Category: کشمیر

حسن مرتضی نے کہا ہہے کہ کشمیری کلبوشن کے وکیل کو مسترد کردیں گے.

سماجی رابطے کی ویب سائیٹ پر جاری کردہ اپنے بیان میں پی پی پی کے رہنما حسن مرتضی نے حکومتی جماعت پرتنقید کرتے ہوئے کہا کہ حکومتی جماعت اوراس کے وزرا آزاد کشمیرمیں عوامی حمایت سے محروم ہو کربوکھلا اٹھے ہیں، گالم گلوچ برگیڈ کوعلی الصبح سیاسی مخالفین کوٹارگٹ کرنے کی ذمہ داری دے دی جاتی ہے، عمران خان بھی جلسوں سے خطاب کی خواہش پوری کرلیں، کشمیری کلبوشن کے وکیل کو مسترد کردیں گے، ان کی سیاسی ومعاشی ساخت توٹ چکی ہے، اب صرف چلاؤ ہے.

آزاد کشمیر کے الیکشن کی تاریخ‌ جونہی نزدیک آرہی ہے، سیاسی گھماگھمی میں اضافہ ہوتا چلا جارہا ہے، مخالف جماعتوں پرالفاظوں کی بوچھاڑکی جارہی ہے، تنقید کا نشانہ بنایا جارہا ہے، سیاسی جوڑ توڑ بھی کیا جا رہا ہے.

آج کے دن لیکن آج سے ٹھیک 90 سال پہلے جب کشمیر کے اس نوجوان قدیر نے اپنے مسلمان ھونے کا فرض اس طرح نبھایا کہ میرے حضور صلیٰ اللہ علیہ وآلہ وسلم بھی روز محشر اسے ھر صورت اپنی بانہوں میں لیں گے، کہ جس کی استقلال کو جناب صدیق نے بوسہ دیا ھو گا، کہ جس کی جرات پر جناب عمر فاروق کا عدل بھی جلال میں آیا ھو گا کہ جس کی ھمت کو جناب عثمان نے داد شجاعت سے نوازا ھو گا ، کہ جس کے عظم کو جناب علی نے شرف قبولیت بخشا ھو گا

میں کیوں نہ آج 90 سال بعد بھی اس نام پر رشک کروں اس دن پر جھوم اٹھوں ان ناموں پر قربان جاؤں اور ان فرعونوں کو کیوں نہ بتلاؤں جنھوں نے اپنے ھر پر فتن دور میں میرے اسلام کو ختم کرنا چاھا، لاکھوں وجود ختم کر دییے عزتیں پامال ھوتی رھیں، نوجوان مذبح خانے پہنچتے رھے لیکن وہ جذبہ جس نے آج سے 90 سال پہلے میرے قرآن کی بے حرمتی پر انگڑائی لی تھی آج وہ جذبہ لاوا بن کر ابل رھا ھے اج تم پاس سے گزرو تو بھسم ھو جاؤ گے۔۔۔

اب باری تمھاری ھے ھم نے تو ایک صدی اس ظلم و جبر کو اپنے سینوں پر سہا ھے لیکن اب باری تمھاری ھے تم جس آگ سے کھیلے ھو اب اس آگ میں جلنے کی ذمہ داری تمھاری ھے۔۔۔

تمھیں تاریخ نے بتلایا نھیں کہ۔۔۔
تم نے جب کشمیر میں اپنے ڈوگرا میں میرے قرآن کو جلایا تھا تم نے جب میرے اسلام سے اپنی نفرت کا کھل کر اظہار کیا تھا۔ تم نے جب قرآن مجید کو جلا کر خود کو خوب اطمینان بخشا کہ طاقت کے نشے نے تمھیں چور کر دیا لیکن تمھیں وہ نوجوان خوب صورت وجیہ چہرہ تاریخ نے دکھلایا نھیں کہ جو شیر کی سی پھرتی سے تم پر لپکا تھا کہ جس نے آواز لگائی تھی اب ظلم نھیں سہنا اب چپ نھیں رھنا یہ وقت ھے اپنا حق لینے کا اور اب سے ھر گزرتا وقت تم پر بھاری ھو گا۔۔۔

