Category: پنجاب

نوابشاہ میں زمین کے تنازع پر فریقین میں فائرنگ کے نتیجے میں 6 افراد جاں بحق اور 8 زخمی ہو گئے۔ایس ایچ او پبجو خالد نے بتایا کہ لاشوں اور زخمیوں کو پیپلز میڈیکل اسپتال منتقل کر دیا گیا ہے، ایس ایچ او کے مطابق فائرنگ کا واقعہ زمین کے تنازع پر پیش آیا۔جاں بحق افراد کا تعلق ایک فریق سے بتایا جا رہا ہے ، واقعے کے بعد علاقے میں خوف و ہراس پھیل گیا ہے۔دوسری جانب وزیراعلیٰ سندھ مراد علی شاہ نے واقعے کا نوٹس لیتے ہوئے علاقے میں امن قائم کرنے کے لیے فوری اقدامات کرنے کی ہدایت دی ہے، آئی جی سندھ کے مطابق کشیدہ صورتحال کے باعث ضلع میں پولیس الرٹ ہے۔

وزیر اطلاعات پنجاب عظمیٰ بخاری نے علی امین گنڈاپور کے دھمکی آمیز بیان پر ردعمل دیتے ہوئے کہا ہے کہ گنڈاپور صاحب آپکی بھی الٹی گنتی شروع ہوچکی ہے۔ انکا کہنا تھا کہ 9 مئی کے مقدمات میں اشتہاری شخص ہمیں دھمکیاں دے رہا ہے، تین دن قبل یہی علی مین گنڈاپور وزیراعظم کے سامنے منتیں کر رہے تھے۔ آج وہی وفاق اور پنجاب کو دھمکیاں دے رہے ہیں۔عظمیٰ بخاری کا کہنا تھا کہ وفاق اور پنجاب کو دھمکیاں دینے کی بجائے اپنے صوبے کے عوام کا سوچیں۔انہوں نے کہا کہ آپ چوری شدہ مینڈیٹ پر شارٹ ٹرم وزیراعلیٰ ہیں، آپ کا لیڈر آج چار مقدمات میں مجرم ثابت ہو چکا ہے۔ گنڈاپور صاحب آپکی بھی الٹی گنتی شروع ہوچکی ہے۔

وزیراعلیٰ پنجاب مریم نواز شریف سے راولپنڈی ڈویژن کے ارکان پنجاب اسمبلی کی ملاقات کی ہے ارکان اسمبلی کی رمضان نگہبان پیکج کی کامیابی پر وزیراعلیٰ مریم نوازشریف کو مبارکباد دی ارکان اسمبلی نے ستھرا پنجاب اوردیگرپراجیکٹس پر وزیراعلیٰ مریم نوازشریف کا شکریہ ادا کیا ارکان اسمبلی نے کہا کہ وزیراعلیٰ مریم نوازشریف ہماری توقعات سے بڑھ کر تیزرفتاری سے بڑھ کر کام کررہی ہیں۔ اور کہا وزیراعلیٰ مریم نوازشریف جس تیزرفتاری سے کام کررہی ہیں لگتا ہے سپیڈ کے ریکارڈ ٹوٹ جائیں گے۔ارکا ن اسمبلی نے مزید کہا کہ لوگوں کو آپ سے بہت امیدیں ہیں، آپ ہماری توقعات سے زیادہ کام کر رہی ہیں۔ وزیراعلیٰ مریم نوازشریف نے ارکان اسمبلی کی تجاویز اورسفارشات کو خود نوٹ کیا اورعملدر آمد کے احکامات جاری کر دئے، وزیراعلیٰ مریم نوازشریف کا صوبے بھر میں ڈسٹرکٹ کونسل ڈسپنسریوں کی بحالی کا جائزہ لینے کی ہدایت جاری کئے، اسکے علاوہ وزیر اعلیٰ پنجاب کی ہولی فیملی ہسپتال کا ڈویلپمنٹ ورک تیزی سے مکمل کرنے کی ہدایت جاری کی ، وزیر اعلیٰ پنجاب کی مری اور روات کے زیر تعمیر ہسپتالوں کو فوری مکمل کرنے کی ہدایت، جبکہ کوٹلی ستیاں کو سیاحتی مقام بنانے کے لئے تجاویز کا جائزہ لیا جائے گا۔ کلرکہار،چکوال اوردیگر علاقوں میں سیاحت کے فر وغ کیلئے جامع پراجیکٹ لائیں گے۔مریم نوازشریف نے کہا کہ ٹیکسلا میں گراؤنڈ بنانے کیلئے ضروری اقدامات کیے جائیں۔اور راولپنڈی ڈویژن میں پینے کے پانی کی فراہمی کیلئے چھوٹے ڈیم کا پراجیکٹ شروع کیا جائے گا۔

