Category: پنجاب

مذہبی امور اور بین المذاہب ہم آہنگی کے نگران وزیرانیق احمد نے معاشرے میں تمام مذاہب کے احترام کی ضرورت پر زور دیا ہے۔ انہوں نے لاہور میں بین المذاہب ہم آہنگی کانفرنس سے خطاب کرتے ہوئے کہا کہ اسلام اپنے پیروکاروں کو تمام مذاہب کے احترام کا درس دیتا ہے۔وفاقی وزیر نے لوگوں کے درمیان اتحاد کے فروغ پر بھی زور دیا ۔انہوں نے کہا کہ حکومت ملک میں بین المذاہب ہم آہنگی کے فروغ اور اقلیتوں کے حقوق کے تحفظ کیلئے پرعزم ہے۔رویت ہلال کمیٹی کے چیئرمین عبدالخبیر آزاد نے اپنے خطاب میں برداشت اور بین المذاہب ہم آہنگی کے حوالے سے اسلامی تعلیمات کو اجاگر کیا۔
وزیراعظم کے معاون خصوصی طاہر حافظ محمود اشرفی نے کانفرنس سے خطاب کرتے ہوئے کہا کہ ملک کا آئین ہر شہری کے حقوق کی ضمانت دیتاہے۔انہوں نے ایسا ماحول پیدا کرنے کیلئے کوششوں کی ضرورت پر زور دیا جس میں کوئی اقلیت خوف محسوس نہ کرے۔

بابا گورونانک دیوجی کے 554 ویں جنم دن کی تین روزہ تقریبات میں شرکت کیلئے 3ہزار سکھ یاتری واہگہ بارڈر کے راستے پاکستان پہنچ گئے ہیں۔ ننکانہ صاحب میں بابا گورونانک کی تین روز تقریبات کا دوسرا روز ہے ، ان تقریبات میں بھارت سمیت اندرون و بیرون ممالک سے ہزاروں سکھ یاتری شریک ہیں ، سکھ یاتری اپنی مذہبی رسومات ادا کرنے میں مصروف ہیں ۔ بھارت سے آئے ہوئے سکھ یاتریوں کو خصوصی بسوں اور سکیورٹی کے حصار میں سچا سودا فاروق آباد روانہ کیا جا رہا ہے ، سکھ یاتری یاترا کرنے کے بعد واپس شام کو واپس گوردوارہ جنم استھان آئیں گے۔یاتری 27 نومبر کو نگر کیرتن کے جلوس میں شرکت کریں گے ، 25 نومبر کو اکھنڈ پاٹ کی رسم سے شروع ہونے والی تقریبات 27 نومبر کو بھوگ کی رسم کیساتھ اختتام پذیر ہو جائیں گی۔
ڈی پی او صاعد عزیز کے مطابق 3 ہزار سے زائد پولیس اہلکار اپنی ڈیوٹی کے فرائض سر انجام دے رہے ہیں ، گوردواروں سے ملحقہ راستوں کو خار دار تاریں اور بیئرز لگا کر عام عوام کا داخل بند کیا گیا ہے ۔گوردوارہ جات اور اس سے ملحقہ راستوں پر سی سی ٹی وی کیمرے لگائے گئے ہیں ،گوردواروں کے داخلی راستوں پر واک تھرو گیٹ اور سکینر بھی لگائے گئے ہیں ۔واضح رہے کہ پاکستان میں سکھ مت کے پیرو کاروں کے کئی مذہبی مقامات موجود ہیں جنہیں وہ مقدس مقامات کا درجہ دیتے ہیں، بابا گورو نانک کا جنم استھان (پیدائش گاہ) اور ان کی سمادھی (آخری آرام گاہ)، دونوں مقامات پاکستان میں ہی موجود ہیں۔

سابق وزیراعظم اور پاکستان مسلم لیگ (ن) کے صدر شہباز شریف سے سینئیر پارٹی رہنماؤں، سابق ارکان قومی اسمبلی اور سابق پارٹی ٹکٹ ہولڈرز کی ملاقاتیں کئے ہیں.
خواجہ سعد رفیق، رانا ثنا اللہ، سردار ایاز صادق، راجہ ریاض، سردار اویس خان لغاری اور نواب شیر وسیر ملاقات کرنے والوں میں شامل تھے پنجاب اسمبلی کے سابق ڈپٹی سپیکر سردار دوست محمد مزاری اور پارٹی کے ڈپٹی سیکرٹری جنرل عطاء اللہ تارڑ کی بھی ملاقات ہوئی ، تاہم سابق رکن قومی اسمبلی قیصر احمد شیخ اور سید جاوید حسنین شاہ کی بھی پارٹی صدر سے الگ ملاقات کئے، ملاقاتوں میں تنظیمی امور اور انتخابات کی تیاریوں پر تبادلہ خیال ہوا ، رہنماؤں نے اپنے اپنے علاقوں میں انتخابی تیاریوں پر پارٹی صدر شہباز شریف کو آگاہ کیا،

