Category: پنجاب

الیکشن ٹریبونل کے جج جسٹس چودھری عبدالعزیز نے بانی پی ٹی آئی کے این اے 89 میانوالی سے کاغذات نامزدگی مسترد ہونے کیخلاف اپیل پر سماعت کی لاہور ہائی کورٹ راولپنڈی بنچ نے کاغذات نامزدگی مسترد کئے جانے کیخلاف بانی پی ٹی آئی کی اپیل پر فیصلہ محفوظ کر لیا جو 10 جنوری کو سنایا جائے گا۔
دوران سماعت بیرسٹر علی ظفر بانی پی ٹی آئی کی جانب سے عدالت میں پیش ہوئے۔بیرسٹر علی ظفر نے استدعا کی کہ ریٹرننگ آفیسر کا فیصلہ کالعدم قرار دیا جائے۔وکیل بانی پی ٹی آئی نے کہا کوئی شخص اہل ہے یا نااہل اس کیلئے شواہد چاہئیں، بانی پاکستان تحریک انصاف کے معاملے میں آر او کے فیصلے میں ایسا کچھ نہیں تھا، 2018 میں خواجہ محمد آصف کیس کا حوالہ دینا چاہتا ہوں۔ٹریبونل نے کہا کہ خواجہ محمد آصف کیس میں تنخواہ کا ذکر تھا، توشہ خانہ سے جو چیزیں لی گئیں، کیا ان کی تفصیلات دی گئیں؟ ہم یہاں پر توشہ خانہ کیس کے میرٹ پر بات نہیں کر رہے ہیں، جو پیسہ توشہ خانہ کی چیزیں بیچ کر حاصل کیا گیا وہ بتایا گیا تھا؟
ڈی جی لاء نے دلائل میں کہا کہ ریٹرننگ آفیسر نے سرسری سماعت کرنا ہوتی ہے، ملزم سزا یافتہ ہو تو الیکشن نہیں لڑ سکتا اور اسلام آباد ہائی کورٹ نے بانی پی ٹی آئی کو نااہل قرار دیا ہے جبکہ سزا ختم نہیں کی بلکہ وہ برقرار ہے۔ڈی جی لاء نے کہا کہ ریٹرننگ آفیسر نے قانون کے مطابق کاغذات مسترد کئے اس لئے استدعا ہے کہ چیئرمین پی ٹی آئی کی اپیل خارج کی جائے۔بعدازاں الیکشن ٹریبونل نے بانی پی ٹی آئی کے این اے 89 میانوالی سے کاغذات نامزدگی مسترد ہونے کیخلاف اپیل پر فیصلہ محفوظ کر لیا۔بانی پی ٹی آئی کی انتخابی قسمت کا فیصلہ 10 جنوری کو صبح 10 بجے سنایا جائے گا۔

نگران وزیراعلیٰ پنجاب نے رات گئے شدید سردی میں چلڈرن ہسپتال کا تفصیلی دورہ کیا اور ہسپتال کی اپ گریڈیشن کے کاموں پر پیش رفت کا جائزہ لیا، محسن نقوی نے مین کوریڈور، استقبالیہ کاؤنٹرز کا معائنہ کیا اور کام کے معیار کو چیک کیا۔ نگران وزیراعلیٰ پنجاب محسن نقوی نے چلڈرن ہسپتال کی ایمرجنسی اور دیگر وارڈز میں اپ گریڈیشن کا کام تیز کرنے کی ہدایت کر دی۔ نگران وزیراعلیٰ پنجاب نے ہدایت کی ہے کہ بجلی اورایئرکنڈیشن کی وائرنگ کے کام میں معیار اور حفاظتی اقدامات کو یقینی بنایا جائے، وائرنگ کے کام کو آئندہ 3 روز میں مکمل کیا جائے۔ اس موقع پر سیکرٹری تعمیرات و مواصلات اور سیکرٹری صحت نے اپ گریڈیشن کے تحت کاموں پر ہونے والی پیش رفت کے بارے میں بریفنگ دی، دوران بریفنگ بتایا گیا کہ اپ گریڈیشن پراجیکٹ کے تحت ٹائلز لگانے اور فنشنگ ورک شروع ہو چکا ہے۔
وزیر اعلیٰ پنجاب نے مین کوریڈور میں تیز رفتاری سے کام پر سیکرٹری تعمیرات ومواصلات، سیکرٹری صحت اور ان کی ٹیم کی کارکردگی کو سراہا۔محسن نقوی نے مین کوریڈور میں ٹائلز لگانے کے کام کو جلد مکمل کرنے کی بھی ہدایت کی۔نگران وزیراعلیٰ نے رات کو کام کرنے والے مزدوروں سے ملاقات کی اور رات گئے تک محنت سے کام کرنے پر شاباش دی۔محسن نقوی کا کہنا تھا کہ پنجاب میں 100 سے زائد ہسپتالوں میں سہولتوں کی بہتری کا ٹاسک 31 جنوری تک مکمل کریں گے، پوری ٹیم دن رات کوشاں ہے، انشاءاللہ خلوص نیت سے کی جانے والی محنت کا ثمر عوام کو ضرور ملے گا۔صوبائی وزیر اطلاعات عامر میر، سیکرٹری تعمیرات ومواصلات، سیکرٹری صحت، کمشنر لاہور، ڈپٹی کمشنر اور متعلقہ حکام بھی اس موقع پر موجود تھے۔