لیکن تم بزدل نکلے تمھیں میرے رب کونین کے کلام نے اس قدر خوف میں مبتلا کر دیا کہ جب تمھارے ڈوگرا راج کے سامنے اذان کی صدا بلند ھوئی کہ…

اللہ اکبر اللہ اکبر اور ساتھ ھی دوسری آواز ایک سنسناتی گولی کی تھی اور صدا بلند کرنے والے کو چیرتی گزر گئی…

پھر اسی مجمعے میں سے دوبارہ آواز آئی اشھدالااللہ الاللہ، اشھدالااللہ الاللہ پھر کہیں سے بندوق سیدھی ھوئی اور صدائے اشھداللہ کو خاموش کرا گئی…

اسی لمحے کسی کونے سے پھر سے ننھی آواز اٹھی اشھدانامحمدالرسول اللہ اشھدانامحمدالرسول اللہ اور ایک بار پھر ایک گولی گردن میں پیوست ھوئی اور ننھی آواز دب گئی…

کیا ھی منظر تھا کہ حئیٰ الصلوٰۃ حئیٰ الصلوٰۃ کی گونج اٹھی اور اسی لمحے سینے سے لہو بہا۔۔۔

جذبہ دوراں نہ رکا اور حئیٰ اللفلاح حئیٰ اللفلاح باآواز بلند سنائی دیا پھر ایک گولی چلی اور سر میں جا گھسی کہ ساتھ ٹھہرے قدرے کمزور وجود مگر موت سے بے خوف بچے نے اپنے چہرے سے لہو صاف کیا اور بول اٹھا اللہ اکبر اللہ اکبر لاالہَ الاللہ اور اپنا چہرہ پھر نہ صاف کر سکا…

اور اس طرح ایک اذان کے مکمل ھونے کی قیمت 22 جانوں کا نذرانہ تھا۔۔۔

ایک ایسا نذرانہ کہ جس کا کوئی مول نھیں کہ جس پر کوئی دھول نھیں کہ جس پر کچھ وصول نھیں ایک ایسا کھرا نذرانہ کہ جس نے دنیائے نا حق کو بتلایا کہ۔۔۔

یہ شہادت گہہ الفت میں قدم رکھنا ھے
اور تم آسان سمجھتے ھو مسلماں ھونا

نادان نے سمجھا کہ اب تاریخ نہیں بدلے گی اب یہ لمحات دوبارہ نہیں آئیں گے اب کوئی وادی کشمیر میں قرآن ھاتھ میں نہیں تھامے گا کہیں کسی گنبد پہ لگے سپیکر سے صدائے تکبیر بلند نہ ھو گی کہیں سے کوئی آزادی کی بات نہیں کرے گا کسی کا جذبہ ” ھے حق ھمارا آزادی ھم لیکر رہیں گے آزادی کیلئے نھیں لٹے گا کوئی زبان تیرا میرا رشتہ کیا لاالہ الاللہ نہیں بولے گی…

کیونکہ اب ان میں وہ حوصلہ ھی نھیں اب ان 22 جوانوں کے لاشے دیکھ کر وادی کشمیر کی مائیں بیٹے پیدا کرنا بند کر دیں گی، خود کو بانجھ کر لیں گی، اپنی جوانی ھماری عیاشیوں کے سپرد کر دیں گی لیکن۔۔۔

لیکن یہ کیا ھوا کہ آج 90 سال بعد بھی مائیں بانجھ نہ ھو سکیں بیٹے جننا بند نہ ھو سکے، عزتوں کے محافظ ببانگ دھل سامنے آ ٹھہرے۔۔۔

کسی نے موسیٰ کو پیدا کر دیا
کسی نے ذاکر کو جنم دے دیا
کسی نے ریاض نیکو کو تیار کر دیا
تو کسی نے ایک برھان وانی ھم سب پر مسلط کر دیا۔۔۔

