Category: پنجاب

پیپلزپارٹی کے سینئر رہنما قمر زمان کائرہ نے جلسے سے خطاب کرتے ہوئے کہا کہ چیئرمین پی پی بلاول بھٹو کا شکریہ ادا کرتا ہوں، یہ علاقہ کبھی پیپلزپارٹی کا گڑھ ہوتا تھا، پیپلزپارٹی کے سینئر رہنما اور سابق وفاقی وزیر قمرزمان کائرہ نے کہا کہ ہمارے مخالفین پھر میچ فکس کرکے کھیلنا چاہتے ہیں۔قمر زمان کائرہ نے کہا کہ ہمارے مخالفین آج تک اس ملک کے مسائل کا حل نہیں پیش کر سکے، ہمارے مخالفین چوتھی بار وزیراعظم بننے کا خواب دیکھ رہے ہیں، پیپلزپارٹی نے کبھی میچ فکس نہیں کیا، بلاول کے لاہور سے الیکشن کے اعلان کے بعد مخالف کانپ رہے ہیں۔
ہمارے مخالفین بلاول بھٹو کے منشور سے خوفزدہ ہیں، جو پنجاب کو اپنی جاگیر سمجھ رہے تھے انہیں پتہ چل گیا کہ بلاول اپنے شہید نانا، شہید ماں کے نقش قدم پر چل پڑا ہے۔سابق وفاقی وزیر نے کہا کہ میاں صاحب آپ سے توقع نہیں تھی کہ آپ میچ فکس کر کے کھیلیں گے، چوتھی بار وزیراعظم کا خواب دیکھنے والے ریاستی طاقت کے سہارے کھڑے ہیں، ہم ریاستی طاقت سے نہیں عوام کی طاقت سے جیتیں گے۔

سلمان اکرم راجہ کی خود کو آزاد امیدوار قرار دینے کے خلاف درخواست پر سماعت ہوئی، لاہور ہائی کورٹ نے آزاد امیدوار قرار دینے کے خلاف سلمان اکرم راجہ کی درخواست پر فیصلہ محفوظ کر لیا۔ جسٹس علی باقر نجفی نے کہا کہ کیا بیلٹ پیپر چھپ چکے ہیں۔ الیکشن کمیشن کے وکیل نے کہا کہ 80 فیصد کے قریب چھپ چکے ہیں۔
جسٹس علی باقر نجفی نے کہا کہ کسی امیدوار کی نشاندھی کیسے ہوتی ہے؟ الیکشن کمیشن کے وکیل نے کہا کہ بیلٹ پیپر پر انتخابی نشان اور امیدوار کا نام ہوتا ہے، بیلٹ پیپر پر ماضی میں اور نہ اب سیاسی جماعتوں کا نام لکھا جاتا ہے، فارم 33 کے مطابق 2 طرح کے امیدوار ہوتے ہیں، آزاد اور سیاسی جماعتوں کے، سیاسی جماعت کے سرٹیفکیٹ جاری کرنے پر امیدوار اس سیاسی جماعت کا کہلاتا ہے۔ جسٹس علی باقر نجفی نے سوال کیا کہ کیا سرٹیفکیٹ جاری کیے گئے؟
الیکشن کمیشن کے وکیل نے کہا کہ یہ لازم ہے کہ سرٹیفکیٹ متعلقہ شخص کی جانب سے جاری کیا جائے، انتخابی نشان کے بغیر ایک جماعت بحیثیت جماعت الیکشن میں حصہ نہیں لے سکتی۔