ملتان میں پیپلز سیکرٹریٹ میں ذوالفقار علی بھٹو کی سالگرہ کی تقریب میں بھگدڑ مچ گئی ،جیالے شریک چیئر مین پیپلزپارٹی آصف علی زردار ی کیساتھ تصویر بنوانے کیلئے اسٹیج پر چڑھ گئے ۔ کارکنوں کی ہنگامہ آرائی کی وجہ سے آصف علی زراری کے پاؤں میں موچ آگئی ۔،پیپلزپارٹی کے رہنما علی حیدر گیلانی کے مطابق آصف علی زرداری کو دھکا لگنے سے پاؤں میں موچ آگئی ،انہوں نے بتایا کہ آصف علی زرداری بلکل ٹھیک ہیں آرام کررہے ہیں ۔واضح رہے کہ سابق صدر مملکت اور چیئرمین پاکستان پیپلز پارٹی پارلیمنٹیرینز آصف علی زرداری گزشتہ روز دو روزہ دورے پر ملتان پہنچے تھے۔سابق صدر بلاول ہاؤس ملتان میں رہنماؤں سے ملاقاتیں اور پیپلز پارٹی جنوبی پنجاب کے اجلاس کی صدارت کی۔

پاکستان پیپلز پارٹی (پی پی پی) کے چیئرمین بلاول بھٹو زرداری نے کہا کہ مجھے مشکل لگ رہا ہے کہ عدالت کسی ایک کو نااہل کر دے اور دوسرے کو اہل کر دے، اگر ان میں ہمت ہے تو میرا لاہور میں مقابلہ کریں۔ مجھے نہیں پتا کہ لاہور میں ن لیگ یا پی ٹی آئی کی طرف سے میرا مقابہ کون کرے گا، لاڑکانہ سے نواز شریف اور بانی پی ٹی آئی بھی میرے خلاف الیکشن لڑیں۔لاہور میں پیپلز پارٹی کی سینٹرل ایگزیکٹو کمیٹی کے اجلاس کے بعد میڈیا سے گفتگو کرتے ہوئے بلاول بھٹو زرداری نے کہا کہ پیپلزپارٹی اپنے نشان پر الیکشن لڑ رہی ہے، الیکشن لڑنے کےلیے ن لیگ کے قائد اور بانی پی ٹی آئی کے لیے قانونی مشکلات ہیں،

لائیو: پاکستان پیپلز پارٹی کی سینٹرل ایگزیکٹو کمیٹی کے اجلاس کے بعد چیئرمین پاکستان پیپلز پارٹی بلاول بھٹو زرداری کی میڈیا سے گفتگو https://t.co/vKrfkmmcwq