تم نے ایک صدی لگا دی جذبہ حریت کو دبانے میں لیکن وادی کشمیر میں آزادی کی روح فضاء میں معطر ھو گئی۔ وہ ایک اذان جسے تم نے خود پر بھاری سمجھا اور 22 جوان لاشے گردا دئیے آج اسی ایک اذان کا کرشمہ کہ وطن کے گوشے گوشے سے آزادی کی صدائیں بلند ھوتی ھیں۔۔۔

کوئی شک نھیں کہ آج تم ھار گئے ھو
تم نے گولیوں سے وجود چھلنی کئے
تم نے بارود سے کھیل کر ھم کو آزما لیا
ھمیں نظریات سے ختم کرنے کی کوشش کی لیکن تم ھار گئے۔۔۔
آج دیکھو ھر دن ھر لمحہ کو بہ کو ہر زبان یا اللہ بسم اللہ اللہ اکبر کی صدا بلند کرتی ھے..۔

جموں کشمیر یونائٹیڈ موومنٹ شہدا کے مشن کی تکمیل تک جدوجہد جاری رکھے گی،13 جولائی1931 کا دن اسلامی تاریخ میں سنہرے حروف سے لکھا جائے گا، ایک اذان کومکمل کرنے کیلئے 22 نوجوانوں نے شہادت کا نذرانہ پیش کیا،13 جوالائی 1931 کو باطل کے سامنے حق کی جوآوازگونجی تاریخ اسے سنہرے حروف سے یاد رکھے گی۔

سربراہ جموں کشمیریونائٹیڈ موومنٹ سرداربابرحسین نے یوم شہداء کے موقع پر شہدائے جموں کشمیر کو خراج تحسین پیش کرتے ہوئے اپنے بیان میں کہا ہے کہ شہدا کے لہو کا ایک ایک قطرہ نہ ہم بھولیں ہیں اورنہ ہی معاف کریں گے، شہدا جموں کشمیر کا مشن جاری رکھیں گے،13جوالائی 1931کو بائیس حریت پسندوں نے جان کا نذرانہ تو پیش کردیا مگر اذان کو مکمل کیا تھا، یہ وہ دن ہے جب ڈوگرہ مہاراجہ کا ظلم واستبداد انتہا کو پہنچ گیاتھا، یہ ظلم اس وقت سے آج تک جاری ہے، لاکھوں کشمیری شہید ہوچکے ہیں، مگر جدودجہد کل بھی جاری تھی اورآج بھی جاری ہے، وہ وقت دور نہیں جب آزادی کا سورج طلوع ہوگا.

انہوں نے مزید کہا کہ جموں کشمیر یونائٹیڈ موومنٹ شہدا کے مشن کو کبھی فراموش نہیں ہونے دے گی، ہمارا انتخابی سیاست میں آنے کا مقصد ہی آزاد کشمیرکوبیس کیمپ بنا کرآزادی کیلئے جدوجہد کرناہے، جموں کشمیریونائٹیڈ موومنٹ کشمیرکی نمائندہ جماعت ہے جس کے امیدواران قانون ساز اسمبلی شہداء کی بیٹے اوربھائی ہیں، کوئی بھائی بیٹا اپنے شہادتوں کوبھلا کیسے بھلا سکتا ہے، عوام نے مینڈیٹ دیا تو کشمیرکی خوشحالی اورآزادی کشمیرکیلئے حقیقی معنوں میں جدوجہدکریں گے۔

کوٹلی میں جموں کشمیریونائٹیڈ موومنٹ کے نامزد امیدواربرائے ممبر قانون سازاسمبلی سانول آکاش ایڈوکیٹ کا یونین کونسل گوئی دھنواں نے دورہ کیا ہے، ڈورٹوڈورانتخابی مہم، مختلف وفود سے ملاقاتیں، کارنرمیٹنگز کی ہیں.

