوبہ خیبرپختونخوا کے ضلع ڈی آئی خان کے جنگلات میں آگ بجھانے کی کارروائیوں میں اشتراک عمل بہتر بنانے کے لئے یہ اقدام اٹھایا ہے-

خیال رہے کہ اس سے قبل کمانڈر 12 کور لیفٹیننٹ جنرل سرفراز علی نے وبا سے متاثرہ علاقے کا دورہ کیا تھا اور کور کمانڈر نے آئی جی ایف سی بلوچستان (نارتھ) میجر جنرل محمد یوسف مجوکہ کے ہمراہ علاقے میں جاری امدادی کارروائیوں کا جائزہ لیا جنرل سرفراز علی نے بیماری سے جاں بحق ہونے والوں کے اہل خانہ سے اظہار تعزیت اور فاتحہ خوانی کی تھی-

کور کمانڈر نے سول اور ایف سی انتظامیہ کو ہدایت دی تھی کہ عوامی مسائل حل کرنے کیلئے تمام وسائل بروئے کار لائے جائیں اور علاج و معالجے کی سہولیات کو زیادہ سے زیادہ بہتر کیا جائے۔

بنی گالہ کے اطراف پولیس کا سرچ آپریشن،پی ٹی آئی رہنما عالمگیر کے گھر چھاپہ

واضح رہے کہ ڈیرہ بگٹی کے علاقے پیرکوہ میں پھوٹنے والی ہیضے / گیسٹرو اور اسہال کی وباء جس سے اس علاقے کے رہنے والے شدید متاثر ہو رہے ہیں پیرکوہ میں 13 اپریل سے 19 مئی تک ہیضے اور اسہال و گیسٹرو کے 3335 کیسز رپورٹ ہوچکے ہیں ، جن میں سے 276 صرف اسی روز یعنی 19 مئی کو رپورٹ ہوئے اور ان میں سے اس وباء کے 451 ریکارڈ کیسز 13 مئی کو رپورٹ ہوئے تھے۔ہیضے کی وباء سے متاثرہ مریضوں میں زیادہ تر تعداد خواتین اور بچوں کی ہے۔

پیرکوہ میں ہیضے کی وباء کے پھوٹنے کا صرف ایک ہی سبب ، پینے کے صاف پانی کی عدم دستیابی اور اس کے نتیجے میں آلودہ پانی کا استعمال ہےعلاقے میں پینے کا صاف پانی ناپید ہوا اور لوگ تالابوں کا آلودہ پانی پینے کی وجہ سے سینکڑوں لوگ ہیضے اور گیسٹرو کی وباء سے متاثر ہوگئے۔

سرکاری اعدادو شمار کے مطابقتقریباً ایک ماہ کے دوران 19 مئی تک ہیضے کے 3335 کیسز رپورٹ ہوئے اور اس سے 8 اموات ہوئیں، مگر آزاد مقامی ذرائع کے مطابق اس وباء سے متاثرہ افراد کی تعداد کئی گنا زیادہ ہے۔

سرکاری عدادو شمار کے مطابق 2017 کی مردم شماری کے مطابق پیرکوہ کی 40 ہزار 629 کی آبادی میں سے تقریباً 8 فیصد آبادی ہیضے کی وباء سے متاثر ہوچکی ہے تاہم علاقے میں جاری صورتحال کے پیش نظرابھی یہ سلسلہ رکا نہیں ہے آئندہ دنوں میں ہیضے کی وباء سے متاثرہ ہونے والوں کی تعداد میں مزید اضافہ ہوگا۔

کوئٹہ: وزیراعلیٰ بلوچستان عبدالقدوس بزنجو نے تحریک عدم اعتماد پر دستخط کرنے والے اراکین کو ان کے عہدوں سے فارغ کرنے کی ہدایت جاری کردی۔

