استحکام پاکستان پارٹی کے صدر عبدالعلیم خان نے جہانیاں میں جلسے سے خطاب کرتے ہوئیں کہا کہ کہ آئی پی پی حکومت میں آکر مزدور کی کم از کم اجرت 50 ہزار کرے گی۔ 300 یونٹ تک بجلی مفت دی جائے گی۔ موٹرسائیکل والوں کیلئے پٹرول 140 روپے ہوگا۔ جہانیاں میں آئی پی پی کے پہلے جلسے سے خطاب کرتے عبدالعلیم خان نے کہا کہ ساڑھے 12 ایکڑ تک والے کسانوں کو ٹیوب ویل پر بجلی فری دیں گے۔ خواتین کے لیے روزگار کے مواقع فراہم کریں گے۔ عبدالعلیم خان کا مزید کہنا تھا کہ ہم عمران خان کے ساتھ اس لیے گئے تھے کہ چاہتے تھے کہ نیا پاکستان بنے اور باریاں لگانے والوں سے جان چھڑائے لیکن چیئرمین پی ٹی آئی کسی اور کے ہاتھوں میں کھیلنے لگے۔ انہوں نے کہا کہ آپ سب میرے دل میں اور رہیں گے اور ایک نیا پاکستان بنانے کی کوشش میں ہے ۔ ہم عوام دوست سسٹم لانا چاہتے ہے ، صاف پانی ، بے روزگاری کا خاتمہ ، خواتین کے لیے تکنیکی بنیاد پر روزگار کا سسٹم بنایا ہے۔ علیم خان نے کہا کہ جنوبی پنجاب میں بھی ایسے ہسپتال ہوں جو لاہور میں ہے بچوں کے لئے بہترین اسکول ہوں، ہر کسی کے پاس روزگار چاہتے ہیں روزگار ایسا ہو کہ فیکٹریاں کارخانے لگے ہوں پڑھے لکھے نوجوان مارے مارے نہ پھرتے ہوں بہنوں کیلئے منشور میں ویمن امپاورمنٹ اسکلز شامل کی ہے۔عبدالعلیم خان نے کہا کہ کئی بار مسلم لیگ ن پنجاب میں اقتدار میں آچکی ہےآج بھی عوام سے ووٹ مانگنے آئے گی،عوام آخر انہیں کتنی بار موقع دےسندھ میں پیپلز پارٹی 15سال بیٹھی ہے، وہاں عوام کا حال برا ہے پیپلز پارٹی عوام کے سامنے جاکر ڈھٹائی سے کہتی ہے انہیں موقع دے8سالوں میں ہم نے خوابوں کو چکنا چور ہوتے دیکھا۔
Category: پنجاب
-
ہمارا منشور ملک کو ترقی اور خود مختاری دینا ہے ،جہانگیر ترین
پی ٹی آئی کی حکومت ملک کو درست سمت پر لے جانے میں ناکام ہوئی.استحکام پاکستان کے سربراہ جانگیر ترین کا جہانیا ں میں جلسے سے خطاب ،انہوں نے کہا کہ زراعت کے شعبے میں ترقی ہماری ترجیح ہے میں نے اپنی پوری زندگی زراعت میں لگائی لہذا ہم کسانوں کو عزت سے روٹی کمانے اور انکے حقوق دلانے میں اہم کردار ادا کرے گے،اس کے علاوہ دیہی علاقوں میں صاف پانی اور ترقی کروانا ہمارا ترجیح ہے،جہانگیر ترین نے کہا کہ ہمارا منشور ملک کو صحیح سمت میں ڈالنا ہے اور ہم صرف نعروں تک نہیں بلکہ عملی کارکردگی کر کے دکھائے گے.جہانگیر ترین نے نفرت اور دشمنی کی سیاست کو ہمیشہ کے لئے دفن کرنے اور محبت اور عزت والی سیاست کو فروغ دینے کا عزم ظاہر کیا،جہانگیر ترین نے کہا کہ آپ سوچ رہے ہونگے کہ پی ٹی آئی کے بہت سارے لوگ استحکام پاکستان میں کیوں شامل ہو رہے ہے تو کہا کہ یہ لوگ ایک عہد اور عزم کے لے پی ٹی آئی میں شریک ہوئیں تھے جو عمران خان نے پورا نہیں کیا ،اس لئے استحکام پٔاکستان پارٹی اس عزم کو آگے لے کر جائے گی اور اس ملک کو ایک کامیاب اور خود مختیار ملک بنا کر دم لے گی،