وزیراعلیٰ پنجاب مریم نواز شریف سے راولپنڈی ڈویژن کے ارکان پنجاب اسمبلی کی ملاقات
ارکان اسمبلی کی رمضان نگہبان پیکج کی کامیابی پر وزیراعلیٰ مریم نوازشریف کو مبارکباد
ارکان اسمبلی نے ستھرا پنجاب اوردیگرپراجیکٹس پر وزیراعلیٰ مریم نوازشریف کا شکریہ ادا کیا
وزیراعلیٰ مریم نوازشریف… pic.twitter.com/K50CO241nk

— PMLN (@pmln_org) March 20, 2024

اسکے علاوہ دیہات اوردوردراز علاقوں میں ہیلتھ کی سہولتیں فراہم کرنے کیلئے موبائل ہسپتال اورکلینک آن ویل پراجیکٹ جلد شروع ہوگا۔ مریم نوازشریف نے ہدایت کی کہ صوبہ بھر کے دیہی اوربنیادی مراکز صحت کو6ماہ کے اندر ری ویمپ کیا جائے گا۔ اور پنجاب بھر میں ٰ600روڈ کی تعمیر ومرمت،5ایکسپریس وے اور3موٹر ویز بنائیں گے۔ صوبہ بھر میں 100فیصد فری ادویات اورہم ڈلیوری جلد شروع کردی جائے گی۔مریم نواز نے کہا کہ مری میں سٹیٹ آف دی آرٹ ہسپتال بنا رہے ہیں۔اور
پنجاب کے تمام اضلاع سیف سٹی، آئندہ 3 ماہ میں 18 شہر میں سیف سٹی پراجیکٹس شروع ہو گا۔ انہوں نے کہا کہ 36اضلاع میں سالڈ ویسٹ کولیکشن کا جامع نظام لارہے ہیں۔ آج تک ویسٹ مینجمنٹ کا کوئی نظام ہی نہیں تھا، دیہات میں کبھی صفائی ہی نہیں ہوئی۔ تاہم چندماہ میں سروے کرکے پنجاب کی تمام آبادی کا ڈیٹا حاصل کی جائے گا، جس سے مستحق افراد کی نشاندہی آسان ہو گی۔ مریم نواز شریف نے کہا کہ پنجاب بھر میں 42لاکھ سے زیادہ رمضان نگہبان پیکیج تقسیم ہوچکے ہیں،30ارب کا پیکیج دیا۔ اراکین نے متعلقہ اضلاع میں سرکاری ہسپتالوں میں صحت کے مسائل اور سکولوں میں سائنس ٹیچرز کی کمی سے آگاہ کیا۔ اسکے علاوہ وزیر اعلی پنجاب نے کہا کہ آسان قسطوں پر ایک لاکھ گھر کم آمدن والے افراد کو دیں گے۔ پنجاب میں سکھ ٹورازم کا بہت سکوپ ہے، کام شروع کر دیا ہے۔مریم نواز شریف
پنجاب میں ٹورازم سائیٹس کو ڈویلپمنٹ کرنے کا لانگ ٹرم اور میڈیم ٹرم پلان ہے۔ اس دوران ایم پی اے چودھری شیر علی خان، ملک اعتبار خان، محمد بلال یامین، راجہ صغیر احمد، شوکت راجہ، چودھری نعیم اعجاز، عمران الیاس چوہدری، ملک محسن ایوب خان، ملک افتخار احمد، ملک منصور افسر، ضیاء اللہ شاہ، عبدالحنیف، سلطان حیدر علی خان، تنویر اسلم ملک، شہریار ملک ملاقات کی ، صوبائی وزیر اطلاعات عظمیٰ زاہد بخاری، ایم پی اے ثانیہ عاشق، معاون خصوصی ذیشان ملک نے بھی شرکت کی.