سابق وزیراعظم اور پاکستان مسلم لیگ (ن) کے صدر شہباز شریف سے سینئیر پارٹی رہنماؤں، سابق ارکان قومی اسمبلی اور سابق پارٹی ٹکٹ ہولڈرز کی ملاقاتیں

خواجہ سعد رفیق، رانا ثنا اللہ، سردار ایاز صادق، راجہ ریاض، سردار اویس خان لغاری اور نواب شیر وسیر ملاقات کرنے والوں میں شامل تھے

پنجاب… pic.twitter.com/eQ95NpIkJB

— PMLN (@pmln_org) November 24, 2023

اس موقع پر شہباز شریف نے پارٹی راہنمائوں اور کارکنوں کے جذبے اور کاوشوں کو سراہا ،شہباز شریف نے گفتگو کرتے ہوئے کہا کہ نواز شریف کی قیادت میں پاکستان کی معاشی خود انحصاری کا خواب حقیقت بنائیں گے، معاشی طور پر خود انحصار اور مضبوط پاکستان امت مسلمہ کے مفادات کے تحفظ میں اہم کردار ادا کرسکتا ہے، شہباز شریف نے کہا کہ "جرم ضعیفی” کی سزا سے بچنے کے لئے مل کر کام کرنا ہوگا، نوجوان ہمارے ملک کا قیمتی ترین اثاثہ ہیں، انہیں تعلیم یافتہ اور ہند مند بنانا ہو گا، شہباز شریف نے مزید کہا کہ ملک کو بحرانوں سے نکالنے اور عوام کو ریلیف دینے کا تجربہ مسلم لیگ (ن) کے پاس ہے، اور نواز شریف کی قیادت میں ایک روشن اور ترقی کرتے پاکستان کا سفر پھر سے شروع کریں گے. ان شاءاللہ پھر سے سب ٹھیک کریں گے،

چیرمین الیکشن سیل سینیٹر اسحاق ڈار اور صدر مسلم لیگ (ن) پنجاب رانا ثناء اللہ کی زیرصدارت پنجاب کے ڈویژنل کوارڈینیٹرز برائے الیکشن 2024 اور ڈویژنل صدور پنجاب کا ویڈیو لنک پہ اہم اجلاس کیا ہے ، ویڈیو لنک کے زریعے ہونے والے اجلاس میں سینیٹر اسحاق ڈار اور رانا ثناءاللہ نے کوارڈینیٹرز کو اہم ٹاسک سونپ دئیے .
تمام کوارڈینیٹرز کو تمام ڈویژنل ،ضلعی تنظیمی عہدیداران، اور ونگز کی مشاورت سے یکم دسمبر 2023 تک جنرل الیکشن 2024 کے لئیے موزوں امیدواروں کی سفارشات مسلم لیگ (ن) کے پارلیمانی بورڈ کے غوروخوض اور فیصلوں کے لئے الیکشن سیل کو بھجوانے کی ہدایت کی ہیں،

چیرمین الیکشن سیل سینیٹر اسحاق ڈار اور صدر مسلم لیگ (ن) پنجاب رانا ثناء اللہ کی زیرصدارت پنجاب کے ڈویژنل کوارڈینیٹرز برائے الیکشن 2024 اور ڈویژنل صدور پنجاب کا ویڈیو لنک پہ اہم اجلاس

سینیٹر اسحاق ڈار اور رانا ثناءاللہ نے کوارڈینیٹرز کو اہم ٹاسک سونپ دئیے

تمام کوارڈینیٹرز… pic.twitter.com/ZBkhdWYigw

— PMLN (@pmln_org) November 24, 2023

تمام کوارڈینیٹرز کو مزید یہ اہم ذمےداری بھی تفویض کی گئی کے وہ اپنے اپنے ڈویژن میں مقامی سطح پر ہر قسم کے اختلافات کو نپٹا کر الیکشن سیل کو مطلع کریں گے۔