-
شہباز شریف نے ملک کو دیوالیہ ہونے سے بچایا،حمزہ شہباز
مسلم لیگ ن کے رہنما اور سابق وزیراعلیٰ پنجاب حمزہ شہباز کا کہنا ہے کہ شہبازشریف نے پاکستان دیوالیہ ہو نے سے بچایا ہے ،ملک دیوالیہ ہوجاتا تو پٹرول ہزار روپے لٹر ہوتا،شہبازشریف نے ریاست بچائی،سیاست داؤپرلگائی، وقت آگیا ہے کہ لوگ اپنے محسن کو پہچانیں ۔
پنجاب کے شہر قصور میں مسلم لیگ (ن)کے جلسے سے خطاب کرتے ہوئے حمزہ شہبازنے کہاکہ آج ہم نے پاکستان کے مستقبل کا فیصلہ کرنا ہے،بجلی مہنگی،نوجوان بےروزگار،دووقت کی روٹی پورا کرنا مشکل ہوچکا،چیئرمین پی ٹی آئی نے آئی ایم ایف سے قرض لیا،چیئرمین پی ٹی آئی نے عوام کوخودکشی پرمجبورکردیا،چیئرمین پی ٹی آئی نے آئی ایم ایف کی شرائط پوری نہیں کیں۔
حمزہ شہبازکا کہنا تھا کہ شہبازشریف آئی ایم ایف کے پاس نہ جاتے توپاکستان دیوالیہ ہوجاتا،ملک دیوالیہ ہوجاتا تو پٹرول ہزار روپے لٹر ہوتا،شہبازشریف نے ریاست بچائی،سیاست داؤپرلگائی۔
حمزہ شہباز نے کہا کہ نواز شریف نے لوڈ شیڈنگ کا خاتمہ کیا اور ن لیگ نے جھوٹے دعوے نہیں کئےجو کہا وہی کر دکھایا ، ان کا کہناتھا کہ پچھلے ادوار میں 20 ، 20 گھنٹے کی لوڈ شیڈنگ کی جاتی تھی ، چیئرمین پی ٹی آئی نے ایک کروڑ نوکریاں اور پچاس لاکھ گھروں کا وعدہ کیا تھا ،کیا ایک کروڑ نوکریاں اور پچاس لاکھ گھر لوگوں کو ملے ؟
حمزہ شہبازنے کہاکہ موٹرویز اس بات کا ثبوت ہے کہ مسلم لیگ ن نے جھوٹے وعدے نہیں کئے،ان کاکہناتھا کہ آج ڈالر کی قیمت 278 روپے ہے نواز شریف کے دور میں 105 روپے تھی ، نواز شریف کے دور میں بجلی کی قیمت 7 روپے تھی ،شہباز شریف نا سنبھالتے تو ملک دیوالیہ ہوجاتا ، وقت آگیا ہے کہ لوگ اپنے محسن کو پہچانیں ۔
سابق وزیراعلیٰ پنجاب کا کہناتھا کہ عمران نیازی نے آئی ایم ایف سے وعدہ خلافی کرکے پاکستان کو مشکلات سے دور چار کیا ،آئی ایم ایف معاہدہ بحال نہ ہوتا تو ملک دیوالیہ ہوجاتا ، ان کا کہناتھا کہ9 مئی کو شہدا کے مجسموں کی بے حرمتی کی گئی ،9 مئی کو جناح ہاو¿س اور دفاعی تنصیبات کو نقصان پہنچایاگیا ، 9 مئی کو ایک شخص ملک دشمنی میں بہت آگے نکل گیا تھا ۔ -
آغا مصطفی نے خود کشی کرنے کا کیوں سوچا ؟
اداکار آغا مصطفی نے اپنے حالیہ انٹرویو میں کہا ہے کہ مجھے اگر ڈرامہ سیریل تیرے بن نہ ملتا تو میںخود کشی کرنے کا سوچ رہا تھا، میں مسلسل دو سال سے کام ڈھونڈ رہا تھا لیکن مجھےکام نہیں مل رہا تھا، میںنمازیں پڑھتا تھا رو رو کر دعائیں کرتا تھاکہ مجھے کام مل جائے. انہوں نے کہاکہ میں ڈرامہ سیریل سنگ مرمر سے اپنے کیرئیر کا آغاز کیا تھا ، اس کے بعد مجھے کام ہی نہیں ملا. میں کام کے حصول کرنے کے چکر میں پرڈیوسرز کے آفس میںجا کر بیٹھا رہتا وہ مجھے چھ چھ گھنٹے انتظار کرواتے اس کے بعد وہ مجھے کچھ تسلی بخش جواب نہ دیتے اور ویسے ہی روانہ کر دیتے .