کوٹلی حلقہ راج محل میں جموں کشمیریونائٹیڈ موومنٹ کے امیدواربرائے ممبرقانون سازاسمبلی سانول آکاش کی انتخابی مہم جاری ہے، اس موقع پرانہوں نے مختلف کارنرمیٹنگز اورعلاقہ عمائدین سے گفتگو کرتے ہوئے کہا کہ میں نے جموں کشمیریونائٹیڈ موومنٹ کا انتخاب نظریات کی بنیاد پرکیا ہے، ہم ذاتی مفادات کی نہیں بلکہ نظریات کی بنیاد پرسیاست کررہے ہیں، اقتدارمیں ہوں یا نہ عوامی خدمت، کشمیرکی خوشحالی اورمقبوضہ کشمیرکی آزادی کیلئے جدوجہد جاری ہے اورجاری رہے گی.

ان کا مزید کہنا تھا کہ شکرگزارہوں گوئی دھنواں کے میرے بزرگوں اورنوجووان دوستوں نے مجھے محبت دی اوراپنی بھرپورحمایت کا یقن دلایا ہے، اس بارنظریاتی جدوجہد کرنے والوں اورخوشحالی کشمیر کیلئے عملی طورپرمصروف جموں کشمیر یونائیٹڈ موومنٹ کی فتح ہوگی۔پچیس جولائی کو صرف کرسی پرمہریں لگیں گی۔

میرپورمیں سیاسی وسماجی رہنماعمرظہورنے چوہدری شبیرچیچی کی حمایت کا اعلان کردیا ہے.

جموں کشمیر یونائٹیڈ موومنٹ کے نامزد امیدواربرائے ممبر قانون سازاسمبلی حلقہ ایل اے تھری میرپورچوہدری شبیرچیچی کی انتخابی مہم جاری ہے، گزشتہ روزشبیر چچی کے اعزازمیں پرانی چونگی میں کارنرمیٹنگ کا انعقاد کیا گیا ہے، جس میں علاقہ کی سیاسی وسماجی شخصیات سمیت لوگوں کی بڑی تعداد نے شرکت کی ہے، اس موقع پرعلاقے کی معروف سیاسی و سماجی شخصیت عمرظہورنے ساتھیوں سمیت جموں کشمیریونائٹیڈ موومنٹ میں شمولیت کا اعلان کیا ہے، چوہدری شبیرچیچی کی حمایت کا اعلان کیا ہے.

عمر ظہورکا کہنا تھا کہ چوہدری شبیر چیچی خدمت انسانیت کے جذبے سے سرشارشخصیت ہیں، جموں کشمیریونائٹیڈ موومنٹ کشمیرکی نمائندہ جماعت ہے، جموں کشمیریونائٹیڈ موومنٹ آرپارکے کشمیریوں کیلئے امید کی کرن بن کرابھری ہے، ساتھیوں سمیت جموں کشمیر یونائٹیڈ موومنٹ کی سپورٹ اورووٹ کا اعلان کرتا ہوں۔

اس موقع پرخطاب کرتے ہوئے چوہدری شبیرچیچی کا کہنا تھا کہ میں عمرظہورسمیت اہل علاقہ کا تہہ دل سے مشکور ہوں کہ آپ نے مجھ پراعتماد کیا اوراپنی حمایت کا یقین دلایا ہے. اب پرانی دونوں جماعتوں کے زوال کا وقت شروع ہوگیا ہے، قوم انہیں ووٹ کی طاقت سے اسمبلی میں پہنچایا تاکہ یہ عوام کہ مسائل حل کریں اورتحریک آزادی کشمیرکیلئے دنیا میں آوازاٹھائیں مگران لوگوں نے قوم کومایوس کیا ہے، اب قوم ووٹ کی طاقت سے ان کا احتساب کرے گی۔

نامزد امیدواراسمبلی ایل اے 18 سردارعبد القیوم نیازی کی جانب سے منڈھول کے مقام پرشاندارجلسے کا اہتمام کیا گیا ہے، اس موقع پرعوام کی بڑی تعداد نے شرکت کی ہے،.