— Pakistan Peoples Party – PPP (@PPP_Org) January 3, 2024

بلاول بھٹو نے یہ بھی کہا کہ ایک بار پھر دہشت گردوں نے سر اٹھایا ہے ان پالیسیوں کو ختم کرنا ہوگا جو یہ دہشت گرد ہر پانچ سال بعد سر اٹھاتے ہیں۔پی پی چیئرمین نے کہا کہ سیاسی جماعتیں سیاست کے دائرے میں رہ کر کام کریں تو ان کو اپنا اسپیس اور موقع ملے گا، میں ناراض نہیں ہوتا میڈیا مجھے ناراض قرار دیتا ہے۔انہوں نے چاروں صوبوں میں انتخابی مہم چلانے کا اعلان بھی کردیا اور کہا کہ آصف زرداری نے انہیں وزیراعظم کے عہدے کے لیے امیدوار نامزد کیا، سی ای سی نے بطور امیدوار ان کی نامزدگی کی منظوری دی۔نہوں نے کہا کہ 2008ء اور 2013ء میں بھی حالات خراب تھے مگر الیکشن ہوا، ہمیں انتخابات کے بعد دہشتگردی ختم کرنے کیلئے پالیسی بنانی ہوگی، پیپلز پارٹی کسی سیاستدان یا سیاسی جماعت کو مخالف نہیں سمجھتی، الیکشن لڑنے کیلئے پی ٹی آئی اور ن لیگ کے قائدین کو قانونی مشکلات ہیں۔ بلاول بھٹو کا اس موقع پر کہنا تھا کہ پی ٹی آئی اور ن لیگ اشرافیہ کی نمائندگی کرتے ہیں، بینظیر بھٹو اور قائد عوام نے عام آدمی کی نمائندگی کی، اب میں کروں گا، کسی کو پسند آئے یا نا آئے میں عوام کی نمائندگی کروں گا، جہاں پیپلز پارٹی نے جنم لیا میں وہاں الیکشن لڑنے آیا ہوں، اگر ان میں ہمت ہے تو آئیں اور میرا مقابلہ کریں، آج تک پتہ نہیں چلا کہ پی ٹی آئی یا ن لیگ کی طرف سے کون میرا مقابلہ کرے گا۔

لاہور میں پارٹی رہنماؤں سے ملاقات کے دوران شہباز شریف نے کہا کہ چار سال میں ہوئی تاریخی تباہی ٹھیک کرنے میں وقت لگے گا۔ صدر مسلم لیگ ن شہباز شریف سے پارٹی رہنماﺅں نے ملاقات کی، جن میں عبدالرحمان کانجو، رانا منور غوث، امانت شادی خیل اور سینیٹر اعظم نذیر تارڑ بھی شامل تھی. ملاقات میں ملک کی مجموعی صورتحال اور انتخابی تیاریوں کے حوالے سے تبادلہ خیال کیا گیا، پارٹی رہنماﺅں نے اپنے حلقوں میں جاری انتخابی سرگرمیوں کے بارے میں بھی آگاہ کیا۔ انہوں نے کہا کہ عوام کی پریشانیوں کے خاتمے کی جامع منصوبہ بندی کرلی ہے۔شہباز شریف نے مزید کہا کہ عوام کو انتخابات میں وعدے توڑنے اور نبھانے والوں میں فرق کا مظاہرہ کرنا ہوگا۔شہباز شریف نے پارٹی رہنماﺅں اور کارکنوں کے جذبے کی تعریف کرتے ہوئے ہدایت کی کہ حلقوں میں عوام کو مسلم لیگ (ن) کے معاشی ایجنڈے سے آگاہ کریں صرف ن لیگ ہی مسائل حل اور عوام کو ریلیف دے سکتی ہے، معاشی اور عوامی مسائل کے حل کی سنجیدہ منصوبہ بندی صرف ہمارے پاس ہے۔

دانیال عزیز اپنے موقف پر ڈٹ گئے پاکستان مسلم لیگ (ن) کے رہنما دانیال عزیز نے پارٹی شوکاز نوٹس مسترد کردیا۔تین صفحات پر مشتمل جواب میں پارٹی مؤقف رد کردیا، ن لیگ کے رہنما نے کہا کہ اپنے بیان پر قائم ہوں، پارٹی نظم و ضبط اور پالیسی کی کوئی خلاف ورزی نہیں کی۔دانیال عزیز نے جواب میں کہا کہ پارٹی قیادت ملاقات کا وقت دے، احسن اقبال نے میرے حلقے میں اپنے بیٹے کے لئے ریلیاں نکالیں، بطور وزیر منصوبہ بندی احسن اقبال کی ناکامیوں کی بات کی، ضابطے کے مطابق معاشی خرابیوں کے ذمہ دار احسن اقبال ہیں۔جواب میں دانیال عزیز نے مزید کہا کہ مختلف آپریشنز سے گزر رہا ہوں، اس لئے بروقت جواب نہیں دے سکا، پاکستان مسلم لیگ (ن) پنجاب کے صدر رانا ثناء اللہ نے 2 دسمبر 2023ء کو شوکاز جاری کیا تھا۔