انہوں نے یہ بھی کہا کہ ”تیرے بن کے بعد مجھے دو تین پراجیکٹس آفر ہوئے ہیں” تو مجھے کچھ تسلی ہوئی ہے. میرا اس بات پر ایمان ہے کہ جو میرے نصیب میں ہے وہ مجھ سے کوئی نہیں چھین سکتا، میرے ساتھ جتنے بھی اداکار آئے وہ شوبز کی ہر پارٹی اور تقریب یا لابی میں شرکت کرتے تھے لیکن میں ان تقاریب میں جانا پسند نہیں کرتا تھا جس کی وجہ سے لوگ مجھے بے وقوف کہتے تھے۔میں آج بھی پارٹیز میں نہیں جاتا بس مجھے لگتا ہے کہ ایسے ہی کام ملنا ہے تو مل جائے.
عمران اشرف کی فلم نہیں دیکھوں گا فہد مصطفی نے آن ائیر کہہ دیا
میں گھر میں جھاڑو لگاتا اور برتن دھوتا رہا ہوں عاصم اظہر کا انکشاف
ظفری خان اہم وڈیو پیغام بولے اپنے نام کے جعلی اکاوئنٹس کی تفصیلات شئیر کیں
-
بجلی چوروں کے خلاف جاری کریک ڈاؤن،درجنوں گرفتاریاں، ٹرانسفارمرزبھی اُتارلیے گئے
ملک کے مختلف شہروں میں بجلی چوروں کے خلاف جاری کریک ڈاؤن جاری ہے،اس ضمن میں حکام نے درجنوں افراد گرفتار کرکے لاکھوں روپے کے جرمانے عائد کردیئے-
باغی ٹی وی :بجلی چوروں کے خلاف کارروائیوں کے دوران جنوبی پنجاب کے مختلف علاقوں میں 2 کروڑ 62 لاکھ روپے کی ادائیگیاں نہ کرنے پر 25 سے زائد ٹرانسفارمرزاُتارلیے گئےجبکہ 10 ڈیفالٹرز نے ڈھائی کروڑ روپے کے واجبات ادا کرکے اپنے کنکشنز بحال کروائے۔
فیصل آباد الیکٹرک سپلائی کمپنی (فیسکو) ریجن میں بجلی چوروں کے خلاف کارروائیوں میں گزشتہ 24 گھنٹوں کے دوران مزید 128 بجلی چورپکڑے گئے، 4 لاکھ 49 ہزار ڈی ٹیکشن یونٹس کی مد میں ایک کروڑ 38 لاکھ کے جرمانے عائد کیے گئے جبکہ بجلی چوری میں ملوث زرعی صارفین کے 17 ٹرانسفامرز بھی اتارے گئے، وہاڑی میں 123 بجلی چوروں کے خلاف مقدمات درج کر کے 6 کو گرفتار کیا گیا۔
پرنٹ، الیکٹرانک اور سوشل میڈیا کی نگرانی کیلئے نئے ادارے کا قیام
سرگودھا، بھکر، میانوالی اور خوشاب میں بجلی چوروں کے خلاف کارروائی کے دوران 110 بجلی چوروں کو گرفتار کرکے مقدمات درج کر لیے گئے جبکہ منڈی بہاؤالدین اور گجرات میں 64 مقدمات درج کرکے 40 افراد کو گرفتار کیا گیا-
حیدرآباد الیکٹرک سپلائی کمپنی (حیسکو) ریجن میں 267 بجلی چوروں کے خلاف مقدمات درج کرکے 29 افراد کو گرفتار کیا گیا آپریشن کے دوران اب تک 04 کروڑ 28 لاکھ 18 ہزار سے زائد جرمانہ عائد کرتے ہوئے 59 لاکھ 2 ہزار سے زائد رقم وصول کرلی گئی۔
حیسکوترجمان کے مطابق حیدرآباد میں بجلی چوروں کے خلاف مہم کے دوران نسیم نگر کے ایک پلازہ میں بجلی چوری پکڑی گئی، پلازہ میں تین، چار سال سے بجلی چوری کی جا رہی تھی،جس کی ماہانہ مالیت 35 لاکھ روپے بنتی تھی حیدرآباد کے پلازہ میں بجلی چوری کرنے والے بلڈر، مارٹ اور فلیٹوں کے مالکان کے خلاف مقدمات درج کئے جائیں گے۔