جلسہ کے مہمان خصوصی وفاقی وزیرامورکشمیروگلگت بلتستان علی امین گنڈا پور، وفاقی وزیرمراد سعید، صدر پی ٹی آئی آزاد کشمیر بیرسٹرسلطان محمود چوہدری، رہنما تحریک انصاف تنویرالیاس تھے، مہمانوں خصوصی کی آمد پرپنڈال فلک شگاف نعروں سے گونج اٹھا ہے، اس موقع پر وفاقی وزیرامورکشمیروگلگت بلتستان علی امین گنڈا پور، وفاقی وزیر مراد سعید، سابق وزیراعظم وصدرپی ٹی آئی آزاد کشمیر بیرسٹر سلطان محمود چوہدری، رہنما تحریک انصاف تنویرالیاس نامزد امیدواراسمبلی ایل اے 18 سردارعبد القیوم خان اوردیگر قائدین نے خطاب کیا ہے.

جلسے میں علاقہ مکینوں کی بڑی تعداد موجود تھی، جلسے کے شرکا پرجوش دکھائی دییتے تھے، جلسے میں خواتین نے بھی شرکت کی تھی.

آزاد جموع کشمیرمیں الیکشن کمپین میں سیاسی اندازمیں جاری ہے، ایل اے 38 جموں 5 میں ایم پی اے چوہدری عادل بخش چٹھہ کیطرف سے چوہدری ذیشان یونس ٹانڈہ امیدواربرائے ایم ایل اے کے اعزازمیں منچرچٹھہ میں عشائیہ دیا گیا ہے، اس عشائیہ میں اہل علاقہ کے معززین نے بھی شرکت کی ہے، اہل علاقہ کے معززین نے مسلم لیگ ن کے نامزد امیدوار کو یقین دہانی کروائی ہے کہ 25 جولائی کو اہل علاقہ شیرپرمہرلگائیں گے، مسلم لیگ کے نامزد امیدوار کی مکمل حمایت کا اعلان کیا گیا ہے.

عشائیہ سے خطاب کرتے ہوئے نامزد امیدوار کا کہنا تھا کہ مسلم لیگ ن دنیا کے ہر فورم پر کشمیر کا مقدمہ لڑا ہے، مسلم لیگ ن کشمیر کی عوام کو کبھی مایوس نہیں کرے گی.

حلقہ ایل اے 5 برنالہ میں پاکستان تحریک انصاف برنالہ نے کوٹ جیمل کے مقام پرشاندارسیاسی پاورشو کیا ہے، پی ٹی آئی کے نامزد امیدوار نے اہل علاقہ کے دل جیت لیے ہیں، اہل علاقہ نے نامزد امیوارکی حمایت کا اعلان کردیا ہے.

نامزد امیدواراسمبلی چوہدری انوارالحق نوراورصدرانصاف سپورٹس اینڈ کلچرونگ آزاد کشمیرعمرشہزاد جرال کا کوٹ جیمل کی سرزمین پر شانداراستقبال کیا گیا ہے، متعدد افراد نے دیگرجماعتوں سے علیحدگی اختیارکرتے ہوئے پاکستان تحریک انصاف میں شمولیت کا اعلان کیا ہے.

نامزد امیدوار نے اپنے خطاب میں کہا کہ ہم موروثی سیاست کو ختم کریں گے، باریاں لینے والوں کی اب یہاں کوئی جگہ نہیں ہے، 25 جولائی کو کشمیر کی عوام پی ٹی آئی کو ووٹ دے کر ثابت کریں گہ ہم کشمیر کے محافظ ہیں.

جموں و کشمیریونائیٹڈ موومنٹ کا یونین کونسل تلگراں حلقہ کوٹلہ مظفرآباد میں انتخابی جلسہ ہوا ہے، حلقہ کوٹلہ یوتھ ونگ کی جانب سے سعید انجم مغل کا شاندار استقبال جلسہ گاہ آمد پروالہانہ استقبال کیا گیا ہے، پھولوں کی پتیاں نچھاور کی گئی ہیں، علاقہ عمائدین کا پھولوں کے ہار پہنا کرسعید انجم مغل کی حمایت کا اعلان کیا ہے.