وفاقی وزارت صنعت و پیداوار کے شوگر ایڈوائزری بورڈ اجلاس میں چینی کی برآمد کا فیصلہ نہ ہوسکا۔ وزیر تجارت و صنعت گوہر اعجاز کی زیرصدارت شوگر ایڈوائزری بورڈکا اجلاس ہوا،اجلاس میں گوہر اعجاز نے شوگر ملز مالکان سے چینی کے اضافی سٹاک کا ریکارڈ طلب کر لیا گیا۔
حکومتی ذرائع کا کہنا ہے کہ شوگر ایڈوائزری بورڈ کے اجلاس میں شوگر ملز مالکان کی جانب سے چینی کی ایکسپورٹ کی اجازت طلب کرنے کے معاملہ پر غور کیا گیا اور شوگر ملز مالکان کو چینی کی مقامی کھپت پوری کرنے کا کہا گیا ہے۔ ذرائع نے بتایا کہ شوگرملزایسوسی ایشن نے ڈھائی لاکھ ٹن چینی برآمد کرنےکامطالبہ کیا ہے،
شوگرملزایسوسی ایشن کا دعویٰ ہے کہ ان کے پاس ملک کی ضرورت سے زیادہ چینی موجود ہے، ایسوسی ایشن نےاضافی چینی برآمد کرنے کی اجازت مانگی، حکومت کا کہنا ہے کہ چینی کی برآمد کی اجازت دینےسےمقامی سطح پرچینی مہنگی ہونے کا خدشہ ہے،شوگر ملز ایسوسی ایشن کا دعویٰ ہے کہ ملک میں وافر چینی موجود ہے,موجودہ ذخیرہ دوماہ کیلئےکافی ہے۔

انٹرسروسز پبلک ریلیشنز (آئی ایس پی آر) کے مطابق شمالی وزیرستان میں شہید ہونے والے سپاہی شاہ زیب کی نماز جنازہ گوجر خان میں ادا کر دی گئی۔ پاک فوج کے شعبہ تعلقات عامہ کے مطابق شہید کو پورے فوجی اعزاز کے ساتھ ان کے آبائی گاؤں میں سپرد خاک کر دیا گیا، نماز جنازہ میں سینئر حاضر سروس فوجی افسران، عزیز و اقارب اور اہل علاقہ نے شرکت کی۔

آئی ایس پی آر کے مطابق شہادت قبول کرنے والے سپاہی شاہ زیب کی عمر 26 سال تھی، شہید سپاہی ضلع راولپنڈی کا رہائشی تھا، سپاہی شاہ زیب کی شہادت دیسی ساختہ بم پھٹنے سے ہوئی تھی۔
پاک فوج کے شعبہ تعلقات عامہ کے مطابق پاکستان کی مسلح افواج مادر وطن سے دہشت گردی کی لعنت کو ہر قیمت پر ختم کرنے کے لیے پرعزم ہیں۔

نگران وزیر اعلیٰ پنجاب محسن نقوی نے پنجاب کابینہ کے ہمراہ گوجرانوالہ یونیورسٹی کا سنگِ بنیاد رکھ دیا اور صوبائی وزیر اظفر علی ناصر نے دعا خیر کرائی، اس موقع پر سیکرٹری ہائیر ایجوکیشن وہاؤسنگ، سیکرٹری تعمیرات ومواصلات، کمشنر گوجرانوالہ، آر پی او، ڈپٹی کمشنر اور متعلقہ حکام بھی موجود تھے، انہوں نے قائد اعظم پبلک سکول گوجرانوالہ کا بھی دورہ کیا، صوبائی کا بینہ، چیف سیکرٹری اور آئی جی پنجاب بھی ان کے ہمراہ تھے۔ محسن نقوی اپ گریڈیشن پراجیکٹ کا جائزہ وزیراعلی چلڈرن ہسپتال ، برن یونٹ، کا افتتاح اور سینٹرل جیل، سول ہسپتال اور تھانہ صدر سمیت زیر تعمیر منصوبوں کا دورہ کیا ، وہ کمشنر آفس میں ہونیوالے صوبائی کا بینہ کے اجلاس کی صدارت بھی کریں گے، دورے کے اختتام پر ان کی مختلف وفود سے ملاقاتیں بھی کئیں ۔