انتخابی عمل کو پاکستان کے قوانین کے مطابق آگے بڑھایا جائے،امریکا
واضح رہے کہ وفاق میں موجود مختلف وزارتیں، ڈویژنز اور سرکاری ادارے آئیسکو کے اربوں کے نادہندہ نکلے ، وزیراعظم ہاؤس کا بل بھی ہزاروں میں آنے کے باوجود ادا نہیں کیا گیا وزیراعظم اپنی رہائش گاہ کابل صرف9 ہزار 819 ہونے کے باوجود نادہندہ نکلے وزیراعظم ہاؤس کا گزشتہ ماہ کا بجلی کا بل ادا نہیں کیا گیا۔
دفترخارجہ 14 کروڑ 32 لاکھ 81 ہزار روپے سے زائد کا نادہندہ نکلا۔ بی بلاک میں مختلف وزارتیں 9 کروڑ83 لاکھ 67 ہزار سے زائد کی نادہندہ ہیں کیو بلاک میں وزارت خزانہ سمیت دیگر 4 کروڑ97 لاکھ 20 ہزارروپے سے زائد ، سی بلاک میں واقع وزارتیں 4کروڑ 4 لاکھ 49 ہزار روپے سے زائد کی نادہندہ ہیں پارلیمنٹ ہاؤس کو بھی بجلی بلوں کی مد میں5 کروڑ 20 لاکھ 26 ہزارروپے سے زائد کا نادہندہ بتایا گیا ہے۔
ماحولیاتی تبدیلی آگاہی مہم؛ نوجوانوں میں انعامات تقسیم
ذرائع کے مطابق ایف بی آر بجلی بلوں کی مد میں ایک کروڑ 54 لاکھ 20 ہزارروپے سے زائد کا نادہندہ جبکہ کابینہ بلاک نے بھی بجلی بلوں کی مد میں 7 کروڑ 64لاکھ 97 ہزار سے زائد ادا نہیں کیے اس دوڑ میں سندھ اورپنجاب ہاؤس بھی شامل ہیں جو بالترتیب 66 لاکھ 53 ہزار اور 51 لاکھ 20 ہزار روپے سے زائد کے نادہندہ ہیں فارن سروس اکیڈمی کے ذمہ 41 لاکھ 36 ہزار روپے سے زائد، نیشنل لائبریری کے ذمے ب12 لاکھ 90 ہزار سے زائد اور نیشنل آرٹ گیلری کے ذمےواجب الادا رقم17لاکھ 80 ہزار سے زائد ہےپارلیمنٹ لاجز بجلی بلوں کی مد میں 10 لاکھ سے زائد اورآزاد کشمیر کونسل سیکرٹریٹ 9 لاکھ 85 ہزار سے زائد کی نادہندہ ہے۔
مولانا فضل الرحمان کا فیس بک پیج ہیک
-
بہاولپورمیں خاتون کے ہاں پانچ بچوں کی پیدائش
پنجاب کے شہر بہاولپورمیں ڈیرہ بکھا کی رہائشی خاتون کے ہاں پانچ بچوں کی پیدائش ہوئی ہے۔
باغی ٹی وی: ڈاکٹرز کےمطابق پانچوں بچوں کوانتہائی نگہداشت وارڈ کے بے بی انکیوبیٹر میں رکھا گیا ہے کیونکہ بچوں کی صحت کمزور ہے خاتون نے 5 بچوں کو سرکاری اسپتال نواب سر صادق اسپتال میں جنم دیا ہے،ان کا شوہر طلحہ شفیق نامی شخص کھیتی باڑی کا کام کرتا ہے۔
اسپتال انتظامیہ کے مطابق پیدا ہونے والے بچوں میں 4 لڑکیاں اور ایک لڑکا شامل ہےسرکاری اسپتال میں خاتون کے ہاں 5 بچوں کی پیدائش ڈاکٹرز کی پیشہ ورانہ مہارت کا منہ بولتا ثبوت ہے۔
شٹر ڈاؤن ہڑتال نے ثابت کیا کہ کاروباری طبقہ مسائل کےشکنجے میں ہے،شیخ رشید