پاکستان علماء کونسل کے چیئرمین حافظ طاہر اشرفی کا کہنا ہے کہ حج ایک لاکھ روپے سستا کر دیا گیا ، ریگولر اسکیم کے لیے کوٹے سے زیادہ درخواستیں آئی ہیں۔لاہور میں پریس کانفرنس کرتے ہوئے حافظ طاہر اشرفی نے کہا کہ انصاف کا ترازو سب کے لیے برابر ہونا چاہیے، پاکستان ریاست مدینہ کی اساس پر قائم ہوا۔حافظ طاہر اشرفی کا کہنا ہے کہ سانحہ 9 مئی کے مجرموں کو ضرور سزا دینا آپ کی ذمے داری ہے، ہم نے دشمنی کرنے والے کو کھلا چھوڑنے کے بہت سے تجربات دیکھے ہیں، غیر مسلموں کے حقوق کا تحفظ بھی نظامِ مصطفیٰ کا ایک حصہ ہے۔انہوں نے کہا کہ مال سے زکوۃ نکالیں تو کوئی مانگنے والا نظر نہیں آئے گا، آج کل جس کا جو دل چاہتا ہے چلا دیتا ہے، فیک نیوز اور افواہ سازی سے گھر کے گھر تباہ ہو رہے ہیں، ہمیں اپنے گھروں سے نظامِ مصطفیٰ کا اطلاق کرنا چاہیے۔
پاکستان علماء کونسل کے چیئرمین نے کہا کہ پہلی بات کہ عالم اسلام کی کوئی اپنی فوج نہیں ہے، عالم اسلام کی کوئی فوج ہو تو اسے فلسطین اسرائیل جنگ میں جانا چاہیے، قطر میں جنگ بندی کے لیے مذاکرات جاری ہیں، ان شاء اللّٰہ مثبت بات سامنے آئے گی۔ان کا یہ بھی کہنا ہے کہ اُمید ہے کہ اشیائے ضروریہ کی قیمتوں میں کمی آئے گی، چیف جسٹس اور چیف الیکشن کمشنر کہہ رہے ہیں کہ الیکشن کروائیں گے، جب یہ دونوں حضرات کہہ رہے ہیں تو ہمیں یقین کرنا چاہیے۔

پاکستان پیپلز پارٹی کے سینئر رہنما اور سابق وزیراعظم یوسف رضا گیلانی نے کہا کہ صاف و شفاف انتخابات کرانا الیکشن کمیشن کی ذمہ داری ہے، لیول پلئینگ سب کے لیے یکساں ہونی چاہیے۔ انہوں نے دعویٰ کیا ہے کہ کوئی بھی جماعت پیپلز پارٹی کے بغیر حکومت نہیں بناسکتی۔یوسف رضا گیلانی نے ملتان میں پریس کانفرنس سے خطاب کرتے ہوئے کہا کہ پیپلز پارٹی نے ہمیشہ اقلیتوں کے حقوق کی بات کی، جنوبی پنجاب کی مسیحی برادری نے پیپلز پارٹی پر اعتماد کا اظہار کیا۔ ا نہوں نے کہا کہ جب سینیٹ میں اقلیتوں کی کوئی نمائندگی نہیں تھی تب بینظیر بھٹو نے اقلیتوں کو سیٹیں دیں۔پیپلز پارٹی کے رہنما یوسف رضا گیلانی کا یہ بھی کہنا ہے کہ خود کو عوام کے سامنے امیدوار کے طور پر لانے کا فیصلہ کیا ہے، کارکردگی کی بنیاد پر الیکشن لڑ رہے ہیں۔ان کا کہنا تھا کہ کوئی بھی جماعت پیپلز پارٹی کے بغیر ملک میں حکومت نہیں بناسکتی۔یوسف رضا گیلانی نے کہا کہ یہ تاثر زائل ہونا چاہیے کہ کون سی جماعت حکومت میں آئے گی۔کوئی بھی آئے تو الیکشن کے زریعے آئے سلیکشن کے نہیں ،