جلسے سے خطاب کرتے ہوئے سعید انجم مغل کا کہنا تھا کہ اہلیان تلگراں نے ثابت کردیا کہ وہ نظریاتی اورتحریک آزادی کشمیر کے پشتیبان ہیں، ہمارا انتخابی منشورمقبوضہ کشمیرکی آزادی اورآزاد کشمیرکی خوشحالی کیلئے جدوجہد کرنا ہے، ریاست آزاد جموں کشمیر میں اس بارہم اگلی بارتم کا کھیل چل رہا ہے، مگراب وقت آ گیا ہے کہ عوام ان موروثی سیاستدانوں کے چنگل سے نکل آئیں، کشمیری قوم پچیس جولائی کوکُرسی کے نشان پرمہر لگائیں، کرپٹ ٹولے سے جان جھڑائیں، جموں کشمیریونائٹیڈ موومنٹ نے باصلا حیت اورعوامی نمائندوں کو ٹکٹ جاری کئے ہیں، میں آپ کا بھائی بیٹا آپ میں سے ہی ہوں اوالیکشن کے بعد بھی آپ میں ہی رہوں گا، ہماری اصل سیاست عوام کی خدمت ہے جو الیکشن سے پہلے بھی جاری ہے، بعد میں بھی جاری رہے گی.

ان کامزید کہنا تھا کہ عوام اب باشعورہوچکی ہے،عوام کو اپنے ووٹ کی طاقت کا ادراک ہوچکا ہے، اب کشمیری عوام کو روایتی ہتھکنڈوں سے خریدا نہیں جا سکتا، ایک غریب گھرانے کا بیٹا ہوں مجھے غریب کا احساس ہے میں اورمیری پارٹی الیکشن کے بعد بھی عوام کی خدمت جاری رکھیں گے۔

کشمیرکی پہلی سیاسی پارٹی جس نے پہلے عملی کام کیے پھرانہی کاموں کواپنا منشوربنایا ہے، ایک سال قبل موومنٹ کا پہلاعوامی پروجیکٹ مساجد کے شہرکوٹلی میں غریب مریضوں کے لیے دسترخوان کا قیام تھا جو رمضان کی آمد پرموبائل سحری پروگرام میں تبدیل ہو گیا ہے.

ورثاء شھداء کی گھریلو کیفیت دیکھتے ہوئے بغیر کسی تفریق کے تحریک کشمیر سے جڑی ہرجماعت بشمول قوم پرست جماعتوں کے شھداء کے ورثاء کے لیے موومنٹ کا وفد 5٫6 گاڑیوں کے پروٹوکول کی صورت میں راشن لے کرشھداء کے گھروں کا دورہ کیا کیوں کہ موومنٹ کے بانیوں کے نزدیک پروٹوکول کے حقیقی حقداراس ارض وطن کے لیے قربانیاں پیش کرنے والے لوگ ہیں، بلدیاتی انتخابات کا نہ ہونا امیدواران اسمبلی کے لیے کرپشن کی راہ ہموار کرتا ہے علاقوں کو پسماندہ بناتا ہے لہٰذا موومنٹ کی پہلی سیاسی تحریک بلدیاتی نظام کی بحالی کے لیے جدوجہد کی تھی جو25 جولائی کے بعد بھی جاری رہے گی.

موومنٹ کے جنرل سیکرٹری امیرحمزہ رافع نے جب نوجوانوں کو نشے کی لت میں مبتلا دھویں اڑانے کوقابل فخرجانتے دیکھا توکشمیرمیں باشعوریونیورسٹی طلباء کو ساتھ ملا کرپریزنٹیشنز تیارکرتے ہوئے چوک چوراہوں میں ڈیجیٹل میڈیا کے ذریعے نوجوانوں کواس کے بارے میں آگہی دی ہے، آزاد کشمیرمیں انتخابات کے دن قریب آتے ہی انہی منظم نوجوانوں نے مشاورت کے بعد عزم کرلیا ہے کہ اسی سال پارٹی کو سیاسی تحریک کا آغازکرنا چاہیے، لہٰذا پارٹی کی رجسٹریشن کے بعد انہی عملی کاموں کومنشوربنا کرقلیل وقت میں کئی حلقوں سے امیدواروں کو میدان میں اتارا ہے.

کیا آپ اس تحریک کا حصہ بن کرآزاد خوشحال کشمیرمیں ہمارا دست و بازو نہیں بنیں گے؟