دوسری جانب ایک ساتھ 5 بچوں کی پیدائش پر اہلخانہ خوشی سے نہال ہیں اور ان کی جانب سے اسپتال کے عملے کا شکریہ بھی ادا کیا گیا۔
موبائل فون سے تیزی سے پھیلنے والا مرض نوموفوبیا کیا ہے؟
بلوں کیخلاف پشاور میں احتجاج، جماعت اسلامی کے رہنماؤں کیخلاف مقدمہ درج
گلگت بلتستان میں پاک فوج کی تعیناتی کی خبریں اور قیاس آرائیاں بے بنیاد ہیں،وزیر …
-
پی ٹی آئی چیئرمین ایک بار پھر 9 مئی کے واقعات سے منحرف ہو گئے
اٹک: 9 مئی کو ملک بھر میں ہونے والے جلاؤ گھیراؤ کے واقعات پر جے آئی ٹی نے چیئرمین پی ٹی آئی سے 6 مقدمات میں تفتیش کی ،جس میں پی ٹی آئی کے چیئرمین ایک بار پھر 9 مئی کے واقعات سے منحرف ہو گئے۔
باغی ٹی وی: جوائنٹ انویسٹی گیشن ٹیم (جے آئی ٹی) نے اٹک جیل میں چیئرمین پی ٹی آئی سے 9 مئی کے واقعات سے متعلق 6 مقدمات میں تفتیش کی ڈی آئی جی انویسٹی گیشن عمران کشور سمیت پوری جے آئی ٹی ٹیم نے سابق وزیر اعظم سے سوالات کیے۔
جے آئی ٹی نے پوچھا کہ 9 مئی کے بارے میں آپ کی جانب سے اشتعال دلانے کے شواہد موجود ہیں چیئرمین پی ٹی آئی نے جواب دیا کہ میں گرفتار ہو گیا تھا، کسی کو فون کر کے اشتعال نہیں دلایا۔
یوکرین میں دوران پرواز 2 فوجی تربیتی طیارے آپس میں ٹکرا گئے،3 پائلٹ ہلاک
ذرائع کا بتانا ہے کہ جے آئی ٹی نے سوال کیا کہ ایسی ویڈیوز اور کلپس ہیں جن میں مظاہرین آپ کا نام لیتے نظر آتے ہیں، جس پر سابق وزیر اعظم نے جواب دیا کہ کسی کو نہیں اکسایا سب اپنے طور پر کنٹونمنٹ کے علاقے میں گئے، جلاؤ گھیراؤ میں میری پارٹی کے کارکن نہیں، کوئی اور افراد تھے جے آئی ٹی نے چیئرمین پی ٹی آئی سے جمعے کو 30 منٹ اٹک جیل میں ملاقات کی۔
آسٹریلیا کے ساحل کے قریب فوجی ہیلی کاپٹر گر کرتباہ
سوال کیا گیا کہ لوگ کنٹونمنٹ کے علاقے میں کیوں گئے تھے چیئرمین نے جواب دیا کہ جنہوں نے پکڑا تھا انہی کی طرف جانا تھا آپ کے لوگ پکڑتے تو تھانوں کی طرف جاتےسوال کیا گیا کہ آپ کے اشتہاری ملزمان اسلم اقبال، حماد اظہر اور مراد سعید سے بھی رابطوں کے کچھ شواہد ملے ہیں چیئرمین نے جواب میں کہا کہ شواہد ہیں تو رابطے کرنا کون سا جرم ہے، آپ کو جو بات کرنی ہے میرے وکیل سے کریں جے آئی ٹی نے کہا کہ وکیل کو عدالت میں بلایئے گا ہم تفتیش کرنے آئے ہیں۔
امریکا میں سفید فام شخص کی فائرنگ،3 سیاہ فام ہلاک
واضح رہے کہ چئیر مین پی ٹی آئی پر 9 مئی سے متعلق دہشت گردی کے 6 مقدمات درج ہیں جس پر جے آئی ٹی چئیرمین پی ٹی آئی سے تفتیش کر رہی ہے۔
-
دریائے ستلج کے متعدد حفاظتی بند ٹوٹ گئے،60 سے زائد دیہات کے زمینی راستے منقطع