پنجاب حکومت کی جانب سے 30 لاکھ سے زائد گھرانوں کو نگہبان رمضان پیکیج فراہم کر دیا گیا۔ترجمان پنجاب حکومت کا کہنا ہے کہ 64 لاکھ گھرانوں کو نگہبان رمضان پیکیج کی ترسیل جلد مکمل کر لی جائے گی۔وزیرِ اعلیٰ مریم نواز کا کہنا ہے کہ عوام کو ان کا حق ان کی دہلیز پر پہنچانا ہمارا فرض ہے، کسی پر احسان نہیں۔مریم نواز کا کہنا ہے کہ نگہبان رمضان پیکیج میں شفافیت یقینی بنانے کے لیے ہر بیگ پر کیو آر کوڈ پرنٹ کیا گیا ہے، کمپیوٹرائزڈ شناختی کارڈ اور کیو آر کوڈ کے ذریعے شفافیت کو یقینی بنایا گیا ہے۔انہوں نے کہا کہ 64 لاکھ افراد کو ان کی دہلیز پر رمضان پیکیج کی ترسیل منفرد ریکارڈ ہے۔

رحیم یار خان میں کچے کے ڈاکوؤں کے ہاتھوں قتل ہونے والے مغوی احسن کی نماز جنازہ ادا کردی گئی ہے، نماز جنازہ میں امیر جماعت اسلامی سراج الحق، سیاسی سماجی اور شہریوں کی بڑی تعداد نے شرکت کی۔ اس موقع پر سراج الحق نے میڈیا سے گفتگو کرتے ہوئے کہا کہ کچے میں ڈاکو راج قائم ہے، مغویوں کو پورے پاکستان سے جھانسہ دیکر اغوا کیا جاتا ہے۔ انہوں نے کہا کہ صوبائی حکومتیں ڈاکوؤں کیخلاف ناکام ہو چکی ہیں، مغوی احسن کی بہنیں قرآن پاک لیکر ڈاکوؤں کے پاس گئیں، ڈاکوؤں نے احسن اور شہزاد کو قتل کر کے لاشیں دریا میں پھینک دیں۔سراج الحق نے مزید کہا کہ ڈاکو سوشل میڈیا پر سر عام دھمکیاں لگا رہے ہیں، ریاست کو انکے نام پتے سب معلوم ہیں اب کارروائی کا وقت ہے، وزیر اعظم، آرمی چیف اور آئی جی پنجاب اپنی ذمہ داری ادا کریں۔

