نگران وزیر اعلی پنجاب نے چکوال متاثرہ بچوں سے ملاقات کی ہے اس موقع پر انہوں نے کہا چکوال واقعہ کی وجہ سے شرمند ہ بھی ہیں اور افسوس بھی بہت ہے۔ایک مدرسہ میں ہونے والے واقعہ کی وجہ سے سب کو برا نہیں کہا جاسکتا۔ ایک ہی مدرسہ کے چند افراد کی وجہ سے اسی مدرسہ کے دیگر لوگوں کو بھی برا نہیں کہہ سکتے۔ ملزمان کو کیفرکردار تک پہنچنے کیلئے جو ممکن ہوسکا کریں گے۔ آئی جی کو ٹاسک دے دیا ہے، سیکرٹری پراسیکیوشن بھی اپنا کام کریں گے۔ قانون ہم نہیں بنا سکتے تاہم ایسے اقدامات ضرور کریں گے تاکہ آئندہ ایسے واقعات نہ ہوں۔ بچوں کے ساتھ آئندہ ایسے واقعات کی روک تھام کے لئے ٹھوس اقدامات کی ضرورت ہے۔متاثرہ بچوں کی پرائیویسی کا خیال رکھا جائے، میڈیکل نہ کرانے کے فیصلہ کا احترام کرتے ہیں۔ لوکل میڈیا سے متاثرہ بچوں کے نام اور تصویریں وغیرہ پبلک نہ کرنے کی درخواست کرتا ہوں۔ چکوال مدرسہ کے بچوں کے تعداد ایک دو نہیں زیادہ ہے، انہیں تحفظ دینا چاہتے ہیں برے سلوک کی وجہ سے بچے اور ان کے والدین ٹراما میں ہیں۔ برے سلوک کے بعد نشاندہی کے لئے بہت ہمت چاہیے۔ متاثرہ بچوں کو ٹراما سے نکالنا ہے اور نارمل زندگی بحال کرنی ہے۔ بچوں کی پڑھائی بھی بحال کریں گے اور انہیں ٹراما سے بھی نکالا جائے گا۔

پاکستان تحریک انصاف کے سابق وزیر علی نواز اعوان اور سردار آصف نکئی نے استحکام پاکستان پارٹی میں شمولیت کر لی ۔ پاکستان تحریک انصاف کے کپتان کا ایک اور بڑا کھلاڑی ساتھ چھوڑ گیا، سابق وفاقی وزیر علی نواز اعوان نے منظر عام پر آ کر پارٹی سے علیحدگی کا اعلان کردیا۔ علی نواز اعوان نے لاہور میں آئی پی پی کے پیٹرن انچیف جہانگیر ترین اور صدر استحکام پاکستان پارٹی علیم خان سے ملاقات کی، ملاقات میں عون چودھری اور آئی پی پی کی دیگر قیادت بھی شریک تھی۔

استحکام پاکستان پارٹی کو ایک اور بڑی کامیابی.
سابق وفاقی وزیر علی نواز اعوان کی پیٹرن انچیف استحکام پاکستان پارٹی جہانگیر خان ترین اور صدر عبدالعلیم خان سے ملاقات اور استحکام پاکستان پارٹی میں شمولیت.
اس موقع پر ایڈیشنل سیکرٹری جنرل عون چوہدری اور سینئر رہنما نعمان لنگڑیال بھی… pic.twitter.com/0VfQ4f16M4

— Istehkam-E-Pakistan Party (@istehkamPK) November 19, 2023

جہانگیر ترین سے ملاقات میں علی نواز اعوان نے اپنے آئندہ کے سیاسی فیصلے سے متعلق آگاہ کیا، جہانگیر ترین اور عبدالعلیم خان نے علی نواز اعوان کو آئی پی پی میں شمولیت پر خوش آمدید کہا۔ دوسری جانب سابق صوبائی وزیر سردار آصف نکئی بھی کپتان کا ساتھ چھوڑ گئے اور جہانگیر ترین اور علیم خان سے ملاقات کے بعد انہوں نے بھی استحکام پاکستان پارٹی میں شمولیت کا اعلان کردیا۔ اس ملاقات میں عون چوہدری، صمصام بخاری، نعمان لنگڑیال اور دیگر قیادت بھی شریک تھے۔

استحکام پاکستان پارٹی کو ایک اور بڑی کامیابی

سابق صوبائی وزیر مواصلات سردار آصف نکئی کی جہانگیر ترین اور عبدالعلیم خان سے ملاقات

سردار آصف نکئی کا استحکام پاکستان پارٹی میں شمولیت کا اعلان

جہانگیر ترین اور عبدالعلیم خان نے سردار آصف نکئی کا آئی پی پی میں خیر مقدم کیا

اس… pic.twitter.com/klzWuhb7uh

— Istehkam-E-Pakistan Party (@istehkamPK) November 19, 2023

سابق صوبائی وزیر سردار آصف نکئی بھی کپتان کا ساتھ چھوڑ گئے ۔سردار آصف نکئی نے جہانگیر ترین اور علیم خان سے ملاقات کی سردار آصف نکئی نے آئی پی پی میں شمولیت اختیار کر لی۔ ملاقات میں عون چوہدری صمصام بخاری نعمان لنگڑیال اور دیگر قیادت شریک تھی۔ جہانگیر ترین اور علیم خان نے آئی پی پی میں شمولیت پر خوش امدید کہا۔

مرکزی جمعیت اہل حدیث پاکستان کی مجلس شوریٰ نے عام انتخابات میں مسلم لیگ ن کے ساتھ انتخابی اتحاد برقرار رکھنے کی منظوری دے دی۔
اجلاس سے خطاب کرتے ہوئے سینیٹر ساجد میر نے کہا کہ چیلنجز سے نمٹنے کے لیے سیاسی قیادت کو قومی ایجنڈے پر متفق ہونا ہوگا، قیادت ایک چھت تلے سر جوڑ کر بیٹھے اور ملکی مسائل کا حل نکالے۔پروفیسر ساجد میر نے مزید کہا کہ عام انتخابات میں تاخیر نہیں ہونی چاہیے۔
مجلس شوریٰ کے اجلاس میں سینیٹر حافظ عبدالکریم سمیت ملک بھر سے 600 ارکان شوریٰ شریک ہوئے۔