ہیڈ سلیمانکی میں اونچے درجے کا سیلاب، پانی کے تیز بہاؤ کے باعث دریائے ستلج کے متعدد حفاظتی بند ٹوٹ گئے۔
باغی ٹی وی: ذرائع کے مطابق ہیڈ سلیمانکی میں پانی کی آمد اور اخراج ایک لاکھ 36 ہزار 6 سو 32 کیوسک ہوگیا، پانی کے تیز بہا ؤکی وجہ سے متعدد عا ر ضی حفاظتی بند اور سڑکیں ٹوٹ گئیں دریائی بیلٹ سے ملحقہ وسیع علاقہ زیر آب آ چکا ہے، جبکہ درجنوں آبادیوں کے چاروں اطراف پانی ہی پانی ہے-
ذرائع کے مطابق 60 سے زائد دیہات کے زمینی راستے منقطع ہوگئے، ہزاروں ایکڑ فصلیں، املاک تباہ ہوگئیں،انتظامیہ اور ریسکیو ٹیموں کی جانب سے اہل علاقہ کے ساتھ مل کر امدادی کارروائیاں جاری ہیں، ریسکیو ٹیمیں پانی میں پھنسے 8561 افراد کو نکال کر محفوظ مقا ما ت پرمنتقل کر چکی ہیں سیلابی ریلہ ہیڈ اسلام وہاڑی پہنچنے کی اطلاعات سامنے آ رہی ہیں، جس کے باعث ہیڈ اسلام میں پانی کی سطح 94000 کیوسک ہوچکی ہے۔
راولپنڈی سے 2100 کلو مردہ مرغیوں کی کھیپ پکڑی گئی
ترجمان پی ڈی ایم اے کے مطابق قصور، بہاولنگر، اوکاڑہ، پاکپتن، ساہیوال اور وہاڑی کی ہزاروں ایکڑ اراضی زیرآب، فصلیں تباہ ہوچکی ہیں، ستلج میں سیلاب سے بہت سے دیہات کا زمینی رابطہ منقطع ہوگیا ہے، جبکہ متاثرہ افراد امداد کے منتظر ہیں۔
دوسری جانب راولپنڈی اور اسلام آباد میں موسلا دھار بارش کے بعد پنڈی میں رین ایمرجنسی نافذ کردی گئی ایم ڈی واسا کے مطابق اسلام آباد اور راولپنڈی کے بعض علاقوں میں گرج چمک کے ساتھ بارش ہوئی جس کے سبب رین ایمرجنسی نافذ کی گئی ہے شہر میں نکاسی آب کے لیے ہیوی مشینری و عملہ نشیبی علاقوں میں تعینات کردیا گیا ہے، اس کے علاوہ نالہ لئی اور دوسرے نالوں کی مانیٹرنگ بھی کی جا رہی ہے آزاد کشمیر کے مختلف علاقوں غذر اور دیربالا میں بھی تیز ہواؤں کے ساتھ بارش ہوئی محکمہ موسمیات کے مطابق آج اسلام آباد، بالائی پنجاب، خطہ پوٹھوہار، خیبر پختونخوا، گلگت بلتستان اور کشمیر کے بعض مقامات پر موسلادھار بارش کا امکان ہے۔
خیبر پختونخوا کے متعدد اضلاع میں درجنوں مقامی چیئر لفٹس بند
-
اپنی ذاتی زندگی کو سوشل میڈیا پر نہ لائیں ہانیہ عامر کی مداحوں کو نصیحت
معروف اداکارہ ہانیہ عامر جو ٹک ٹاک کی دنیا سے شوبز کی دنیا کا حصہ بنیں، ان کے حصے میںایسے پراجیکٹس آئے کہ آج ان کا شمار ڈرامہ انڈسٹری کی بہترین اداکارائوں میں ہوتاہے . لیکن یہ بات بھی ساتھ ہے کہ ہانیہ کافی کنٹرورشل اداکارہ ہیں کیونکہ ان کا نام ہرکسی کے ساتھ جوڑا جاتا ہے. اسکی وجہ کیا ہے وہ خود ہی بتا سکتی ہیں لیکن حال ہی میں انہوں نے ایک انٹرویو دیا ہے اس میںانہوں نے اپنے تلخ تجربات کا زکر کیا ہے جو ان کو سوشل میڈیا کی وجہ سے ہوئے .