کاشتکاروں کو کھاد اور زرعی ادویات کی بلاتعطل فراہمی اور زرعی اجناس کی پیداور میں اضافے کے لئے وزیراعلیٰ پنجاب مریم نواز کو کاشت کاروں کےلیے کسان کارڈ کے اجراء کی تجویز دے دی گئی۔لاہور میں مریم نواز کی زیر صدارت اجلاس میں گندم سے متعلق امور کا جائزہ لیا گیا اور تجویز پیش کی گئی کہ کاشت کاروں کےلیے کسان کارڈ کا اجراء کیا جائے۔دوران اجلاس بریفنگ میں بتایا گیا کہ گندم پر سبسڈی سے ماضی میں حکومت کو 630 ارب روپے کے گردشی قرض کا بوجھ اٹھانا پڑا۔
اجلاس میں سوشل پروٹیکشن اور ٹارگیٹڈ سبسڈی کی تجویز کا جائزہ لیا گیا جبکہ اجلاس میں کاشت کاروں کو کھاد، زرعی ادویات کی بلاتعطل فراہمی بھی زیر غور آئی۔ اس موقع پر مریم نواز نے کہا کہ حکومت پنجاب کاشتکاروں کے ساتھ ہے، انہیں تنہا نہیں چھوڑیں گے۔بریفنگ میں کہا گیا کہ گردشی قرضے پر سالانہ 80 ارب روپے مارک اپ ادا کرنا پڑا، حکومت پنجاب نے 8 ماہ میں 469 ارب روپے قرض ادا کردیا ہے۔انہوں نے مزید کہا کہ گندم کے کاشتکاروں کی معاونت کےلیے تمام اقدامات کیے جائیں، مسلم لیگ ن کا منشور کاشتکاروں کی فلاح وبہبود ہے۔وزیراعلی پنجاب نے یہ بھی کہا کہ عام آدمی کے مسائل کا بھی احساس ہے،

مسلم لیگ ن کے رہنما احسن اقبال نے کہا کہ معشیت کو نئے سرے سے کھڑا کرنا ہوگا، 7 ہزار ارب ٹیکس وصول ہوتا ہے قرضوں کی ادائیگی کے لیے 7 ہزار 3 سو ارب روپے چاہیے، پورے کا پورا ملک ادھار پہ چل رہا ہے۔قرض پہ قرض لینا دانشمندی نہیں، حکومت کی پوری توجہ ہے اگلے دو سالوں میں پیداواری صلاحیت، امدنی میں اضافہ کریں۔ نارووال میں میڈیا سے گفتگو کرتے ہوئے احسن اقبال نے کہا کہ پاکستان کی معشیت جو ورثہ میں ملی ہے کھوکھلی ہو چکی ہے ، بانی پی ٹی آئی نے چار سال میں معیشت کی اینٹ سے اینٹ بجا دی۔احسن اقبال کا کہنا تھا کہ جب ملک کی آمدنی میں اضافہ نہیں ہوتا جو بھی سہولت دے گے قرض اٹھا کر دے گے، دانشمندی نہیں کہ قرض پہ قرض لیے جائیں، اگلے دو سالوں میں پیداواری صلاحیت اور آمدنی میں اضافے کی کوشش کرینگے۔

وزیراعلی پنجاب مریم نواز شریف رمضان نگہبان ریلیف پیکیج کی تقسیم کی نگرانی کے لئے عوام کے پاس پہنچ گئیں۔ وزیراعلیٰ پنجاب نے مختلف علاقوں کے دورے کیے، عوام سے براہ راست ملاقات کی، مریم نواز نے گھرگھر جاکر شہریوں سے بات کی، انہوں نے رمضان پیکج کے معیار، ترسیل اور عملے کے رویے کے بارے میں پوچھا۔ بزرگوں، ماؤں کی مریم نواز شریف کو دعائیں دیں۔ وزیر اعلیٰ مریم نواز کو اپنے گھر میں دیکھ کر خواتین خوش گوار حیرت میں مبتلا ہو گئیں، گھریلو خواتین نے اپنے وزیراعلیٰ پنجاب کو اپنے مسائل سے آگاہ کیا۔

پنجاب لاوارث نہیں رہا الحمدللہ عوام کا دکھ درد رکھنے والی انکی مشکلات کو سمجھنے والی وزیراعلیٰ آچکی ہیں انشاءاللہ اب کوئی خواب ادھورا نہیں رہے گا pic.twitter.com/vRPffiPMA3

— PMLN (@pmln_org) March 8, 2024

مریم نواز شریف نے کہا کہ آپ کی خادمہ ہوں، اسی لئے خود معلوم کرنے نکلی ہوں کہ آپ کا حق آپ کو مل رہا ہے یا نہیں، آپ کی دعاؤں سے آپ کی خدمت کے مشن میں کامیاب ہوں گی، ان شاءاللہ۔