وزیراعلیٰ کو بریفنگ دی گئی کہ یونیورسٹی آف گوجرانوالہ کے قیام کے لیے 5 ارب 61 کروڑ 13 لاکھ سے زائد کا ابتدائی تخمینہ لگایا گیاہے، یونیورسٹی آف گوجرانوالہ 961 کنال پر محیط ہو گی اور یونیورسٹی کے لئے مجوزہ اراضی شہر کے قریب ترین ہے۔ وزیر اعلی محسن نقوی کا یونیورسٹی کی تعمیر کے منصوبے کو جلد مکمل کرنے، وزیر اعلی محسن نقوی کی صوبائی وزیر تعلیم منصور قادر کو یونیورسٹی آف گوجرانوالہ کی تعمیر کے پراجیکٹ کی ذاتی طور پر مانیٹرنگ کرنے ہدایت کی۔ وزیر اعلی محسن نقوی نے آج پنجاب کابینہ کے ہمراہ فلیگ شپ پراجیکٹ ایکسپریس وے موٹر وے لنک روڈ کا تفصیلی دورہ کیا اور مختلف مقامات پر منصوبے کے تعمیراتی کاموں کا معائنہ کیا۔ وزیر اعلی محسن نقوی نے جاری اسفالٹ بچھانے کے عمل کا مشاہدہ کیا، مزدوروں سے مصافحہ کیا اور محنت سے کام کرنے پر مزدوروں کو شاباش دی۔ وزیر اعلی محسن نقوی نے لاہور سیالکوٹ موٹروے کے ساتھ گوجرانوالہ کو لنک کرنے کے لئے زیر تعمیر دو رویہ سڑک کے پراجیکٹ پر پیشرفت کا جائزہ لیا۔ وزیر اعلیٰ محسن نقوی نے 15.2کلومیٹر طویل دو رویہ کیرج وے کی جاری تعمیراتی سرگرمیوں کا مشاہدہ کیا۔ وزیر اعلیٰ محسن نقوی کو بریفنگ میں بتایا گیا کہ پراجیکٹ کا 65 فیصد کام اور 15.2کلو میٹر طویل لنک روڈ کاتقریباً 100فیصد ارتھ ورک مکمل ہو چکا ہے۔ روڈز کے اسفالٹ کا کام شروع ہونے پر وزیر اعلی محسن نقوی نے پراجیکٹ پر ہونے والی پیشرفت پر اطمینان کا اظہار کیا۔ وزیر اعلیٰ محسن نقوی نے ایف ڈبلیو او اور کمشنر گوجرانوالہ کی ٹیم کی کارکردگی کو سراہا۔وزیر اعلیٰ محسن نقوی نے منصوبے پر کام کی رفتار مزید تیز کرنے اور اعلیٰ تعمیراتی معیار کو یقینی بنانے کا حکم دیا۔وزیراعلیٰ محسن نقوی نے کیرج وے کے دونوں اطراف باڑ لگانے کی بجائے حفاظتی دیوار بنانے کی ہدایت کی اور کہا کہ گوجرانوالہ لاہور سیالکوٹ موٹروے کے منصوبہ کو مقررہ ٹائم لائن کے اندر مکمل کیا جائے گا۔ وزیر اعلیٰ محسن نقوی نے کہا کہ منصوبے کی تکمیل سے وقت کے ساتھ ایندھن کی مد میں خاطر خواہ بچت ہو گی۔ منصوبے کی تکمیل سے گوجرانوالہ کا لاہور کا سفر 45 منٹ رہ جائے گا۔ گوجرانوالہ15.2 کلومیٹر طویل دو رویہ کارپٹیڈ سڑک موٹر وے کے لئے بہترین رسائی فراہم کرے گی۔بریفنگ میں بتایا گیا کہ بینظیر چوک سے واہنڈو انٹر چینج تک زیر تعمیر روڈ پر 6پل، 22باکس،23پائپ کلورٹس،5جانوروں کی گزر گاہیں اور 5سب ویز بھی تعمیر کئے جارہے ہیں۔ ایف ڈبلیو او کے کرنل جمال نے وزیراعلیٰ کو پراجیکٹ پر ہونے والی پیشرفت کے بارے میں بریفنگ دی جبکہ کمشنر گوجرانوالہ اور سیکرٹری تعمیرات و مواصلات نے بھی منصوبے سے متعلق امور کے بارے بریف کیا۔ صوبائی وزراء،مشیران،سیکرٹری تعمیرا ت ومواصلات،کمشنر گوجرانوالہ ڈویژن،ڈپٹی کمشنر اور فرنٹیئر ورکس آرگنائزیشن کے حکام بھی اس موقع پر موجود تھے.