باغی ٹی وی : اس حوالےسے جاری کئے گئے سرکاری اعلامیے کےمطابق وزیراعلی بلوچستان نے تحریک عدم اعتماد پر دستخط کرنے والے صوبائی وزرا، مشیر اور پارلیمانی سیکرٹریوں کے خلاف ایکشن لیتے ہوئے ان کو عہدوں سے فارغ کرنے کی ہدایت جاری کی ہیں۔

انٹر بینک میں ڈالر200 روپے کا ہو گیا، وزیر اعظم نے مشاوت کیلئے ذمہ داروں کو طلب کر لیا

اعلامیے کے مطابق عہدے سے ہٹائے جانے والوں میں بی اے پی کے وزیر نواب زادہ طارق مگسی، پی ٹی آٓئی کے وزیر مبین خان خلجی اور مشیر نعمت اللہ زہری شامل ہیں۔

اے این پی سے تعلق رکھنے والے پارلیمانی سیکرٹریز شاہینہ کا کڑ، ملک نعیم بازئی اور بلوچستان عوامی پارٹی کے پارلیمانی سیکرٹری مٹھا خان کو بھی عہدے سے فارغ کیا گیا ہے۔

دوسری جانب صوبائی وزیر سروسز اینڈ جنرل ایڈمنسٹریشن نوابزادہ طارق مگسی نے وزارت سے استعفیٰ دے دیا ذرائع کے مطابق قائم مقام گورنر بلوچستان کو بھجوائےگئے استعفے کے متن میں صوبائی وزیر نظم ونسق طارق مگسی کاکہنا تھا کہ میں موجودہ وزیر اعلیٰ بلوچستان کے خلاف تحریک عدم اعتماد پر دستخط کر چکا ہوں اس لیے اخلاقی طور پر میرا بطور صوبائی وزیر کام کرنا مناسب نہیں ہے۔

واضح رہے کہ گزشتہ روز بلوچستان کے وزیراعلیٰ عبدالقدوس بزنجو کے خلاف تحریک عدم اعتماد جمع کرئی گئی تھی وزیراعلیٰ بلوچستان کےخلاف تحریک عدم اعتماد اسمبلی سیکرٹریٹ میں جمع کرائی گئی تھی جس پر 14 ارکان اسمبلی کے دستخط تھے-

تحریک عدم اعتمادپر بلوچستان عوامی پارٹی کے جام کمال، ظہوربلیدی، عارف محمد حسنی، سلیم کھوسہ، نوابزادہ طارق مگسی، مٹھاخان کاکڑ اور سرفرازڈومکی کے دستخط تھے علاوہ ازیں عوامی نیشنل پارٹی کے اصغراچکزئی، نعیم بازئی اورشاہینہ کاکڑ جبکہ پی ٹی آئی کے سرداریارمحمد رند، بی بی فریدہ، نعمت زہری اورمبین خلجی کے دستخط تھے-

ایوان صدر میں جو شخص بیٹھا ہےملک کا دشمن ہے،حمزہ شہباز

یاد رہے کہ کچھ ہی عرصہ قبل سابق وزیراعلیٰ بلوچستان جام کمال خان کے خلاف تحریک عدم پیش کی گئی تھی۔ اس وقت کے وزیراعلیٰ جام کمال خان نے اس کے بعد استعفیٰ دے دیا تھا اور ایوان نے عبدالقدوس بزنجو کو نیا وزیر اعلیٰ منتخب کرلیا تھا۔

بلوچستان میں بلدیاتی انتخابات میں کاغذات نامزدگی جمع کرانے کے بعد امیدواروں کی جانچ پڑتال جاری ہے۔

باغی ٹی وی : صوبائی الیکشن کمیشن کے مطابق بلدیاتی انتخابات کے لیے 25ہزار 741امیدواروں نے کاغذات نامزدگی جمع کرائے ہیں،جبکہ ان کی جانچ پڑتال کا سلسلہ جاری ہے جو کہ 25اپریل تک جاری رہے گا۔