انہوں نے اپنے مداحوں کو نصیحت کرتے ہوئے کہا ہے کہ کبھی بھی اپنی ذاتی زندگی کے معاملات کو سوشل میڈیا پر نہ لائیں ایسا کرکے آپ دوسروں کو اپنی زندگی میں مداخلت کا موقع دیتے ہیں۔ جب آپ کسی کو اپنی زندگی کے معاملات کی جانکاری دے دیتے ہیں اس تک رسائی دے دیتے ہیں تو پھر دوسرے سے گلہ نہیںکیا جا سکتا کہ وہ کیوں آپ کے بارے میں بات کررہا ہے. انہوں نے کہا کہ ”میں نے زندگی میں بہت کچھ سیکھا اور بہت سی باتوں پر کشمکش کا شکار رہی ہوں” لیکن اس بات پر ان مکمل یقین ہے کہ ذاتی معاملات کو اپنی حد تک رکھیں۔
میں ابھی بھی جوان ہوں کیا مطلب ہے تمہارا؟ پوجا بھٹ کا صحافی کو ٹکا …
استاد حامد علی خان کی اہلیہ انتقال کر گئیں
شاہد آفریدی کی سنیل شیٹی سے ملاقات
-
عمران خان اٹک جیل میں قید ہونے والے پہلے سابق وزیراعظم
اٹک: سابق وزیراعظم عمران خان کو اسلام آباد کی ٹرائل کورٹ سے توشہ خانہ کیس میں سزا سنائے جانے کے بعد زمان پارک لاہور سے گرفتاری کے بعد ہفتہ کی شام ڈسٹرکٹ جیل اٹک لے جایا گیا جہاں انہوں نے پہلی رات گزاری-
باغی ٹی وی :پاکستان تحریکِ انصاف کے چیئرمین اور سابق وزیر اعظم عمران خان کو توشہ خانہ کیس میں تین سال قید اور جرمانے کی سزا سنائے جانے کے بعد لاہور میں ان کی رہائش گاہ سے گرفتار کر کے صوبہ پنجاب کے سرحدی ضلعے اٹک کی جیل میں منتقل کر دیا گیا ہے۔
عمران خان کی گرفتاری کے بعد پہلے انھیں ہیلی کاپٹر کی مدد سے اسلام آباد منتقل کرنے کی خبریں گردش کرتی رہیں تاہم بعدازاں پی ٹی آئی چئیرمین کو سخت سیکیورٹی میں بذریعہ موٹر وے جیل لے جایا گیا۔ جیل کی طرف جانے والی تمام سڑکوں کو قانون نافذ کرنے والے اداروں کے سخت حفاظتی دستوں نے گھیرے میں لے لیا تھا۔ اٹک پولیس کو ہدایت ملتے ہی جیل کے اطراف پولیس اور ایلیٹ فورس کی بھاری نفری تعینات کردی گئی۔
اٹک جیل انتظامیہ نےعمران خان سے ملاقات کرانے سے انکار کر دیا،وکیل
نام ظاہر نہ کرنے کی شرط پر جیل کے ایک اہلکار نے بتایا کہ عمران خان کے لیے جیل میں ایک وی وی آئی پی سیل تیار کیا گیا تھا۔ سیل میں ایئر کنڈیشننگ کی کوئی سہولت نہیں ہے لیکن اس کے اندر ایک پنکھا، بستر اور ایک واش روم ہے۔
واضح رہے کہ اٹک پاکستان کے سب سے بڑے صوبے پنجاب کا آخری شمالی شہر ہے جو سنہ 1904 میں انگریزوں کے دورِ حکومت میں کیمبل پور کے نام سے آباد کیا گیا تھا دریائے سندھ کے بائیں کنارے جہاں 120 سال پرانا شہر اٹک موجود ہے وہاں تھوڑے ہی فاصلے پر ‘اٹک خورد’ یعنی چھوٹا اٹک کے نام سے ایک گاؤں اس کہیں پہلے وجود رکھتا ہے۔