بانی پی ٹی آئی کے وکیل بیرسٹر علی ظفر نے کہا کہ پی ٹی آئی کو اپنا الیکشن کمپئین نہیں کرنے دیا جارہا لیکن اس الیکشن میں الٹا ہو رہا ہے، ہمارے امیدواروں کے پاس خود لوگ آرہے ہیں۔اڈیالہ جیل کے باہر میڈیا سے گفتگو کرتے ہوئے بیرسٹر علی ظفر کا کہنا تھا کہ بانی پی ٹی آئی نے کہا ہے صرف پی ٹی آئی کو الیکشن مہم نہیں چلانے دے رہے۔ بیرسٹر علی ظفر کا کہنا تھا کہ الیکشن کے بعد ایسا ملک بنے جہاں قانون کی پاسداری ہو، الیکشن میں لوگوں کو اپنا حق واپس لینا ہے۔
انہوں نے کہا کہ وکیل کی حیثیت سے ہمارے قانونی تقاضے عدالت کو پورے کرنا ہوں گے، یہ بھی نہیں ہوسکتا کہ تیزی سے کیس چلے اور انصاف نہ ہو سکے۔
انہوں نے کہا کہ اس الیکشن سے ہی اصل آزادی ملے گی قانون کی حکمرانی ہو سکے گی، بڑے سے بڑا شخص قانون کے تابع ہونا چاہیے، کسی سے زیادتی نہیں ہونی چاہیے۔بیرسٹر علی ظفر کا کہنا تھا کہ ضروری ہے کیس چلانے کے لیے قانون کے تقاضے پورے ہوں، کیسز کا الیکشن سے تعلق نہیں ہے۔ انہوں نے کہا کہ امیدواروں اور ٹکٹوں کے فیصلے ہوچکے ہیں، اس الیکشن میں الٹا ہو رہا ہے، ہمارے امیدواروں کے پاس خود لوگ آرہے ہیں۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق ملتان کور کے زیراہتمام اوکاڑہ گیریژن میں پاک فوج اور رائل سعودی لینڈ فورسز کی مشترکہ عسکری ٹریننگ کا آغاز کردیا گیا۔ٹریننگ کے آغاز پر دونوں ممالک کے فوجی دستوں نے عسکری ڈرل پیش کی۔اس موقع پر پاکستانی اور سعودی پرچم بلند کیے گئے اور قومی ترانوں کی دھُن بھی بجائی گئی۔آئی ایس پی آر کے مطابق مشترکا تربیتی پروگرام سے پاکستانی اور سعودی افواج کو کلاس روم سیشنز اور اجتماعی جنگی صلاحیتیں نکھارنے کا موقع ملے گا۔آئی ایس پی آر کی جانب سے مزید بتایا گیا ہے کہ مہمان خصوصی نے دونوں ملکوں کی افواج کے افسروں اور جوانوں کو مشترکا ٹریننگ کے بیجز لگائے۔واضح رہے 2023 میں بھی پاکستان اور سعودی عرب کی انسداد دہشت گردی سے متعلق مشترکہ تربیتی مشقیں ’البتار۔ون‘ کے نام سے ہوئی تھیں جو اختتام پذیر ہوگئی تھیں۔

رانا ثنا اللّٰہ نے کہا کہ پاکستان درست ٹریک پر تھا کہ پھر سازش ہوئی، ملک کی ترقی کے خلاف ایسے شخص کو لایا گیا جس کے مزاج میں جمہوریت نہیں۔وزارت عظمیٰ کی کرسی سنبھالنے کے بعد اس شخص نے پہلے خطاب کے بعد کہا تھا کسی کو نہیں چھوڑوں گا، وہ شخص آج وہاں بیٹھا ہے جس کا وہ حقدار ہے۔فیصل آباد میں گفتگو کرتے ہوئے رانا ثنا اللّٰہ نے کہا کہ اس شخص کو یہ معلوم نہیں تھا کہ اپوزیشن اور حکومت ایک ہی گاڑی کے پہیے ہیں، سیاست دانوں یا کارکنوں کو حالات کا اندازہ ہو جاتا ہے، 2018ء کے الیکشن کے نتائج سننے سے پہلے ہمیں معلوم تھا کہ معاملات کس طرف جائیں گے۔انہوں نے کہا کہ ملک بحران کا شکار ہے، ہم ملک کو بحران سے نکالیں گے، 2013ء میں قوم سے وعدہ کیا تھا کہ دہشت گردی اور لوڈشیڈنگ کا خاتمہ کریں گے، 2013ء میں کہا جاتا تھا سوات میں دہشتگرد آگئے ہیں، 2013ء کے بعد لوڈشیڈنگ اور دہشتگردی پر قابو پایا۔ن لیگی رہنما نے کہا کہ پارلیمانی جمہوری نظام میں ٹکٹوں کی تقسیم کے مرحلے میں ایسا ہو نہیں سکتا کہ گلہ اور شکایات نہ ہوں، ایک ہی حلقے کے لیے بعض حلقوں میں بیس سے پچیس امیدوار تھے۔رانا ثنا اللّٰہ کا کہنا تھا کہ بیس میں سے کسی ایک کا ہی انتخاب ہوسکتا ہے، ایک ایک حلقے سے 25،25 امیدوار سامنے آئے تھے۔

شہباز شریف نے ہر معاملے میں ہمیں سپورٹ کیا،ہم نے ن لیگ سے وہ ہی4 سیٹیں مانگیں۔ جہاں سے ق جیتی تھی۔مسلم لیگ (ق) کے سینئر رہنما چوہدری سالک حسین نے کہا ہے کہ ن لیگ کے ساتھ سیٹ ایڈجسٹمنٹ کا مطالبہ اب ختم ہوچکا ہے۔گجرات میں میڈیا سے گفتگو میں چوہدری سالک حسین نے کہا کہ ن لیگ نے گجرات میں پارٹی ٹکٹیں نہ دینے کا فیصلہ اپنایا ہے۔انہوں نے کہا کہ ن لیگ نے مدمقابل امیدواروں کو پارٹی ٹکٹ نہ دے کر ہمیں عزت دی ہے۔چوہدری سالک نے یہ بھی کہا کہ سیاستدانوں کو اپنی غلطی تسلیم کرنی چاہیے۔انہوں نے کہا کہ ایران ایشو پردنیا نے مذمت کی، ہر کوئی چاہتا ہے امن رہے۔