نواز شریف ،مریم نواز،حمزہ شہبازسمیت متعدد افراد کے نام ای سی ایل سے خارج

صوبائی الیکشن کمیشن کے مطابق 26 سے 28 اپریل تک ریٹرننگ افسران کے فیصلوں کیخلاف اعتراضات دائرکئے جائیں گے 29 اپریل سے 6 مئی تک اپیلوں پر فیصلے کیے جائیں گے 7 مئی کو امیدواروں کی نظرثانی شدہ فرستیں آویزاں کی جائیں گی-

#ECP #ElectionCommissionofPakistan pic.twitter.com/Oe6CGUi19W

— Election Commission of Pakistan (OFFICIAL)🇵🇰 (@ECP_Pakistan) April 24, 2022

9 مئی تک امیدوار دستبردار ہو سکیں گے 10مئی کو انتخابی نشان الاٹ کیے جائیں گے الیکشن کمیشن کے مطابق 29مئی کو کوئٹہ،لسبیلہ کے سوا بلوچستان کے تمام 32اضلاع میں پولنگ ہو گی۔

پنجاب میں کمیشن کھانے والوں کا نام ای سی ایل میں ڈالا جائے گا،مریم اورنگزیب

کوئٹہ: بلوچستان میں ینگ ڈاکٹرز ایسوسی ایشن نے4 ماہ سے جاری ہڑتال رمضان کے احترام میں ختم کرکے صوبے میں سروسز بحال کرنے کا اعلان کردیا ہے-

باغی ٹی وی : تفصیلات کے مطابق اس ضمن میں ینگ ڈاکٹرز ایسوسی ایشن کے رہنما ڈاکٹر بہار شاہ نے وزیر صحت سید احسان شاہ کے ہمراہ گزشتہ روز پریس کانفرنس میں کہا کہ رمضان کے احترام میں تمام سروسز بحال کر رہے ہیں، ابھی تک مطالبات پر عملدرآمد کا نوٹیفیکشن نہیں ہوا، ہمارے خلاف درج کی گئیں ایف آئی آر واپس لی جائیں گی۔

‏تمام سابق وزراء اور مشیر اپنے زیر استعمال سرکاری گاڑیاں واپس کریں:اوپرسے حکم آگیا

صوبائی وزیر صحت سید احسان شاہ نے ینگ ڈاکٹرز ایسوسی ایشن کو مطالبات پر عمل درآمد کی یقین دہانی کراتے ہوئے کہا کہ ڈاکٹرز اور صوبائی حکومت کے درمیان تمام معاملات میرے وزرات میں آنے سے قبل سے چل رہے تھے، میرے علم میں لائے بغیر ڈاکٹرز کے خلاف اقدامات کیے گئے ہیں ینگ ڈاکٹرز نے الاؤنس اور تنخواہوں میں اضافے کے مطالبات واپس لے لیے ہیں اور اسپتالوں میں سہولیات اور خالی آسامیوں پر بھرتی کی بات کی تاہم ڈاکٹرز سے وعدہ کیا کہ جو بات ہوئی اس پر عمل کی ذمہ داری میری ہے۔

دوسری جانب وزیراعلیٰ بلوچستان میر عبدالقدوس بزنجو نے ڈاکٹروں کے ہڑتال ختم کرنے اور اسپتالوں میں تمام سروسز کی بحالی کے اعلان کا خیر مقدم کرتے ہوئے کہا ہے کہ ڈاکٹروں کی جانب سے حکومتی اقدامات اور خیر سگالی کا مثبت ردعمل قابل ستائش ہے ڈاکٹروں کی ہڑتال گزشتہ دور حکومت سے جاری تھی، سابق حکومت نے ڈاکٹروں کے مطالبات کو سنجیدگی سے نہیں لیا جس سے معاملے نے طول پکڑا۔

وزیراعلیٰ بلوچستان نے کہا کہ اسپتالوں کی بہتری اور سہولیات کی فراہمی ہماری حکومت کی بھی اولین ترجیح ہے ہماری سیاسی حکومت مسائل کے بات چیت کے ذریعہ حل پر یقین رکھتی ہے ۔

ہرصوبے اورہراکائی کی حکومتوں کوعدم اعتماد سے گرادیں گے:بلاول بھٹو