عمران خان پہلے سابق وزیراعظم ہیں جو اٹک جیل میں بند ہیں جبکہ سابق وزیراعظم نواز شریف کو 1999 میں اٹک قلعہ میں قید کیا گیا تھا اس سے قبل انہیں 10 سالہ جلاوطنی پر جدہ بھیج دیا گیا تھا اٹک جیل اور قلعہ الگ الگ احاطے ہیں جو ایک دوسرے سے تقریباً 20 کلومیٹر کے فاصلے پر واقع ہیں۔
پاکستان میں انتخابات میں تاخیر ہو سکتی ہے،غیر ملکی ماہرین
قلعہ اٹک خورد میں مغل بادشاہ اکبر کے دور میں 1581-83 میں خواجہ شمس الدین خوافی کی نگرانی میں دریا کے گزرنے کی حفاظت کے لیے تعمیر کیا گیا تھا یہ قلعہ صوبہ خیبرپختونخوا سے متصل دریائے سندھ کے کنارے واقع ہے۔ قلعہ کا داخلی راستہ راولپنڈی-پشاور جی ٹی روڈ کی طرف سے ہے، اس تاریخی قلعے کا ایک حصہ آج بھی پاکستانی فوج کے ‘سپیشل سروسز گروپ’ یعنی کمانڈوز کے زیرِ انتظام ہے۔
دوسری جانب اٹک جیل شہر کے وسط میں راولپنڈی پشاور ریلوے ٹریک کے ساتھ واقع ہے۔ اسے برطانوی حکمرانوں نے 1905-06 میں 67 ایکڑ پر تعمیر کیا تھا برطانوی حکمران اس جیل کو زیادہ تر بغاوت میں ملوث لوگوں کو حراست میں لینے کے لیے استعمال کرتے تھے۔ اسے اب ملک کی ایک ہائی سیکیورٹی جیل سمجھا جاتا ہے جہاں عام طور پر سخت زیر سماعت قیدیوں کو رکھا جاتا ہے۔
اسی قلعے میں سابق فوجی صدر ضیاالحق کے خلاف مبینہ طور پر بغاوت کے مقدمے سمیت بینظیر بھٹو کے خلاف مبینہ سازش کرنے والوں کے خلاف مقدمات چلائے گئے،اور پیپلز پارٹی کے رہنما آصف علی زرداری کے خلاف مقدمات کی سماعت بھی اسی تاریخی قلعے میں ہوتی رہی ہے اور وہ ایک طویل عرصے تک یہیں قید رہے۔
حقِ دفاع سے قبل ہی فیصلہ سنا کر سزا دے دی گئی ہے،وکیل پی ٹی …
اٹک کی ضلعی جیل شہر کے قیام کے ایک برس بعد 1905 میں قائم کی گئی اور پنجاب کے محکمۂ جیل خانہ جات کی ویب سائٹ کے مطابق یہاں 539 قیدی رکھنے کی گنجائش ہے جبکہ اس وقت وہاں اس سے کہیں زیادہ یعنی 804 افراد قید ہیں۔
سابق وزیراعلیٰ پنجاب شہباز شریف کو 1999 میں اٹک فورٹ کی احتساب عدالت سے مشہور MI-8 ہیلی کاپٹر کک بیک کیس میں سزا سنائے جانے کے بعد اٹک جیل میں رکھا گیا تھا مسلم لیگ ن کے قائد نواز شریف کے صاحبزادے حسین نواز، سابق وزیراعلیٰ کے پی سردار مہتاب احمد خان، سابق وزیر مواصلات اعظم خان اور ایم کیو ایم کے رہنما ڈاکٹر فاروق ستار بھی جیل میں قید ہیں اس سال کے شروع میں پی ٹی آئی رہنما شاہ محمود قریشی کو اسی جیل میں رکھا گیا تھا۔
چئیرمین پی ٹی آئی کی گرفتاری پر امریکا کا بیان